WƖA YƖƖLAA 100:3 - WƖA TENIŊ

³ Ma jɩma La Tɩɩna nɛ Wɩa, ʋ nɛ ŋaala a tɩɩla, la ŋaa ʋ nɩaa nɛ, ʋ dɩdaala a nagɛ piesee.

WƖA YƖƖLAA 100:3 ပူးပေါင်းရင်းမြစ်များ

2 KUOROO 19:19

La TƖƖNA Wɩa, laala ta Asiiria tɩŋŋaa nɩsɩŋ lɛ dɩ dʋnɩa kuoroo arɩ ba nɩaa kala jɩŋ arɩ ŋ dʋndʋŋa nɛ Wɩa.”

1 IZIRAL TƖŊŊAA NAABARƖŊ 16:14

Ʋ nɛ La TƖƖNA Wɩa, ʋ niiŋ wɩaa hɛ dʋnɩa lee-kala nɛ.

JOB 10:3

Ʋ ŋaa wʋzɔŋ nɛ pɩŋ ŋ sɩɩ dɔgɩsɛmɛ a vɩa nɩɩ-la ŋ sɩ ŋaa? Ŋ tʋɔŋ tɔrɛ wʋbɔmɔ-la nɩbɔŋŋɔɔ sɩɩ ŋaa lɛɛ?

WƖA YƖƖLAA 119:73

Ŋ nɛ ŋaamɛ, a leŋ mɩ nagɛ ŋɩɩ mɩ sɩ naga. Pɩmɛ wʋjɩmɩŋ dɩ mɩ wuo gʋnnɛ wɩalɩŋ ŋ sɩ daga.

WƖA YƖƖLAA 12:4

Ba sɩ, “La nɛ tɩɩ la niiree, la jaŋ wuo bʋl wɩɩkala la sɩ cho. Nʋʋkala bɩ jaŋ wuo pɔ dɩ la sɩ́ wɩaa bʋl.”

WƖA YƖƖLAA 149:2

Iziral tɩmma, má jʋjʋɔsɛ Nɩɩ-la sɩ ŋaa ma lɛ. Zaayɔŋ nɩaa, má leŋ dɩ ma tʋɔŋ tɔrɛ ma Kuoro nyuŋ.

WƖA YƖƖLAA 46:10

Wɩa sɩ, “Má hɔŋ chɩm, ŋɩɩ nɛ ma jaŋ jɩŋ arɩ mɩ nɛ Wɩa. Mɩ yɩrɩŋ jaŋ yɩrɛ tintee kala lɛ. Mɩ yɩrɩŋ jaŋ yɩrɛ dʋnɩa kala lɛ.”

WƖA YƖƖLAA 78:52

Ŋɩɩ nɛ ʋ kɛŋ ʋ nɩaa lɩɩ a nagɛ pie-laalɩŋ, a kɛmba kaa to tintee-hɩlɩŋ a mʋ.

WƖA YƖƖLAA 79:13

La-na ŋ nɩaa jaŋ lʋlɔllʋŋ bʋa na-kala lɛ. La nagɛ piesee nɛ, ŋ ŋaa Nɩɩ-la sɩɩ daala. Nɩalɩŋ ma ba ha sɩ jaŋ lʋl jaŋ nɩɩ dɩ laa dɛnnɩŋ.

WƖA YƖƖLAA 95:3

La Tɩɩna nɛ Wɩɩ-balɩŋ, Ʋ nɛ kuoru-balɩŋ, ʋ nɛ kɩɩ vene kala.

MOSIS KƐŊ IZIRAL TƖŊŊAA LƖƖ 6:7

Mɩ jaŋ jomma dɩ ma ŋaa mɩ nɩaa, ka dɩ mɩ ŋaa ma Wɩa. Ŋɩɩ nɛ ma jaŋ jɩŋ arɩ mɩ nɛ ma Wɩa, ma TƖƖNA, Wɩa-la sɩ laama ta hɛɛ-la ma fa sɩɩ na Ijipiti tɩŋŋaa nɩsɩŋ lɛ.

TƖƖCHA 12:1

Ŋ bapʋɔsʋŋ lɛ, liise yi Wɩa sɩ ŋaaŋ lɛ, ka dɩ tapʋlɩɩ-la wɩaa sɩ jaŋ jʋʋŋ-na yi, ka dɩ jɩsɩ-la sɩ jaŋ yi dɩ ŋ bʋl, “Mɩ bɩ sɩma kala nɩa.”

AZAAYA 63:11

Ŋɩɩ nɛ ʋ nɩaa liise mʋ yi bʋa-la lɛ Mosis arɩ ʋ nɩaa fa sɩ hɛ nɩmɛ, a pɩɛsɛ: Nɩɩ nɛ La Tɩɩna-la fa sɩ kɛŋ ʋ nɩaa arɩ ba sɩpaalaaraa to mʋga tʋɔŋ a lɩɩ hɛ? Nɩɩ-la fa sɩ leŋe ʋ Dɩŋ-zɔmʋŋ hɛ ba tʋɔŋ?

AZAAYA 63:19

La ŋaa ŋ nɩaa nɛ faafaa kala, ka ŋ ŋaa wɩaa la lɛ a nagɛ ŋ ha bɩ la bene aŋ ka koo ŋ ha bɩ la kaa yɩrɛ ŋ nɩaa.

AZAAYA 64:7

La kʋŋkala bɩŋ ka chʋɔlɛ nʋʋkala bɩŋ bee chɛ dɩ ŋ pɛ ʋ lɛ. La wʋbɔŋŋɔɔ leŋe ŋ joŋ harɩŋ a yɩala nɛ a vɩala ta.

JƐRƖMAAYA 10:10

Ama La TƖƖNA nɛ ŋaa Wɩɩ-tɩtɩɩ. Ʋ nɛ Wɩa sɩ weye. Ʋ nɛ kuoru-bal-la sɩ hɛ nɩmɛ a kaa mʋ deeŋ deeŋ. Dɩ ʋ nɛ na baanɩŋ, tinteeŋ yie zigili nɛ. Dɩ ʋ baanɩŋ nɛ sie, tinteyee bɩ jaŋ wuo chɩŋ.

ƐZƖKƖƐL 34:11

Mɩ-na ma TƖƖNA Wɩɩjarɩbakɔ bɩra sɩ: Mɩ tɩtɩa jaŋ chɛ kɛsɛ mɩ piesee a beŋ ba nyuŋ.

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

Ɛfɛsɩs Nɩaa 2:10

Wɩa nɛ ŋaala. Ʋ ŋaala dɩ la dɩ Kirisito Yesu ŋaa kʋbala nɛ a ŋɩŋaa wʋzɔŋŋɔɔ. Ʋ ŋaa wʋzɔŋŋɔɔ deemba bil la lɛ faa faa kala nɛ dɩ la ŋɩŋaaba.

MOSIS BƖRA WULLI WƖA WOMBIIŊ 32:15

Ma Iziral tɩŋŋaa dii kɩaa deemba nɛ a nɛrɛ woruŋ aŋ joŋ harɩŋ yɩa Wɩa sɩ dolie a nagɛ bʋŋ a ŋaama, aŋ vɩa ma Laataara.

MOSIS BƖRA WULLI WƖA WOMBIIŊ 32:6

Ma nɩyaaraa deemba sɩ bɩ wɩɩkala jɩŋ, ŋ-la nɛ maga dɩ ma joŋo ŋaa La TƖƖNA lɛɛ? Ʋ dee ma nyɩmmaa? Ʋ dee bɩ ma ta, a leŋ ma ŋaa nɩaa?

MOSIS BƖRA WULLI WƖA WOMBIIŊ 4:35

La TƖƖNA ŋaa wɩaa deemba kala dɩ ʋ dagɛma nɛ, dɩ ma jɩŋ arɩ ʋ dʋndʋŋa nɛ ŋaa Wɩa, wɩa dɔŋ bɩra tuo.

MOSIS BƖRA WULLI WƖA WOMBIIŊ 4:39

Ma jɩŋ woruŋ jɩnɩŋ a sɩ́ yʋ, La TƖƖNA nɛ ŋaa wɩa-nyuŋ arɩ tinteeŋ kala Wɩa, wɩa dɔŋ bɩra tuo.

MOSIS BƖRA WULLI WƖA WOMBIIŊ 7:9

Ŋɩɩ wɩaa, ʋ maga dɩ ma jɩŋ arɩ La TƖƖNA Wɩa dʋndʋŋa nɛ Wɩa, ʋ nɛ kɛŋ wʋtɩtɩɩ. Ʋ jaŋ leŋ dɩ nii-la sɩ hɛ ma dɩ ʋ pɛgɛ chɩŋ. Ʋ jaŋ dagɛ ʋ chonuŋ a pɩ nɩalɩŋ kala sɩ chou a tuto wɩalɩŋ kala ʋ sɩ daga doho doho bʋɩba.

1 Pɩɩta 2:25

Ma fa nagɛ piesee sɩ yeŋŋe nɛ, ama lɛɛlɛ ma mɩɩra kɔ Pie-daarɩ-la teeŋ nɛ, nɩɩ-la sɩɩ beŋ ma mɩɩsɩŋ.

1 Pɩɩta 2:9

Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.

1 Pɩɩta 4:19

Ŋɩɩ wɩaa, nɩalɩŋ sɩɩ na hɛɛŋ a tɩŋ Wɩa tʋɔtɔrɛ wɩaa ŋaanɩŋ lɛ, ʋ maga dɩ ba joŋ ba tɩtɩa kala a hɛ Wʋtɩtɩɩ Tɩɩna-la sɩ ŋaaba nɩsɩŋ lɛ aŋ ha ŋɩŋaa wʋzɔŋŋɔɔ.

1 Jɔɔŋ 5:20

La bɩra jɩma arɩ Wɩa Bie nɛ kɔ a suri la sɩaa la wuo jɩŋ Wɩɩ-tɩtɩɩ-la. La dɩ Wɩɩ-tɩtɩɩ-la ŋaa kʋbala nɛ. La hɛ ʋ Bie lɛ. Ʋ nɛ ŋaa Wɩa tɩtɩa. Ʋ nɛ joŋ mɩɩsɩ-la sɩ bɩ dɛrɛ pɩla.