WƖA YƖƖLAA 1:2 - WƖA TENIŊ

² Ba-na tʋɔtɔrʋŋ nɛ dɩ ba to La Tɩɩna wombiiŋ, a kɛŋ wombii-la wɩaa chʋchɔgɩsɛ ba tʋɔŋ lɛ wɩɩhɛyɛ arɩ tɩtaŋɩŋ kala.

WƖA YƖƖLAA 1:2 ပူးပေါင်းရင်းမြစ်များ

WƖAA DƖ-SUOMUŊ 24:63

Ŋɩɩ nɛ dɩdaaŋ kʋbala ʋ lɩɩ jɩl pɔkɔŋ nyuŋ dɩ ʋ kɛŋ ʋ tʋɔbɩɩnaa chɔ, ʋ bee na bʋntaŋŋaba dɩ baa kɔ.

ƐZƖRA 7:10

Ɛzɩra fa joŋ ʋ tɩtɩa hɛ La TƖƖNA wombie-la lɛ nɛ, a gʋgʋnnɛba, a tuto ba, a dɩdagɛ Iziral tɩŋŋaa niiri-la arɩ wombie-la kala.

JOB 23:12

Mɩ bɩ ʋ niiŋ wʋdagaa vɩa. Mɩ cho ʋ niiŋ wɩalɩŋ a kɩɩ mɩ kʋdiilee.

WƖA YƖƖLAA 104:34

La Tɩɩna, a leŋ dɩ mɩ tʋɔbɩɩnaa tɔrɛ ŋ tʋɔŋ, bɛɛ wɩaa ŋ nɛ leŋe mɩ tʋɔŋ tɔrɛ.

WƖA YƖƖLAA 112:1

Má dɛnnɛ La Tɩɩna. Nʋʋ na-kala sɩɩ zil La Tɩɩna tʋɔŋ jaŋ tɔrɛ, nʋʋ na-kala sɩɩ to ʋ niiŋ wɩaa arɩ tʋɔtɔrʋŋ.

WƖA YƖƖLAA 119:1

Nɩalɩŋ sɩ bɩ wʋcheeli kala kɛnɛ jaŋ kɛŋ tʋɔtɔrʋŋ, nɩalɩŋ sɩɩ to La Tɩɩna wombii-la ʋ sɩ bile dɩ la tuto.

WƖA YƖƖLAA 119:11

Mɩ joŋ ŋ niiŋ wɩaa hɛ mɩ tʋɔŋ lɛ nɛ, dɩ ŋɩɩ leŋ dɩ mɩ sɩ́ wʋbɔŋ kala ŋaa chei ŋ lɛ.

WƖA YƖƖLAA 119:35

Leŋ dɩ mɩ to wɩalɩŋ ŋ sɩ daga, mɩ tʋɔŋ tɔrɛ ba lɛ nɛ.

WƖA YƖƖLAA 119:72

Wombii-la ŋ sɩ bile dɩ la tuto kɛŋ nyʋʋrʋŋ mɩ teeŋ, a kɩɩ moribie-la kala sɩ hɛ dʋnɩa lɛ.

WƖA YƖƖLAA 119:92

Dɩ wombii-la ŋ sɩ bile dɩ la tuto dee fa bɩ mɩ tʋɔtɔrʋŋ pa, mɩ fa jaŋ sʋʋ hɛɛ-la sɩ jʋʋmɛ lɛ.

WƖA YƖƖLAA 40:8

Mɩ Wɩa, mɩ cho dɩ mɩ ŋaa wɩalɩŋ sɩɩ tɔrɛ ŋ tʋɔŋ nɛ. Wombii-la ŋ sɩ bile dɩ la tuto hɛ mɩ tʋɔŋ lɛ nɛ.”

WƖA YƖƖLAA 88:1

La TƖƖNA Wɩa mɩ Laataara, tɩtaŋɩŋ arɩ wɩɩhɛyɛ kala nɛ mɩɩ ŋmoo niiŋ ŋ sɩpaaŋ dɩ ŋ pɛ mɩ lɛ.

JƐRƖMAAYA 15:16

Ŋ sɩ bʋl ŋ wɩaa pɩmɛ, mɩ jegile nɩɩ nɛ. Wɩalɩŋ nɩɩ pɩmɛ tʋɔtɔrʋŋ, mɩ choba woruŋ, bɛɛ wɩaa mɩ ŋaa ŋ nʋʋ nɛ, La TƖƖNA Wɩa doluŋ kala Tɩɩna.

Luuk 18:7

Ma saa bɩɩna Wɩa bɩ jaŋ pɛ nɩalɩŋ ʋ sɩ lɩɩsa lɛ dɩ ba laa kʋsɩŋŋaa, dɩ ba nɩɩ yel ʋ teeŋ wɩɩhɛyɛ arɩ tɩtaŋɩŋ kala? Ma bɩɩna ʋ jaŋ kɛmba kaa didieni aŋ vɩa dɩ ʋ pɛ ba lɛɛ.

Luuk 2:37

ka ʋ ŋaa yo-haal a kaa mʋ yi ʋ jɩsɩŋ mahɩŋ banɛsɛ arɩ banɛsɛ lɛ. Ʋ fa yie hɛ Wɩa dɩɩ-balɩŋ lɛ nɛ wɩɩhɛyɛ arɩ tɩtaŋɩŋ kala, ʋ bɩ lɩɩ. Ʋ yie vɔɔ niiŋ nɩmɛ aŋ pɛ chʋchʋɔlɛ Wɩa.

Rom Tɩŋŋaa 7:22

Mɩ cho wɩalɩŋ Wɩa sɩ daga nɛ mɩ tʋɔŋ lɛ, a cho dɩ mɩɩ ŋaaba.

1 Tɛsalonaaka Nɩaa 2:9

La naambiiriŋ, ma jɩŋ ŋɩɩ la fa sɩ faasa tɩŋ a na hɛɛŋ bʋa-la lɛ la fa sɩ bʋl Wɩa wʋzɔmɔ-la aa pɩma. La tɩŋ wɩɩhɛyɛ arɩ tɩtaŋɩŋ kala nɛ, dɩ la sɩ́ ma nyuŋ hɔŋ a gbɛrɛma.

1 Timoti 4:15

Ʋ maga dɩ ŋ ŋɩŋaa wɩaa deemba nɛ. Joŋ ŋ nyuŋ kala hɛ ba lɛ dɩ nʋʋkala wuo na ŋɩɩ ŋ wɩaa sɩ mʋ sɩpaaŋ.

2 Timoti 1:3

Mɩɩ lɔllɛ Wɩa kɩŋkɛŋ, nɩɩ-la mɩ sɩ tɩma pa arɩ tʋɔ-bala, a nagɛ mɩ naabalɩmaba fa sɩ tɩma pʋ ŋɩɩ. Dɩ mɩ nɩɩ chʋɔlɛ Wɩa tɩtaŋɩŋ arɩ wɩɩhɛyɛ kala, mɩ yie liliisi ŋ wɩaa nɛ.

JOSUA 1:8

Kɩkarɩmɛ teŋ-la Mosis sɩ ŋmʋnsɛ mɩ wombiee hɛ bʋa na-kala, aŋ kɛmba chʋchɔgɩsɛ ŋ tʋɔŋ lɛ tɩtaŋɩŋ arɩ wɩɩhɛyɛ, aŋ fɩɛlɛ ŋ sɩaa a to wɩalɩŋ kala ba sɩ ŋmʋnsa hɛ ʋ lɛ. Dɩ ŋ nɛ ŋaa ŋɩɩ, ŋ wɩɩkala jaŋ chaasa vɛŋ woruŋ.

1 Jɔɔŋ 5:3

Dɩ la nɩɩ to wɩalɩŋ ʋ sɩ dagɛla, ŋɩɩ dagɛ arɩ la cho Wɩa nɛ. Ʋ bɩ hɛɩ a pɩla dɩ la to wɩaa deemba,