Tɩntɩŋŋaa 13:3 - WƖA TENIŊ

³ Ba sɩ chʋɔlɛ Wɩa a vɔɔ niiŋ ŋɩɩ, ba joŋ ba nɩsaa daŋ ba lɛ, aŋ taba.

Tɩntɩŋŋaa 13:3 ပူးပေါင်းရင်းမြစ်များ

NAMBABA 27:23

a joŋ ʋ nɩsɩŋ daŋ ʋ lɛ a leŋ nɩalɩŋ kala jɩŋ arɩ ʋ nɛ ŋaa ba sɩpaalaara, arɩ La TƖƖNA sɩ dagɛ Mosis ŋɩɩ.

Luuk 2:37

ka ʋ ŋaa yo-haal a kaa mʋ yi ʋ jɩsɩŋ mahɩŋ banɛsɛ arɩ banɛsɛ lɛ. Ʋ fa yie hɛ Wɩa dɩɩ-balɩŋ lɛ nɛ wɩɩhɛyɛ arɩ tɩtaŋɩŋ kala, ʋ bɩ lɩɩ. Ʋ yie vɔɔ niiŋ nɩmɛ aŋ pɛ chʋchʋɔlɛ Wɩa.

Tɩntɩŋŋaa 1:24

Ŋɩɩ nɛ ba kala chʋɔlɛ Wɩa a bʋl, “La Tɩɩna, ŋ jɩŋ nʋʋkala tʋɔŋ nɛ. Ŋɩɩ wɩaa dagɛla nɩaa deemba balɩamɩŋ tʋɔŋ kʋ-la ŋ sɩ lɩɩsa,

Tɩntɩŋŋaa 13:2

Nɩaa deemba fa sɩ chʋɔlɛ Wɩa a vʋvɔɔ niiŋ, ŋɩɩ nɛ Wɩa Dɩŋ-zɔmʋŋ bʋla pɩba, “Má lɩɩsɛ Banabas arɩ Sɔɔl pɩmɛ dɩ ba tɩŋ tɩntɩmɩɩ-la mɩ sɩ yɩrɛba dɩ ba tɩŋ.”

Tɩntɩŋŋaa 13:4

Wɩa Dɩŋ-zɔmʋŋ sɩ tɩmba ŋɩɩ, ba sii mʋ Sɛlʋsɩa, a lɩɩ nɩmɛ a jʋʋ lɩɩŋ daboro, a mʋ tintee kʋbala lɩɩŋ sɩ gollo chu baa yɩrɛ Saapʋrɔs.

Tɩntɩŋŋaa 14:23

Lee-na kala nɩalɩŋ sɩ laa Yesu wɩalɩŋ dii aa hilimi, Pɔɔl arɩ Banabas yie lɩɩsɛ nɩaa ba tʋɔŋ dɩ ba ŋaa ba kʋhɩasɩŋ. Ba nɛ ŋaa ŋɩɩ, ba yie chʋɔlɛ Wɩa pɩba a vɔɔ niiŋ, aŋ jomba hɛ La Tɩɩna Yesu nɩsɩŋ lɛ, nɩɩ-la wɩaa ba sɩ laa dii.

Tɩntɩŋŋaa 14:26

Ba lɩɩ nɩmɛ a jʋʋ lɩɩŋ daboro, a mɩɩra kɔ Antɩɔk. Nɩmɛ nɛ ba fa jomba hɛ Wɩa nɩsɩŋ lɛ, ʋ lahɔrɩmɔ lɛ ba wuo tɩŋ ba tɩntɩŋŋaa dɛrɛ.

Tɩntɩŋŋaa 15:40

Ka Pɔɔl ma kɛŋ Saalas. Ŋɩɩ nɛ nɩalɩŋ sɩ laa Yesu wɩaa dii jomba hɛ Wɩa nɩsɩŋ lɛ dɩ ba jʋʋ ʋ lahɔrɩmɔ.

Tɩntɩŋŋaa 6:6

Ŋɩɩ nɛ ba kɛŋ nɩalɩŋ balɩpɛ-la ba sɩ lɩɩsa a kaa mʋ Yesu nanzɔɔba-la sɩpaaŋ. Ba chʋɔlɛ Wɩa pɩba aŋ joŋ ba nɩsaa daŋ ba lɛ.

Tɩntɩŋŋaa 9:17

Ŋɩɩ nɛ Ananɩas sii mʋ dɩa-la Sɔɔl sɩ jʋa. Ʋ jʋʋ a joŋ ʋ nɩsaa daŋ Sɔɔl lɛ aŋ bʋl, “Mɩ naambie Sɔɔl, La Tɩɩna Yesu-la ŋ sɩ na wombiiŋ lɛ ŋ sɩɩ kɔ daha, ʋ nɛ tɩmmɛ. Ʋ tɩmmɛ dɩ mɩ kɔ dɩ ŋ sɩaa wuo suri, ka dɩ Wɩa Dɩŋ-zɔmʋŋ ma hɛŋ lɛ.”

Rom Tɩŋŋaa 10:15

Dɩ Wɩa nɛ bɩ nɩaa tɩma dɩ ba bʋl ʋ wɩaa, ɛɛ nɛ ba jaŋ wuo ŋaa bʋl ʋ wɩaa? Ba fa ŋmʋnsa Wɩa teniŋ tʋɔŋ a bʋl, “Ʋ ŋaa wʋzɔŋ nɛ nɩalɩŋ sɩɩ bʋl Wɩa wʋzɔmɔ-la sɩ kɔ.”

1 Timoti 4:14

Sɩ́ kʋ-la Wɩa Dɩŋ-zɔmʋŋ sɩ joŋo dii zile ŋ lɛ vɩa, Wɩa wʋlaabʋllaa sɩ bʋl kʋ-la wɩaa, ka Wɩa nɩaa nɩhɩasɩŋ joŋ ba nɩsaa a daŋ ŋ lɛ ŋ laa.

1 Timoti 5:22

Fɩɛlɛ ŋ sɩaa a pɔ dɩ ŋ sɩ́ pese lɩɩsɛ nʋʋ a joŋ ŋ nɩsaa daŋ ʋ lɛ dɩ ʋ tɩŋ Wɩa tɩntɩŋŋaa. Dɩ tɩɩna nɛ ŋaa wʋbɔŋ, ka ŋ lɩɩsʋ, ŋ ma jaŋ pɛ jʋʋ ʋ wʋbɔŋ-la lɛ. Sɩ́ disiŋ ŋaa wɩɩŋ deeŋ lɛ.

2 Timoti 1:6

Ŋɩɩ wɩaa nɛ tɩɩ mɩɩ liisiŋ dɩ ŋ kɛŋ kʋ-la Wɩa sɩ joŋo dii zile ŋ lɛ kaa tɩŋ woruŋ. Kʋ-la ŋ sɩ laa bʋa-la mɩ sɩ joŋ mɩ nɩsɩŋ daŋ ŋ lɛ a chʋɔlɛ Wɩa pɩŋ.

2 Timoti 2:2

Wɩalɩŋ ŋ sɩ nɩa dɩ mɩ bʋla pɩ nɩ-daŋ, ŋ ma bʋl ba tɩtɩa a pɩ nɩaa sɩ kɛŋ wʋtɩtɩɩ, di ba ma joŋo dagɛ ba dɔnsʋŋ tɩŋŋaa.

3 Jɔɔŋ 1:6

Ba bʋl ŋɩɩ ŋ sɩ cho nɩaa a pɩ la nɩalɩŋ sɩ laa Yesu wɩaa dii aa hilimi. Ʋ maga dɩ ŋ hɛ doluŋ aŋ pɛ ba lɛ arɩ kɩalɩŋ ba sɩɩ chɛ dɩ ba kaa vɛŋ wombiiŋ. Ŋaa ŋɩɩ sɩ jaŋ leŋ dɩ Wɩa tʋɔŋ tɔrɛ,

3 Jɔɔŋ 1:8

Ʋ maga dɩ la nɩalɩŋ sɩ laa Wɩa wɩaa dii nɛ pɛ nɩaa deemba lɛ. Dɩ la nɛ ŋaa ŋɩɩ, ʋ naga la ma pɛ ba lɛ nɛ ŋɩɩ wʋtɩtɩɩ wombii-la tɩntɩŋŋaa lɛ.