Taatɩs 2:2 - WƖA TENIŊ

² Bʋla pɩ banɩhɩasɩ-la sɩ hɛ ma tʋɔŋ dɩ ba leŋ dɩ ba sɩaa fɩɛlɛ, a kɛŋ mɛl-zɔmʋŋ, a kɛŋ ba tɩtɩa woruŋ, a jɩŋ wɩalɩŋ ba sɩ laa dii woruŋ, a cho nɩaa, a kɛŋ kenyiri.

Taatɩs 2:2 ပူးပေါင်းရင်းမြစ်များ

JOB 12:12

Wʋjɩmɩŋ ŋaa nɩhɩasɩŋ kʋŋ nɛ, nɩalɩŋ sɩ diene dʋnɩa lɛ nɛ yie jɩŋ wɩaa bʋbʋɔŋ.

WƖA YƖƖLAA 92:14

Ba jaŋ hɩɛsɛ, aŋ ha nɩnɛŋ. Ba jaŋ kɛŋ yarɩfɩɛlaa dɩ ba pɩpaarɩŋ zɔŋ.

NAMAGABA 16:31

Nyu-pʋmpʋllʋŋ kɛŋ tʋla nagɛ kuoru nyunchuulo nɛ. Nɩalɩŋ sɩ kɛŋ tʋɔpʋla ba mɩɩsɩŋ kala lɛ jaŋ naba.

AZAAYA 65:20

Bii-mulo kala bɩra bɩ jaŋ buuro sʋʋ nɩmɛ dɩ ʋ ha bɩ waa, nɩhɩaŋ kala bɩra bɩ jaŋ kɔ dɩ ʋ sʋba dɩ bʋa-la sɩ maga ʋ sʋʋ nɛ bɩ yie. Dɩ nʋʋ nɛ yi jɩsɩŋ zɔlɔ aŋ sʋʋ, nɩaa jaŋ joŋu arɩ ʋ ŋaa bapʋɔsɩɩ nɛ. Dɩ nʋʋ nɛ bɩ wuo yi jɩsɩŋ zɔlɔ, ŋɩɩ-na ŋmɩaŋ nɛ dii tɩɩna.

LEVI DOHO NƖAA 19:32

Má fá ma Wɩa a leŋ dɩ ma sɩɩŋ susu nɩhɩasɩŋ a zizilba. Mɩ nɛ ma TƖƖNA.

Maak 5:15

Ba sɩ kɔ Yesu teeŋ, ba na baal-la jɩŋ-bɔŋŋɔɔ fa sɩ kɛnɛ, dɩ ʋ hɔnɔ a laalɛ gɛnnɩŋ a kɛŋ yarɩfɩɛlaa. Ba sɩ na ŋɩɩ, fawʋllʋŋ kɛmba.

Luuk 8:35

Nɩaa sii lɩɩ mʋ dɩ ba na wɩɩ-la sɩ ŋaa a kɔ Yesu teeŋ. Baa kɔ dɩ baal-la Yesu sɩ kiri jɩnsɩŋ ʋ lɛ, dɩ ʋ hɔŋ Yesu sɛmɛ a laalɛ gɛrɩŋ a kɛŋ yarɩfɩɛlaa. Ba sɩ na ŋɩɩ, fawʋllʋŋ kɛmba.

Tɩntɩŋŋaa 24:25

Ama Pɔɔl sɩ mʋ bʋl wɩaa a tɩgɛ tʋɔpʋla lɛ arɩ ŋɩɩ ŋ sɩ jaŋ wuo kɛŋ ŋ tɩtɩa lɛ, a bɩra bʋl tapʋlɩɩ-la Wɩa sɩ jaŋ dii dʋnɩa nɩaa sarɩya wɩaa ma, fawʋllʋŋ kɛŋ Fɛlɩs. Ŋɩɩ nɛ ʋ bʋl dɩ ʋ mʋ, ka dɩ ʋ nɛ na chɩnɩŋ ʋ jaŋ bɩra yɩrʋ.

Rom Tɩŋŋaa 12:3

Wɩa sɩ kɛŋ zile ŋɩɩ mɩ teeŋ, mɩɩ sʋl ma kʋŋkala dɩ ma sɩ́ ma tɩtɩa kaa yʋgɛ a kɩɩ ŋɩɩ ma sɩ maga. Má leŋ dɩ ma sɩaa fɩɛlɛ. Wɩa pɩ nʋʋkala laa diiniŋ nɛ. Ama ba kɩɩ dɔŋɔ nɛ. Nʋʋkala maga dɩ ʋ bɩɩnɛ ʋ nyuŋ lɛ a magɛ ŋɩɩ Wɩa sɩ leŋe ʋ kɛŋ laa diiniŋ.

1 Kɔrɩntɩ Nɩaa 15:34

Má sii doŋ lɛ aŋ leŋ wʋbɔŋŋɔɔ ŋaanɩŋ. Ma dɔnsʋŋ wʋŋaalaa naga arɩ ma bɩ Wɩa jɩŋ, mɩ bʋl ŋɩɩ dɩ hɩɩsɩŋ kɛmma nɛ.

1 Kɔrɩntɩ Nɩaa 9:25

Fɩfaarɩ-na kala ba sɩɩ dagʋ yie jɩma kɛŋ ʋ tɩtɩa wɩɩ-na kala lɛ nɛ dɩ ʋ wuo fá a dii. Ama ʋ sɩ yie fá a dii kʋ-la, ʋ bɩ dieni aŋ ka ʋ chei. Ama la-na yie fá a dii kʋ-la sɩ bɩ chei nɛ. Ʋ jaŋ hɛ nɩmɛ deeŋ deeŋ.

2 Kɔrɩntɩ Nɩaa 5:13

Ma bɩɩna arɩ laa nyaasɛ nɛ la sɩɩ bʋl wɩalɩŋ? Dɩ la nɩɩ nyaasʋ, Wɩa wɩaa nɛ tɩɩ, ama dɩ la nyuŋ nɩɩ tɩŋ ma, ma wɩaa nɛ tɩɩ.

Galiisia Nɩaa 5:23

a kɛŋ sɩɩ-fɩɛlaa, a jɩŋ ʋ tɩtɩa kɛnɩŋ woruŋ. Wʋzɔŋ kala bɩra tuo a lɩɩ wɩaa deemba harɩŋ.

Fɩlɩpa Nɩaa 4:8

Mɩ naambiiriŋ, wɩɩ-la dɩdɛrɩŋ nɛ ŋ-la: Má ŋɩŋaa wɩalɩŋ sɩ ŋaa wʋtɩtɩɩba, wɩalɩŋ sɩ kɛŋ yɩrɩŋ, wɩalɩŋ sɩɩ to wombiiŋ, wɩalɩŋ sɩ bɩ disiniŋ kɛnɛ, wɩalɩŋ sɩ daga arɩ ma cho nɩaa, wɩalɩŋ sɩ zɔmɔ nɩaa sɩpaaŋ arɩ wɩalɩŋ sɩ jaŋ leŋ dɩ nɩaa bɩbɛsɛ ma lɛ. Má joŋ ma nyuŋ hɛ wɩaa deemba lɛ.

1 Tɛsalonaaka Nɩaa 5:6

Ŋɩɩ wɩaa, ʋ bɩ maga dɩ la pɩŋ doŋ arɩ nɩalɩŋ sɩ bɩ La Tɩɩna gbɛrɛ sɩɩ ŋaa ŋɩɩ. Ama ʋ maga dɩ la wei a kɛŋ la tɩtɩa wɩɩ na-kala lɛ.

1 Tɛsalonaaka Nɩaa 5:8

Ama la-na hɛ pʋlʋmʋŋ tʋɔŋ nɛ, ŋɩɩ wɩaa ʋ maga dɩ la kɛŋ la tɩtɩa wɩɩ-na kala lɛ nɛ. Wɩalɩŋ la sɩ laa dii arɩ la sɩ cho nɩaa ŋɩɩ, má leŋ dɩ ba nagɛ hɔɔŋ bɔɩ-tɔɔrɩ gɛrɩŋ. La sɩɩ yɩɛlɛ dɩ Wɩa laala ta ŋɩɩ, má leŋ dɩ ʋ nagɛ hɔɔŋ nyuŋ-chu-gbaŋkogo dɩ la chu,

1 Timoti 1:10

Ba bɩra ŋmʋnsɛ wɩaa deemba a pɩ balɩɩlɩŋ arɩ halɩɩlɩŋ nɛ, arɩ baala-la sɩ gɔllɔ tuu ba dɔŋɔba bʋbʋɔ-niiree, arɩ nɩalɩŋ sɩ gɔllɔ paa nɩaa biiriŋ a kaa faa lɛl. Ba bɩra ŋmʋnsɛ wɩaa deemba a pɩ wʋnyɩɛraa arɩ dansɩa wʋnyɩɛraa, arɩ nɩalɩŋ sɩ bɩ Wɩa wʋtɩtɩɩ-la ka to.

1 Timoti 1:14

Aŋ ka La Tɩɩna Wɩa ha pɛ mɩ lɛ kɩŋkɛŋ kɩŋkɛŋ a leŋ mɩ laa Kirisito Yesu dii, aŋ cho nɩaa ma.

1 Timoti 1:2

Mɩ ŋmʋnsɛ teniŋ deeŋ a pɩpɩ ŋ-na Timoti nɛ. A tɩŋ ŋ sɩ laa Kirisito wɩaa dii lɛ, ŋ ŋaa mɩ bii-tɩtɩɩ nɛ. La Nyɩmma Wɩa arɩ La Tɩɩna Kirisito Yesu lahɔrɩmɔ lɛ, ba jaŋ fá ŋ nenige a leŋ dɩ ŋ hɔŋ arɩ yarɩfɩɛlaa.

1 Timoti 1:5

Wʋnyuŋ-la mɩ sɩɩ chɛ mɩ bʋla pɩŋ nɛ dɩ ba cho ba dɔnsʋŋ tɩŋŋaa arɩ tʋɔpʋla, a leŋ dɩ ba tʋɔbɩɩnaa chesi, a bɩra leŋ dɩ ba ŋaa nɩtɩtɩɩba wɩalɩŋ ba sɩ laa dii lɛ.

1 Timoti 3:11

Haalaa ma sɩɩ pɛ Wɩa nɩaa kʋhɩasɩŋ lɛ, ʋ maga dɩ ba kɛŋ mɛl-zɔŋ nɛ a sɩ́ nɩaa harɩŋ ma gɩgaa. Ʋ maga dɩ ba fɩɛlɛ ba sɩaa a pɛ kɛŋ wʋtɩtɩɩ wɩɩ na-kala ba sɩɩ ŋaa lɛ.

1 Timoti 3:2

Ŋɩɩ wɩaa dɩ nʋʋ nɛ ŋaa Wɩa nɩaa nɩhɩaŋ, ʋ tɩɩna maga dɩ ʋ wʋŋaalaa kala zɔŋ nɛ. Ʋ maga dɩ ʋ kɛŋ ha-bala dʋndʋŋ nɛ. Ʋ maga dɩ ʋ sɩaa fɩɛlɛ, a wuo kɛŋ ʋ tɩtɩa woruŋ dɩ nɩaa zizilu. Ʋ maga dɩ ʋ wuo laa nʋhʋɔraa ma bibil ʋ dɩa lɛ a wuo dɩdagɛ Wɩa nɩaa woruŋ.

1 Timoti 3:4

Ʋ maga dɩ ʋ wuo beŋ ʋ dɩa nɩaa nyuŋ woruŋ nɛ. Ʋ maga dɩ ʋ wuo leŋ dɩ ʋ hambiisiŋ tuto ʋ niiŋ a zizilu wɩɩkala lɛ,

1 Timoti 3:8

Nɩalɩŋ sɩɩ pɛ Wɩa nɩaa nɩhɩasɩŋ ma lɛ, ba maga dɩ ba ma kɛŋ mɛl-zɔmʋŋ nɛ, a kɛŋ wʋtɩtɩɩ. Ʋ bɩ maga dɩ ba faasaa nyʋa sɩnɩŋ koo dɩ ba cho moribiee kɩŋkɛŋ.

1 Timoti 5:1

Sɩ́ nɩhɩaŋ lɛ kpɩa, ama chaasa bʋl wɩaa pʋ, a zilu arɩ ʋ ŋaa ŋ nyɩmma dɔŋɔ tɩɩna nɛ. Kɛŋ bapʋɔsaa woruŋ arɩ ba ŋaa ŋ naambiiriŋ nɛ.

Taatɩs 1:13

Wɩɩ-la ʋ sɩ bʋla ŋaa wʋtɩtɩɩ nɛ. Ŋɩɩ wɩaa, bʋl ba teeŋ woruŋ dɩ ba chɩŋ wʋtɩtɩɩ-la ba sɩ laa dii lɛ kpaŋ kpaŋ.

Taatɩs 1:8

Ʋ maga dɩ ʋ beŋ nʋhʋɔraa woruŋ ʋ dɩa lɛ a cho wʋzɔŋŋɔɔ. Ʋ maga dɩ ʋ jɩŋ ʋ tɩtɩa kɛnɩŋ nɛ a ŋaa nɩtɩtɩɩ. Ʋ maga dɩ ʋ ŋaa nɩpʋla a wuo kɛŋ ʋ tɩtɩa a hɛ dɔŋɔ lɛ woruŋ.

Taatɩs 2:7

Ŋ-na tɩtɩa Taatɩs, wɩɩ na-kala ŋ sɩɩ ŋaa lɛ, leŋ dɩ nɩaa na ŋ wʋŋaalaa sɩ zɔmɔ dɩ ba tuto. Wɩalɩŋ kala ŋ sɩɩ dagʋ, leŋ dɩ ba na arɩ ŋ kɛŋ wʋtɩtɩɩ arɩ sɩɩfɩɛsɩŋ.

Fɩlɩmɔŋ 1:9

Ama a tɩŋ mɩ sɩ choŋ wɩaa, mɩ jaŋ sʋlʋŋ dɩ ŋ ŋaa wɩɩ-la. Mɩ-na Pɔɔl nɛ paala chɩŋ Yesu Kirisito naasɩŋ lɛ aŋ lɛɛlɛ hɛ sarɩka lɛ a tɩŋ ʋ wɩaa.

1 Pɩɩta 1:13

Ŋɩɩ wɩaa, má kɛŋ ma tʋɔbɩɩnaa hɛ dɔŋɔ lɛ a ŋaa siri dɩ ma tɩŋ. Má kɛŋ ma tɩtɩa woruŋ, a joŋ ma yɩɛlaa kala hɛ kʋ-la Wɩa sɩ jaŋ joŋo pɩma lɛ bʋa-la Yesu Kirisito sɩ jaŋ mɩɩra kɔ.

1 Pɩɩta 4:7

Bʋa-la dʋnɩa sɩ jaŋ dɛrɛ kpaga nɛ. Ŋɩɩ wɩaa, má kɛŋ ma tɩtɩa woruŋ a leŋ dɩ ma sɩaa fɩɛlɛ, dɩ ma wuo chʋchʋɔlɛ Wɩa.

1 Pɩɩta 5:8

Má kɛŋ ma tɩtɩa woruŋ, a pɔ ma tɩtɩa lɛ. Ma dʋndɔmɔ Sɩtaanɩ, gɔllɔɔ chɛma nɛ, a nagɛ naachigiŋ sɩ gɔllɔ yele chɩchɛ kʋdiilee.

2 Pɩɩta 1:6

Má to ma wʋjɩmɩɩ-la lɛ a kɛŋ ma tɩtɩa woruŋ. Ma sɩ kɛŋ ma tɩtɩa woruŋ ŋɩɩ, má kɛŋ nyalɩma. Ma sɩ kɛŋ nyalɩma ŋɩɩ, má ŋɩŋaa wɩalɩŋ sɩɩ to Wɩa wombiiŋ,