Taatɩs 3:7 - WƖA TENIŊ

⁷ Ʋ lahɔrɩmɔ lɛ ʋ ŋaa ŋɩɩ dɩ la kɛŋ tʋɔpʋla ʋ sɩpaaŋ, a wuo kɛŋ mɩɩsɩ-la sɩ bɩ dɛrɛ, wɩɩ-la la sɩɩ yɩɛlʋ lɛ.

Taatɩs 3:7 ပူးပေါင်းရင်းမြစ်များ

Matiu 25:34

Ŋɩɩ nɛ mɩ-na Kuoro jaŋ bʋla pɩ nɩalɩŋ sɩ chɩŋ mɩ nadiiŋ, ‘Má kɔ. Mɩ Nyɩmma Wɩa nɛ pɛ ma lɛ. Má kʋ dii Wɩa kuorii-la ba sɩ wasa bil ma lɛ dʋnɩa dɩ-suomuŋ,

Maak 10:17

Yesu bɩra sie dɩ ʋ vɛŋ wombiiŋ. Baal kʋbala fá kʋ kpirimi ʋ sɩpaaŋ a pɩɛsʋ, “Mɩ kʋhɩa-zɔmʋŋ, ɛɛ nɛ mɩ jaŋ ŋaa a kɛŋ mɩɩsɩ-la sɩ bɩ dɛrɛ?”

Rom Tɩŋŋaa 11:6

Ʋ sɩ lɩɩsɛba a fá ba nenige ŋɩɩ, ʋ bɩ naga ba tɩntɩŋ-zɔŋŋɔɔ ba sɩ tɩma wɩaa nɛ tɩɩ. Dɩ ʋ nɛ tɩŋ nɩaa wʋzɔŋŋɔɔ wɩaa aa fá ba nenige, ŋɩɩ-na nɩaa nenige dee ʋʋ fá ŋɩɩ.

Rom Tɩŋŋaa 3:24

Ama Wɩa lahɔrɩmɔ lɛ nɛ ʋ to Yesu Kirisito lɛ a laaba ta ba kɛŋ tʋɔpʋla ʋ sɩpaaŋ. Ʋ ŋaa ŋɩɩ chɔgɩta nɛ.

Rom Tɩŋŋaa 3:28

La sɛyɛ arɩ nʋʋ jaŋ wuo na tʋɔpʋla Wɩa sɩpaaŋ a tɩŋ ʋ sɩ laa Yesu dii. Dɩ la nɩɩ to wɩalɩŋ Mosis sɩ ŋmʋnsa bil dɩ nɩaa tuto, la bɩ jaŋ wuo kɛŋ tʋɔpʋla deeŋ.

Rom Tɩŋŋaa 4:16

Ŋɩɩ wɩaa, nii-la Wɩa sɩ hɛ, nɩalɩŋ sɩ laa Wɩa dii nɛ jaŋ naʋ. Ʋ ŋaa zile kʋŋ nɛ a pɩ Abɩraham doho nɩaa kala. Ʋ bɩ naga arɩ ʋ joŋo pɩ nɩalɩŋ sɩɩ to wɩalɩŋ Mosis sɩ bile dʋndʋŋa nɛ, ama ba dɩ nɩalɩŋ kala sɩ laa Wɩa dii a nagɛ Abɩraham fa sɩ laa Wɩa dii ŋɩɩ, ba kala nɛ ʋ joŋo pa nɩalɩŋ sɩ keri ba penee arɩ nɩalɩŋ sɩ bɩ ba penee kere kala, bɛɛ wɩaa Abɩraham nɛ ŋaa la kala nyɩmma Wɩa sɩpaaŋ.

Rom Tɩŋŋaa 4:4

Dɩ nʋʋ nɛ tɩŋ tɩntɩŋŋaa, ʋ maga dɩ ba timu nɛ. Time-la ʋ sɩ laa, ʋ bɩ naga arɩ chɔgɩta nɛ ba joŋo pʋ. Ʋ tɩma nɛ a laa.

Rom Tɩŋŋaa 8:17

La sɩ ŋaa Wɩa biiriŋ ŋɩɩ, Wɩa joŋ kɩaa nɛ a bil la lɛ, kɩalɩŋ kala Wɩa sɩ joŋo bil Kirisito lɛ, la ma jaŋ tɩɩba. Dɩ la dɩ Kirisito kala nɛ na hɛɛŋ, la ma jaŋ laa yɩrɩ-la Kirisito sɩ jaŋ laa.

1 Kɔrɩntɩ Nɩaa 6:11

Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.

Galiisia Nɩaa 2:16

La jɩma arɩ nʋʋ nɩɩ to wɩalɩŋ Mosis fa sɩ bile dɩ nɩaa tuto, ʋ ŋɩɩ bɩ jaŋ wuo leŋ dɩ tɩɩna ŋaa tʋɔpʋl tɩɩna Wɩa sɩpaaŋ. Ama dɩ nʋʋ nɛ laa Yesu Kirisito wɩaa dii, ʋ dʋndʋŋa nɛ jaŋ wuo leŋ dɩ ʋ tɩɩna ŋaa tʋɔpʋl tɩɩna Wɩa teeŋ. Ŋɩɩ tɩtɩa nɛ la ma laa Yesu Kirisito wɩaa dii, dɩ Wɩa leŋ dɩ la ŋaa tʋɔpʋl tɩmma ʋ teeŋ, a tɩŋ ŋɩɩ la sɩ laa Kirisito dii. Dɩ nʋʋ nɩɩ to wɩalɩŋ Mosis sɩ bile, ʋ ŋɩɩ bɩ jaŋ wuo leŋ dɩ ʋ kɛŋ tʋɔpʋla Wɩa teeŋ.

Galiisia Nɩaa 3:29

Dɩ ma dɩ Kirisito nɛ ŋaa kʋbala, ŋɩɩ-na ma ŋaa Abɩraham doho nɩaa nɛ. Wɩa sɩ sɩ ʋ jaŋ ŋaa wɩɩ-la a pɩ Abɩraham, ʋ jaŋ ŋaa pɩ ma ma.

Galiisia Nɩaa 4:7

Ŋɩɩ wɩaa ma kʋŋkala bɩra bɩ yoŋ ŋaa. Ma ŋaa Wɩa biiriŋ nɛ. Ma saa sɩ ŋaa ʋ biiriŋ ŋɩɩ, Wɩa jaŋ leŋ dɩ ma dii ʋ dʋa.

2 Tɛsalonaaka Nɩaa 2:16

La Tɩɩna Yesu Kirisito arɩ la Nyɩmma Wɩa sɩ chola lahɔrɩmɔ lɛ, ʋ ŋaa la tʋɔŋ pɩŋ dɩ-bala nɛ a kaa mʋ wuu, dɩ la wuo yɩyɩɛlɛ wʋzɔŋŋɔɔ.

Taatɩs 1:2

Nɩalɩŋ sɩɩ to Wɩa wombiiŋ deeŋ, baa yɩɛlɛ arɩ ba jaŋ kɛŋ mɩɩsɩ-la sɩ bɩ dɛrɛ. Wɩa fa bʋl wɩaa a tɩgɛ mɩɩsɩŋ deeŋ lɛ faafaa kala nɛ, ka dʋnɩa-na suomi. Wɩa bɩ wɩaa ka nyɩɛ, ʋ jaŋ ŋaa wɩɩ-la.

Taatɩs 2:11

Wɩa dagɛ ʋ zile pɩla nɛ, a kɔ dɩ ʋ laa nʋʋkala ta.

Taatɩs 2:13

La sɩ hɛ dʋnɩa deeŋ lɛ ŋɩɩ, laa gbɛrɛ tapʋlɩɩ-la la Wɩɩ-balɩŋ arɩ la Laataara Yesu Kirisito sɩ jaŋ mɩɩra kɔ arɩ ʋ tʋla nɛ.

Hiburu TƖŊŊAA 1:14

Wɩa tɩndaara-la kala ŋaa Wɩa tɩntɩnnaa nɛ. Wɩa yie tɩmba ba mʋ pɛ nɩalɩŋ ʋ sɩɩ chɛ ʋ laa ta lɛ nɛ.

Hiburu TƖŊŊAA 11:7

Nowa ma fa laa Wɩa wɩaa dii nɛ. Ŋɩɩ nɛ Wɩa kpʋrɩsɛ ʋ dɩgɩlaa a mʋ tɩgɛ wɩɩ-la sɩ jaŋ ŋaa dʋnɩa lɛ a pʋ, ʋ bɩ wɩɩ-la na aŋ sɛɩ Wɩa niiŋ a kpaasɛ lɩɩŋ daboro dɩ ʋ laa ʋ dɩ ʋ dɩa nɩaa ta. Nowa sɩ laa Wɩa wɩaa dii nɛ tɩɩ ʋ kʋ ŋaa tʋɔpʋl tɩɩna aŋ joŋ cheeriŋ a pɩ nɩkaana-la kala.

Hiburu TƖŊŊAA 11:9

Ʋ sɩ laa Wɩa wɩaa dii ŋɩɩ, ʋ mʋ hɔŋ tintee-la Wɩa sɩ sɩ ʋ jaŋ joŋo pʋ lɛ a nagɛ nʋhʋɔrʋ. Ʋ nanʋala Aɩzɩk arɩ ʋ nihiŋ Jekɔb ma fa hɔŋ lee-la tɩtɩa nɛ a ŋaa nʋhʋɔra. Ba fa hɛ lɛŋŋɛɛ nɛ a jʋjʋʋ. Wɩa fa bʋla arɩ ʋ jaŋ joŋ tintee-la pɩ ba kala nɛ.

Hiburu TƖŊŊAA 6:17

Ŋɩɩ tɩtɩa nɛ Wɩa fa sɩ bʋla pɩ ʋ nɩaa arɩ ʋ jaŋ joŋ kɩaa pɩba, ʋ fa sɩɩ chɛ dɩ ba chaasa jɩŋ arɩ ʋ bɩ jaŋ kɛŋ ʋ niiŋ bɩrɩmɛ, ʋ ŋmɩɛsa daŋ nɛ.

Jeems 2:5

Mɩ naambii-kpɩanaba, má jegile nɩɩ mɩ teeŋ. Nɩalɩŋ sɩ ŋaa summoo dʋnɩa deeŋ lɛ, Wɩa tʋɔsɛba nɛ dɩ ba laa ʋ wɩaa dii woruŋ a jʋʋ ʋ kuorii-la, lee-la ʋ sɩ sɩ ʋ jaŋ joŋo pɩ nɩalɩŋ sɩ chou.

1 Pɩɩta 3:7

Ŋɩɩ tɩtɩa nɛ ma baalaa ma maga dɩ ma leŋ dɩ ma mɛlɛ zɔŋ dɩ ma kɛŋ ma haalaa woruŋ a zizilba. Ma jɩma ma dolie kɩɩba nɛ, ka Wɩa joŋ mɩɩsɩŋ pɩ ma kala. Ma ŋɩŋaa ŋɩɩ, dɩ wɩɩkala sɩ́ ma Wɩɩ-chʋɔlʋŋ chei.