Tɩntɩŋŋaa 26:4 - WƖA TENIŊ

⁴ Juu tɩŋŋaa kala jɩŋ mɩ fa sɩ nagɛ ŋɩɩ nɛ mɩ hambiriŋ kala lɛ, mɩ sɩ hɛ mɩ tinteeŋ lɛ arɩ Jerusalɛm kala lɛ.

Tɩntɩŋŋaa 26:4 ပူးပေါင်းရင်းမြစ်များ

Tɩntɩŋŋaa 22:3

“Mɩ ŋaa Juu tɩɩna nɛ. Ba lʋlmɛ Taasɩs lɛ nɛ, Siliisia tinteeŋ. Mɩ hambiiriŋ lɛ nɛ ba kɛmmɛ kaa kɔ daha a bemmi. Gamalɩɛl nɛ dagɛmɛ. Ʋ dagɛmɛ la naabalɩmaba wombii-la ba sɩɩ to arɩ sɩɩfɩɛsɩŋ. Mɩ tou woruŋ a joŋ mɩ tɩtɩa kala pɩ Wɩa, arɩ ma ma sɩ hɛ daha jɩnɩmba a ŋɩŋaa ŋɩɩ.

Tɩntɩŋŋaa 24:14

Wɩɩ-la mɩ sɩ jaŋ bʋla pɩŋ arɩ ʋ ŋaa wʋtɩtɩɩ nɛ ŋ-la: Mɩ maa chʋɔlɛ Wɩa-la la naabalɩmaba sɩɩ to nɛ a ŋaa nʋʋ sɩɩ to Wɩɩchʋɔlɛ wombii-la ba sɩɩ chei. Mɩ ma laa wɩalɩŋ kala Mosis sɩ ŋmʋnsa bil dɩ la to dii nɛ, aa to wɩalɩŋ Wɩa wʋlaabʋllaa sɩ ŋmʋnsa ma kala.

Galiisia Nɩaa 1:13

Ma nɩɩ ŋɩɩ mɩ fa sɩ naga bʋa-la lɛ mɩ sɩɩ to Juu tɩŋŋaa Wɩɩ-chʋɔlʋŋ wombiiŋ nɛ. Ma nɩɩ ŋɩɩ mɩ fa sɩ to naasɩŋ a dɔgɩsɛ nɩalɩŋ sɩ laa Yesu wɩaa dii aa hilimi nɛ. Mɩ ŋaa mɩ kukeri kala nɛ dɩ mɩ chei ba tɩntɩŋŋaa.

Fɩlɩpa Nɩaa 3:5

Ba sɩ lʋlmɛ, tapʋl-chorimuŋ chɛɛŋ nɛ ba keri mɩ peniŋ. Mɩ ŋaa Iziral tɩɩna tɩtɩɩ nɛ, a lɩɩ Bɛnjamɩŋ doho nɩaa tʋɔŋ. Mɩ naaŋ arɩ mɩ nyɩmma ŋaa Hiburu tɩmma nɛ. Dɩ Juu tɩŋŋaa naabalɩma wombii-la nɛ maa to, mɩ ŋaa Farisii tɩɩna nɛ.

2 Timoti 3:10

Ama ŋ-na jɩŋ wɩalɩŋ mɩ sɩɩ dagɛ nɛ, a jɩŋ mɩ mɛlɛ, a jɩŋ wɩɩ-la mɩ sɩɩ chɛ dʋnɩa lɛ, a bɩra jɩŋ ŋɩɩ mɩ sɩ chɩŋ wɩalɩŋ mɩ sɩ laa dii lɛ, a kɛŋ kenyiri, a cho nɩaa aŋ kɛŋ nyalɩma ma.