Taatɩs 3:1 - WƖA TENIŊ

¹ Bʋla pɩ Wɩa nɩaa dɩ ba joŋ ba tɩtɩa pɩ nɩalɩŋ sɩ kɛŋ doluŋ ba lɛ arɩ nɩalɩŋ sɩɩ bemba a tutoba, a ŋaa siri dɩ ba ŋaa wɩɩ na-kala sɩ zɔmɔ.

Taatɩs 3:1 ပူးပေါင်းရင်းမြစ်များ

NAMAGABA 24:21

Mɩ bii, fɩfá La Tɩɩna arɩ kuoro, aŋ pʋpɔ ŋ sɩ́ ŋ tɩtɩa kaa mʋ mɛrɛ nɩalɩŋ sɩ bɩ ba niiŋ ka to lɛ.

TƖƖCHA 10:4

Dɩ ma kuoro nɛ na baanɩŋ ŋ nyuŋ, sɩ́ ŋ dɩchɩnɩŋ vɩa. Dɩ ŋ nɛ tɔrɛ ŋ niiŋ, ŋɩɩ jaŋ wuo leŋ dɩ wɩɩ-la fɩɛlɛ.

AZAAYA 43:26

Má liisi wɩalɩŋ sɩ bala, dɩ la kala jʋʋ ba tʋɔŋ a na wɩɩ-la sɩ tɩɩ ma bʋl ma bɩ wɩɩkala cheye.

JƐRƖMAAYA 27:17

Má sɩ́ ba teeŋ jegilu. Má tɩma pɩ Babɩlɔŋ kuoro, ŋɩɩ nɛ ma jaŋ kɛŋ mɩɩsɩŋ. Bɛɛ nɛ tɩɩ tabalɩŋ deeŋ jaŋ pɩŋ ji-kpee?

Matiu 22:21

Ŋɩɩ nɛ ba bʋl dɩ Siiza yɩrɩŋ nɛ. Ʋ bʋla pɩba, “Tɔɔ, má joŋ Rom tinteeŋ kuori-bal-la kɩaa pʋ aŋ joŋ Wɩa ma kɩaa pʋ.”

1 Kɔrɩntɩ Nɩaa 15:58

Ŋɩɩ wɩaa mɩ naambiiriŋ, má chɩŋ wɩalɩŋ ma sɩ laa dii lɛ kpaŋ kpaŋ. Má sɩ́ leŋe dɩ kʋŋkala kɛmma begili. Má fɩɛsɛ sɩɩŋ a tɩŋ La Tɩɩna tɩntɩŋŋaa woruŋ. Ma jɩma arɩ Wɩa tɩntɩmɩɩ-la ma sɩɩ tɩŋ bɩ jaŋ kɔ dɩ ʋ ŋaa pɛɩ.

Ɛfɛsɩs Nɩaa 2:10

Wɩa nɛ ŋaala. Ʋ ŋaala dɩ la dɩ Kirisito Yesu ŋaa kʋbala nɛ a ŋɩŋaa wʋzɔŋŋɔɔ. Ʋ ŋaa wʋzɔŋŋɔɔ deemba bil la lɛ faa faa kala nɛ dɩ la ŋɩŋaaba.

MOSIS BƖRA WULLI WƖA WOMBIIŊ 17:12

Nɩɩ-la kala sɩ vɩa wɩalɩŋ sarɩya diire sɩ dagɩŋ koo wɩalɩŋ Wɩɩsʋllɩ sɩpaalaara sɩ hɛ lee-la a tɩma pɩpɩ ma TƖƖNA Wɩa sɩ dagɩŋ, ʋ maga dɩ má kpʋʋ nɛ. Ʋ maga dɩ ma ŋaa ŋɩɩ nɛ a giri wʋbɔŋŋɔɔ ta Iziral tinteeŋ lɛ.

Fɩlɩpa Nɩaa 1:11

Ŋɩɩ jaŋ leŋ dɩ ma to Yesu Kirisito lɛ a wasa ŋaa tʋɔpʋl wɩaa dɩ nɩaa na a dɛnnɛ Wɩa dɩ ʋ yɩrɩŋ yɩrɛ.

Koloosi Nɩaa 1:10

Ʋ jaŋ leŋ dɩ ma wʋŋaalaa kala chɩŋ Wɩa wombiiŋ lɛ, dɩ ʋ tʋɔŋ tɔrɛ ma nyuŋ a leŋ dɩ ma tɩŋ tɩntɩŋ-zɔŋŋɔɔ, tɩntɩŋ-dosunuŋ kala lɛ, dɩ ʋ kɛŋ doho, dɩ ma kʋ jɩŋ Wɩa woruŋ a waa pɛ.

1 Timoti 2:2

Má chʋɔlɛ Wɩa pɩpɩ kuoroo arɩ nɩalɩŋ sɩ kɛŋ doluŋ ma lɛ, dɩ la wuo hɔŋ sɔm arɩ yarɩfɩɛlaa, a wuo tuto Wɩa a ŋɩŋaa wɩalɩŋ kala sɩɩ to Wɩa wombiiŋ.

1 Timoti 4:6

Dɩ ŋ nɛ joŋ wɩaa deemba a dagɛ ŋ dɔnsʋŋ tɩŋŋaa sɩ laa Yesu wɩaa dii, ŋ jaŋ ŋaa Kirisito Yesu tɩntɩnnɩ-zɔŋ. Ŋɩɩ jaŋ dagɛ arɩ ŋ waa nɛ wʋtɩtɩɩ-la la sɩ laa dii lɛ, arɩ wʋzɔmɔ-la la sɩ dagɩŋ ŋ to lɛ.

1 Timoti 5:10

Ʋ maga dɩ ʋ wʋŋaalaa zɔŋ nɛ, dɩ ʋ bibeŋ ʋ biiriŋ woruŋ, a kɩkɛŋ nʋhʋɔraa woruŋ ʋ dɩa lɛ, a hʋhʋɔrɛ Wɩa nɩaa woruŋ ʋ dɩa lɛ, a pɩpɛ nɩalɩŋ wɩaa sɩ jʋa lɛ, a joŋ ʋ tɩtɩa hɛ wʋzɔŋŋɔɔ ŋaanɩŋ lɛ.

2 Timoti 1:6

Ŋɩɩ wɩaa nɛ tɩɩ mɩɩ liisiŋ dɩ ŋ kɛŋ kʋ-la Wɩa sɩ joŋo dii zile ŋ lɛ kaa tɩŋ woruŋ. Kʋ-la ŋ sɩ laa bʋa-la mɩ sɩ joŋ mɩ nɩsɩŋ daŋ ŋ lɛ a chʋɔlɛ Wɩa pɩŋ.

2 Timoti 2:14

Bʋla pɩ nɩalɩŋ sɩ laa Yesu wɩaa dii dɩ ba liliisi wɩaa deemba woruŋ, a kpʋrɩsɛ ba dɩgɩlaa Wɩa sɩpaaŋ, dɩ ba bɩra sɩ́ wɩaa kaa lɩlɛrɛ. Ma sɩ kɛŋ wɩaa lɩlɛrɛ ŋɩɩ, ʋ ŋɩɩ bɩ nʋʋkala lɛɛ pɛ, ama ʋ yie chichei nɩalɩŋ sɩɩ jegilu nɛ.

2 Timoti 2:21

Ŋɩɩ wɩaa dɩ nʋʋ nɛ lɩɩsɛ ʋ tɩtɩa wʋbɔŋŋɔɔ lɛ, ʋ jaŋ nagɛ gbansɩ-la ba sɩ kaa didii kɩaa chɛ-zɔŋŋɔɔ. Nɩɩ-la sɩ nagɛ ŋɩɩ ŋaa tʋɔpʋl tɩɩna nɛ ʋ kʋhɩaŋ teeŋ. Nɩɩ-la jaŋ wuo pɛ ʋ kʋhɩaŋ lɛ woruŋ. Ʋ kʋhɩaŋ jaŋ leŋ dɩ ʋ tɩtɩŋ tɩntɩŋ zɔŋ na-kala.

Taatɩs 1:16

Baa bʋl arɩ ba jɩŋ Wɩa nɛ, ama ba wʋŋaalaa daga arɩ ba bɩ Wɩa jɩŋ. Ba wʋŋaalaa lɔrɔ, ba bɩ Wɩa niiŋ ka to, ba bɩ wʋzɔŋ kala wuo ŋaa.

Taatɩs 2:14

La wɩaa nɛ tɩɩ ʋ sʋʋ, dɩ ʋ laala ta la wʋbɔŋŋɔɔ lɛ a pɩɩsɛ la disiniŋ ta, dɩ la ŋaa ʋ nɩaa. Ʋʋ chɛ dɩ la ŋaa nɩa sɩ joŋ la nyuŋ hɛ wʋzɔŋŋɔɔ ŋaanɩŋ lɛ.

Taatɩs 3:14

La nɩaa ma maga ba gʋnnɛ wʋzɔŋŋɔɔ ŋaanɩŋ nɛ, a wuo pɩpɛ nɩalɩŋ sɩ maga dɩ ba pɛ lɛ, aŋ sɩ́ mɛlɛ-la sɩ bɩ chie kɛnɛ kɛŋ.

Taatɩs 3:8

Wɩɩŋ deeŋ ŋaa wʋtɩtɩɩ nɛ. Mɩɩ chɛ dɩ ŋ paala chaasa bʋl wɩaa deemba, dɩ nɩalɩŋ sɩ laa Wɩa wɩaa dii, dɩ ba ŋaa siri a ŋɩŋaa wʋzɔŋŋɔɔ bʋa na-kala lɛ. Wɩaa deemba ŋaa wʋzɔmɔ nɛ. Ba jaŋ wuo pɛ nɩaa lɛ.

Hiburu TƖŊŊAA 13:21

Mɩɩ sʋlʋ dɩ ʋ to Yesu Kirisito lɛ a pɩma kʋzɔŋ-na kala dɩ ma wuo kaa ŋɩŋaa wɩalɩŋ kala sɩɩ tɔrɛ ʋ tʋɔŋ. Má leŋ dɩ Kirisito yɩrɩŋ yɩrɛ a kaa mʋ wuu. Amɩɩ.

2 Pɩɩta 1:12

Ŋɩɩ wɩaa, mɩ jaŋ liliisima bʋa na-kala lɛ a mʋ tɩgɛ wɩaa deemba lɛ. Ma paala jɩŋ wʋtɩtɩɩ-la nɛ a chɩŋ ʋ lɛ woruŋ.

Juud 1:5

Ma jɩŋ wɩaa deemba kala mɩ sɩ bʋla pɩpɩma nɛ, ama mɩɩ chɛ dɩ mɩ liisima nɛ arɩ La Tɩɩna fa kɛŋ ʋ nɩaa kaa kʋ lɩɩ Ijipiti tinteeŋ lɛ nɛ, ama ŋɩɩ harɩŋ, ʋ chei nɩalɩŋ sɩ bɩ ʋ wɩaa laa dii nɛ.