Tɩntɩŋŋaa 7:9 - WƖA TENIŊ

⁹ Ba tʋɔŋ dɔŋɔ yɩrɩŋ nɛ Josɛf. Kʋkaana-la yaraa bibieri ʋ nyuŋ, ba kɛnʋ kaa yalla pɩ baala kʋbalaba a nagɛ yomo. Ba kɛnʋ kaa mʋ Ijipiti tinteeŋ. Ama Wɩa fa pɛ ʋ lɛ woruŋ

Tɩntɩŋŋaa 7:9 ပူးပေါင်းရင်းမြစ်များ

WƖAA DƖ-SUOMUŊ 39:2

Ŋɩɩ nɛ Wɩa chɩŋ Josɛf harɩŋ, ʋ wɩɩkala wasɛ ʋ kʋhɩaŋ Ijipiti tɩɩna-la dɩa lɛ.

WƖAA DƖ-SUOMUŊ 39:5

Bʋa-la lɛ ʋ sɩ joŋu hɛ ʋ bibeŋ ʋ dɩa arɩ ʋ kʋŋkala ʋ sɩ kɛnɛ, La TƖƖNA pɛ Ijipiti tɩɩna-la dɩa nɩaa kala lɛ a tɩŋ Josɛf wɩaa. La TƖƖNA leŋe Pɔtɩfa kʋŋkala wasɛ nɛ, ʋ dɩa arɩ ʋ baga kɩaa kala.

WƖAA DƖ-SUOMUŊ 45:4

Ŋɩɩ nɛ Josɛf bʋla pɩ ʋ naambiiriŋ, “Ma yaa sʋʋsa kʋ yimi.” Ba sɩ sʋʋsa kʋ yiu, ʋ bʋla pɩba, “Mɩ-na nɛ Josɛf, ma naambile ma sɩ yalla pɩ Ijipiti tɩŋŋaa.

WƖA YƖƖLAA 105:17

Ama Wɩa sɩɩ chɛ dɩ ʋ laa ʋ nɩaa ta, ʋ laa sɩpaaŋ ta nʋʋ kʋbala baa yɩrɛ Josɛf. Ba kɛnʋ yallɛ nɛ a nagɛ yomo, ba kaa mʋ Ijipiti tinteeŋ.

AZAAYA 41:10

Má sɩ́ fawʋllʋŋ fá, mɩ hɛ ma teeŋ nɛ. Má sɩ́ leŋe dɩ ma tʋɔŋ vʋgʋmɛ, mɩ nɛ ma Wɩa. Mɩ jaŋ pɛ ma lɛ a pɩma doluŋ, mɩ jaŋ pɔma a laama ta.

AZAAYA 43:2

Dɩ ma nɛ hɛ lɩɩŋ tʋɔŋ ma, mɩ jaŋ hɛ ma teeŋ, lɩɩ-la bɩ jaŋ wuo pɛllɛ paama. Dɩ ma nɛ hɛ nyiniŋ tʋɔŋ ma, ʋ bɩ jaŋ nyɩgɛma, ʋ bɩ jaŋ wuo diima.

HAGAƖ 2:4

La TƖƖNA bɩra sɩ, “Zerubabɛl, kɛŋ bɔɩ-duoŋ a tɩŋ, Jehozadak nanʋala Josua ma sɩ ŋaa Wɩɩsʋllɩ sɩpaalaaraa nɩhɩaŋ, ŋ ma kɛŋ bɔɩ-duoŋ a tɩŋ. Ma nɩkaana-la kala sɩ hɛ tintee-la lɛ, má ma kɛŋ bɔɩ-duoŋ a tɩŋ. Mɩ hɛ ma teeŋ nɛ, mɩ-na ma TƖƖNA doluŋ kala Tɩɩna nɛ bʋla.

Matiu 27:18

Paalɩt fa jɩma arɩ Juu tɩŋŋaa kʋhɩasɩŋ yaraa faa bieru nɛ, ŋɩɩ nɛ tɩɩ ba kɛŋ Yesu kaa kɔ ʋ teeŋ.

1 Kɔrɩntɩ Nɩaa 13:4

Dɩ ŋ nɛ cho nɩaa, ŋ jaŋ kɛŋ kenyiri ba teeŋ a kɛŋ zile ma, ŋ bɩ jaŋ kɛŋ yarɩ-bieriŋ nɩaa teeŋ, ŋ bɩ jaŋ bibigisi ŋ tɩtɩa lɛ ba teeŋ, ŋ bɩ jaŋ ŋɩŋaa sɩɩ-duoŋ ma ba lɛ.