Taatɩs 3:5 - WƖA TENIŊ

⁵ a laala ta. Ʋ bɩ naga arɩ la sɩ ŋaa tʋɔpʋl tɩmma nɛ tɩɩ ʋ laala ta. Ama ʋ sɩɩ fá nɩaa nenige nɛ tɩɩ ʋ laala ta. Ʋ laala ta nɛ, bɛɛ wɩaa ba fola Wɩɩchʋɔlɛ lɩɩŋ nɛ Wɩa Dɩŋ-zɔmʋŋ doluŋ lɛ. Ŋɩɩ dagɛ arɩ Wɩa bɩra wasa lʋlla nɛ, la kɛŋ mɩɩ-falɩŋ ʋ teeŋ.

Taatɩs 3:5 ပူးပေါင်းရင်းမြစ်များ

JOB 15:14

Nuhuobiine nɛ kʋbɛɛ, a jaŋ wuo ŋaa nɩpʋla, nuhuobiine jaŋ wuo ŋaa tʋɔpʋl tɩɩna?

JOB 25:4

Ɛɛ nɛ saa nuhuobiine jaŋ wuo ŋaa tʋɔpʋl tɩɩna Wɩa sɩpaaŋ? Nʋʋ sɩ pɩŋ haala tʋɔŋ lɩɩ jaŋ wuo ŋaa nɩpʋlaa?

JOB 9:20

Dɩ mɩ nɛ paala bɩ wɩɩ jɩŋ ma, mɩ niiŋ wʋbʋlaa jaŋ cheimi. Dɩ mɩ nɛ paala bɩ wʋcheeli kala kɛnɛ ma, ʋ ha jaŋ joŋ cheeriŋ pɩmɛ.

WƖA YƖƖLAA 130:7

Iziral tɩmma, má joŋ ma yɩɛlaa kala hɛ La Tɩɩna lɛ. La Tɩɩna chonuŋ bɩ dɛrɛ, ʋ kɛŋ doluŋ ma ʋ sɩ jaŋ laama ta.

WƖA YƖƖLAA 143:2

Mɩ ŋaa ŋ tɩntɩnnʋ nɛ, sɩ́ mɩ sarɩya dii, bɛɛ wɩaa nʋʋkala bɩ tʋɔpʋl tɩɩna ŋaa ŋ sɩpaaŋ.

WƖA YƖƖLAA 51:10

Mɩ Wɩa, leŋ dɩ mɩ kɛŋ tʋɔpʋla, a wasa chɩŋ mɩ wʋtɩtɩɩ naaŋ lɛ.

WƖA YƖƖLAA 62:12

chonuŋ ma ŋaa ʋ-na La Tɩɩna kʋŋ. Wʋtɩtɩɩ, ŋ jaŋ tiŋ nʋʋkala a magɛ ŋɩɩ ʋ sɩ tɩma magɛ.

WƖA YƖƖLAA 86:15

Ama ŋ-na La Tɩɩna, ŋ nɛ Wɩa sɩ kɛŋ zile a fɩfá nɩaa nenige. Ŋ baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ.

WƖA YƖƖLAA 86:5

Ŋ wɩaa zɔmɔ, ŋ joŋ wɩaa ma a chɩchɛ nɩaa. La Tɩɩna, ŋ chonuŋ bɩ magɩa kɛnɛ, nɩalɩŋ kala sɩɩ chʋɔlʋŋ teeŋ.

AZAAYA 57:12

Ma bɩɩna ma ŋaa tʋɔpʋl tɩmma nɛ, ama mɩ jaŋ wulli ma bʋbʋɔŋ kala.

ƐZƖKƖƐL 36:25

Mɩ jaŋ joŋ lɩɩzɔmʋŋ a mɩsɛma, dɩ ʋ ŋaa dɩ ma zɔŋ. Mɩ jaŋ pɩɩsɛ tɔmɔ-la ma sɩ kpaara a kɛŋ disiniŋ arɩ disiŋ dɔŋ kala ma sɩ ŋaa a ta.

MƖKA 7:18

Wɩa, nʋʋkala tuo a nagɩŋ, ŋ nɛ nɩɩ-la sɩ joŋ ŋ nɩalɩŋ sɩ ka a bɩ sʋba wʋcheelee arɩ ba wʋbɔŋŋɔɔ a chɛba. Ŋ bɩ baanɩŋ na didieni, ŋ cho nɩaa nenige fanɩŋ nɛ.

Matiu 3:11

Mɩ-na foma Wɩɩchʋɔlɛ lɩɩŋ a dagɛ arɩ ma bɩrɩma lɩɩ ma wʋbɔŋŋɔɔ lɛ nɛ, ama nɩɩ-la sɩ jaŋ to mɩ harɩŋ kɔ, ʋ nɛ jaŋ joŋ Wɩa Dɩŋ-zɔmʋŋ hɛ ma dɔnsʋŋ lɛ aŋ joŋ nyiniŋ hɛ dɔnsʋŋ ma lɛ. Ʋ nɛ faasa kɛŋ doluŋ kɩɩmɛ. Ʋ paala bɩ maga dɩ mɩ kori ʋ nɛntɛŋŋɛɛ ma.

Luuk 1:50

Ʋʋ fá nɩalɩŋ kala sɩɩ fáʋ nenige nɛ, doho-na kala lɛ.

Luuk 1:54

Ʋ fa bil niiŋ nɛ a pɩ la naabalɩmaba dɩ ʋ jaŋ pɛ ʋ tɩntɩnnaa Iziral tɩŋŋaa lɛ. Wɩɩ-la ʋ fa sɩ bʋla kʋ ŋaa wʋtɩtɩɩ. Ʋ pɛ ba lɛ.

Luuk 1:72

Ʋ bʋla arɩ ʋ jaŋ fá la doho nɩaa nenige, a liise yi nii-zɔŋ-la ʋ sɩ bile ʋ dɩ la naabalɩmaba pɛgɛ.

Luuk 1:78

Wɩa kɛŋ zile aŋ fɩfá nɩaa nenige. Ʋ jaŋ laala ta a leŋ dɩ la hɔŋ pʋlʋmʋŋ tʋɔŋ.

Rom Tɩŋŋaa 11:14

Mɩ sɩɩ tɩŋ tɩntɩmɩŋ deeŋ, ŋ bɩ pɔ ʋ jaŋ wuo leŋ dɩ mɩ naambiiriŋ Juu tɩŋŋaa yaraa bibieri, dɩ ba dɔnsʋŋ laa Wɩa wɩaa dii, dɩ ʋ laaba ta.

Rom Tɩŋŋaa 11:6

Ʋ sɩ lɩɩsɛba a fá ba nenige ŋɩɩ, ʋ bɩ naga ba tɩntɩŋ-zɔŋŋɔɔ ba sɩ tɩma wɩaa nɛ tɩɩ. Dɩ ʋ nɛ tɩŋ nɩaa wʋzɔŋŋɔɔ wɩaa aa fá ba nenige, ŋɩɩ-na nɩaa nenige dee ʋʋ fá ŋɩɩ.

Rom Tɩŋŋaa 12:2

Má sɩ́ ma nyuŋ joŋo hɛ dʋnɩa wʋŋaalaa lɛ. Ama má leŋ dɩ Wɩa kɛŋ ma tʋɔbɩɩnaa bɩrɩmɛ dɩ ba zɔŋ. Ŋɩɩ lɛ nɛ ma jaŋ wuo jɩŋ wɩɩ-la Wɩa sɩɩ chɛ. Ma jaŋ wuo jɩŋ wɩɩ-la sɩ zɔmɔ aa tɔrɛ Wɩa tʋɔŋ aŋ pɛ zɔŋ ma woruŋ.

Rom Tɩŋŋaa 3:20

Nʋʋkala bɩ jaŋ wuo to wɩalɩŋ Mosis sɩ bile lɛ a kɛŋ tʋɔpʋla Wɩa sɩpaaŋ. Ama wɩalɩŋ Mosis sɩ bile dɩ nɩaa tuto nɛ dagɛla la jɩŋ arɩ nʋʋkala ka ŋaa wʋbɔŋŋɔɔ nɛ.

Rom Tɩŋŋaa 3:28

La sɛyɛ arɩ nʋʋ jaŋ wuo na tʋɔpʋla Wɩa sɩpaaŋ a tɩŋ ʋ sɩ laa Yesu dii. Dɩ la nɩɩ to wɩalɩŋ Mosis sɩ ŋmʋnsa bil dɩ nɩaa tuto, la bɩ jaŋ wuo kɛŋ tʋɔpʋla deeŋ.

Rom Tɩŋŋaa 4:5

Ama nɩɩ-la sɩ bɩ ʋ wʋŋaalaa lɛ nɩɩ beŋ, aŋ laa dii arɩ Wɩa jaŋ wuo ŋaa dɩ nɩɩ-la sɩɩ ŋaa wʋbɔŋŋɔɔ na tʋɔpʋla ʋ sɩpaaŋ, ʋ sɩ laa Wɩa dii ŋɩɩ jaŋ ŋaa dɩ ʋ kɛŋ tʋɔpʋla Wɩa sɩpaaŋ.

Rom Tɩŋŋaa 9:11

Ka dɩ Rɩbɛka-na lʋl daalɩarɩ-la, biiri-la ha bɩ wʋzɔŋ koo wʋbɔŋ kala ŋaa, ka Wɩa bʋla pʋ, “Ŋ sɩ jaŋ lʋl biiri-la, kʋhɩaŋ jaŋ tɩma pɩpɩ kʋbie.” Ŋɩɩ daga arɩ Wɩa tʋɔtɔrʋŋ lɛ nɛ ʋ yɩrɛ ʋ nɩaa a tʋɔsɛba, ʋ bɩ naga arɩ ba sɩ ŋaa wɩalɩŋ nɛ tɩɩ ʋ tʋɔsɛba. Ʋ sɩ yɩrɛba nɛ tɩɩ ba ŋaa ʋ nɩaa.

Rom Tɩŋŋaa 9:16

Wɩɩŋ deeŋ saa bɩ naga nuhuobiine sɩ cho wɩalɩŋ a wʋwalɩmɛ dɩ ʋ ŋaaba nɛ tɩɩ, ama Wɩa sɩ fá la nenige nɛ tɩɩ,

Rom Tɩŋŋaa 9:30

Bɛɛ nɛ saa laa chɛ dɩ la bʋl: Nɩalɩŋ sɩ bɩ Juu tɩŋŋaa ŋaa fa bɩ chɛ dɩ ba kɛŋ tʋɔpʋla Wɩa sɩpaaŋ. Ba nɛ mɩɩra kʋ kɛŋ tʋɔpʋla Wɩa sɩpaaŋ a tɩŋ ba sɩ laa Wɩa dii.

1 Kɔrɩntɩ Nɩaa 6:11

Ma dɔnsʋŋ faa ŋaa wɩaa deemba nɛ. Ama Wɩa fo ma wʋbɔŋŋɔɔ ta nɛ. Wɩa nɛ tɩɩma. A tɩŋ La Tɩɩna Kirisito Yesu wɩaa arɩ Wɩa Dɩŋ-zɔŋ-la doluŋ lɛ, ma ŋaa tʋɔpʋl tɩmma nɛ Wɩa teeŋ.

Galiisia Nɩaa 2:16

La jɩma arɩ nʋʋ nɩɩ to wɩalɩŋ Mosis fa sɩ bile dɩ nɩaa tuto, ʋ ŋɩɩ bɩ jaŋ wuo leŋ dɩ tɩɩna ŋaa tʋɔpʋl tɩɩna Wɩa sɩpaaŋ. Ama dɩ nʋʋ nɛ laa Yesu Kirisito wɩaa dii, ʋ dʋndʋŋa nɛ jaŋ wuo leŋ dɩ ʋ tɩɩna ŋaa tʋɔpʋl tɩɩna Wɩa teeŋ. Ŋɩɩ tɩtɩa nɛ la ma laa Yesu Kirisito wɩaa dii, dɩ Wɩa leŋ dɩ la ŋaa tʋɔpʋl tɩmma ʋ teeŋ, a tɩŋ ŋɩɩ la sɩ laa Kirisito dii. Dɩ nʋʋ nɩɩ to wɩalɩŋ Mosis sɩ bile, ʋ ŋɩɩ bɩ jaŋ wuo leŋ dɩ ʋ kɛŋ tʋɔpʋla Wɩa teeŋ.

Ɛfɛsɩs Nɩaa 2:4

Ama Wɩa chola nɛ kɩŋkɛŋ, a faasa fɩfá la nenige,

Ɛfɛsɩs Nɩaa 4:23

Má leŋ dɩ Wɩa kɛŋ ma tʋɔbɩɩnaa kala bɩrɩmɛ dɩ ba ŋaa kʋfalɩa.

Ɛfɛsɩs Nɩaa 5:26

a pɩɩsɛ ba disiniŋ ta, a fo ba wʋbɔŋŋɔɔ kala ma ta arɩ lɩɩŋ, a tɩŋ Wɩa niiŋ wɩalɩŋ ba sɩ nɩa wɩaa.

MOSIS BƖRA WULLI WƖA WOMBIIŊ 9:5

Ma tʋɔpʋla arɩ ma wʋtɩtɩɩ wɩaa dee bɩ tɩɩ ma TƖƖNA Wɩa kiri nɩalɩŋ ŋɩɩ. Ba paala ŋaa tinteye nɩaa sɩ ŋaa nɩbɔmɔ nɛ. Aŋ ka ʋ chɩchɛ dɩ nii-la ʋ sɩ hɛ pɩ ma naabalɩmaba Abɩraham, Aɩzɩk arɩ Jekɔb dɩ ʋ chɩŋ.

Koloosi Nɩaa 3:10

aŋ lɛɛlɛ tuto mɛl-falɩɩ-la sɩ zɔmɔ. Wɩa leŋe ma waa mɛl-falɩŋ deeŋ lɛ nɛ dɩ ma wuo jɩŋ ʋ wɩaa woruŋ a kʋ nagɛ ʋ tɩtɩa nagɩsɩŋ.

2 Timoti 1:9

Wɩa nɛ laala ta a yɩrɛla dɩ la ŋaa ʋ nɩaa. Ʋ bɩ naga Wɩa to la wʋzɔŋŋɔɔ lɛ nɛ a laala ta. Ama ʋ tɩtɩa tʋɔtɔrʋŋ lɛ nɛ ʋ fá la nenige a laala ta. Yesu Kirisito lɛ nɛ ʋ to a ŋaa ŋɩɩ pɩla. Ʋ jɩma arɩ ʋ jaŋ ŋaa ŋɩɩ pɩla faafaa kala nɛ, ka dʋnɩa-na suomi.

Taatɩs 3:4

Ama la Laataara Wɩa dagɛ ŋɩɩ ʋ sɩ kɛŋ zile arɩ ŋɩɩ ʋ sɩ cho nɩaa nɛ,

Hiburu TƖŊŊAA 10:22

Ŋɩɩ wɩaa, má leŋ la kɛŋ nyuduoŋ a laa wɩaa deemba dii arɩ tʋɔ-bala, a mʋ Wɩa teeŋ. Wɩa chɛsɛ la tʋɔŋ nɛ, a chɛsɛ la tʋɔbɩɩŋ bɔmɔ-la kala ta. Ba bɩra bɩ jaŋ wʋwalɩmɛla. Ʋ kɛŋ lɩɩzɔmʋŋ nɛ fola.

Hiburu TƖŊŊAA 4:16

Ŋɩɩ wɩaa má leŋ dɩ la kɛŋ nyuduoŋ a wuo yi lee-la Wɩa sɩ hɔnɔ, dɩ ʋ wuo fá la nenige. Dɩ la nɛ jʋʋ wɩɩkala, ʋ jaŋ fá la nenige a pɛ la lɛ.

Hiburu TƖŊŊAA 6:6

dɩ ba nɛ jɩŋ wɩaa deemba kala aŋ bɩra joŋ harɩŋ yɩa Wɩa wʋzɔmɔ-la, ɛɛ nɛ ba jaŋ bɩra ŋaa a bɩrɩma lɩɩ ba wʋbɔŋŋɔɔ lɛ, aŋ kɔ Wɩa teeŋ? Ʋ saa naga arɩ ba bɩra wasa kpaasɛ Wɩa Bie mɛrɛ daagɛsɛ nyuŋ nɛ. Ba sɩ ŋaa ŋɩɩ, ba bɩra leŋe hɩɩsɩŋ diiu nɛ nɩaa tʋɔŋ.

1 Pɩɩta 1:3

Má leŋ dɩ la dɛnnɛ Wɩa, ʋ nɛ ŋaa La Tɩɩna Yesu Kirisito Nyɩmma. Ʋ fá la nenige nɛ kɩŋkɛŋ a leŋ la kɛŋ mɩɩ-falɩŋ, a tɩŋ ʋ sɩ chɩsɛ Yesu Kirisito sʋʋŋ lɛ. La saa yɩɛlʋ arɩ la jaŋ kɛŋ mɩɩsɩŋ,

1 Pɩɩta 2:10

Bumbuŋ-la ma fa bɩ kʋŋkala ŋaa, ama lɛɛlɛ ma ŋaa Wɩa nɩaa nɛ. Wɩa fa bɩ ma nenige fá, ama lɛɛlɛ ʋ fá ma nenige nɛ.

1 Pɩɩta 3:21

Lɩɩ-la tʋɔŋ ba sɩ duoro lɩɩ naga ba sɩ fo nɩaa Wɩɩchʋɔlɛ lɩɩŋ nɛ. Dɩ ba nɛ foŋ Wɩɩchʋɔlɛ lɩɩŋ, ʋ bɩ naga arɩ ŋ yaraa disiniŋ nɛ ba fo ta. Ama la yie ŋaa ŋɩɩ a dɩdagɛ arɩ la tʋɔbɩɩnaa chesi nɛ Wɩa sɩpaaŋ. Ʋ ŋɩɩ yie laala ta nɛ a tɩŋ Yesu Kirisito sɩ sii sʋʋŋ lɛ wɩaa.