9 Má leŋ nɩyaarɩ wʋkaalɛrɛ, a sɩ́ ma naabalɩmaba gentine sɩ duomo dɩɩsʋ. Má sɩ́ yuosuŋ hɛ a sɩ́ dɔŋɔ yuo a tɩŋ wɩalɩŋ Mosis fa sɩ ŋmʋnsa bil dɩ nɩaa tuto wɩaa. Ŋɩɩ bɩ bʋbʋɔ kɛnɛ, ŋɩɩ bɩ nʋʋ lɛ ka pɛ.
Ʋ jaŋ kɛŋ wɩaa sɩ bɩ bʋbʋɔ kɛnɛ a lɩlɛrɛ, aa bʋl wʋpɛɩbaa?
Dɩ Wɩa Dɩŋ-zɔmʋŋ nɛ pɩmɛ doluŋ dɩ mɩ wuo bʋbʋl Wɩa wɩaa, a wuo jɩŋ wʋfaalɩɩ kala bʋbʋɔŋ, a kɛŋ wʋjɩmɩŋ kala, aŋ pɛ laa Wɩa dii a jaŋ wuo ŋaa dɩ peelee churo mʋmʋ leree dɔnsʋŋ, aŋ bɩ nɩaa cho, ʋ ŋaa wʋpɛɩ nɛ.
Ma sɩ pɩɛsɛmɛ wɩaa dɔnsʋŋ a mʋ tɩgɛ vʋɩŋ kʋdiilee lɛ, mɩɩ chɛ dɩ mɩ bʋl wɩaa a mʋ tɩgɛ ba lɛ nɛ. Ʋ ŋaa wʋtɩtɩɩ nɛ arɩ la kala jɩŋ wɩaa nɛ. Wʋjɩmɩŋ saa yie kɛŋ ʋ tɩɩna bibigisi ʋ tɩtɩa lɛ nɛ. Ama nɩalɩŋ sɩ cho nɩaa yie pɛ ba lɛ nɛ dɩ ba chɩŋ wɩalɩŋ ba sɩ laa dii lɛ woruŋ.
Ama pɔ dɩ ŋ sɩ́ sʋnsɔgʋlɔ-la sɩ bɩ Wɩa wombiiŋ ka to gʋnnʋ. Vɩaba ta. Kɛŋ ŋ tɩtɩa, a gʋnnɛ wɩalɩŋ sɩ jaŋ leŋ dɩ ŋ to Wɩa wombiiŋ woruŋ.
Bʋla pɩ nɩalɩŋ sɩ laa Yesu wɩaa dii dɩ ba liliisi wɩaa deemba woruŋ, a kpʋrɩsɛ ba dɩgɩlaa Wɩa sɩpaaŋ, dɩ ba bɩra sɩ́ wɩaa kaa lɩlɛrɛ. Ma sɩ kɛŋ wɩaa lɩlɛrɛ ŋɩɩ, ʋ ŋɩɩ bɩ nʋʋkala lɛɛ pɛ, ama ʋ yie chichei nɩalɩŋ sɩɩ jegilu nɛ.
Lɩɩsɛ ŋ tɩtɩa nɩalɩŋ sɩ yie bʋbʋl wɩalɩŋ sɩ bɩ Wɩa wombiiŋ ka to lɛ. Wɩalɩŋ ba sɩɩ bʋl yie leŋ nɩaa joŋ ba harɩŋ yɩa Wɩa nɛ.
Ama lɩɩsɛ ŋ tɩtɩa nɩalɩŋ sɩ kɛŋ nɩyaarɛ wɩaa lɩlɛrɛ lɛ. Ŋ jɩma arɩ wɩaa deemba yie leŋ nɩaa yuyuo dɔŋɔ nɛ.
Bɩra bʋla pɩba dɩ ba sɩ́ Juu tɩŋŋaa naabalɩmaba wɩaa sɩ nagɛ sʋnsɔgʋlɔɔ nɩɩ, a sɩ́ nɩalɩŋ sɩ vɩa Wɩa wʋtɩtɩɩ-la harɩŋ to.
Bɛɛ nɛ tɩɩ ma yie gʋraa yuo dɔŋɔ? Ʋ lɩɩ ma wʋchɛɛlɛ-la sɩɩ walɩmɛma nɛ.