Taatɩs 3:13 - WƖA TENIŊ

¹³ Dɩ Ziinas sarɩya diiru-la arɩ Apɔlɔs nɩɩ vɛŋ ba wombiiŋ, pɛ ba lɛ woruŋ. Pɩba kʋ-la kala ba sɩɩ chɛ.

Taatɩs 3:13 ပူးပေါင်းရင်းမြစ်များ

Matiu 22:35

Ŋɩɩ nɛ Wɩa teniŋ kerichiba dɔŋɔ wʋwalɩmɛ dɩ ʋ magɩsɛ Yesu a pɩpɩɛsʋ wɩaa.

Luuk 10:25

Ŋɩɩ nɛ Wɩa teniŋ kerichi kʋbala kɔ a wʋwalɩmɛ dɩ ʋ magɩsɛ Yesu a pɩɛsʋ, “Kʋhɩaŋ, bɛɛ kʋŋ nɛ mɩ jaŋ ŋaa a kɛŋ mɩɩsɩ-la sɩ bɩ dɛrɛ?”

Luuk 11:45

Yesu sɩ bʋl ŋɩɩ dɛrɛ, dɩ Wɩa teniŋ kerichi dɔŋɔ bʋla pʋ, “Kʋhɩaŋ, ŋ sɩ bʋl ŋ-la, ŋ tʋʋsɛla ma nɛ.”

Luuk 11:52

Ma Wɩa teniŋ kerichiba, ma ma jaŋ na hɛɛŋ kɩŋkɛŋ. Ma tɔ wombii-la nɩalɩŋ sɩ jaŋ na wʋjɩmɩŋ nɛ. Ma tɩtɩa bɩ chɛ dɩ ma to wombiiŋ deeŋ, aŋ pɔ dɩ nɩalɩŋ ma sɩɩ walɩmɛ dɩ ba to sɩ́ to.”

Luuk 14:3

Ŋɩɩ nɛ Yesu pɩɛsɛ Wɩa teniŋ kerichiba arɩ Farisii tɩŋŋaa a bʋl, “Ʋ kɛŋ wombiiŋ nɛɛ dɩ la vaarɛ nyanyal tɩŋŋaa chɛ-wiesii-la chɛɛŋ koo?”

Luuk 7:30

Ama Farisii tɩŋŋaa arɩ Wɩa teniŋ kerichiba vɩa Wɩa niiŋ wɩalɩŋ Jɔɔŋ sɩ bʋla. Ba nɛ bɩ sɛyɛ dɩ Jɔɔŋ foba Wɩɩchʋɔlɛ lɩɩŋ.)

Tɩntɩŋŋaa 15:3

Nɩalɩŋ sɩ laa Yesu wɩaa dii aa hilimi taba ba mʋ. Ba sɩɩ mʋ ŋɩɩ, ba to Fɔnɩɩsɩa arɩ Samarɩa tinteeŋ a bʋla pɩ nɩalɩŋ sɩ laa Yesu wɩaa dii nɩmɛ ŋɩɩ nɩalɩŋ sɩ bɩ Juu tɩŋŋaa ŋaa sɩ bɩrɩma tuto Wɩa. Ba sɩ bʋl wʋzɔmʋŋ deeŋ ŋɩɩ, nɩalɩŋ tʋɔŋ tɔrɛ kɩŋkɛŋ.

Tɩntɩŋŋaa 18:24

Juu tɩɩna ma nɛ fa hɛ nɩmɛ, baa yɩrɛ Apɔlɔs, ʋ lɩɩ Alɛkɩzandɩrɩa nɛ. Ʋ sii kɔ Ɛfɛsɩs. Ʋ fa jɩŋ wɩaa bʋlʋŋ nɛ woruŋ, a jɩŋ Wɩa teniŋ ma woruŋ.

Tɩntɩŋŋaa 19:1

Apɔlɔs fa sɩ hɛ Kɔrɩntɩ lɛ ŋɩɩ, Pɔɔl bɩra gɔllɛ ŋɩɩ a kɔ Ɛfɛsɩs, a na nɩaa dɔnsʋŋ sɩ laa Yesu wɩaa dii.

Tɩntɩŋŋaa 21:5

La sɩ hɔŋ nɩmɛ tapʋlaa balɩpɛ ŋɩɩ, la bɩra lɩɩ nɩmɛ a joŋ la wombiiŋ. Baalaa arɩ ba haalaa arɩ ba biiriŋ kɛnla kaa lɩɩ taŋ-la tʋɔŋ. La kala tuu kpirimi lɩɩŋ niiŋ a chʋɔlɛ Wɩa.

Tɩntɩŋŋaa 28:10

Ba fa zil la nɛ kɩŋkɛŋ. Bʋa-la lɛ la sɩɩ chɛ dɩ la sii jʋʋ lɩɩŋ daboro a duoro viiri, ba joŋ kɩalɩŋ kala la sɩɩ chɛ a hɛ lɩɩŋ daboro-la lɛ dɩ la kaa vɛŋ wombiiŋ.

Rom Tɩŋŋaa 15:24

Mɩɩ chɛ dɩ mɩ kʋ nama bʋa-la lɛ dɩ mɩ nɩɩ mʋ Sipeeŋ tinteeŋ. Dɩ mɩ nɛ hɔŋ ma teeŋ a dieni mʋa, mɩɩ chɛ dɩ ma pɛ mɩ lɛ dɩ mɩ vɛŋ mɩ wombiiŋ.

1 Kɔrɩntɩ Nɩaa 16:11

Má sɩ́ leŋe dɩ nʋʋkala bee gʋʋnʋ. Má pɛ ʋ lɛ dɩ ʋ vɛŋ wombiiŋ arɩ yarɩfɩɛlaa, aŋ mɩɩra kɔ mɩ teeŋ. Mɩɩ gbɛrɛ ʋ dɩ la naambiiri-la nɛ dɩ ba mɩɩra kɔ.

1 Kɔrɩntɩ Nɩaa 16:12

Ma jɩŋ la naambie ba sɩɩ yɩrɛ Apɔlɔs nɛ. Mɩ bʋla pʋ woruŋ arɩ ʋ dɩ la naambiiri-la kʋ nama. Ama ʋ bɩ ʋ tɩtɩa kaa hɛ dɔŋɔ dɩ ʋ kɔ lɛɛlɛ. Ama dɩ ʋ na wombiiŋ, ʋ jaŋ kɔ.