Tɩntɩŋŋaa 2:2 - WƖA TENIŊ

² Goŋ kʋbala guu lɩɩ wɩa-nyuŋ kʋ tuu a nagɛ pel-duoŋ, a su dɩa-la tʋɔŋ ba fa sɩ hɔnɔ.

Tɩntɩŋŋaa 2:2 ပူးပေါင်းရင်းမြစ်များ

1 KUOROO 19:11

La TƖƖNA sɩ, “Sii a lɩɩ chɩŋ peel-la nyuŋ mɩ sɩpaaŋ, bɛɛ wɩaa mɩ jaŋ kʋ to lee-la a bal.” Ŋɩɩ nɛ pel-duo bal kʋbala kʋ lu a yɛrɛ peele-la a kɛŋ tabɩaa pɩsa bal, ama La TƖƖNA fa tuo pel-la lɛ. Pel-la sɩ bala, tinteeŋ ma bɩra zigili, ama La TƖƖNA fa tuo tinteeŋ zigiline-la ma lɛ.

WƖA YƖƖLAA 18:10

Ŋ sagɛ kɩalɩŋ sɩ kɛŋ kɩŋkɛnsɩŋ a nagɛ Wɩa tɩndaaraa nyuŋ nɛ a file to peliŋ lɛ a kʋ tuu.

SOLOMOŊ YƖƖL-SƖMƖŊ 4:16

Wɩɩpɔsʋŋ nagʋa peliŋ, sii, wɩɩpɔsʋŋ nadiiŋ peliŋ, kɔ. Ma du hɛ mɩ lɩga lɛ, dɩ ʋ sʋɔra laa leriŋ kala. Leŋ dɩ mɩ hɩɩla kʋ jʋʋ ʋ lɩga a dii ʋ tɩɩ-nɛŋ zɔŋŋɔɔ sɩ sɩma.

AZAAYA 65:24

Ba jaŋ yɩyɩrɛmɛ, a ha bɩ dɛrɛ ka dɩ mɩ sɛɩ, ba jaŋ bʋbʋl wɩaa mɩ teeŋ, a ha bɩ dɛrɛ ka mɩ nɩɩ.

MALAKAƖ 3:1

La TƖƖNA doluŋ kala Tɩɩna sɩ, “Mɩ jaŋ tɩŋ mɩ tɩndaara dɩ ʋ kʋ wasɛ wombiiŋ a bil mɩ lɛ. Ŋɩɩ harɩŋ nɛ ma Tɩɩna-la ma sɩ bee chɩchɛ jaŋ guu kʋ jʋʋ ʋ dɩɩ-balɩŋ. Tɩndaarʋ-la ma sɩɩ yɩɛlʋ nɛ jaŋ kɛŋ nii-la sɩ hɛ mɩ dɩ ma pɛgɛ wɩaa polli.”

Luuk 2:13

Ŋɩɩ nɛ Wɩa tɩndaaraa yʋgɛ a guu lɩɩ a pɛ Wɩa tɩndaarʋ-la lɛ, ba yɩɩ yɩɩlaa a dɛnnɛ Wɩa a bʋl,

Jɔɔŋ 3:8

Peliŋ yie lu mʋmʋ lee-na kala ʋ sɩ cho nɛ. Ŋ nɩnɩɩ ʋ dɔmɔ, ama ŋ bɩ jɩŋ lee-la ʋ sɩ lɩɩ kʋkɔ, koo lee-la ʋ sɩɩ mʋ. Ʋ saa nagɛ ŋɩɩ nɛ nʋʋkala Wɩa sɩ joŋ ʋ Dɩŋ-zɔmʋŋ hɛ lɛ.”

Tɩntɩŋŋaa 2:3

Ŋɩɩ nɛ ba na kɩaa a nagɛ nyiŋ-gel-biisiŋ. Ba nagɩsɩŋ nagɛ nandelimee. Ba lɩɩ pɩsɛ. Nyiŋ-gel-bie kala togili nʋʋkala sɩ hɛ dɩa-la lɛ.

Tɩntɩŋŋaa 2:6

Nɩ-daŋ sɩ nɩɩ goŋ deeŋ, ba kala kʋ hilimi. Ba sɩ hilimi ŋɩɩ, ba nɩa dɩ baa bʋl wɩaa ba tɩtɩa yikorusuŋ lɛ. Ʋ ŋaaba wʋkpuŋkpere.

Tɩntɩŋŋaa 4:31

Ba sɩ chʋɔlɛ Wɩa dɛrɛ, lee-la ba sɩ hilime zigili. Wɩa Dɩŋ-zɔmʋŋ kʋ hɛ ba kala lɛ. Ba suomo bʋbʋl Wɩa niiŋ wɩaa arɩ nyuduoŋ.

1 Pɩɩta 1:12

Wɩa joŋo dagɛba arɩ ma wɩaa nɛ tɩɩ ba faa bʋl wɩaa deemba, ba tɩtɩa wɩaa dee. Lɛɛlɛ nɩalɩŋ sɩ bʋl Wɩa wʋzɔmɔ-la pɩpɩma, ba dagɛma bumbuŋ wɩaa deemba kala nɛ. Wɩa Dɩŋ-zɔmʋŋ sɩ lɩɩ Wɩa-jaŋ kʋ tuu hɛba lɛ nɛ pɩba doluŋ deeŋ. Wɩa tɩndaaraa ma fa cho dɩ ba na wɩaa deemba nɛ.