Tɩntɩŋŋaa 2:9 - WƖA TENIŊ

⁹ La dɔnsʋŋ lɩɩ Paatɩa, dɔnsʋŋ lɩɩ Miidia, dɔnsʋŋ lɩɩ Ɩlam. La dɔnsʋŋ lɩɩ Mesopotemia, dɔnsʋŋ lɩɩ Judiya, dɔnsʋŋ lɩɩ Kapadoosia, dɔnsʋŋ lɩɩ Pɔntɔs, dɔnsʋŋ ma lɩɩ Esia.

Tɩntɩŋŋaa 2:9 ပူးပေါင်းရင်းမြစ်များ

WƖAA DƖ-SUOMUŊ 10:22

Sɛm hambolibiisiŋ nɛ: Ɛlam, Asu, Afaza, Lud arɩ Aram.

WƖAA DƖ-SUOMUŊ 14:1

Kuoroo banɛsɛ nɛ fa hɛ nɩmɛ: Babɩlɔŋ kuoro Amɩrafɛl, Ɛlasa kuoro Arɔk, Ɛlam kuoro Kedolooma arɩ Goim kuoro Tɩdal.

WƖAA DƖ-SUOMUŊ 24:10

Ŋɩɩ nɛ tɩntɩnnɩ-hɩaŋ-la kɛsɛ Abɩraham bʋntaŋŋaba fii a pɛ paa Abɩraham kʋzɔŋ na-kala doho a lɩɩ mʋmʋ Aram Naharem tinteeŋ, taŋ-la lɛ Nahɔ sɩ hɛ.

2 KUOROO 17:6

Hosia sɩ dii kuoruŋ ʋ jɩ-nibi lɛ nɛ, Asiiria kuoro yuo dii Samarɩa a kɛsɛ Iziral tɩŋŋaa kala a kaa mʋ Asiiria tinteeŋ. Ʋ kɛmba mʋ a leŋ dɔnsʋŋ hɔŋ taŋ-la ba sɩɩ yɩrɛ Hala lɛ, dɔnsʋŋ ma hɔnɔ kpagɛ fuo-la ba sɩɩ yɩrɛ Habɔ a hɛ Goza tinteeŋ. Ka dɔnsʋŋ ma hɔŋ tasɩ-la sɩ hɛ Medis tɩŋŋaa tinteeŋ lɛ.

1 IZIRAL TƖŊŊAA NAABARƖŊ 19:6

Amɔŋ tɩŋŋaa sɩ kʋ jɩŋ arɩ ba chaasa dii Devit baanɩŋ lɛ nɛ, ba dɩ ba kuoro Hanuŋ tɩŋ nɩaa ba kɛŋ hɔpʋla yuŋuŋ sɩ ŋaa kiloba bʋɩ mara arɩ fii arɩ banɛsɛ a kaa mʋ pɩ Aram Naharem tɩŋŋaa, Aram Maaka tɩŋŋaa arɩ Zoba tɩŋŋaa, ka ba pɩba janɩŋ torukoba arɩ ja-jɩllaa.

ƐZƖRA 6:2

Ba na teŋ kʋbala Ɛkɩbatana tabalɩŋ sɩ hɛ Midia tinteeŋ lɛ, dɩ ba ŋmʋnsɛ wɩaa deemba hɛ ʋ lɛ. Wɩalɩŋ nɛ ŋ-la:

AZAAYA 11:11

Dɩ bʋa-la nɛ yie, La TƖƖNA jaŋ tiire laa ʋ nɩkaanaa a lɩɩ Asiiria arɩ Ijipiti sɛmɛ-la sɩ hɛ bʋbʋɔŋ arɩ Ijipiti sɛmɛ sɩ hɛ nyuŋ arɩ Kus, Ɛlam, Babɩlɔŋ, Hamaf a pɛ tinteye-la kala mʋgʋ-balɩŋ sɩ gollo chu lɛ.

AZAAYA 21:2

Wɩɩ-la mɩ sɩ na arɩ duosoo tʋɔŋ chaasa ŋaa wʋlɔrʋ nɛ. Mɩ na zɛmbɛ tɩɩna ka bɛ zɛmbɛ, a na wʋcheere ma sɩɩ chei leriŋ. Má bʋla pɩ Ɛlam tinteeŋ laalɩyuoroo arɩ Midiaŋ tinteeŋ laalɩyuoroo dɩ ba sii gollo yuo Babɩlɔŋ nɩaa. Wɩa jaŋ leŋ dɩ hɛɛ-la kala ba sɩ joŋo hɛ dʋnɩa nɩaa lɛ dɛrɛ.

DANƖƐL 5:28

Paasɩŋ: Ʋ bʋbʋɔŋ nɛ, ba kɛŋ ŋ kuoruŋ kpaa nɛ a pɩ Medis arɩ Pɛsɩa tɩŋŋaa.”

DANƖƐL 8:2

Wɩalɩŋ tʋɔŋ, mɩ na mɩ tɩtɩa dɩ mɩ hɛ tabal-la ba sɩ saa kɛrɛ golli ba sɩɩ yɩrɛ Susa sɩ hɛ Ɛlam tinteeŋ lɛ. Mɩ na dɩ mɩ chɩŋ fuo-la ba sɩɩ yɩrɛ Ʋlaɩ sɛmɛ nɛ.

DANƖƐL 8:20

Pie-bele-la ŋ fa sɩ na dɩ ʋ kɛŋ nyilliŋ balɩa nɛ ŋaa Midia arɩ Pɛsɩa kuoroo.

Tɩntɩŋŋaa 16:6

Pɔɔl arɩ Saalas gɔllɛ ŋɩɩ halɩɩ a to Firijia arɩ Galiisia tinteeŋ, bɛɛ wɩaa Wɩa Dɩŋ-zɔmʋŋ bɩ ba wombiiŋ pa dɩ ba bʋl Wɩa niiŋ wɩaa Esia tinteeŋ lɛ.

Tɩntɩŋŋaa 18:2

Dɩmɛ nɛ ʋ na Juu tɩɩna kʋbala baa yɩrɛ Akuila. Ʋ lɩɩ Pɔntɔs sɩ hɛ Rom tinteeŋ lɛ nɛ. Ʋ dɩ ʋ haala Pɩrɩsɩla sɩ lɩɩ Rom kɔ, ʋ bɩ diene. Kuori-balɩŋ ba sɩɩ yɩrɛ Kɩlaadɩa fa bʋla pɩ Juu tɩŋŋaa kala dɩ ba lɩɩ Rom lɛ. Ŋɩɩ nɛ tɩɩ ba sii kɔ. Pɔɔl mʋ ba dɩa dɩ ʋ chʋɔlɛba.

Tɩntɩŋŋaa 19:10

Ba vɛnɛɛ ŋaa ŋɩɩ a yi jɩsɩŋ balɩa nɛ. Juu tɩŋŋaa arɩ Giriik tɩŋŋaa kala sɩ hɛ Esia tinteeŋ lɛ wuo nɩɩ La Tɩɩna Yesu wɩaa.

Tɩntɩŋŋaa 19:27

Wɩɩ-la mɩ-na sɩɩ fá nɛ ŋ-la: Nɩaa jaŋ chei la tɩntɩmɩŋ deeŋ yɩrɩŋ. La bɩraa fá arɩ la veŋ-balɩŋ Atɛmɩs dɩa jaŋ kʋ ŋaa ku-tɔɔ. Nɩaa bɩra bɩ jaŋ joŋu dɩ ʋ ŋaa kʋŋ. Lɛɛlɛ Esia nɩaa arɩ dʋnɩa nʋʋkala nɩɩ kpaarʋ.”

Tɩntɩŋŋaa 19:31

Esia tinteeŋ kʋhɩasɩŋ dɔnsʋŋ sɩ dii Pɔɔl nandɔnsʋŋ tɩŋ dɩ ba sʋlʋ dɩ ʋ sɩ́ nɩalɩŋ tʋɔŋ jʋʋ.

Tɩntɩŋŋaa 2:8

Ɛɛ nɛ saa laa nɩɩ dɩ baa bʋl wɩaa la yikorusuŋ lɛ?

Tɩntɩŋŋaa 20:16

Pɔɔl fa bɩ chɛ dɩ ʋ chɩŋ Ɛfɛsɩs lɛ, bɛɛ wɩaa ʋ bɩ chɛ dɩ ʋ dieni Esia tinteeŋ lɛ, ʋ faa chɛ dɩ ʋ mʋ Jerusalɛm lɩma lɩma nɛ a puu Pɛntɩkɔs chɛ-gbieli-la.

Tɩntɩŋŋaa 20:18

Ba sɩ kɔ, ʋ bʋla pɩba, “Ma jɩŋ ŋɩɩ mɩ sɩ naga nɛ, a chɩŋ tapʋlɩɩ-la mɩ sɩ kɔ ma teeŋ Esia tinteeŋ lɛ a kaa kɔ jɩnɩŋ.

Tɩntɩŋŋaa 20:4

Nɩaa deemba nɛ fa to ʋ harɩŋ: Dɔŋɔ yɩrɩŋ nɛ Sopata a lɩɩ Biriya. Ʋ fa ŋaa Pɩras nanʋala nɛ, a pɛ Arɩsɩtakʋs arɩ Sɛkʋndas sɩ lɩɩ Tɛsalonaaka, arɩ Gayas sɩ lɩɩ Dɛɛbɩ, arɩ Timoti, a pɛ Takɩkas arɩ Tʋrɔfɩmɔs sɩ lɩɩ Esia lɛ.

Tɩntɩŋŋaa 21:27

Tapʋlaa balɩpɛ-la sɩɩ yi, Juu tɩŋŋaa dɔnsʋŋ sɩ lɩɩ Esia na Pɔɔl dɩ ʋ hɛ Wɩa dɩɩ-bal-la lɛ. Ba nyɩsɛ nɩ-daŋ hɛ ba kɛŋ Pɔɔl.

Tɩntɩŋŋaa 24:18

Ŋɩɩ lɛ nɛ ba namɛ Wɩa dɩɩ-bal-la lɛ, bʋa-la lɛ dɩ mɩ pɩɩsɛ mɩ disiniŋ dɛrɛ. Nɩ-daŋ kala fa tuo mɩ teeŋ, mɩ bɩ yuosu ma kala hɛ.

Tɩntɩŋŋaa 27:2

La mʋ jʋʋ lɩɩŋ daboro sɩ lɩɩ taŋ kʋbala ba sɩɩ yɩrɛ Adɩramɩtam a kɛŋ ʋ tɩtɩa hɛ dɔŋɔ lɛ dɩ ʋ mʋ tasɩ-la sɩ hɛ mʋgʋ-balɩŋ niiŋ Esia tinteeŋ. Ŋɩɩ nɛ la sii a mʋmʋ. Baal kʋbala baa yɩrɛ Arɩsɩtakʋs ma fa hɛ la tʋɔŋ nɛ. Ʋ fa ŋaa Masidoonia tɩɩna nɛ a lɩɩ Tɛsalonaaka.

Tɩntɩŋŋaa 6:9

Nɩaa dɔnsʋŋ fa hɛ nɩmɛ, a ŋaa Juu tɩŋŋaa a lɩɩ Siriini, arɩ Alɛkɩzandɩrɩa. Ba fa lɩɩ Wɩɩchʋɔlɛ dɩa-la ba fa sɩɩ yɩrɛ ‘yosuŋ ba sɩ joŋo ta’. Dɔnsʋŋ ma fa ŋaa Juu tɩŋŋaa a ma lɩɩ Siliisia arɩ Esia. Ba lɩɩ Sɩtɩɩvɩŋ harɩŋ a kɛŋ wɩaa lɩlɛrɛ.

Tɩntɩŋŋaa 7:2

Sɩtɩɩvɩŋ bʋl, “Mɩ nyɩmmaba arɩ mɩ naambiiriŋ, má jegile nɩɩ mɩ teeŋ. Wɩa sɩ kɛŋ tʋla fa kɛŋ ʋ tɩtɩa kʋ dagɛ la naabalɩma Abɩraham, bʋa-la lɛ ʋ fa sɩ hɔŋ Mesopotemia tinteeŋ lɛ nɛ, dɩ ʋ ha bɩ taŋ-la ba sɩɩ yɩrɛ Haraŋ lɛ mʋ hɔŋ.

Rom Tɩŋŋaa 16:5

Má chʋɔlɛ nɩalɩŋ ma sɩ laa Yesu wɩaa dii a hilimee chʋɔlɛ Wɩa ba dɩa lɛ. Má chʋɔlɛ mɩ nandɔŋ-chooluŋ Epinetus ma. Ʋ nɛ laa sɩpaaŋ laa Kirisito wɩaa dii Esia tinteeŋ lɛ.

1 Kɔrɩntɩ Nɩaa 16:19

Nɩalɩŋ sɩ laa Yesu wɩaa dii aa hilimi a hɛ Esia tinteeŋ lɛ, ba kala ka chʋɔlɛma. Baal-la ba sɩɩ yɩrɛ Akuila arɩ ʋ haala Pɩrɩsɩla, arɩ nɩalɩŋ sɩ laa Yesu wɩaa dii aa hilimi ba dɩa lɛ, baa chʋɔlɛma woruŋ La Tɩɩna Yesu yɩrɩŋ lɛ.

2 Kɔrɩntɩ Nɩaa 1:8

La naambiiriŋ, laa chɛ dɩ ma jɩŋ ŋɩɩ la sɩ na hɛɛŋ Esia tinteeŋ lɛ nɛ. Wɩalɩŋ sɩ jʋʋla lɛ fa yuŋŋie nɛ kɩŋkɛŋ kɩŋkɛŋ a pɩla. La paala bɩ bɩɩna arɩ la jaŋ kɛŋ mɩɩsɩŋ.

MOSIS BƖRA WULLI WƖA WOMBIIŊ 23:4

bɛɛ wɩaa, bʋa-la lɛ ma fa sɩ lɩɩ Ijipiti lɛ a kʋkɔ, ba vɔmma lɩɩŋ arɩ kʋdiilee nɛ aŋ mʋ kpal Balam sɩ ŋaa Bioo nanʋala a lɩɩ taŋ-la ba sɩɩ yɩrɛ Pɛtɔ a hɛ Mesopotemia lɛ, dɩ ʋ kalɩbɛ hɛ ma lɛ.

2 Timoti 1:15

Ŋ jɩma arɩ bʋa-la lɛ mɩ fa sɩ hɛ Esia tinteeŋ lɛ, nɩalɩŋ kala fa sɩ hɛ nɩmɛ fa vɩamɛ nɛ, Fɩjɩlas arɩ Hemojinis ma fa hɛ nɩaa deemba tʋɔŋ nɛ.

1 Pɩɩta 1:1

Mɩ-na Pɩɩta sɩ ŋaa Yesu Kirisito nanzɔɔ, mɩ nɛ ŋmʋnsɛ teniŋ deeŋ a pɩpɩ ma nɩalɩŋ kala sɩ laa Yesu wɩaa dii aŋ tɩŋ hɛɛŋ wɩaa a pɩsɛ a hɛ Pɔntɔs lɛ, Galiisia, Kapadoosia, Esia, arɩ Bitiinia tinteeŋ kala lɛ.

Jɔɔŋ Wʋnaalaa 1:11

Ŋɩɩ nɛ yikoro-la bʋla pɩmɛ, “Ŋmʋnsɛ wɩalɩŋ kala ŋ sɩ na, a joŋo tɩŋ dɩ ba kaa mʋ pɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Ba nɛ ŋ-la: Ɛfɛsɩs, Sɩmɩɩna, Pɛgamɔm, Taataya, Saadɩs, Fɩladɛlɩfɩa arɩ Laadisiya.”

Jɔɔŋ Wʋnaalaa 1:4

Mɩ-na Jɔɔŋ nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Wɩa lahɔrɩmɔ lɛ, ʋ jaŋ leŋ dɩ ma hɔŋ arɩ yarɩfɩɛlaa. Ʋ nɛ ŋaa Nɩɩ-la sɩ hɛ nɩmɛ, Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ. Wɩaa deemba lɩɩ Wɩa Dɩnsɩŋ balɩpɛ-la sɩ chɩŋ Wɩa kuoru kpasa-la sɩpaaŋ nɛ

SƖPAALAARAA 3:8

La TƖƖNA baanɩŋ sii Iziral tɩŋŋaa nyuŋ, ʋ jomba hɛ Aram Naharem tɩŋŋaa kuoru kʋbala ba sɩɩ yɩrɛ Kusaŋ-Risatem nɩsɩŋ lɛ. Iziral tɩŋŋaa fa hɛ kuoro deeŋ nɩsɩŋ lɛ jɩsɩŋ chori nɛ.