TƖƖCHA 1:3 - WƖA TENIŊ

³ Bɛɛ kʋŋ nɛ nuhuobiine yie na, ʋ sɩ yie faasa tɩma suoli ʋ mɩɩsɩŋ kala lɛ?

TƖƖCHA 1:3 ပူးပေါင်းရင်းမြစ်များ

TƖƖCHA 3:9

Tɩntɩnna sɩ yie tɩma lɔl, bɛɛ nyʋʋrɩ nɛ ʋ yie na?

TƖƖCHA 5:16

Wɩɩŋ deeŋ ma ŋaa wʋbɔŋ sɩ chaasa lɔrɛ nɛ: Nuhuobiine sɩ kɛŋ ŋɩɩ kɔ dʋnɩa, ŋɩɩ nɛ ʋ bɩra kaa mʋ. Ʋ bɩ nyʋʋrɩ kala na, ʋ lɔlɔ ta nɛ.

TƖƖCHA 2:22

Bɛɛ kʋŋ nɛ nuhuobiine na, ʋ sɩ yie walɩmɛ ʋ tɩtɩa a faasa tɩma lɔl dʋnɩa lɛ?

TƖƖCHA 2:11

Mɩ sɩ kɛŋ wɩalɩŋ kala mɩ sɩ ŋaa bɩɩnɛ arɩ ŋɩɩ mɩ sɩ faasa tɩŋ a na kɩaa, mɩ na dɩ wɩalɩŋ kala mɩ sɩ ŋaa bɩ bʋbʋɔŋ kɛnɛ. Ʋ nagɛ nʋʋ sɩɩ kiri peliŋ nɛ, kʋŋkala bɩ nyʋʋrɩ kɛnɛ dʋnɩa deeŋ lɛ.

Jɔɔŋ 6:27

Má sɩ́ ma doluŋ kala hɛ a chɛ kʋdiile-la sɩ jaŋ chei, ama má tɩma chɩchɛ kʋdiile-la sɩ jaŋ pɩma mɩɩsɩ-la sɩ bɩ dɛrɛ. Kʋdiilee deemba mɩ-na Nuhuobiine Bie nɛ jaŋ pɩma, bɛɛ wɩaa mɩ Nyɩmma Wɩa joŋ doluŋ hɛ mɩ lɛ nɛ dɩ mɩɩ ŋaa ŋɩɩ.”

Matiu 16:26

Dɩ ŋ nɛ kɛŋ dʋnɩa kʋŋkala aŋ bɩ mɩɩsɩŋ kɛnɛ Wɩa teeŋ, bɛɛ kʋŋ nyʋʋrɩɩ nɛ ŋ na? Dʋnɩa deeŋ lɛ, bɛɛ kʋŋ nɛ ŋ jaŋ wuo kaa lenni ŋ mɩɩsɩŋ?

AZAAYA 55:2

Bɛɛ nɛ tɩɩ ma chichei moribiee kɩalɩŋ sɩ tuo kʋdiilee lɛ, a lʋlɔl ma tɩtɩa kɩalɩŋ sɩ bɩ jaŋ vɔgɩma lɛ? Má jegile nɩɩ mɩ teeŋ woruŋ, ŋɩɩ nɛ ma jaŋ dii kʋdii-zɔŋŋɔɔ tɩtɩa a nɩɩ sɩma.

TƖƖCHA 2:19

Nʋʋkala bɩ jaŋ jɩŋ dɩ nɩɩ-la sɩ jaŋ tɩgɛ mɩ lɛ ŋaa wʋjɩnnʋ koo nɩyaarɩ. Ka ʋ nɛ jaŋ dii kɩalɩŋ kala mɩ sɩ kɛŋ mɩ wʋjɩmɩŋ faasa tɩma na dʋnɩa lɛ. Wɩɩŋ deeŋ ma bɩ bʋbʋɔ kɛnɛ.

HABAKU 2:13

La TƖƖNA doluŋ kala Tɩɩna nɛ fa leŋe nyiniŋ joŋ kɩalɩŋ nɩalɩŋ sɩ lɔlɔ na dii tinteyee nɩaa lɔlɔ tɩta.

TƖƖCHA 9:13

Wɩɩ dɔŋ ma nɛ mɩ bɩra na dʋnɩa lɛ a mʋ tɩgɛ wʋjɩmɩŋ lɛ ʋ sɩma pɩmɛ kɩŋkɛŋ.

TƖƖCHA 9:6

Ŋɩɩ ba sɩ cho nɩaa, ŋɩɩ ba sɩ bɛrɛ nɩaa arɩ ba yarɩ-bieriŋ kala lɛlɛ nɛ. Ba-na bɩra bɩ jaŋ pɛ wɩɩ na-kala sɩɩ ŋaa dʋnɩa lɛ.

TƖƖCHA 9:3

Wɩalɩŋ kala sɩɩ ŋaa dʋnɩa lɛ a kɛŋ tʋɔ-cheeŋ nɛ ŋ-la: Wʋbala nɛ sɩ jaŋ kɛŋ la kala mʋ. Nuhuobiinee tʋɔŋ lɔrɔ kɩŋkɛŋ ba bɩbɩɩnɛ nyɩnyɛ wɩaa ba mɩɩsɩŋ lɛ, ʋ ŋɩɩ harɩŋ ba sʋʋ.

TƖƖCHA 7:11

Wʋjɩmɩŋ ŋaa kʋzɔŋ nɛ, a nagɛ ŋ sɩ dii dʋa. Ʋ kɛŋ nyʋʋrʋŋ a pɩ dʋnɩa nɩaa.

TƖƖCHA 6:12

Kʋbɛɛ nɛ jɩŋ wɩɩ-la sɩ zɔmɔ a pɩ nuhuobiine, ʋ sɩ hɛ ʋ mɩɩsɩŋ lɛ tapʋlɩa-la baŋmɛnɛ sɩ bɩ bʋbʋɔ kɛnɛ, a bɩbal a nagɛ daaliimiŋ? Kʋbɛɛ nɛ jaŋ wuo bʋl wɩɩ-la sɩ jaŋ ŋaa ʋ lɛ dɩ ʋ nɛ lɩɩ dʋnɩa deeŋ lɛ?

TƖƖCHA 5:18

Ŋɩɩ nɛ mɩ jɩŋ dɩ ʋ ŋaa wʋzɔŋ nɛ a magɛ dɩ nuhuobiine dii aŋ nyʋa, a nɩɩ sɩma ʋ mɩɩsɩŋ lɛ tapʋlɩa-la baŋmɛnɛ Wɩa sɩ joŋo pʋ ʋ kaa tɩma lɔl dʋnɩa lɛ a na kɩalɩŋ. Ʋ kpaalɩŋ nɛ ŋɩɩ.

TƖƖCHA 4:3

Ama nɩɩ-la sɩ kpɩa ba kala nɛ, nɩɩ-la ba ha sɩ bɩ lʋla, nɩɩ-la ha sɩ bɩ wʋbɔmɔ-la ba sɩɩ ŋaa dʋnɩa lɛ na.

HABAKU 2:18

Bɛɛ kʋŋ bʋbʋa nɛ vʋɩŋ kɛŋ, nuhuobiine nɛ sɩ ŋaaʋ? Ʋ ŋaaʋ ʋ nyɩnyɩɛ wɩaa nɛ, nɩɩ-la sɩ saaʋ joŋ ʋ yɩɛlaa hɛ ʋ lɛ, kʋŋ ʋ tɩtɩa sɩ mɛ. Tɔŋ-la ʋ sɩ ŋaa bɩ wɩaa wuo bʋl.

TƖƖCHA 4:7

Wɩɩ dɔŋ ma nɛ mɩ bɩra na dʋnɩa lɛ sɩ bɩ bʋbʋɔ kɛnɛ:

1 Kɔrɩntɩ Nɩaa 16:16

dɩ ma tuto nɩdosunuŋ deemba niiŋ. Má tuto Wɩa tɩntɩnnʋ-na kala niiŋ, arɩ nɩalɩŋ sɩɩ pɛ la lɛ la tɩtɩŋ.

TƖƖCHA 2:18

Kɩalɩŋ kala mɩ sɩ tɩma lɔl a na dʋnɩa lɛ, mɩ bɩra bɩ ba cho, bɛɛ wɩaa mɩ jaŋ lemba pɩ nɩɩ-la sɩɩ tɩgɛ mɩ lɛ, dɩ mɩ nɛ tuo.