Tɩntɩŋŋaa 1:3 - WƖA TENIŊ

³ Ʋ sɩ sii sʋʋŋ lɛ, ʋ kɛŋ ʋ tɩtɩa kʋ dagɛ ʋ nanzɔɔba-la a yʋgɛ nɛ tapʋlaa mahɩŋ balɩa pɛgɛ. Wombiee yʋga nɛ ʋ to kɛŋ ʋ tɩtɩa dagɛba arɩ ʋ weye, aŋ bʋl Wɩa kuorii-la wɩaa a pɩba.

Tɩntɩŋŋaa 1:3 ပူးပေါင်းရင်းမြစ်များ

1 KUOROO 19:8

Ŋɩɩ nɛ ʋ bɩra sii a dii kɩalɩŋ aŋ nyʋa lɩɩŋ. Ʋ sɩ dii kʋdiile-la dɛrɛ, ʋ kɛŋ doluŋ. Ʋ vɛŋ wɩɩhɛyɛ arɩ tɩtaŋɩŋ kala tapʋlaa mahɩŋ balɩa a mʋ yi Wɩa peel-la ba sɩɩ yɩrɛ Hɔrɛb.

Matiu 21:43

Ŋɩɩ nɛ Yesu bʋla pɩ nɩalɩŋ a bʋl, “Wɩa jaŋ kɛŋ ʋ kuorii-la laa ma teeŋ, a joŋo pɩ nɩalɩŋ sɩ jaŋ to Wɩa niiŋ woruŋ a ŋɩŋaa wɩalɩŋ sɩ jaŋ dagɛ arɩ ba bɩrɩma lɩɩ ba wʋbɔŋŋɔɔ lɛ nɛ.

Matiu 28:9

Ŋɩɩ nɛ Yesu guu chemba a bʋla pɩba, “Ma jaŋ hɔŋ arɩ yarɩfɩɛlaa.” Ba mʋ ʋ teeŋ a kɛŋ ʋ naaŋ lɛ a chʋɔlʋ.

Matiu 3:2

Ʋ bʋla pɩba, “Má bɩrɩma lɩɩ ma wʋbɔŋŋɔɔ lɛ, bɛɛ wɩaa Wɩa kuorii-la kpaga nɛ.”

Matiu 4:2

Yesu fa sɩ hɛ tintee-hɩlɩŋ tʋɔŋ ŋɩɩ, ʋ vɔɔ niiŋ tɩtaŋɩŋ arɩ wɩɩhɛyɛ kala tapʋlaa mahɩŋ balɩa, ŋɩɩ nɛ losuŋ kɛnʋ.

Maak 16:19

La Tɩɩna Yesu sɩ bʋl wɩalɩŋ dɛrɛ, Wɩa joŋu a kaa mʋ Wɩa-jaŋ, ʋ hɔŋ Wɩa nadiiŋ, nɩduoŋ dɩhɔnʋŋ.

Jɔɔŋ 20:26

Tapʋlaa chori pɛgɛ Yesu harɩ-tooro-la bɩra jʋʋ dɩa a kɛŋ boiŋ yagɛ. Bʋa-la-na lɛ dɩ Tɔmas hɛ ba tʋɔŋ. Yesu kʋ jʋʋ chɩŋ ba tʋɔŋ aŋ bʋl, “Ma jaŋ hɔŋ arɩ fɩɛlɩŋ.”

Jɔɔŋ 21:1

Yesu bɩra kɛŋ ʋ tɩtɩa dagɛ ʋ harɩ-tooroo dɔnsʋŋ mʋga kʋbala niiŋ baa yɩrɛ Tabiiras. Ʋ harɩ-tooro-la nɛ ŋ-la:

Jɔɔŋ 21:14

Yesu sɩ sii sʋʋŋ lɛ ʋ butori nɛ ŋɩɩ ʋ sɩ kɛŋ ʋ tɩtɩa kaa kʋ dagɛ ʋ harɩ-tooroo.

Tɩntɩŋŋaa 13:31

Ʋ sɩ sii sʋʋŋ lɛ, ʋ kɛŋ ʋ tɩtɩa kʋ dagɛ ʋ dɩ nɩalɩŋ fa sɩ lɩɩ Galilii a mʋ Jerusalɛm. Ba naʋ tapʋl daŋ nɛ. Ba nɛ lɛɛlɛ saa bʋl ʋ wɩaa pɩpɩ Iziral tɩŋŋaa.

Tɩntɩŋŋaa 19:8

Pɔɔl sɩ hɛ Ɛfɛsɩs lɛ, ʋ vɛnɛ jʋjʋʋ Wɩɩchʋɔlɛ dɩa chɛnsɩŋ batori nɛ, a chaasa bʋbʋl Wɩa kuorii-la wɩaa arɩ nyuduoŋ. Ba dɩ nɩaa kɛŋ wɩalɩŋ lɩlɛrɛ, ʋ wʋwalɩmɛ dɩ ba sɛɩ ʋ wɩɩŋ.

Tɩntɩŋŋaa 28:23

Ŋɩɩ nɛ ba hɛ tapʋlʋŋ pɩ Pɔɔl. Tapʋlɩɩ-la sɩ yie, nɩaa yʋga a kɔ lee-la Pɔɔl sɩɩ jʋʋ. Pɔɔl bʋl Wɩa kuorii-la wɩaa a pɩpɩba sɩɩfɩɛsɩŋ a lɩɩ chʋchʋɔŋ kala a kaa mʋmʋ dɩdaanɩŋ. Ʋ karɩmɛ wɩalɩŋ Mosis fa sɩ ŋmʋnsa bil dɩ nɩaa tuto, arɩ wɩalɩŋ Wɩa wʋlaabʋllaa fa sɩ ŋmʋnsa bil Wɩa teniŋ tʋɔŋ. Ʋ dagɛba ŋɩɩ a bʋl Yesu wɩaa pɩba, a wʋwalɩmɛ dɩ ba laa Yesu wɩaa dii.

Tɩntɩŋŋaa 28:31

Ʋ bʋl Wɩa kuorii-la wɩaa a pɩ nɩaa, a dagɛ La Tɩɩna Yesu Kirisito ma wɩaa arɩ nyuduoŋ a pɩ nɩaa. Nʋʋkala fa bɩ ʋ tɔ dɩ ʋ sɩ́ ŋɩɩ ŋaa.

Tɩntɩŋŋaa 8:12

Ama Fɩlɩp sɩ bʋl Wɩa wʋzɔmɔ-la a tɩgɛ Wɩa kuorii-la lɛ, a bʋl Yesu Kirisito ma wɩaa, ba laa wɩalɩŋ dii, ba foba Wɩɩchʋɔlɛ lɩɩŋ, baalaa arɩ haalaa kala.

Rom Tɩŋŋaa 14:17

Kʋdiile-la la sɩɩ dii arɩ kɩalɩŋ la sɩɩ nyʋa bɩ sɩɩfɩaŋ wɩɩ ŋaa Wɩa kuorii-la tʋɔŋ. Wɩalɩŋ sɩ ŋaa sɩɩfɩaŋ wɩaa nɛ ŋ-la: Dɩ la kɛŋ tʋɔpʋla Wɩa sɩpaaŋ, a kɛŋ nii-bala, aŋ pɛ kɛŋ tʋɔtɔrʋŋ ma Wɩa Dɩŋ-zɔmʋŋ doluŋ lɛ.

MOSIS BƖRA WULLI WƖA WOMBIIŊ 9:18

Ŋɩɩ nɛ mɩ bɩra gbieni La TƖƖNA sɩpaaŋ wɩɩhɛyɛ arɩ tɩtaŋɩŋ kala tapʋlaa mahɩŋ balɩa, mɩ bɩ kʋŋkala die mɩ bɩ lɩɩ ma nyʋa. Mɩ ŋaa wɩaa deemba kala a tɩŋ ma sɩ ŋaa wʋbɔmɔ-la wɩaa nɛ, a leŋ La TƖƖNA chaasa na baanɩŋ ma nyuŋ.

MOSIS BƖRA WULLI WƖA WOMBIIŊ 9:9

Mɩ sɩ jɩl peel-la nyuŋ dɩ mɩ laa tabɩɩ-taalɩa-la balɩa, La TƖƖNA sɩ tuuri ʋ niiri-la ʋ sɩ hɛ ma dɩ ʋ pɛgɛ wɩaa hɛ, mɩ hɛ nɩmɛ wɩɩhɛyɛ arɩ tɩtaŋɩŋ tapʋlaa mahɩŋ balɩa nɛ. Mɩ bɩ kʋŋkala die, mɩ bɩ lɩɩ ma nyʋa.

Koloosi Nɩaa 1:13

Ʋ laala Sɩtaanɩ nɩsɩŋ lɛ nɛ, a kɛnla kaa mʋ hɛ ʋ bii-chooluŋ kuorii-la tʋɔŋ.

1 Tɛsalonaaka Nɩaa 2:12

La bʋl wɩaa ma nyuŋ nyaasɛ nɛ, a leŋ ma tʋɔŋ pɩŋ dɩ-bala. La sʋlma nɛ dɩ ma leŋ dɩ ma mɛlɛ zɔŋ Wɩa sɩpaaŋ. Wɩa nɛ yɩrɛma dɩ ma kʋ jʋʋ ʋ kuorii-la tʋɔŋ a pɛ na ʋ tʋla.

1 Jɔɔŋ 1:1

Mɩ-na Jɔɔŋ nɛ ŋmʋnsɛ teniŋ deeŋ pɩpɩma a tɩgɛ wɩɩ kʋbala lɛ. Wɩɩ-la fa hɛ nɩmɛ bumbuŋ kala nɛ a kɛŋ mɩɩsɩŋ. La nɩɩ ʋ yikoro a kɛŋ la sɩaa ma naʋ a chaasa benu, a kɛŋ la nɩsaa ma digu.