Taatɩs 3:10 - WƖA TENIŊ

¹⁰ Dɩ nʋʋ nɛ hɛ ma tʋɔŋ aa chɛ dɩ ʋ kɛŋ ma nyusuŋ yagɛ dɔŋɔ, yɩrʋ a kpʋrɩsɛ ʋ dɩgɩlaa. Dɩ ʋ nɛ vɩa aŋ ŋɩŋaa, bɩra yɩrʋ lɩa lɛ a kpʋrɩsɛ ʋ dɩgɩlaa, aŋ lɩɩsɛ ŋ nɩsɩŋ ʋ lɛ.

Taatɩs 3:10 ပူးပေါင်းရင်းမြစ်များ

Rom Tɩŋŋaa 16:17

Mɩɩ sʋlma nɛ mɩ naambiiriŋ dɩ ma kɛŋ ma tɩtɩa arɩ nɩalɩŋ sɩ yie kɛŋ nɩaa pʋpɔrɛ lɛ a leŋ ma yiyeŋŋi wombii-la la sɩ dagɛma ma tuto lɛ. Má lɩɩsɛ ma tɩtɩa ba lɛ.

1 Kɔrɩntɩ Nɩaa 11:19

Ʋ paala magɛ dɩ nii-lɩɛbaa hɛ ma pɛgɛ nɛ, dɩ ma to ŋɩɩ lɛ a jɩŋ nɩalɩŋ sɩ ŋaa nɩtɩtɩɩba.

2 Kɔrɩntɩ Nɩaa 13:2

Mɩ sɩ kɔ ma teeŋ lɩamɩŋ lɛ, mɩ kpʋrɩsɛ nɩalɩŋ sɩ ŋaa wʋbɔŋŋɔɔ arɩ nɩalɩŋ dɔnsʋŋ kala dɩgɩlaa nɛ. Lɛɛlɛ mɩ tuo ma teeŋ, ama mɩ bɩra kpʋrɩsɛ ma dɩgɩlaa nɛ arɩ mɩ nɛ kɔ ma teeŋ torimuŋ lɛ, mɩ bɩ jaŋ taba.

Galiisia Nɩaa 5:12

Nɩalɩŋ kala sɩɩ walɩmɛma, mɩ fa jaŋ cho dɩ ba lɩɩ ma tʋɔŋ a mʋ feri ba tɩtɩa.

Galiisia Nɩaa 5:20

aa kpaarɛ vʋɩyaa, a ŋɩŋaa hɩl wɩaa, a bɛrɛ nɩaa, a hɩhɛ yuosuŋ, a kɛŋ yarɩ-bieriŋ, a kɛŋ baanɩŋ, a chɩl ʋ dʋndʋŋa wɩaa, a kɛŋ dɔŋɔ pʋpɔrɛ, a lɩlɩɩ dɔŋɔ harɩŋ,

2 Tɛsalonaaka Nɩaa 3:14

Dɩ nʋʋ nɛ hɛ ma tʋɔŋ a bɩ wɩalɩŋ la sɩ bʋla pɩma teniŋ deeŋ tʋɔŋ ka to, má jɩŋ ʋ tɩɩna a lɩɩsɛ ma tɩtɩa ʋ lɛ, a leŋ dɩ hɩɩsɩŋ kɛnʋ.

2 Tɛsalonaaka Nɩaa 3:6

Mɩ naambiiriŋ, La Tɩɩna Yesu Kirisito doluŋ lɛ, la bʋla pɩpɩma dɩ ma lɩɩsɛ ma tɩtɩa nɩalɩŋ sɩ hɛ ma tʋɔŋ a kɛŋ yarɩwɩɩŋ lɛ, nɩalɩŋ sɩ bɩ wɩalɩŋ la sɩ bʋla pɩma ka to.

2 Timoti 3:5

Ba yie ŋɩŋaa wɩaa arɩ baa to Wɩa nɛ, ama ba bɩ laa dii arɩ Wɩa kɛŋ doluŋ. Lɩɩsɛ ŋ tɩtɩa nɩaa deemba tʋɔŋ.

2 Pɩɩta 2:1

Bumbuŋ wʋnyɩɛraa fa hɛ nɩalɩŋ sɩ laa Wɩa wɩaa dii tʋɔŋ, aa fugi arɩ ba ŋaa Wɩa wʋlaabʋllaa nɛ. Ŋɩɩ tɩtɩa nɛ wʋnyɩɛrɩ kerichiba jaŋ kʋ hɛ ma tʋɔŋ a lʋara dɩdagɛma wɩalɩŋ sɩ jaŋ cheima a paala bʋl arɩ ba bɩ La Tɩɩna Kirisito jɩŋ, Nɩɩ-la sɩ laaba ta. Ŋɩɩ jaŋ leŋ dɩ Wɩa guu cheiba.

2 Jɔɔŋ 1:10

Dɩ nʋʋkala nɛ kɔ ma teeŋ a bɩ wɩaa deemba ka dagɛ, má sɩ́ leŋe dɩ tɩɩna jʋʋ ma dɩa. Má paala sɩ́ ʋ chʋɔlʋ.