Taatɩs 3:4 - WƖA TENIŊ

⁴ Ama la Laataara Wɩa dagɛ ŋɩɩ ʋ sɩ kɛŋ zile arɩ ŋɩɩ ʋ sɩ cho nɩaa nɛ,

Taatɩs 3:4 ပူးပေါင်းရင်းမြစ်များ

Luuk 1:47

Wɩa nɛ ŋaa mɩ Laataara, ŋɩɩ nɛ tɩɩ mɩ jʋjʋɔsɛ.

Rom Tɩŋŋaa 2:4

Wɩa sɩ kɛŋ zile kɩŋkɛŋ a kɛŋ kenyiri ŋɩɩ, a nyalɩma pɩma maa ŋaa wɩaa, ma bene arɩ ʋ bɩ kʋŋ ŋaa? Ma bɩ jɩŋ arɩ Wɩa sɩ kɛŋ zile ŋɩɩ, ʋʋ chɛ dɩ ma bɩrɩma lɩɩ ma wʋbɔŋŋɔɔ lɛ nɛɛ?

1 Timoti 1:1

Mɩ-na Pɔɔl nɛ ŋmʋnsɛ teniŋ deeŋ. La Tɩɩna Wɩa sɩ ŋaa la Laataara doluŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ. Kirisito Yesu lɛ nɛ la yɩɛlaa hɛ.

1 Timoti 2:3

Ʋ ŋɩɩ zɔmɔ nɛ a tʋtɔrɛ la Laataara Wɩa tʋɔŋ.

1 Timoti 4:10

Laa yɩɛlɛ Wɩa sɩ weye lɛ nɛ. Ŋɩɩ nɛ tɩɩ laa loo a faasaa tɩŋ woruŋ. Wɩa nɛ ŋaa nʋʋkala Laataara, a saa wasanyaŋ nɩalɩŋ sɩ laa ʋ wɩaa dii.

2 Timoti 1:10

Lɛɛlɛ la Laataara Kirisito Yesu sɛnɛ kɔ dʋnɩa nɛ. Ʋ sɩ kɔ ŋɩɩ, la wuo na Wɩa zile wɩaa sɩ nagɛ ŋɩɩ nɛ. Kirisito sɩ kɔ, ʋ kpʋ sʋʋŋ doluŋ kala nɛ. Ʋ bʋl wʋzɔmɔ-la pɩla a to ŋɩɩ lɛ a dagɛla arɩ ʋ nɛ pɩla mɩɩsɩŋ, a bɩra dagɛla dɩ la nɛ sʋba ma, la jaŋ bɩra sii a kɛŋ mɩɩsɩ-la sɩ bɩ dɛrɛ.

Taatɩs 1:3

Bʋa-la lɛ Wɩa sɩ cho nɛ, ʋ joŋ wɩɩ-la a dagɛla ʋ Wʋzɔmɔ-la tʋɔŋ. Ŋɩɩ nɛ la Laataara Wɩa joŋ wɩɩŋ deeŋ a hɛ mɩ nɩsɩŋ lɛ dɩ mɩ laa bʋla pɩ nɩaa.

Hiburu TƖŊŊAA 9:26

Dɩ ʋ nɛ faa ŋaa ŋɩɩ, ʋ fa jaŋ na hɛɛŋ jɩna na-kala a lɩɩ dʋnɩa dɩ-suomuŋ a kaa kɔ arɩ jɩnɩŋ kala. Ama lɛɛlɛ dʋnɩa dɩdɛrɩŋ kpaga nɛ, ŋɩɩ nɛ ʋ kɔ bala dɩ ʋ joŋ ʋ tɩtɩa a pɩ Wɩa a sʋʋ, a laa nɩaa wʋbɔŋŋɔɔ ta.

1 Pɩɩta 2:3

Má ŋaa ŋɩɩ, bɛɛ wɩaa ma tɩtɩa jɩma arɩ La Tɩɩna Wɩa kɛŋ zile ma teeŋ.