Taatɩs 2:8 - WƖA TENIŊ

⁸ Bʋl wʋtɩtɩɩ, dɩ nʋʋkala sɩ́ wuo kaa lɛrɛ. Dɩ ŋ nɛ ŋaa ŋɩɩ, hɩɩsɩŋ jaŋ kɛŋ ŋ dʋndɔŋŋɔɔ, bɛɛ wɩaa ba bɩ jaŋ wuo na wʋbɔŋ kala a bʋla tɩgɛ la lɛ.

Taatɩs 2:8 ပူးပေါင်းရင်းမြစ်များ

NƐHƖMAAYA 5:9

Ŋɩɩ nɛ mɩ bɩra bʋl, “Wɩɩ-la ma sɩɩ ŋaa, ʋ bʋa lɛ dee ŋɩɩ. Ma maga má fá Wɩa nɛ aŋ ŋaa wɩaa ba bʋa lɛ, dɩ tinteye-la sɩ bɩ Wɩa ka to aŋ ŋaa la dʋndɔmɔ sɩ́ wuo na wombiiŋ a sieri la lɛ.

AZAAYA 66:5

Ma nɩalɩŋ sɩɩ to La TƖƖNA niiŋ, má jegile nɩɩ wɩɩ-la ʋ sɩ bʋla. La TƖƖNA sɩ, “Ma naambiiri-la sɩ bɛrɛma, a lɩɩsɛma ta a tɩŋ ma sɩɩ to mɩ wɩaa, a sieri ma lɛ a bʋl, ‘Má leŋ dɩ ma TƖƖNA dagɛ ʋ doluŋ a laama ta yei, dɩ la na dɩ ma hɛ sɩma tʋɔŋ,’ hɩɩsɩŋ jaŋ diiba.

Maak 12:17

Ŋɩɩ nɛ ʋ bʋla pɩba, “Tɔɔ, má joŋ Rom tinteeŋ kuoru-balɩŋ kɩaa pʋ aŋ joŋ Wɩa ma kɩaa pʋ.” Yesu sɩ bʋl ŋɩɩ, ba niiriŋ kala maa.

Maak 12:28

Wɩa teniŋ kerichiba dɔŋɔ nɩɩ ba sɩ kɛŋ wɩɩ-la lɩlɛrɛ. Ʋ kɔ ba teeŋ. Ʋ sɩ na dɩ Yesu chaarɛ wɩaa sɩaa woruŋ, ʋ pɩɛsʋ, “Wɩa niiri-la ba sɩ dagɛ nɩaa ba tuto, kʋbɛɛ nɛ ŋaa ba tʋɔŋ sɩɩfɩɛsɩŋ wɩɩŋ?”

Maak 12:32

Ŋɩɩ nɛ Wɩa teniŋ kerichi-la bʋla pʋ, “La kʋhɩaŋ, wʋtɩtɩɩ nɛ ŋ bʋl ŋɩɩ. Wɩa ŋaa kʋbala nɛ, kʋŋkala bɩra tuo see ʋ dʋndʋŋa.

Maak 12:34

Yesu na dɩ baal-la kɛŋ wʋjɩmɩŋ. Ŋɩɩ nɛ ʋ bʋla pʋ, “Ŋ dɩ Wɩa kuorii-la bɩ bol.” Ʋ sɩ bʋl ŋɩɩ dɛrɛ, nʋʋkala bɩra bɩ wuo pɩɛsʋ wɩɩkala.

Luuk 13:17

Ʋ sɩ bʋl ŋɩɩ, hɩɩsɩŋ kɛŋ ʋ dʋndɔmɔ-la kala, aŋ ka nɩalɩŋ kʋkaanaa tʋɔŋ tɔrɛ wʋkpuŋkperisi-la Yesu fa sɩɩ ŋaa lɛ.

2 Tɛsalonaaka Nɩaa 3:14

Dɩ nʋʋ nɛ hɛ ma tʋɔŋ a bɩ wɩalɩŋ la sɩ bʋla pɩma teniŋ deeŋ tʋɔŋ ka to, má jɩŋ ʋ tɩɩna a lɩɩsɛ ma tɩtɩa ʋ lɛ, a leŋ dɩ hɩɩsɩŋ kɛnʋ.

1 Timoti 5:14

Ŋɩɩ wɩaa, mɩ jaŋ bʋl dɩ yo-haala-la sɩ ŋaa hantolibiisiŋ, dɩ ba jaa balaba a lʋlʋl biiriŋ a bibemba, a tɩtɩŋ ba dɩa tɩntɩŋŋaa. Dɩ ba nɛ ŋaa ŋɩɩ, la dʋndɔmɔ Sɩtaanɩ bɩ jaŋ wuo na wombiiŋ a bʋl wʋbɔŋ kala a tɩgɛ la lɛ.

1 Timoti 6:3

Nɩɩ-la kala sɩ bɩ wʋtɩtɩɩba-la La Tɩɩna Yesu Kirisito sɩ bʋla daga aŋ dagɛ wʋtanɩɩ, wɩalɩŋ sɩ bɩ la Wɩɩchʋɔlɛ wombiiŋ ka to,

Taatɩs 3:14

La nɩaa ma maga ba gʋnnɛ wʋzɔŋŋɔɔ ŋaanɩŋ nɛ, a wuo pɩpɛ nɩalɩŋ sɩ maga dɩ ba pɛ lɛ, aŋ sɩ́ mɛlɛ-la sɩ bɩ chie kɛnɛ kɛŋ.

1 Pɩɩta 2:12

Ma sɩ guoli nɩalɩŋ sɩ bɩ Wɩa wɩaa laa dii tʋɔŋ, má kɛŋ ma tɩtɩa woruŋ, dɩ ba sɩ́ wombiiŋ na a bʋl arɩ ma ŋaa nɩbɔmɔ nɛ. Dɩ ba nɛ bʋla arɩ maa ŋaa wʋbɔŋŋɔɔ ma, má leŋ dɩ ba na wʋzɔmɔ-la ma sɩɩ ŋaa, a dɛnnɛ Wɩa dɩ ʋ yɩrɩŋ yɩrɛ tapʋlɩɩ-la ʋ sɩ jaŋ dii nɩaa sarɩya.

1 Pɩɩta 2:15

Wɩa tʋɔtɔrʋŋ nɛ ŋ-la, dɩ maa ŋaa wɩalɩŋ sɩ zɔmɔ a leŋ dɩ nɩyaara-la sɩ bɩ wɩɩ jɩŋ, dɩ ba sɩ́ wɩɩ wuo bʋl a tɩgɛ ma lɛ.

1 Pɩɩta 3:16

Bʋa na-kala lɛ, má leŋ dɩ ma tʋɔbɩɩnaa chesi, dɩ ma wʋŋaalaa dagɛ arɩ maa to Kirisito nɛ. Dɩ ma nɩɩ ŋaa ŋɩɩ, hɩɩsɩŋ jaŋ dii nɩalɩŋ sɩɩ chei ma yɩrɩŋ.