Tɩntɩŋŋaa 7:3 - WƖA TENIŊ

³ Wɩa fa bʋla pʋ, ‘Lɩɩ ŋ tinteeŋ lɛ, a leŋ ŋ nɩaa, aŋ mʋ tintee-la mɩ sɩ jaŋ dagɩŋ.’

Tɩntɩŋŋaa 7:3 ပူးပေါင်းရင်းမြစ်များ

WƖAA DƖ-SUOMUŊ 12:1

La TƖƖNA fa bʋla pɩ Abɩram: “Lɩɩ ŋ tinteeŋ lɛ, a leŋ ŋ doho nɩaa arɩ ŋ dɩa nɩaa kala aŋ mʋ tintee-la mɩ sɩ jaŋ dagɩŋ.

WƖAA DƖ-SUOMUŊ 15:7

Ŋɩɩ nɛ La TƖƖNA bʋla pʋ, “Mɩ nɛ kɛnɩŋ lɩɩ Uu sɩ hɛ Babɩlɔŋ tinteeŋ kɔ dɩ mɩ joŋ tinteeŋ deeŋ pɩŋ nɛ. Ʋ jaŋ ŋaa ŋ kʋŋ.”

WƖAA DƖ-SUOMUŊ 20:13

Wɩa sɩ ŋaa mɩ lɩɩ mɩ nyɩmma dɩa lɛ, mɩ bʋla pɩ mɩ haala Sara, ‘Ŋ-la nɛ ŋ jaŋ dagɛ arɩ ŋ chomi nɛ: Dɩ la nɛ mʋ lee-kala, bʋl mɩ ŋaa ŋ dɩbaal nɛ.’ ”

NƐHƖMAAYA 9:8

Ŋ na dɩ ʋ kɛŋ wʋtɩtɩɩ nɛ ŋ teeŋ, ŋɩɩ nɛ ŋ hɛ niiŋ ŋ dɩ ʋ pɛgɛ arɩ ŋ jaŋ joŋ nɩaa deemba tinteeŋ a pɩ ʋ doho nɩaa: Kɛnaŋ tɩŋŋaa, Hiti tɩŋŋaa, Amɔrɩ tɩŋŋaa, Pɛrɛs tɩŋŋaa, Jebus tɩŋŋaa arɩ Gɩgasɩ tɩŋŋaa. Ŋ kɛŋ nii-la ŋ sɩ hɛ kaa tɩŋ nɛ, bɛɛ wɩaa ŋ ŋaa tʋɔpʋl Tɩɩna nɛ.

Matiu 10:37

Nɩɩ-la kala sɩ cho ʋ nyɩmma arɩ ʋ naaŋ a kɩɩmɛ, ʋ bɩ maga dɩ ʋ ŋaa mɩ harɩ-tooru. Nɩɩ-la kala ma sɩ cho ʋ bie koo ʋ tolo a kɩɩmɛ, ʋ bɩ maga dɩ ʋ ŋaa mɩ harɩ-tooru.

Luuk 14:33

Ŋɩɩ nɛ Yesu bɩra bʋla pɩba, “Ŋɩɩ tɩtɩa nɛ ma kʋŋkala bɩ jaŋ wuo ŋaa mɩ harɩ-tooro, see ŋ vɩa kʋŋkala ŋ sɩ kɛnɛ ta.

Tɩntɩŋŋaa 7:4

Ŋɩɩ nɛ ʋ sii lɩɩ Kalidiya tinteeŋ lɛ a mʋ hɔŋ taŋ kʋbala baa yɩrɛ Haraŋ lɛ. Nɩmɛ nɛ Abɩraham nyɩmma sʋʋ. Ŋɩɩ nɛ Wɩa leŋ ʋ sii lee-la a kɔ tinteeŋ deeŋ ma nɩaa deemba sɩ hɔnɔ lɛɛlɛ.

2 Kɔrɩntɩ Nɩaa 6:17

Ŋɩɩ wɩaa má lɩɩsɛ ma tɩtɩa nɩalɩŋ sɩ bɩ Yesu wɩaa laa dii tʋɔŋ, a hɔŋ ma dʋndʋŋ. Má sɩ́ kɩalɩŋ sɩ kɛŋ disiniŋ digu. Dɩ ma nɛ lɩɩsɛ ma tɩtɩa wɩaa deemba lɛ, mɩ jaŋ laa ma.

Hiburu TƖŊŊAA 11:8

Abɩraham ma fa laa Wɩa wɩaa dii nɛ. Wɩa bʋla pʋ dɩ ʋ lɩɩ ʋ jaŋ lɛ a mʋ tinteeŋ dɔŋɔ, dɩ ʋ jaŋ joŋ lee-la a pɩ ʋ dɩ ʋ doho nɩaa. Ʋ to Wɩa niiŋ lɛ a lɩɩ ʋ jaŋ lɛ a mʋmʋ lee-la. Ʋ fa bɩ lee-la ʋ sɩɩ mʋ jɩŋ.

JOSUA 24:3

Ŋɩɩ nɛ mɩ kɛŋ Abɩraham sɩ ŋaa ma naabalɩma, a lɩɩ Yufireti fuo-la cholo tintee-la lɛ, a kɛnʋ to Kɛnaŋ tinteeŋ a leŋ ʋ doho nɩaa pʋŋ woruŋ. Mɩ fa leŋe ʋ lʋl Aɩzɩk nɛ,