Tɩntɩŋŋaa 21:3 - WƖA TENIŊ

³ La sɩɩ mʋ ŋɩɩ, la na lee kʋbala la nagʋa, baa yɩrɛ Saapʋrɔs. La kieli nɩmɛ a mʋ yi Siiria tinteeŋ. La mʋ chɩŋ taŋ kʋbala lɛ baa yɩrɛ Taaya. Nɩmɛ nɛ lɩɩŋ daboro-la chɛ dɩ ʋ chɩŋ dɩ ba chaarɛ chʋgʋsʋŋ.

Tɩntɩŋŋaa 21:3 ပူးပေါင်းရင်းမြစ်များ

2 SAMƲƐL 8:6

Devit fa leŋe ʋ laalɩyuoroo dɔnsʋŋ gɔllɔ ŋmoo bugoo Damasɩkʋs tinteeŋ lɛ nɛ, a hɔŋ Siiria tɩmma-la sɩ hɛ lee-la. Ŋɩɩ nɛ Siiria tɩmma-la sɛɩ Devit bibemba, ba tiŋ lampoo pʋpʋ. Lee na-kala Devit sɩ mʋa, La TƖƖNA yie pɛ ʋ lɛ nɛ ʋ yuo dii.

WƖA YƖƖLAA 45:12

Taŋ-la ba sɩɩ yɩrɛ Taaya nɩaa jaŋ kɛŋ kɩaa kɔ dɩ ba dii zile ŋ lɛ. Nɩalɩŋ sɩ kɛŋ kɩaa jaŋ chɩchɛ dɩ ma ŋaa sɩma.

WƖA YƖƖLAA 87:4

Wɩa sɩ, “Mɩ jaŋ dɩɩsɛ Ijipiti a pɛ tinteye-la nɩaa sɩ jɩmmɛ lɛ. Ba nɛ: Babɩlɔŋ, Fɩlɩsɩtɩa, Fɔnɩɩsɩa arɩ Itoopia. Nɩaa jaŋ bʋl ba lʋl ba ma Zaayɔŋ lɛ nɛ.”

AZAAYA 7:2

Devit doho nɩaa sɩ kʋ nɩɩ arɩ Siiria tɩŋŋaa arɩ Iziral tɩŋŋaa pɛ niiŋ nɛ dɩ ba yuoba, ŋɩɩ nɛ Ahas arɩ ʋ nɩaa bɔyɛ joŋ ba chichel, a nagɛ peliŋ sɩ yie lu a kɛŋ tɩɩsɩŋ jijigisi ŋɩɩ duuŋ lɛ.

Matiu 11:21

“Ma Kɔrazɩŋ tɩŋŋaa, ma jaŋ na hɛɛŋ. Bɛtɩsaada tɩŋŋaa, ma ma jaŋ na hɛɛŋ. Wʋmagɩla-la mɩ sɩ ŋaa ma teeŋ, dɩ mɩ nɛ fa ŋaaba Taaya arɩ Sɩdɔŋ nɩaa teeŋ, wɩa magɛ ŋ-la ba fa hɔnɔ tɛllɛ naasɩŋ a ŋaa tʋɔrʋŋ bʋgɛ ba tɩtɩa, a dɩdagɛ arɩ ba bɩrɩma lɩɩ ba wʋbɔŋŋɔɔ lɛ nɛ.

Matiu 4:24

Yesu wɩaa teeli Siiria tinteeŋ kala. Ŋɩɩ nɛ nɩaa kɛŋ ba nyanyal tɩŋŋaa kɔ ʋ teeŋ arɩ nyanyal dosunuŋ, jɩŋ-bɔŋŋɔɔ fa kɛŋ dɔnsʋŋ, dɔnsʋŋ ma titel kuŋkunsuŋ, dɔnsʋŋ ma fa ŋaa gbɛrɩgɛɛ. Ŋɩɩ nɛ Yesu vaarɛ ba kala.

Luuk 10:13

Ŋɩɩ nɛ Yesu bʋla pɩ taŋ-la nɩaa sɩ bɩ ʋ wɩaa laa dii, “Ma Kɔrazɩŋ tɩŋŋaa, ma jaŋ na hɛɛŋ. Bɛtɩsaada tɩŋŋaa ma, ma ma jaŋ na hɛɛŋ. Wʋmagɩla-la ba sɩ ŋaa ma teeŋ, dɩ ba nɛ fa ŋaaba Taaya arɩ Sɩdɔŋ nɩaa teeŋ ŋ-la, ba fa bɩ jaŋ dieni aŋ hɔnɔ tɛllɛ naasɩŋ a ŋaa tʋɔrʋŋ bʋbʋgɛ ba tɩtɩa, a dɩdagɛ ŋɩɩ arɩ ba bɩrɩma lɩɩ ba wʋbɔŋŋɔɔ lɛ nɛ.

Luuk 2:2

Ba sɩ bugumo dɩɩsɛ nɩaa ŋɩɩ, baal kʋbala nɛ fa chɩŋ kuoru-balɩŋ nyuŋ Siiria tinteeŋ lɛ, baa yɩrɛ Kiriinias.

Tɩntɩŋŋaa 11:19

Bʋa-la lɛ ba fa sɩ to naasɩŋ dʋdɔgɩsɛ nɩalɩŋ sɩ laa Yesu wɩaa dii a tɩŋ Sɩtɩɩvɩŋ wɩaa, ba pɩsɛ. Ba sɩ pɩsɛ ŋɩɩ, ba mʋ yi Fɔnɩɩsɩa arɩ Saapʋrɔs tinteeŋ arɩ taŋ-la ba sɩɩ yɩrɛ Antɩɔk, a bʋl Wɩa niiŋ wɩaa pɩpɩ Juu tɩŋŋaa dʋndʋŋa nɩmɛ.

Tɩntɩŋŋaa 12:20

Bʋa deeŋ lɛ Hɛrɔd fa na baanɩŋ woruŋ Taaya arɩ Sɩdɔŋ nɩaa nyuŋ. Ba sii hɛ dɔŋɔ lɛ a mʋ dɩ ba sʋlʋ, a laa sɩpaaŋ a na Bilasitas, nɩɩ-la sɩɩ beŋ kuoro dɩa nɛ, dɩ ʋ pɛ ba lɛ. Ʋ pɛ ba lɛ. Ŋɩɩ nɛ ba mʋ Hɛrɔd teeŋ a sʋlʋ dɩ ʋ leŋ dɩ ba sɩŋ, bɛɛ wɩaa ba nɩaa kʋdiilee ka lɩɩ kuoro tinteeŋ nɛ.

Tɩntɩŋŋaa 13:4

Wɩa Dɩŋ-zɔmʋŋ sɩ tɩmba ŋɩɩ, ba sii mʋ Sɛlʋsɩa, a lɩɩ nɩmɛ a jʋʋ lɩɩŋ daboro, a mʋ tintee kʋbala lɩɩŋ sɩ gollo chu baa yɩrɛ Saapʋrɔs.

Tɩntɩŋŋaa 15:23

Ba joŋ teniŋ tɩmba. Teŋ-la lɛ ba fa ŋmʋnsɛ ŋ-la nɛ, “La nɩalɩŋ sɩ ŋaa Yesu nanzɔɔba arɩ la kʋhɩasɩŋ, ma naambiiriŋ, laa chʋɔlɛ ma nɩalɩŋ sɩ laa Yesu wɩaa dii aŋ bɩ Juu tɩŋŋaa ŋaa a hɛ Antɩɔk arɩ Siiria arɩ Siliisia lɛ.

Tɩntɩŋŋaa 15:39

Ba faasa kɛŋ wɩɩŋ deeŋ kaa lɛrɛ kɩŋkɛŋ, a pɔrɛ dɔŋɔ lɛ. Ŋɩɩ nɛ Banabas kɛŋ Jɔɔŋ Maak, ba jʋʋ lɩɩŋ daboro a duoro mʋ Saapʋrɔs.

Tɩntɩŋŋaa 15:41

Ŋɩɩ nɛ ba sii to Siiria arɩ Siliisia tinteeŋ, a bʋl wɩaa pɩ nɩalɩŋ sɩ laa Yesu wɩaa dii aa hilimi nɩmɛ, dɩ ba chɩŋ ŋɩɩ ba sɩ laa Wɩa wɩaa dii lɛ.

Tɩntɩŋŋaa 18:18

Pɔɔl hɛ Kɔrɩntɩ lɛ a dieni. Ŋɩɩ nɛ ʋ ta nɩalɩŋ sɩ laa Yesu wɩaa dii Kɔrɩntɩ lɛ aŋ lɩɩ. Ʋ dɩ Pɩrɩsɩla arɩ Akuila kala sii mʋ a jʋʋ lɩɩŋ daboro dɩ ba mʋ Siiria tinteeŋ. Ka dɩ ba-na jʋʋ lɩɩŋ daboro-la, Pɔɔl fʋŋ ʋ nyuŋ taŋ kʋbala baa yɩrɛ Keŋkiriya lɛ, a tɩŋ ʋ sɩ ta niiŋ Wɩa teeŋ.

Tɩntɩŋŋaa 21:16

Nɩalɩŋ dɔnsʋŋ sɩ laa Yesu wɩaa dii a lɩɩ Sɩzarɩya ma to la harɩŋ a mʋ, a kɛnla kaa mʋ jʋʋ baal kʋbala dɩa baa yɩrɛ Mineesiŋ. Ʋ lɩɩ Saapʋrɔs nɛ. Ʋ laa Yesu wɩaa dii bʋa-la lɛ ba fa sɩ suomo bʋbʋl Yesu wɩaa pɩpɩ nɩaa nɛ.

Tɩntɩŋŋaa 21:2

Nɩmɛ nɛ la na lɩɩŋ daboro dɩ ʋʋ mʋ Fɔnɩɩsɩa. La jʋʋ mʋ.

Tɩntɩŋŋaa 21:7

La lɩɩ Taaya lɛ a joŋ la wombiiŋ a mʋ taŋ kʋbala baa yɩrɛ Pitolimiiyas. La mʋ chʋɔlɛ nɩalɩŋ sɩ laa Yesu wɩaa dii nɩmɛ aŋ chʋa.

Tɩntɩŋŋaa 27:4

La bɩra sii nɩmɛ a mʋmʋ. La sɩɩ mʋ, dɩ peliŋ lu lɩɩ lee-la la fa sɩ chaasa. La mɩɩra mʋ to tinteeŋ kʋbala lɩɩŋ sɩ gollo chu, baa yɩrɛ Saapʋrɔs. La to sɛmɛ-la sɩ kɛrɛ peliŋ.

Tɩntɩŋŋaa 4:36

Baal kʋbala ma nɛ fa hɛ nɩmɛ, baa yɩrɛ Josɛf. Ʋ fa ŋaa Levi doho nʋʋ nɛ a lɩɩ Saapʋrɔs tinteeŋ. Yesu nanzɔɔba-la ma kɛnʋ kaa yɩyɩrɛ Banabas. (Ʋ bʋbʋɔŋ nɛ, ʋ fa yie bʋl wɩaa pɩ nɩaa ba nyusuŋ nyɩnyaasɛ.)

SƖPAALAARAA 10:6

Iziral tɩŋŋaa bɩra ŋaa wʋbɔŋ La TƖƖNA teeŋ. Baa to vesi-la ba sɩɩ yɩrɛ Baal, Asɩtɔrɛf arɩ Aram tɩŋŋaa vesiŋ, Sɩdɔŋ tɩŋŋaa vesiŋ, Mʋab tɩŋŋaa vesiŋ, Amɔŋ tɩŋŋaa vesiŋ arɩ Fɩlɩsɩtɩa tɩŋŋaa vesiŋ. A tɩŋ Iziral tɩŋŋaa sɩ vɩa La TƖƖNA, a bɩra bɩ ʋ ka to wɩaa,