Tɩntɩŋŋaa 27:4 - WƖA TENIŊ

⁴ La bɩra sii nɩmɛ a mʋmʋ. La sɩɩ mʋ, dɩ peliŋ lu lɩɩ lee-la la fa sɩ chaasa. La mɩɩra mʋ to tinteeŋ kʋbala lɩɩŋ sɩ gollo chu, baa yɩrɛ Saapʋrɔs. La to sɛmɛ-la sɩ kɛrɛ peliŋ.

Tɩntɩŋŋaa 27:4 ပူးပေါင်းရင်းမြစ်များ

Matiu 14:24

Bʋa-la lɛ dɩ lɩɩŋ daboro-la yi lɩɩŋ tʋtʋɔbaanɩŋ. Lɩɩ-peliŋ kaa viviisi, ba fa chaasɛ pel-la nɛ.

Maak 6:48

Ŋɩɩ nɛ Yesu bee na dɩ peliŋ ka lu a pɔ dɩ lɩɩŋ daboro-la sɩ́ mʋ. Ʋ harɩ-tooroo duori duori lɩɩŋ daboro-la lɔl. Sɩɩpʋʋraa ʋ sii a vɛŋ lɩɩŋ nyuŋ a mʋmʋ a kʋ kpagɛba a chɩchɛ dɩ ʋ kieliba bal.

Luuk 8:22

Tapʋlɩɩ kʋbala Yesu arɩ ʋ harɩ-tooroo sii jʋʋ lɩɩŋ daboro. Ŋɩɩ nɛ Yesu bʋl dɩ ba chol mʋga cholo dɔŋɔ. Ba jʋʋ lɩɩŋ daboro-la a duoro mʋ.

Tɩntɩŋŋaa 13:4

Wɩa Dɩŋ-zɔmʋŋ sɩ tɩmba ŋɩɩ, ba sii mʋ Sɛlʋsɩa, a lɩɩ nɩmɛ a jʋʋ lɩɩŋ daboro, a mʋ tintee kʋbala lɩɩŋ sɩ gollo chu baa yɩrɛ Saapʋrɔs.

Tɩntɩŋŋaa 15:39

Ba faasa kɛŋ wɩɩŋ deeŋ kaa lɛrɛ kɩŋkɛŋ, a pɔrɛ dɔŋɔ lɛ. Ŋɩɩ nɛ Banabas kɛŋ Jɔɔŋ Maak, ba jʋʋ lɩɩŋ daboro a duoro mʋ Saapʋrɔs.

Tɩntɩŋŋaa 21:16

Nɩalɩŋ dɔnsʋŋ sɩ laa Yesu wɩaa dii a lɩɩ Sɩzarɩya ma to la harɩŋ a mʋ, a kɛnla kaa mʋ jʋʋ baal kʋbala dɩa baa yɩrɛ Mineesiŋ. Ʋ lɩɩ Saapʋrɔs nɛ. Ʋ laa Yesu wɩaa dii bʋa-la lɛ ba fa sɩ suomo bʋbʋl Yesu wɩaa pɩpɩ nɩaa nɛ.

Tɩntɩŋŋaa 21:3

La sɩɩ mʋ ŋɩɩ, la na lee kʋbala la nagʋa, baa yɩrɛ Saapʋrɔs. La kieli nɩmɛ a mʋ yi Siiria tinteeŋ. La mʋ chɩŋ taŋ kʋbala lɛ baa yɩrɛ Taaya. Nɩmɛ nɛ lɩɩŋ daboro-la chɛ dɩ ʋ chɩŋ dɩ ba chaarɛ chʋgʋsʋŋ.

Tɩntɩŋŋaa 27:7

La fɩɛla duori ŋɩɩ deeŋ deeŋ tapʋl daŋ a na hɛɛŋ kɩŋkɛŋ, aŋ lɛɛlɛ kʋ kpagɛ taŋ kʋbala baa yɩrɛ Sɩnaadas. Pel-la bɩ sɛyɛ dɩ la to nɩmɛ. Ŋɩɩ nɛ la bɩra duoro kpɛrɛ to tinteeŋ kʋbala lɩɩŋ sɩ gollo chu, baa yɩrɛ Kiriiti, a kʋ yi lee kʋbala baa yɩrɛ Salimoni. La kpɛrɛ to tintee-la sɛmɛ-la sɩ kɛrɛ peliŋ.

Tɩntɩŋŋaa 4:36

Baal kʋbala ma nɛ fa hɛ nɩmɛ, baa yɩrɛ Josɛf. Ʋ fa ŋaa Levi doho nʋʋ nɛ a lɩɩ Saapʋrɔs tinteeŋ. Yesu nanzɔɔba-la ma kɛnʋ kaa yɩyɩrɛ Banabas. (Ʋ bʋbʋɔŋ nɛ, ʋ fa yie bʋl wɩaa pɩ nɩaa ba nyusuŋ nyɩnyaasɛ.)