Tɩntɩŋŋaa 2:4 - WƖA TENIŊ

⁴ Ba sɩ togili nʋʋkala lɛ ŋɩɩ, Wɩa Dɩŋ-zɔmʋŋ hɛba kala lɛ, a pɩba doluŋ ba suomo bʋbʋl yikori dosunuŋ.

Tɩntɩŋŋaa 2:4 ပူးပေါင်းရင်းမြစ်များ

2 SAMƲƐL 23:2

“La TƖƖNA Dɩma-la to mɩ lɛ a bʋl wɩaa nɛ, ʋ joŋ wɩalɩŋ ʋ sɩɩ chɛ mɩ bʋl hɛ mɩ niiŋ lɛ nɛ.

AZAAYA 28:11

Azaaya bʋl, “Ŋɩɩ-na ʋ zɔmɔ, Wɩa jaŋ kɛŋ nɩwogusuŋ wʋbʋlʋŋ bʋl wɩaa pɩ nɩaa deemba.”

AZAAYA 59:21

La TƖƖNA bɩra sɩ, “Mɩ bil niiŋ nɛ mɩ dɩ ma pɛgɛ, mɩ joŋ mɩ Dɩma hɛ ma lɛ nɛ, a joŋ mɩ niiŋ wɩaa kala ma a hɛ ma niiree lɛ, wɩalɩŋ bɩ jaŋ lɛl ma niiree lɛ. Má joŋo dagɛ ma biiriŋ arɩ ma doho nɩaa kala sɩ jaŋ to harɩŋ kɔ dɩ wɩalɩŋ hɛ nɩmɛ a kaa mʋ wuu. Mɩ-na ma TƖƖNA nɛ bʋla.”

JƐRƖMAAYA 6:11

La TƖƖNA, baaŋ-la ŋ sɩ na ba nyuŋ chaasa tʋgʋmɛ nɛ. Mɩ bɩ jaŋ wuo nyagʋ bil. Ŋɩɩ nɛ La TƖƖNA bʋla pɩmɛ, “Joŋ ŋ baaŋ-la fɩɩsɛ ba biiriŋ sɩ hɛ womporuŋ lɛ, arɩ bapʋɔsɩa-la sɩ hilime. Sɩ́ baalaa arɩ ba haalaa ma lɩɩsa ta. Sɩ́ nɩalɩŋ sɩ faasa hɩɛsɛ ma lɩɩsa ta.

ƐZƖKƖƐL 3:11

Lɛɛlɛ mʋ ŋ naambiiri-la sɩ hɛ yoŋ-baga lɛ teeŋ a bʋl wɩalɩŋ mɩ-na ba TƖƖNA Wɩɩjarɩbakɔ sɩ bʋla a pɩba. Bʋla pɩba, dɩ ba jegile nɩɩ koo ba bɩ jegile nɩɩ.”

MƖKA 3:8

Ama mɩ-na Mɩka, La TƖƖNA joŋ ʋ Dɩma hɛ mɩ lɛ nɛ mɩ kɛŋ doluŋ, a jɩŋ wɩalɩŋ sɩ maga dɩ nɩaa ŋaa a kɛŋ bɔɩ-duoŋ dɩ mɩ dagɛ Iziral tɩŋŋaa wʋbɔŋŋɔɔ pɩba.

Matiu 10:19

Dɩ ba nɛ kɛmma kaa mʋ dɩ ba dii ma sarɩya, má sɩ́ leŋe dɩ ma bɔɩsɩŋ joŋ wɩalɩŋ ma sɩ jaŋ bʋl lɛ a laa ma tɩtɩa. Bʋa-la lɛ Wɩa jaŋ joŋ wʋjɩmɩŋ a hɛ ma nyuŋ lɛ.

Maak 16:17

Wʋmagɩlaa deemba nɛ ma jaŋ wuo na a jɩŋ nɩalɩŋ sɩ laa mɩ wɩaa dii. Ba nɛ ŋ-la: Ba jaŋ wuo kikiri jɩŋ-bɔŋŋɔɔ mɩ yɩrɩŋ lɛ. Ba jaŋ wuo bʋbʋl yikori dosunuŋ.

Luuk 1:15

Ʋ jaŋ ŋaa nɩbal La Tɩɩna teeŋ. Ʋ bɩ jaŋ nyʋnyʋa sɩ-duo kala. Ba jaŋ lʋlʋ, dɩ Wɩa Dɩŋ-zɔmʋŋ hɛ ʋ lɛ woruŋ.

Luuk 1:41

Ʋ laa Mɛɛrɩ chʋɔlaa. Ʋ sɩ laa ŋɩɩ, bile sɩ hɛ ʋ luoruŋ lɛ sii bɩrɩmɛ. Ŋɩɩ nɛ Wɩa Dɩŋ-zɔmʋŋ kʋ hɛ Ɛlɩzabɛt lɛ woruŋ.

Luuk 1:67

Ŋɩɩ nɛ Wɩa Dɩŋ-zɔmʋŋ kʋ hɛ Zɛkarɩya lɛ ʋ bʋl wɩaa Wɩa doluŋ lɛ, ʋ sɩ,

Luuk 12:12

Bʋa-la tɩtɩa lɛ Wɩa Dɩŋ-zɔmʋŋ jaŋ dagɛma wɩɩ-la ma sɩ jaŋ bʋl.”

Luuk 21:15

bɛɛ wɩaa mɩ jaŋ joŋ wʋjɩmɩŋ a hɛ ma nyuŋ lɛ dɩ ma bʋl wɩalɩŋ ma dʋndɔŋŋɔɔ sɩ bɩ jaŋ wuo kaalɛrɛ arɩ wʋtɩtɩɩ dee.

Luuk 4:1

Ŋɩɩ nɛ Yesu mɩɩra lɩɩ Jɔdaŋ fuo-la tʋɔŋ kʋ lɩɩ dɩ Wɩa Dɩŋ-zɔmʋŋ hɛ ʋ lɛ woruŋ. Ŋɩɩ nɛ ʋ kɛnʋ kaa jʋʋ tintee-hɩlɩŋ tʋɔŋ tapʋlaa mahɩŋ balɩa, Sɩtaanɩ yie kɔ a mɩmagɩsʋ.

Jɔɔŋ 14:26

Ama mɩ Nyɩmma jaŋ leŋ dɩ ʋ Dɩŋ-zɔmʋŋ kʋ tuu a hɛ ma lɛ mɩ yɩrɩŋ lɛ. Ʋ jaŋ pɛ ma lɛ a wuo dagɛma wɩɩkala, a leŋ dɩ ma liisi wɩalɩŋ kala mɩ sɩ bʋla pɩma.

Jɔɔŋ 20:22

Ʋ sɩ bʋl ŋɩɩ dɛrɛ, ʋ wiese hɛ ba lɛ aŋ bʋl, “Má laa Wɩa Dɩŋ-zɔmʋŋ dɩ ʋ hɛ ma lɛ.

Tɩntɩŋŋaa 1:5

Jɔɔŋ fa kɛŋ lɩɩŋ nɛ a fufo nɩaa Wɩɩchʋɔlɛ lɩɩŋ. Ama ʋ bɩ dieni, ka dɩ Wɩa joŋ ʋ Dɩŋ-zɔmʋŋ hɛ ma lɛ.”

Tɩntɩŋŋaa 1:8

Ama dɩ Wɩa nɛ joŋ ʋ Dɩŋ-zɔmʋŋ hɛ ma lɛ, ma jaŋ kɛŋ doluŋ, a dii mɩ dansɩa a bʋl mɩ wɩaa Jerusalɛm arɩ Judiya tinteeŋ kala arɩ Samarɩa lɛ, a kaa mʋ dʋnɩa sɛmɛ kala lɛ.”

Tɩntɩŋŋaa 10:46

Ba nɩa arɩ baa bʋl wɩaa yikori wogusuŋ lɛ ba sɩ bɩ jɩŋ a dɩdɛnnɛ Wɩa. Ŋɩɩ nɛ Pɩɩta bʋl,

Tɩntɩŋŋaa 10:47

“Wɩa sɩ joŋ ʋ Dɩŋ-zɔmʋŋ pɩla ŋɩɩ, ŋɩɩ nɛ ʋ joŋo pɩ nɩaa deemba ma. Bɛɛ nɛ jaŋ wuo tɔ nɩaa deemba dɩ ba sɩ́ Wɩɩchʋɔlɛ lɩɩŋ fo?”

Tɩntɩŋŋaa 11:15

Mɩ sɩ suomo bʋbʋl wɩaa, Wɩa Dɩŋ-zɔmʋŋ kʋ tuu hɛba lɛ, arɩ ʋ fa sɩ laa sɩpaaŋ hɛ la lɛ ŋɩɩ.

Tɩntɩŋŋaa 11:24

Banabas fa ŋaa nɩpʋla nɛ a laa Wɩa dii woruŋ. Wɩa Dɩŋ-zɔmʋŋ ma hɛ ʋ lɛ woruŋ. Nɩaa fa yʋga a to ʋ lɛ a laa La Tɩɩna Yesu wɩaa dii.

Tɩntɩŋŋaa 13:52

Ka nɩalɩŋ sɩ laa Yesu wɩaa dii Antɩɔk lɛ tʋɔŋ kala tɔrɛ. Wɩa Dɩŋ-zɔmʋŋ ma hɛ ba lɛ woruŋ.

Tɩntɩŋŋaa 13:9

Ŋɩɩ nɛ Wɩa Dɩŋ-zɔmʋŋ kʋ hɛ Sɔɔl lɛ. Ba fa kɛnʋ kaa yɩyɩrɛ Pɔɔl ma nɛ. Ʋ chaarɛ sɩaa pɛ daalusuŋ tɩɩna-la lɛ

Tɩntɩŋŋaa 15:8

Mɩ mʋ bʋla pɩba. Ŋɩɩ nɛ Wɩa sɩ jɩŋ nʋʋkala tʋɔŋ joŋ ʋ Dɩŋ-zɔmʋŋ hɛ ba lɛ arɩ ʋ fa sɩ joŋo hɛ la lɛ ŋɩɩ, ŋɩɩ dagɛ arɩ ʋ maga dɩ ba ma laa Yesu wɩaa dii nɛ.

Tɩntɩŋŋaa 19:6

Ŋɩɩ nɛ Pɔɔl joŋ ʋ nɩsaa daŋ ba lɛ. Ʋ sɩ ŋaa ŋɩɩ, Wɩa Dɩŋ-zɔmʋŋ kʋ tuu hɛ ba lɛ. Ba suomo bʋbʋl yikori wogusuŋ ba sɩ bɩ jɩŋ, a bʋl Wɩa wɩaa Wɩa Dɩŋ-zɔmʋŋ doluŋ lɛ ma.

Tɩntɩŋŋaa 2:11

La dɔnsʋŋ ŋaa Juu tɩmma nɛ, la dɔnsʋŋ ŋaa nɩaa sɩ bɩ Juu tɩŋŋaa ŋaa aŋ tuto Juu tɩŋŋaa Wɩɩchʋɔlɛ wombiiŋ. La dɔnsʋŋ lɩɩ Kiriiti, dɔnsʋŋ lɩɩ Arebia. La kalaa bʋl yikori dabaŋ dabamba nɛ, ka la nɩɩ dɩ baa bʋl wɩaa la yikorusuŋ lɛ. Wɩa sɩ tɩŋ tɩntɩŋ-duori-la wɩaa nɛ ba bʋbʋl ŋɩɩ.”

Tɩntɩŋŋaa 2:3

Ŋɩɩ nɛ ba na kɩaa a nagɛ nyiŋ-gel-biisiŋ. Ba nagɩsɩŋ nagɛ nandelimee. Ba lɩɩ pɩsɛ. Nyiŋ-gel-bie kala togili nʋʋkala sɩ hɛ dɩa-la lɛ.

Tɩntɩŋŋaa 4:31

Ba sɩ chʋɔlɛ Wɩa dɛrɛ, lee-la ba sɩ hilime zigili. Wɩa Dɩŋ-zɔmʋŋ kʋ hɛ ba kala lɛ. Ba suomo bʋbʋl Wɩa niiŋ wɩaa arɩ nyuduoŋ.

Tɩntɩŋŋaa 4:8

Ŋɩɩ nɛ Wɩa dɩ Dɩŋ-zɔmʋŋ hɛ Pɩɩta lɛ woruŋ, ʋ bʋla pɩba, “Ma sɩpaalaaraa deemba arɩ ma Juu tɩŋŋaa kʋhɩasɩŋ,

Tɩntɩŋŋaa 6:3

Mɩ naambiiriŋ, má lɩɩsɛ ma tʋɔŋ nɩaa balɩpɛ ma sɩ jɩma dɩ nɩaa ka zilba, ka Wɩa Dɩŋ-zɔmʋŋ hɛ ba lɛ aŋ kɛŋ wʋjɩmɩŋ ma, dɩ la joŋ wɩɩŋ deeŋ hɛ ba nɩsɩŋ lɛ.

Tɩntɩŋŋaa 6:5

Ŋɩɩ nɛ nɩalɩŋ kala sɩ hɛ nɩmɛ tʋɔŋ tɔrɛ arɩ wɩalɩŋ Yesu harɩ-tooro-la sɩ bʋla. Ba lɩɩsɛ baal kʋbala baa yɩrɛ Sɩtɩɩvɩŋ. Ʋ fa ŋaa baal-la sɩ laa Wɩa dii nɛ woruŋ. Wɩa Dɩŋ-zɔmʋŋ ma hɛ ʋ lɛ. Ba bɩra lɩɩsɛ Fɩlɩp arɩ Pʋrɔkɔrʋs arɩ Nɩkanɔ arɩ Tɩmɔŋ arɩ Paamɩnas arɩ Nɩkɔlas. Nɩkɔlas lɩɩ Antɩɔk nɛ. Ʋ fa bɩ Juu tɩɩna ŋaa aŋ tuto Juu tɩŋŋaa Wɩɩchʋɔlɛ wombiiŋ.

Tɩntɩŋŋaa 6:8

Wɩa lahɔrɩmɔ lɛ Sɩtɩɩvɩŋ kɛŋ doluŋ woruŋ, a wuo ŋɩŋaa wʋkpuŋkperisiŋ arɩ wʋmagɩlaa nɩalɩŋ tʋɔŋ.

Tɩntɩŋŋaa 7:55

Ŋɩɩ nɛ Wɩa Dɩŋ-zɔmʋŋ faasa hɛ Sɩtɩɩvɩŋ lɛ yʋgɛ. Ʋ wʋla beŋ wɩa-nyuŋ a na Wɩa tʋla, a na Yesu ma dɩ ʋ hɔŋ Wɩa nadiiŋ, nɩduoŋ dɩhɔnʋŋ.

Tɩntɩŋŋaa 8:17

Pɩɩta arɩ Jɔɔŋ joŋ ba nɩsaa daŋ ba lɛ, ŋɩɩ nɛ Wɩa Dɩŋ-zɔmʋŋ kʋ tuu hɛba lɛ.

Tɩntɩŋŋaa 9:17

Ŋɩɩ nɛ Ananɩas sii mʋ dɩa-la Sɔɔl sɩ jʋa. Ʋ jʋʋ a joŋ ʋ nɩsaa daŋ Sɔɔl lɛ aŋ bʋl, “Mɩ naambie Sɔɔl, La Tɩɩna Yesu-la ŋ sɩ na wombiiŋ lɛ ŋ sɩɩ kɔ daha, ʋ nɛ tɩmmɛ. Ʋ tɩmmɛ dɩ mɩ kɔ dɩ ŋ sɩaa wuo suri, ka dɩ Wɩa Dɩŋ-zɔmʋŋ ma hɛŋ lɛ.”

Rom Tɩŋŋaa 15:13

Wɩa nɛ yie leŋ la kɛŋ yɩɛlaa. Mɩɩ sʋlʋ dɩ ʋ leŋ dɩ ma kɛŋ tʋɔtɔrʋŋ arɩ yarɩfɩɛlaa a tɩŋ ma sɩ laaʋ dii, dɩ ŋɩɩ leŋ dɩ ma yɩɛlaa wasa yʋgɛ Wɩa Dɩŋ-zɔmʋŋ doluŋ lɛ.

1 Kɔrɩntɩ Nɩaa 12:10

ka dɔŋɔ ma kɛŋ doluŋ a kaa ŋaa wʋkpuŋkperisiŋ, ka dɔŋɔ ma kɛŋ doluŋ a wuo bʋbʋl Wɩa wɩaa, ka dɔŋɔ ma bɩra kɛŋ wʋjɩmɩŋ ʋ yie jɩŋ dɩnsɩ-la sɩ lɩɩ Wɩa teeŋ arɩ dɩnsɩ-la sɩ bɩ ʋ teeŋ lɩa pɛgɛ. Wɩa Dɩŋ-zɔmʋŋ yie pɩ nʋʋ dɔŋ ma doluŋ ʋ wuo bʋbʋl wɩaa, yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl, ka ʋ pɩ dɔŋɔ ma wʋjɩmɩŋ ʋ wuo dagɛ wɩalɩŋ ba sɩ bʋla bʋbʋɔŋ.

1 Kɔrɩntɩ Nɩaa 13:1

Dɩ mɩ nɛ wuo bʋbʋl yikoro-na kala a wuo bʋbʋl Wɩa tɩndaaraa ma yikoro, aŋ bɩ nɩaa cho, ʋ nagɛ bimbelimiŋ nɛ mɩ ŋmuŋmoo ŋɩɩ a ŋɩŋaa goŋ pɛɩ.

1 Kɔrɩntɩ Nɩaa 13:8

Chonuŋ-na bɩ dɛrɛ. Dol-la Wɩa Dɩŋ-zɔmʋŋ sɩ joŋo pɩla la wuo bʋbʋl Wɩa wɩaa, a wuo bʋbʋl yikori dosunuŋ kala a pɛ wʋjɩmɩŋ ma lɛ, ba kala jaŋ lɛl.

1 Kɔrɩntɩ Nɩaa 14:18

Mɩɩ lɔllɛ Wɩa arɩ mɩ sɩ wuo bʋbʋl wɩaa yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl a kɩɩ ma kʋŋkala.

1 Kɔrɩntɩ Nɩaa 14:5

Ŋɩɩ wɩaa mɩ fa cho dɩ ma kala bʋbʋl wɩaa yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl nɛ, ama wɩɩ-la mɩ sɩ faasa cho nɛ dɩ ma wuo bʋbʋl Wɩa wɩaa. Nɩɩ-la sɩɩ bʋl Wɩa wɩaa, ʋ Dɩŋ-zɔmʋŋ doluŋ lɛ nɛ kɩɩ nɩɩ-la sɩɩ bʋl wɩaa yikoro-la Wɩa Dɩŋ-zɔmʋŋ sɩ pɛ nɩaa lɛ ba bʋbʋl, see dɩ nʋʋ hɛ nɩmɛ sɩ jaŋ wuo dagɛ wɩalɩŋ ʋ sɩɩ bʋl bʋbʋɔŋ a pɩ nɩalɩŋ kala sɩ laa Yesu wɩaa dii aa hilimi, dɩ ŋɩɩ wuo pɛ ba lɛ.

Ɛfɛsɩs Nɩaa 3:19

Ama nʋʋkala bɩ jaŋ wuo jɩŋ Kirisito chono-la sɩ magɛ ŋɩɩ. Ʋ nɛ kɩɩ wɩalɩŋ kala la sɩ wuo jɩŋ. Mɩɩ sʋl Wɩa dɩ ʋ leŋ dɩ ma nagɛ ŋɩɩ Wɩa sɩ naga.

Ɛfɛsɩs Nɩaa 5:18

Má sɩ́ sɩnɩŋ nyʋa bubugi, dɩ ma nɛ nyʋa sɩnɩŋ bubugi, ŋɩɩ jaŋ cheima. Ama má leŋ dɩ Wɩa Dɩŋ-zɔmʋŋ hɛ ma lɛ a tɩtɩŋ.

Ɛfɛsɩs Nɩaa 6:18

Má chʋchʋɔlɛ Wɩa bʋa na-kala lɛ ʋ Dɩŋ-zɔŋ-la doluŋ lɛ, a sʋsʋlʋ wɩɩ-wɩɩkala lɛ. Ma sɩɩ ŋaa ŋɩɩ, má pɔ woruŋ a sɩ́ doŋ dɩɛgʋ, aŋ pɛsɛ, a chʋɔlɛ Wɩa pɩpɩ Wɩa nɩaa ma.

1 Pɩɩta 1:12

Wɩa joŋo dagɛba arɩ ma wɩaa nɛ tɩɩ ba faa bʋl wɩaa deemba, ba tɩtɩa wɩaa dee. Lɛɛlɛ nɩalɩŋ sɩ bʋl Wɩa wʋzɔmɔ-la pɩpɩma, ba dagɛma bumbuŋ wɩaa deemba kala nɛ. Wɩa Dɩŋ-zɔmʋŋ sɩ lɩɩ Wɩa-jaŋ kʋ tuu hɛba lɛ nɛ pɩba doluŋ deeŋ. Wɩa tɩndaaraa ma fa cho dɩ ba na wɩaa deemba nɛ.

2 Pɩɩta 1:21

Wɩalɩŋ ba sɩ bʋla bɩ ba tɩtɩa tʋɔbɩɩnaa lɛ lɩa. Ama Wɩa Dɩŋ-zɔmʋŋ nɛ kʋ hɛ ba tʋɔŋ a leŋ ba bʋl wɩalɩŋ Wɩa sɩ joŋo pɩba.

1 SAMƲƐL 1:14

Ŋɩɩ nɛ ʋ bʋla pɩ Hana, “Ɛɛ nɛ ŋ chɛ dɩ ŋ bugo diene magɛ? Leŋ dɩ sɩŋ-la lɩɩ ŋ sɩaa lɛ.”

1 SAMƲƐL 10:10

Sɔɔl arɩ ʋ tɩntɩnnʋ-la sɩ mʋ yi Gɩbɩa, Wɩa wʋlaabʋllaa pʋɔlɛ a kʋ chemu. Wɩa Dɩma-la kʋ jʋʋ Sɔɔl arɩ doluŋ woruŋ, ʋ ma pɛ ba lɛ ba bʋbʋl wɩaa Wɩa doluŋ lɛ.