WƖA YƖƖLAA 100:2 - WƖA TENIŊ

² Má dɛnnɛ La Tɩɩna arɩ tʋɔtɔrʋŋ, má yɩɩ yɩɩlaa arɩ tʋɔtɔrʋŋ ʋ sɩpaaŋ.

WƖA YƖƖLAA 100:2 ပူးပေါင်းရင်းမြစ်များ

1 KUOROO 8:66

Taŋ sɩ pʋla, kuoro Solomoŋ ta nɩalɩŋ kala ba mʋ dɩɩsɩŋ. Ba kala lɔllʋ aŋ mʋ dɩɩsɩŋ arɩ tʋɔtɔrʋŋ a tɩŋ wʋzɔmɔ-la kala La TƖƖNA sɩ ŋaa pɩ ʋ tɩntɩnna Devit arɩ ʋ nɩaa Iziral tɩŋŋaa.

2 IZIRAL TƖŊŊAA NAABARƖŊ 29:30

Kuoro Hezikaaya arɩ ʋ tɩntɩnnɩ-hɩasɩŋ bʋla pɩ Levi doho nɩalɩŋ dɩ ba yɩɩ yɩɩl-la Devit arɩ Asaf Wɩa wʋlaabʋllʋ-la fa sɩ ŋmʋnsa bil a dɛnnɛ La TƖƖNA. Ŋɩɩ nɛ ba yɩɩ yɩɩlaa arɩ tʋɔtɔrʋŋ a tuu kpirime chʋɔlɛ Wɩa.

2 IZIRAL TƖŊŊAA NAABARƖŊ 31:2

Kuoro Hezikaaya kɛŋ Wɩɩsʋllɩ sɩpaalaaraa arɩ Levi doho kaa kpaa bugoo. Nʋʋkala arɩ ʋ tɩntɩmɩɩ, Wɩɩsʋllɩ sɩpaalaara koo Levi doho nʋʋ, dɩ ba sʋl kʋnyɩgaa Wɩɩsʋlʋŋ arɩ nii-magɛ dɔŋɔ Wɩɩsʋlʋŋ. Dɔnsʋŋ tɩtɩŋ Wɩa dɩɩ-bal-la lɛ a pɛ dɩdɛnnʋ, ka dɔnsʋŋ ma hɛ La TƖƖNA dɩɩ-bal-la boi-baalaa niiŋ a lʋlɔllʋ aŋ yɩɩ yɩɩlaa dɩdɛnnʋ.

WƖA YƖƖLAA 42:4

Mɩ tʋɔŋ yie faasa chei nɛ dɩ mɩ nɛ liise yi faafaa-la mɩ sɩ yie laa Wɩa nɩaa sɩpaaŋ a mʋmʋ Wɩa dɩɩ-balɩŋ la ŋaa goŋ a yɩɩ yɩɩlaa arɩ tʋɔtɔrʋŋ a lʋlɔllɛ Wɩa.

WƖA YƖƖLAA 71:23

Mɩ jaŋ yɩɩ yɩɩlaa a ŋaa goŋ arɩ tʋɔtɔrʋŋ a dɛnnɩŋ arɩ mɩ tʋɔŋ kala, a tɩŋ ŋ sɩ laamɛ ta.

WƖA YƖƖLAA 95:2

Má kɔ ʋ sɩpaaŋ a lɔllʋ, a yɩɩ yɩɩlaa arɩ tʋɔtɔrʋŋ a dɛnnʋ.

MOSIS BƖRA WULLI WƖA WOMBIIŊ 12:12

Nɩmɛ nɛ ma jaŋ gbieli ma TƖƖNA Wɩa sɩpaaŋ. Ma dɩ ma biiriŋ arɩ ma dɩa tɩntɩnnaa arɩ Levi doho nɩalɩŋ sɩ hɛ ma tasɩŋ lɛ. Ma jɩma, ba bɩ tinteeŋ kpaalɩŋ kɛnɛ ma tʋɔŋ.

MOSIS BƖRA WULLI WƖA WOMBIIŊ 16:11

Ma dɩ ma biiriŋ, ma tɩntɩnnaa, baalaa arɩ haalaa, Levi doho nɩalɩŋ arɩ nɩwogusuŋ, biisinsiŋ arɩ yo-haala-la sɩ hɛ ma tʋɔŋ, ma kala maga dɩ má mʋ lee-la ma TƖƖNA sɩ jaŋ lɩɩsɛ dɩ ma zilu nɩmɛ a gbieli ʋ sɩpaaŋ.

MOSIS BƖRA WULLI WƖA WOMBIIŊ 16:14

Ma dɩ ma biiriŋ, ma tɩntɩnnaa, baalaa arɩ haalaa, Levi doho nɩalɩŋ arɩ nɩwogusu-la, biisinsiŋ arɩ yo-haala-la kala sɩ hɛ ma tʋɔŋ, ma kala maga dɩ má gbieli gbiele-la arɩ tʋɔtɔrʋŋ.

MOSIS BƖRA WULLI WƖA WOMBIIŊ 28:47

a tɩŋ ma TƖƖNA Wɩa sɩ joŋ dʋa-la kala a pɩma, ka ma vɩa dɩ ma tutou arɩ tʋɔtɔrʋŋ.

Fɩlɩpa Nɩaa 4:4

Má jʋjʋɔsɛ Wɩa sɩpaaŋ bʋa na-kala. Mɩ jaŋ bɩra bʋla pɩma dɩ ma jʋjʋɔsɛ.