WƖA YƖƖLAA 113:3 - WƖA TENIŊ

³ Má dɛnnɛ La Tɩɩna a chɩŋ wɩɩpɔsʋŋ a kaa mʋ yi wɩɩjʋʋlʋŋ. La Tɩɩna yɩrɩŋ maga dɩ ʋ yɩrɛ nɛ.

WƖA YƖƖLAA 113:3 ပူးပေါင်းရင်းမြစ်များ

WƖA YƖƖLAA 18:3

Mɩɩ dɛnnɩŋ La Tɩɩna, mɩ sʋla yɩrɩŋ nɛ, ŋ laamɛ ta mɩ dʋndɔŋŋɔɔ nɩsɩŋ lɛ.

WƖA YƖƖLAA 48:10

Wɩa, nɩaa ka dɛnnɩŋ nɛ lee-kala. Ŋ yɩrɩŋ teeli dʋnɩa sɛmɛ kala nɛ. Ŋ naduo-la ka tɩŋ tʋɔpʋl tɩntɩŋŋaa nɛ.

WƖA YƖƖLAA 50:1

La Tɩɩna Wɩa doluŋ kala Tɩɩna yɩrɛ dʋnɩa nɩaa kala nɛ, a chɩŋ wɩɩpɔsʋŋ dɩɩrɩŋ a kaa mʋ wɩɩjʋʋlʋŋ dɩɩrɩŋ a kʋ hɛ dɔŋɔ lɛ.

WƖA YƖƖLAA 72:11

Leŋ dɩ kuoroo kala kpikpirimi ʋ sɩpaaŋ, dɩ tinteyee kala nɩaa tɩma pʋpʋ.

WƖA YƖƖLAA 86:9

Ŋ nɛ ta tinteyee nɩaa kala, La Tɩɩna, ba jaŋ kʋ kpirimi ŋ sɩpaaŋ a dɛnnɩŋ, ba jaŋ yɩrɛ ŋ yɩrɩ-balɩŋ.

AZAAYA 24:16

La jaŋ nɩɩ dɩ dʋnɩa nɩaa kala yɩɩ yɩɩlaa a dɛnnɛ La TƖƖNA, a bʋl, “Ʋ nɛ kɛŋ tʋla arɩ tʋɔpʋla.” Ama mɩ sɩ, “Hɛɛŋ jʋʋmɛ nɛ, mɩ yɛrɛ ta nɛ, mɩ yɛrɛ ta nɛ. Zɛmbɛ tɩŋŋaa ka bɛ nɛ, a bɩ leŋ.”

AZAAYA 49:13

Wɩa-nyuŋ arɩ tinteeŋ kɩaa, má ŋaa goŋ a jʋjʋɔsɛ, peelee ma má yɩyɩɩ yɩɩlaa, bɛɛ wɩaa, La TƖƖNA jaŋ nyagɛ ʋ nɩaa bɔyɛ, aŋ fá ʋ nɩalɩŋ ma sɩɩ na hɛɛŋ nisusuŋ.

AZAAYA 59:19

Nɩalɩŋ sɩ hɛ wɩɩjʋʋlʋŋ dɩɩrɩŋ jaŋ fɩfá La TƖƖNA nɩalɩŋ ma sɩ hɛ wɩɩpɔsʋŋ dɩɩrɩŋ jaŋ zizilu, ʋ jaŋ kʋ tii paaba a nagɛ fuoŋ sɩ suo a pɩpɛllɛ koo pel-duoŋ.

HABAKU 2:14

Ama La Tɩɩna wɩaa arɩ ʋ tʋla jaŋ su tinteeŋ, a nagɛ lɩɩŋ sɩ su mʋgʋ-balɩŋ.

MALAKAƖ 1:11

Tinteyee nɩaa jaŋ zilmi a chɩŋ wɩɩpɔsʋŋ a kaa mʋ wɩɩjʋʋlʋŋ. Lee na-kala ba jaŋ nyɩgɛ kʋsʋɔrʋsʋŋ aŋ kpʋ pʋsʋŋ a ŋaa Wɩɩsʋlɩɩ-la sɩ maga a pɩmɛ. Tinteyee nɩaa kala jaŋ yɩrɛ mɩ yɩrɩŋ. Mɩ-na ma TƖƖNA doluŋ kala Tɩɩna nɛ bʋla.

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”