Taatɩs 3:14 - WƖA TENIŊ

¹⁴ La nɩaa ma maga ba gʋnnɛ wʋzɔŋŋɔɔ ŋaanɩŋ nɛ, a wuo pɩpɛ nɩalɩŋ sɩ maga dɩ ba pɛ lɛ, aŋ sɩ́ mɛlɛ-la sɩ bɩ chie kɛnɛ kɛŋ.

Taatɩs 3:14 ပူးပေါင်းရင်းမြစ်များ

AZAAYA 61:3

Tʋɔ-chei-la nɩalɩŋ sɩ hɛ Zaayɔŋ lɛ sɩ kɛnɛ, ʋ jaŋ leŋ dɩ ba mɩɩra kɛŋ tʋɔtɔrʋŋ, dɩ tʋɔ-chei-la lɛl. Ba tʋɔŋ fa sɩ chei ŋɩɩ, ba jaŋ mɩɩra yɩɩ tʋɔtɔrɛ yɩɩlaa. Ba kala jaŋ nagɛ tɩɩsɩŋ La TƖƖNA tɩtɩa sɩ chɔnsɔ. Ba jaŋ ŋaa wɩalɩŋ sɩ zɔmɔ a leŋ dɩ La TƖƖNA yɩrɩŋ yɩrɛ.

Matiu 21:19

Ʋ na tutogo dɩ ʋ chɩŋ ʋ sɩpaaŋ wombiiŋ niiŋ. Ʋ mʋ yi tutogo-la bʋbʋɔŋ a wʋla beŋ dɩ nɛnɛɛ tuo, see pɩpaarɩŋ. Ŋɩɩ nɛ ʋ bʋl tɩa-la lɛ, “A lɩɩ jɩnɩŋ a kaa mʋmʋ, ŋ bɩra bɩ jaŋ nɛŋ.” Tɩa-la guu sʋʋ.

Matiu 7:19

Tɩa kala sɩ bɩ nɛŋ-zɔŋŋɔɔ ka nɛŋ, ba jaŋ kere ta a joŋo yuo hɛ nyiniŋ tʋɔŋ.

Jɔɔŋ 15:16

Ma dee bɩ mɩ lɩɩsa, mɩ nɛ lɩɩsɛma. Mɩ nɛ lɩɩsɛma dɩ ma mʋ faasa ŋaa wʋzɔŋŋɔɔ, wʋzɔmɔ-la sɩ bɩ jaŋ lɛl. Dɩ ma nɩɩ ŋaa ŋɩɩ, mɩ Nyɩmma jaŋ pɩma kʋŋkala ma sɩ pɩɛsa chɩchɛ mɩ yɩrɩŋ lɛ.

Jɔɔŋ 15:8

Dɩ ma nɛ ŋaa wʋzɔŋŋɔɔ yʋgɛ, mɩ Nyɩmma yɩrɩŋ jaŋ yɩrɛ. Ŋɩɩ lɛ nɛ ma jaŋ wuo dagɛ arɩ ma ŋaa mɩ harɩ-tooroo nɛ.

Tɩntɩŋŋaa 18:3

Ʋ mʋ jʋʋ ba dɩa a chʋchʋa nɩmɛ, bɛɛ wɩaa ba kala tɩŋ tɩntɩŋ-bala nɛ. Ba fa kɛŋ teniŋ yɛrɛ lɛŋŋɛɛ nɛ aa yallɛ.

Tɩntɩŋŋaa 20:35

Mɩ ŋaa ŋɩɩ dɩ mɩ wuo dagɛma dɩ ma faasa tɩŋ tɩntɩŋŋaa nɛ, la maga dɩ la pɛ puwuoloo lɛ a liliisi arɩ La Tɩɩna Yesu fa sɩ bʋl ŋɩɩ. Ʋ sɩ, ‘Ŋ sɩ joŋ kʋa pɩ nɩa, ʋ nɛ kɛŋ tʋɔtɔrʋŋ a kɩɩ ŋ sɩ laa kʋa nɩa teeŋ.’ ”

Rom Tɩŋŋaa 12:13

Má pɛ ma naambiiriŋ sɩ laa Wɩa wɩaa dii lɛ arɩ kɩalɩŋ ba sɩɩ chɛ, aa kɛŋ nʋhʋɔraa woruŋ.

Rom Tɩŋŋaa 15:28

Dɩ mɩ nɛ tɩŋ tɩntɩmɩŋ deeŋ dɛrɛ, a kɛŋ moribie-la kala ba sɩ kɩɛsa a kaa mʋ pɩba, mɩ jaŋ sii nɩmɛ a mʋ Sipeeŋ tinteeŋ. Dɩ mɩ nɩɩ mʋ nɩmɛ, mɩ jaŋ kʋ to nama.

Ɛfɛsɩs Nɩaa 4:28

Nɩɩ-la kala fa sɩɩ gaa, ʋ maga dɩ ʋ leŋ gaarɩŋ, aŋ kɛŋ ʋ nɩsaa faasa tɩŋ tɩntɩŋ-zɔŋŋɔɔ a wuo na kʋ-la kala ʋ sɩɩ chɛ ʋ tɩtɩa lɛ, aŋ wuo pɛ summoo ma lɛ.

Fɩlɩpa Nɩaa 1:11

Ŋɩɩ jaŋ leŋ dɩ ma to Yesu Kirisito lɛ a wasa ŋaa tʋɔpʋl wɩaa dɩ nɩaa na a dɛnnɛ Wɩa dɩ ʋ yɩrɩŋ yɩrɛ.

Fɩlɩpa Nɩaa 4:16

Mɩ fa sɩ hɛ Tɛsalonaaka tinteeŋ lɛ, ma pɛ mɩ lɛ yʋgɛ nɛ.

Fɩlɩpa Nɩaa 4:17

Ʋ bɩ naga arɩ mɩ yie chɩchɛ dɩ mɩ laa kɩaa nɛ ma teeŋ, ama mɩ cho dɩ mɩ na arɩ ma time wasa yʋgɛ nɛ Wɩa teeŋ.

Koloosi Nɩaa 1:10

Ʋ jaŋ leŋ dɩ ma wʋŋaalaa kala chɩŋ Wɩa wombiiŋ lɛ, dɩ ʋ tʋɔŋ tɔrɛ ma nyuŋ a leŋ dɩ ma tɩŋ tɩntɩŋ-zɔŋŋɔɔ, tɩntɩŋ-dosunuŋ kala lɛ, dɩ ʋ kɛŋ doho, dɩ ma kʋ jɩŋ Wɩa woruŋ a waa pɛ.

1 Tɛsalonaaka Nɩaa 2:9

La naambiiriŋ, ma jɩŋ ŋɩɩ la fa sɩ faasa tɩŋ a na hɛɛŋ bʋa-la lɛ la fa sɩ bʋl Wɩa wʋzɔmɔ-la aa pɩma. La tɩŋ wɩɩhɛyɛ arɩ tɩtaŋɩŋ kala nɛ, dɩ la sɩ́ ma nyuŋ hɔŋ a gbɛrɛma.

2 Tɛsalonaaka Nɩaa 3:8

La fa bɩ nʋʋkala kʋdiilee die dɩ la bɩ tɩɩna time. La tɩma nɛ woruŋ a suoli wɩɩhɛyɛ arɩ tɩtaŋɩŋ kala dɩ la wuo nɩna la kʋchɛɛlɛɛ, dɩ la sɩ́ hɔnɔ gbɛrɛ ma kʋŋkala aa chɛ kɩaa ma teeŋ.

Taatɩs 2:8

Bʋl wʋtɩtɩɩ, dɩ nʋʋkala sɩ́ wuo kaa lɛrɛ. Dɩ ŋ nɛ ŋaa ŋɩɩ, hɩɩsɩŋ jaŋ kɛŋ ŋ dʋndɔŋŋɔɔ, bɛɛ wɩaa ba bɩ jaŋ wuo na wʋbɔŋ kala a bʋla tɩgɛ la lɛ.

Taatɩs 3:8

Wɩɩŋ deeŋ ŋaa wʋtɩtɩɩ nɛ. Mɩɩ chɛ dɩ ŋ paala chaasa bʋl wɩaa deemba, dɩ nɩalɩŋ sɩ laa Wɩa wɩaa dii, dɩ ba ŋaa siri a ŋɩŋaa wʋzɔŋŋɔɔ bʋa na-kala lɛ. Wɩaa deemba ŋaa wʋzɔmɔ nɛ. Ba jaŋ wuo pɛ nɩaa lɛ.

2 Pɩɩta 1:8

Dɩ wʋzɔŋŋɔɔ deemba nɛ hɛ ma lɛ, ba jaŋ pɛ ma lɛ dɩ ma ŋaa sɩɩfɩaŋ tɩmma a ŋɩŋaa wɩalɩŋ ma sɩ jɩma a mʋ tɩgɛ La Tɩɩna Yesu Kirisito lɛ.