Taatɩs 2:5 - WƖA TENIŊ

⁵ a wuo kɛŋ ba tɩtɩa woruŋ, a sɩ́ wʋlɩɩlɩŋ ŋɩŋaa, a beŋ ba dɩa nɩaa woruŋ, a kɛŋ zile, a tuto ba balaba niiŋ woruŋ, dɩ nʋʋkala sɩ́ wuo bʋl wʋbɔŋ kala a tɩgɛ Wɩa wʋzɔmɔ-la lɛ.

Taatɩs 2:5 ပူးပေါင်းရင်းမြစ်များ

WƖAA DƖ-SUOMUŊ 18:9

Ŋɩɩ nɛ ba pɩɛsɛ Abɩraham, “Nɩɩ nɛ ŋ haala Sara hɛ?” Ʋ sɩ ʋ hɛ lɛbɩŋ tʋɔŋ.

WƖAA DƖ-SUOMUŊ 3:16

Ŋɩɩ nɛ aŋ bɩra bʋla pɩ haal-la ma, “Mɩ jaŋ leŋ dɩ ŋ na hɛɛŋ biiriŋ lʋlʋŋ lɛ. Dɩ ŋ nɩɩ lʋl, ŋ hɛɛŋ jaŋ yʋga pɛ. Ama ŋ ha jaŋ hɩhɩɛnɛ ŋ bala ʋ jaŋ kɛŋ doluŋ ŋ nyuŋ.”

2 SAMƲƐL 12:14

Ama a tɩŋ ŋ sɩ ŋaa wɩɩŋ deeŋ, ŋ leŋe La TƖƖNA dʋndɔŋŋɔɔ tʋʋsɛ ʋ joŋŋoo nɛ. Ŋɩɩ wɩaa, bile haal-la sɩ lʋla pɩŋ jaŋ sʋʋ.”

WƖA YƖƖLAA 74:10

Wɩa, ɛɛ nɛ ŋ dʋndɔŋŋɔɔ jaŋ mɔmʋŋ a diene magɛ? Ba jaŋ tʋʋsɛ ŋ joŋŋoo deeŋ deeŋ koo?

NAMAGABA 7:11

Ʋ kɛŋ nyuduoŋ a ŋɩŋaa goŋ. Ʋ bɩ dɩa lɛ ka hɔŋ.

Tɩntɩŋŋaa 9:36

Haal kʋbala nɛ fa hɛ Jɔpa lɛ. Ʋ faa to Yesu nɛ. Ʋ yɩrɩŋ nɛ Tabɩta. (Giriik tɩŋŋaa ka yɩrʋ Dɔkas nɛ. Ʋ bʋbʋɔŋ nɛ ‘bagɩl’.) Ʋ kɛŋ zile kɩŋkɛŋ a pɩpɛ summoo lɛ.

Tɩntɩŋŋaa 9:39

Pɩɩta sii to ba harɩŋ mʋ. Ʋ sɩ mʋ nɩmɛ, ba kɛnʋ jɩl lusuŋ nyuŋ dɩa-la. Yo-haalaa kala chɩna gollu a yiyel, a paa gɛrɩ-laalaa arɩ gɛrɩ-vɔbɩa-la Dɔkas sɩ yɛrɛ ʋ fa sɩ hɛ ʋ mɩɩsɩŋ lɛ, a dɩdagɛ Pɩɩta.

Rom Tɩŋŋaa 14:16

Wɩɩ-la ŋ sɩ jɩma dɩ ʋ zɔmɔ, sɩ́ leŋe dɩ nɩaa kaa bɩrɩmɛ wʋbɔŋ.

Rom Tɩŋŋaa 2:24

Wɩa teniŋ tʋɔŋ ba ŋmʋnsɛ ŋɩɩ nɛ a bʋl, “A tɩŋ ma Juu tɩŋŋaa wɩaa, nɩalɩŋ sɩ bɩ Juu tɩŋŋaa ŋaa tʋʋsɛ Wɩa joŋŋoo nɛ.”

1 Kɔrɩntɩ Nɩaa 11:3

Ama mɩɩ chɛ dɩ ma jɩŋ arɩ Kirisito nɛ ŋaa baal-na kala sɩpaalaara, ka baala ma nɛ ŋaa haala sɩpaalaara, ka Wɩa ma nɛ laa Kirisito sɩpaaŋ.

1 Kɔrɩntɩ Nɩaa 14:34

ʋ bɩ maga dɩ haalaa bʋbʋl wɩaa. Ʋ maga dɩ ba tɔrɛ ba niiŋ aŋ tuto baalaa niiŋ nɛ, arɩ wɩalɩŋ Mosis sɩ ŋmʋnsa bil dɩ ba tuto sɩ dagɛ ŋɩɩ.

Ɛfɛsɩs Nɩaa 5:33

Ʋ saa nagɛ ŋɩɩ nɛ ma ma lɛ. Ʋ maga dɩ nʋʋkala cho ʋ haala arɩ ʋ sɩ cho ʋ tɩtɩa ŋɩɩ, ʋ maga dɩ haala ma zil ʋ bala.

Koloosi Nɩaa 3:18

Haalaa, má to ma balaba niiŋ a tɩŋ ma sɩɩ to Wɩa.

1 Timoti 5:10

Ʋ maga dɩ ʋ wʋŋaalaa zɔŋ nɛ, dɩ ʋ bibeŋ ʋ biiriŋ woruŋ, a kɩkɛŋ nʋhʋɔraa woruŋ ʋ dɩa lɛ, a hʋhʋɔrɛ Wɩa nɩaa woruŋ ʋ dɩa lɛ, a pɩpɛ nɩalɩŋ wɩaa sɩ jʋa lɛ, a joŋ ʋ tɩtɩa hɛ wʋzɔŋŋɔɔ ŋaanɩŋ lɛ.

1 Timoti 6:1

Nɩalɩŋ kala sɩ ŋaa yosuŋ, ʋ maga dɩ ba zizil nɩalɩŋ sɩ yɔɔba nɛ. Ʋ maga dɩ ba ŋaa ŋɩɩ dɩ nʋʋkala sɩ́ wombiiŋ na a wuo bʋl wʋbɔŋ kala a mʋ tɩgɛ Wɩa yɩrɩŋ lɛ, koo a mʋ tɩgɛ wɩalɩŋ la sɩɩ dagɛma lɛ.

Taatɩs 2:4

dɩ ba wuo dagɛ hatoloo ma dɩ ba cho ba balaba arɩ ba biiriŋ,