Tɩntɩŋŋaa 22:3 - WƖA TENIŊ

³ “Mɩ ŋaa Juu tɩɩna nɛ. Ba lʋlmɛ Taasɩs lɛ nɛ, Siliisia tinteeŋ. Mɩ hambiiriŋ lɛ nɛ ba kɛmmɛ kaa kɔ daha a bemmi. Gamalɩɛl nɛ dagɛmɛ. Ʋ dagɛmɛ la naabalɩmaba wombii-la ba sɩɩ to arɩ sɩɩfɩɛsɩŋ. Mɩ tou woruŋ a joŋ mɩ tɩtɩa kala pɩ Wɩa, arɩ ma ma sɩ hɛ daha jɩnɩmba a ŋɩŋaa ŋɩɩ.

Tɩntɩŋŋaa 22:3 ပူးပေါင်းရင်းမြစ်များ

2 SAMƲƐL 21:2

Ŋɩɩ nɛ Devit yɩrɛ Gibioŋ tɩŋŋaa kala hɛ dɔŋɔ. (Gibioŋ tɩmma-la fa bɩ Iziral tɩmma ŋaa, ba ŋaa Amɔrɩ tɩŋŋaa nɩkaanaa nɛ, Iziral nɩaa fa ŋmɩɛsa pɩba nɛ arɩ ba bɩ jaŋ kpʋba, ka Sɔɔl chɩchɛ dɩ Iziral arɩ Juda tinteeŋ kɛŋ doluŋ, ʋ tɩŋ ŋɩɩ wɩaa a chɩchɛ dɩ ʋ kpʋ Gibioŋ nɩalɩŋ.)

2 KUOROO 4:38

Ŋɩɩ harɩŋ lɛ nɛ Elaasa mɩɩra kɔ Gɩlɩgal tinteeŋ, dɩ losuŋ jʋʋ nɩmɛ. Tapʋlɩɩ kʋbala ʋ dɩdagɛ Wɩa wʋlaabʋlla-la sɩ kɔ ʋ teeŋ. Ŋɩɩ nɛ ʋ bʋla pɩ ʋ tɩntɩnna, “Hɛ nyiniŋ a joŋ pupoi-balɩŋ a chɔ dɩsɩŋ pɩ Wɩa wʋlaabʋllaa deemba.”

Luuk 10:39

Ʋ ŋaana ma fa hɛ nɩmɛ, baa yɩrʋ Mɛɛrɩ. Yesu sɩ hɔŋ dɩa-la tʋɔŋ, ʋ kʋ hɔŋ Yesu sɛmɛ a jegilee nɩɩ wɩalɩŋ ʋ sɩɩ bʋl,

Luuk 2:46

Ʋ tapʋlaa batori chɛɛŋ nɛ ba naʋ Wɩa-dɩɩ-balɩŋ lɛ, dɩ ʋ dɩ Wɩa teniŋ kerichiba hɔnɔ. Ʋʋ jegili wɩalɩŋ ba sɩɩ bʋl aŋ pɛ pɩpɩɛsɛba wɩaa ma.

Luuk 8:35

Nɩaa sii lɩɩ mʋ dɩ ba na wɩɩ-la sɩ ŋaa a kɔ Yesu teeŋ. Baa kɔ dɩ baal-la Yesu sɩ kiri jɩnsɩŋ ʋ lɛ, dɩ ʋ hɔŋ Yesu sɛmɛ a laalɛ gɛrɩŋ a kɛŋ yarɩfɩɛlaa. Ba sɩ na ŋɩɩ, fawʋllʋŋ kɛmba.

Tɩntɩŋŋaa 11:25

Ŋɩɩ nɛ Banabas sii mʋ Taasɩs dɩ ʋ chɛ Sɔɔl leriŋ.

Tɩntɩŋŋaa 15:23

Ba joŋ teniŋ tɩmba. Teŋ-la lɛ ba fa ŋmʋnsɛ ŋ-la nɛ, “La nɩalɩŋ sɩ ŋaa Yesu nanzɔɔba arɩ la kʋhɩasɩŋ, ma naambiiriŋ, laa chʋɔlɛ ma nɩalɩŋ sɩ laa Yesu wɩaa dii aŋ bɩ Juu tɩŋŋaa ŋaa a hɛ Antɩɔk arɩ Siiria arɩ Siliisia lɛ.

Tɩntɩŋŋaa 15:41

Ŋɩɩ nɛ ba sii to Siiria arɩ Siliisia tinteeŋ, a bʋl wɩaa pɩ nɩalɩŋ sɩ laa Yesu wɩaa dii aa hilimi nɩmɛ, dɩ ba chɩŋ ŋɩɩ ba sɩ laa Wɩa wɩaa dii lɛ.

Tɩntɩŋŋaa 21:20

Ba sɩ nɩɩ wɩɩŋ deeŋ, ba dɛnnɛ Wɩa aŋ bʋla pɩ Pɔɔl, “La naambii, bee na Juu tɩŋŋaa yʋga a laa Yesu wɩaa dii. Ba yi nɩaa bʋɩ bʋɩ bʋɩ a kala tuto wɩalɩŋ woruŋ Mosis fa sɩ ŋmʋnsa bil dɩ nɩaa tuto.

Tɩntɩŋŋaa 21:39

Pɔɔl sɩ, “Aɩ, mɩ ŋaa Juu tɩɩna nɛ a lɩɩ Taasɩs, Siliisia tinteeŋ tabalɩŋ. Mɩ tabalɩŋ ŋaa sɩɩfɩaŋ tabal nɛ. Mɩɩ sʋlʋŋ dɩ ŋ leŋ dɩ mɩ bʋl wɩaa pɩ nɩalɩŋ.”

Tɩntɩŋŋaa 23:34

Ŋɩɩ nɛ nɩɩ-la sɩ chɩŋ ba kuoru-balɩŋ nyuŋ karɩmɛ teŋ-la aŋ pɩɛsɛ Pɔɔl lee-la ʋ sɩ lɩa. Ʋ bʋl dɩ ʋ lɩɩ Siliisia nɛ. Ʋ sɩ nɩɩ ŋɩɩ,

Tɩntɩŋŋaa 23:6

Pɔɔl sɩ kʋ jɩŋ dɩ nɩalɩŋ sɩ yie hilime vʋvʋʋrɛ wɩaa, arɩ dɔnsʋŋ ŋaa nɩalɩŋ ba sɩɩ yɩrɛ Saduusi tɩŋŋaa nɛ, dɔnsʋŋ ma ŋaa Farisii tɩŋŋaa, ʋ faasa bʋl nɩalɩŋ sɩ yie hilime vʋvʋʋrɛ wɩaa teeŋ a bʋl, “Mɩ naambiiriŋ, mɩ ma ŋaa Farisii tɩɩna nɛ, nɩɩ-la sɩ lʋlmɛ ma ŋaa Farisii tɩɩna nɛ. Mɩ laa dii arɩ nɩalɩŋ sɩ sʋba jaŋ sii sʋʋŋ lɛ a kɛŋ mɩɩsɩŋ. Ŋɩɩ nɛ tɩɩ baa diimi sarɩya.”

Tɩntɩŋŋaa 26:5

Ba jɩmmɛ faafaa kala nɛ, dɩ ba nɛ jaŋ sɛɩ a bʋl wʋtɩtɩɩ, ba jɩma arɩ bumbuŋ kala mɩ faa to Farisii tɩŋŋaa Wɩɩchʋɔlɛ wombii-duo-la nɛ.

Tɩntɩŋŋaa 26:9

Mɩ ma tɩtɩa fa laa dii arɩ ʋ maga dɩ mɩ ŋaa wɩɩ-la kala mɩ sɩ jaŋ wuo ŋaa a chei Yesu sɩ lɩɩ Nazarɛt yɩrɩŋ nɛ.

Tɩntɩŋŋaa 5:34

Farisii tɩɩna kʋbala ma nɛ fa hɛ nɩalɩŋ sɩ yie hilime vʋvʋʋrɛ wɩaa tʋɔŋ baa yɩrɛ Gamalɩɛl. Ʋ nɛ faa dagɛ wɩalɩŋ Mosis fa sɩ ŋmʋnsa bil dɩ nɩaa tuto. Nʋʋkala zizilu. Ʋ sii chɩŋ a bʋl dɩ ba leŋ dɩ Yesu nanzɔɔba-la lɩɩ dɩ-jalɩŋ mʋapɩlɩɩ.

Tɩntɩŋŋaa 6:9

Nɩaa dɔnsʋŋ fa hɛ nɩmɛ, a ŋaa Juu tɩŋŋaa a lɩɩ Siriini, arɩ Alɛkɩzandɩrɩa. Ba fa lɩɩ Wɩɩchʋɔlɛ dɩa-la ba fa sɩɩ yɩrɛ ‘yosuŋ ba sɩ joŋo ta’. Dɔnsʋŋ ma fa ŋaa Juu tɩŋŋaa a ma lɩɩ Siliisia arɩ Esia. Ba lɩɩ Sɩtɩɩvɩŋ harɩŋ a kɛŋ wɩaa lɩlɛrɛ.

Tɩntɩŋŋaa 9:1

Ŋɩɩ nɛ Sɔɔl ha fufugisi La Tɩɩna Yesu harɩ-tooro-la arɩ ʋ jaŋ kpʋba, a sii mʋ Wɩɩsʋllɩ sɩpaalaaraa kʋhɩaŋ teeŋ,

Tɩntɩŋŋaa 9:11

Ŋɩɩ nɛ La Tɩɩna Yesu bʋla pʋ, “Sii mʋ wombii-la ba sɩɩ yɩrɛ wombii-tegi tegi a mʋ baal kʋbala dɩa ʋ yɩrɩŋ nɛ Judas, a pɩɛsɛ chɛ baal-la sɩ lɩɩ taŋ kʋbala baa yɩrɛ Taasɩs. Baal-la yɩrɩŋ nɛ Sɔɔl, ʋʋ chʋɔlɛ Wɩa nɛ lɛɛlɛ ŋ-la.”

Tɩntɩŋŋaa 9:30

Ʋ naambiiri-la sɩ nɩɩ wɩɩŋ deeŋ, ba kɛnʋ kaa mʋ Sɩzarɩya a ŋaa ʋ mʋ Taasɩs.

Rom Tɩŋŋaa 11:1

Ŋɩɩ-na saa Wɩa vɩa ʋ nɩaa nɛ koo? Aɩ, mɩ ma tɩtɩa ŋaa Iziral tɩɩna nɛ, a ŋaa Abɩraham doho nʋʋ a lɩɩ Bɛnjamɩŋ nɩaa tʋɔŋ.

2 Kɔrɩntɩ Nɩaa 11:22

Ba ŋaa Hiburu tɩmma nɛɛ? Mɩ ma ŋaa dɔŋɔ nɛ. Ba ŋaa Iziral tɩmma nɛɛ? Mɩ ma ŋaa dɔŋɔ nɛ. Ba ŋaa Abɩraham doho nɩaa nɛɛ? Mɩ ma ŋaa dɔŋɔ nɛ.

Galiisia Nɩaa 1:14

La Juu tɩŋŋaa Wɩɩ-chʋɔlʋŋ wombiiŋ lɛ, mɩ nɛ fa jɩŋ wɩaa kɩɩ mɩ dɔnsʋŋ tɩŋŋaa jesiŋ kala. Mɩ fa joŋ mɩ nyuŋ kala a hɛ la naabarɩŋ wombiiŋ lɛ nɛ.

Galiisia Nɩaa 1:21

Ŋɩɩ nɛ mɩ sii Jerusalɛm lɛ, a mʋ Siiria arɩ Siliisia tinteeŋ.

MOSIS BƖRA WULLI WƖA WOMBIIŊ 33:3

Wʋtɩtɩɩ, La TƖƖNA cho ʋ nɩaa nɛ. Nɩalɩŋ kala sɩ kɛŋ tʋɔpʋla hɛ ʋ nɩsɩŋ lɛ nɛ, ʋ sɩpaaŋ nɛ ba kala kpirimi a laa wɩalɩŋ ʋ sɩ daga,