Taatɩs 3:12 - WƖA TENIŊ

¹² Dɩ mɩ nɛ tɩŋ Atɩmas koo Takɩkʋs dɩ ʋ kɔ ŋ teeŋ, hɛ doluŋ aŋ kɔ mɩ teeŋ Nikopolis lɛ, bɛɛ wɩaa mɩ bɩɩna dɩ mɩ hɔŋ nɩmɛ nɛ waarɩŋ chɛnsɩ-la tʋɔŋ.

Taatɩs 3:12 ပူးပေါင်းရင်းမြစ်များ

Tɩntɩŋŋaa 20:4

Nɩaa deemba nɛ fa to ʋ harɩŋ: Dɔŋɔ yɩrɩŋ nɛ Sopata a lɩɩ Biriya. Ʋ fa ŋaa Pɩras nanʋala nɛ, a pɛ Arɩsɩtakʋs arɩ Sɛkʋndas sɩ lɩɩ Tɛsalonaaka, arɩ Gayas sɩ lɩɩ Dɛɛbɩ, arɩ Timoti, a pɛ Takɩkas arɩ Tʋrɔfɩmɔs sɩ lɩɩ Esia lɛ.

1 Kɔrɩntɩ Nɩaa 16:6

Mɩ jaŋ kʋ hɛ ma teeŋ a dieni mʋa, kapo, mɩ jaŋ hɛ ma teeŋ dɩ waarɩŋ chɛnsɩŋ dɛrɛ, dɩ ma pɛ mɩ lɛ dɩ mɩ vɛŋ mɩ wombiiŋ, lee-la kala mɩ sɩɩ mʋ.

Ɛfɛsɩs Nɩaa 6:21

Takɩkas sɩ ŋaa la naambii-choolii a bɩra ŋaa La Tɩɩna Yesu tɩntɩnnɩ-tɩtɩɩ, ʋ jaŋ kɔ ma teeŋ a bʋl mɩ wɩaa pɩma, dɩ ma jɩŋ ŋɩɩ mɩ hɔnʋŋ sɩ naga arɩ tɩntɩmɩɩ-la mɩ sɩɩ tɩŋ.

Koloosi Nɩaa 4:7

Takɩkʋs jaŋ bʋl mɩ wɩaa kala pɩma. Ʋ ŋaa la naambii-choolii nɛ, a ŋaa Wɩa tɩntɩnnɩ-tɩtɩɩ, a ŋaa la tɩntɩnnɩ dɔŋ ma Kirisito tɩntɩŋŋaa lɛ.

2 Timoti 4:12

Mɩ tɩŋ baal-la ba sɩɩ yɩrɛ Takɩkas nɛ ʋ mʋ Ɛfɛsɩs.

2 Timoti 4:21

Hɛ doluŋ aŋ kɔ, ka dɩ yibiiniŋ na jʋʋ. Nɩalɩŋ ba sɩɩ yɩrɛ Yubulas arɩ Pʋdɛns arɩ Linus arɩ Kɩlaadɩa, ba maa chʋɔlʋŋ, arɩ nɩalɩŋ kala sɩ laa Yesu wɩaa dii.

2 Timoti 4:9

Hɛ doluŋ aŋ kɔ mɩ teeŋ lɩma,