Taatɩs 2:13 - WƖA TENIŊ

¹³ La sɩ hɛ dʋnɩa deeŋ lɛ ŋɩɩ, laa gbɛrɛ tapʋlɩɩ-la la Wɩɩ-balɩŋ arɩ la Laataara Yesu Kirisito sɩ jaŋ mɩɩra kɔ arɩ ʋ tʋla nɛ.

Taatɩs 2:13 ပူးပေါင်းရင်းမြစ်များ

AZAAYA 25:9

Tapʋlɩɩ-la nʋʋkala jaŋ bʋl, “Wʋtɩtɩɩ, ʋ nɛ la Wɩa, ʋ nɛ la laa dii, ʋ nɛ laala ta. La TƖƖNA nɛ ŋ-la, la laaʋ dii nɛ. Má leŋ dɩ la tʋɔŋ tɔrɛ, dɩ la jʋjʋɔsɛ a tɩŋ ʋ sɩ laala ta wɩaa.”

Matiu 16:27

Mɩ-na Nuhuobiine Bie jaŋ kɔ arɩ mɩ Nyɩmma tʋla, a pɛ mɩ tɩndaaraa lɛ. Dɩ la nɛ kɔ, Wɩa jaŋ tiŋ nʋʋkala a magɛ ŋɩɩ ʋ sɩ tɩma.

Matiu 25:31

Dɩ mɩ-na Nuhuobiine Bie nɛ dii mɩ kuoruŋ a kɔ, mɩ dɩ Wɩa tɩndaaraa kala jaŋ kɔ. Ŋɩɩ nɛ mɩ jaŋ hɔŋ mɩ kuoru kpasa nyuŋ a chaanɛ.

Matiu 26:64

Ŋɩɩ nɛ Yesu bʋla pʋ, “Mɩ-na nɛ, ama mɩ bʋlaa pɩma kala, a lɩɩ bʋa deeŋ lɛ a kaa mʋ, ma jaŋ na mɩ-na Nuhuobiine Bie dɩ mɩ hɔŋ Wɩa doluŋ kala Tɩɩna nadiiŋ, nɩduoŋ dɩhɔnʋŋ a to duoŋ-bɩlɩmbaanaa tʋɔŋ kʋʋ tuu.”

Maak 14:62

Ŋɩɩ nɛ Yesu bʋl, “Mɩ-na nɛ. Ma jaŋ na mɩ-na Nuhuobiine Bie dɩ mɩ hɔŋ Wɩa doluŋ kala Tɩɩna nadiiŋ sɛmɛ, nɩduoŋ dɩhɔnʋŋ, a to duoŋ-bɩlɩmbaanaa tʋɔŋ a kʋʋ tuu.”

Maak 8:38

Dɩ nʋʋ nɛ leŋe dɩ hɩɩsɩŋ kɛnʋ a tɩŋ mɩ wɩaa arɩ mɩ wʋbʋlaa wɩaa, ma lɛɛlɛ nɩaa deemba sɩ bɩ Wɩa ka fá a ŋɩŋaa wʋbɔŋŋɔɔ tʋɔŋ, mɩ-na Nuhuobiine Bie ma jaŋ leŋ dɩ hɩɩsɩŋ kɛnʋ dɩ mɩ nɛ kɔ arɩ mɩ nyɩmma tʋla a pɛ ʋ tɩndaaraa sɩ bɩ disiniŋ kɛnɛ lɛ.”

Tɩntɩŋŋaa 24:15

Mɩ ma laa dii arɩ Wɩa jaŋ chɩsɛ nɩzɔŋŋɔɔ arɩ nɩbɔŋŋɔɔ kala sʋʋŋ lɛ. Nɩaa deemba kala sɩ hɛ daha ma laa wɩaa deemba kala dii nɛ.

Rom Tɩŋŋaa 15:13

Wɩa nɛ yie leŋ la kɛŋ yɩɛlaa. Mɩɩ sʋlʋ dɩ ʋ leŋ dɩ ma kɛŋ tʋɔtɔrʋŋ arɩ yarɩfɩɛlaa a tɩŋ ma sɩ laaʋ dii, dɩ ŋɩɩ leŋ dɩ ma yɩɛlaa wasa yʋgɛ Wɩa Dɩŋ-zɔmʋŋ doluŋ lɛ.

Rom Tɩŋŋaa 5:5

La sɩ kɛŋ yɩɛlaa ŋɩɩ, la bɩ jaŋ kɔ dɩ la dii hɩɩsɩŋ, bɛɛ wɩaa Wɩa chola nɛ kɩŋkɛŋ. Ʋ joŋ chono-la a hɛ la tʋɔŋ lɛ nɛ. Ʋ ŋaa ŋɩɩ ʋ Dɩŋ-zɔmʋŋ ʋ sɩ joŋo pɩla doluŋ lɛ nɛ.

Rom Tɩŋŋaa 8:18

Mɩ bee na arɩ hɛɛŋ deeŋ la sɩɩ na, la bɩ jaŋ wuo kaa magɩsɛ yɩrɩ-la la sɩ jaŋ laa.

1 Kɔrɩntɩ Nɩaa 1:7

Ŋɩɩ wɩaa, ma sɩɩ gbɛrɛ La Tɩɩna Yesu Kirisito dɩ ʋ mɩɩra kɔ ŋɩɩ, ŋɩɩ nɛ tɩɩ ʋ joŋ kɩalɩŋ kala sɩ lɩɩ ʋ Dɩŋ-zɔmʋŋ teeŋ a dii zile ma lɛ.

2 Kɔrɩntɩ Nɩaa 4:4

Nɩaa deemba Sɩtaanɩ nɛ tɔ ba wʋjɩmɩŋ dɩ ba sɩ́ wuo na Wɩa wʋzɔmɔ-la pʋlʋmʋŋ. Wɩa wʋzɔmɔ-la nɩɩ dagɛ Kirisito tʋla, Nɩɩ-la sɩ nagɛ Wɩa.

2 Kɔrɩntɩ Nɩaa 4:6

Bumbuŋ Wɩa sɩ ŋaa dʋnɩa, ʋ leŋe pʋlʋmʋŋ chaanɛ birimiŋ tʋɔŋ nɛ. Ŋɩɩ tɩtɩa nɛ lɛɛlɛ ʋ leŋ pʋlʋmʋŋ kʋ jʋʋ la tʋɔŋ. Pʋlʋŋ-la nɛ leŋe la kɛŋ wʋjɩmɩŋ a wuo jɩŋ ŋɩɩ Wɩa sɩɩ tʋl. Wɩa to Kirisito lɛ nɛ a dagɛ ʋ tʋla.

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.

Koloosi Nɩaa 1:27

Ba nɛ Wɩa lɩɩsɛ dɩ ba jɩŋ wɩalɩŋ sɩ zɔmɔ ŋɩɩ kɩŋkɛŋ, ka ʋ fa joŋo faa. Lɛɛlɛ ʋ dagɛ ba sɩ magɛ ŋɩɩ nɛ a pɩ nɩalɩŋ sɩ bɩ Juu tɩŋŋaa ŋaa. Wɩalɩŋ nɛ daga arɩ Kirisito hɛ ma tʋɔŋ lɛ nɛ. Ŋɩɩ wɩaa, má yɩyɩɛlɛ dɩ ma kpaa ʋ yɩrɩ-bal-la nɛ.

Koloosi Nɩaa 1:5

Ma ŋaa ŋɩɩ a tɩŋ ma sɩɩ yɩɛlɛ kɩalɩŋ sɩ pɩna gbɛrɛma nɛ Wɩa-jaŋ lɛ. Ma nɩɩ wɩɩŋ deeŋ bʋa-la ma sɩ nɩɩ Wɩa wʋzɔmɔ-la sɩ ŋaa wʋtɩtɩɩ nɛ.

Koloosi Nɩaa 3:4

Kirisito nɛ ŋaa la mɩɩsɩŋ. Bʋa-la lɛ ʋ sɩ jaŋ mɩɩra kɔ, nɩaa jaŋ na ma dɩ ʋ kala dɩ maa kpaa ʋ yɩrɩ-bal-la.

2 Tɛsalonaaka Nɩaa 2:16

La Tɩɩna Yesu Kirisito arɩ la Nyɩmma Wɩa sɩ chola lahɔrɩmɔ lɛ, ʋ ŋaa la tʋɔŋ pɩŋ dɩ-bala nɛ a kaa mʋ wuu, dɩ la wuo yɩyɩɛlɛ wʋzɔŋŋɔɔ.

2 Tɛsalonaaka Nɩaa 2:8

ka dɩ wʋbɔŋŋɔɔ kuoru-la-na kɔ. Bʋa-la lɛ La Tɩɩna Yesu jaŋ mɩɩra kɔ arɩ ʋ tʋla, a pʋʋsɛ ʋ niiŋ peliŋ a kpʋ wʋbɔŋŋɔɔ kuoru-la. Ʋ tʋla-la jaŋ chei wʋbɔŋŋɔɔ kuoru-la.

1 Timoti 1:1

Mɩ-na Pɔɔl nɛ ŋmʋnsɛ teniŋ deeŋ. La Tɩɩna Wɩa sɩ ŋaa la Laataara doluŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ. Kirisito Yesu lɛ nɛ la yɩɛlaa hɛ.

2 Timoti 1:2

Mɩ ŋmʋnsɛ teniŋ deeŋ a pɩpɩ ŋ-na mɩ bii-chooluŋ Timoti nɛ. La Nyɩmma Wɩa arɩ La Tɩɩna Yesu Kirisito lahɔrɩmɔ lɛ, ba jaŋ fáŋ nenige a leŋ dɩ ŋ hɔŋ arɩ yarɩfɩɛlaa.

2 Timoti 4:1

Mɩɩ sʋlʋŋ Wɩa arɩ Kirisito kala sɩpaaŋ, nɩɩ-la sɩ jaŋ dii nɩweyee arɩ nɩsʋʋnʋŋ kala sarɩya. Ʋ jaŋ mɩɩra kɔ a dii kuoruŋ, ŋɩɩ wɩaa

2 Timoti 4:8

Lɛɛlɛ, La Tɩɩna Yesu sɩ ŋaa sarɩya diiru-la sɩ kɛŋ wʋtɩtɩɩ, ʋ ŋaa tʋɔpʋl kuoru nyunchuulo nɛ a bil dɩ ʋ joŋo siilimi, tapʋlɩɩ-la ʋ sɩ jaŋ mɩɩra kɔ. Mɩ dʋndʋŋa dee ʋ jaŋ ŋaa ŋɩɩ pa, ama nɩalɩŋ kala sɩ chou a gbɛrʋ dɩ ʋ mɩɩra kɔ, ba ma jaŋ laa ba siilee.

Taatɩs 1:2

Nɩalɩŋ sɩɩ to Wɩa wombiiŋ deeŋ, baa yɩɛlɛ arɩ ba jaŋ kɛŋ mɩɩsɩ-la sɩ bɩ dɛrɛ. Wɩa fa bʋl wɩaa a tɩgɛ mɩɩsɩŋ deeŋ lɛ faafaa kala nɛ, ka dʋnɩa-na suomi. Wɩa bɩ wɩaa ka nyɩɛ, ʋ jaŋ ŋaa wɩɩ-la.

Taatɩs 1:4

Mɩ-na Pɔɔl nɛ ŋmʋnsɛ teniŋ deeŋ a pɩpɩ ŋ-na Taatɩs sɩ ŋaa mɩ bii-tɩtɩɩ Yesu wɩaa lɛ. La Nyɩmma Wɩa arɩ la Laataara Yesu Kirisito lahɔrɩmɔ lɛ, ŋ jaŋ hɔŋ arɩ yarɩfɩɛlaa.

Taatɩs 3:4

Ama la Laataara Wɩa dagɛ ŋɩɩ ʋ sɩ kɛŋ zile arɩ ŋɩɩ ʋ sɩ cho nɩaa nɛ,

Hiburu TƖŊŊAA 9:28

Ŋɩɩ tɩtɩa nɛ ba kpʋ Kirisito balá dɩ ʋ laa nɩ-daŋ wʋbɔŋŋɔɔ ta. Dɩ ʋ nɛ mɩɩra kɔ, ʋ bɩra bɩ jaŋ laa nɩaa wʋbɔŋŋɔɔ ta, ama ʋ jaŋ laa nɩalɩŋ sɩ kɛŋ ba tɩtɩa hɛ dɔŋɔ a gbɛrʋ ta.

1 Pɩɩta 1:3

Má leŋ dɩ la dɛnnɛ Wɩa, ʋ nɛ ŋaa La Tɩɩna Yesu Kirisito Nyɩmma. Ʋ fá la nenige nɛ kɩŋkɛŋ a leŋ la kɛŋ mɩɩ-falɩŋ, a tɩŋ ʋ sɩ chɩsɛ Yesu Kirisito sʋʋŋ lɛ. La saa yɩɛlʋ arɩ la jaŋ kɛŋ mɩɩsɩŋ,

1 Pɩɩta 1:7

Wɩaa deemba jʋʋma dɩ ba magɩsɛ ŋɩɩ ma sɩ laa Wɩa dii nɛ, a leŋ nɩaa wuo na arɩ ʋ sɛnɛ ŋaa wʋtɩtɩɩ nɛ. Ʋ nagɛ sɛlɩmɛ ba sɩ joŋo chɔ a yʋgɩlɛ dɩ ba na ʋ sɛnɛ ŋaa sɛlɩmɛ nɛɛ? Ba sɩ joŋ sɛlɩmɛ chɔ ŋɩɩ ma kala, ʋ bɩ dieni ka dɩ ʋ chei. Ma Wɩa laa diiniŋ nɛ yuŋŋie a kɩɩ sɛlɩmɛ. Ba sɩ magɩsɛma na ŋɩɩ, tapʋlɩɩ-la Yesu Kirisito sɩ jaŋ mɩɩra kɔ, nɩaa jaŋ dɛnnɛ Wɩa a zizilu dɩ ʋ yɩrɩŋ yɩrɛ a tɩŋ wɩalɩŋ ma sɩ laa dii wɩaa.

2 Pɩɩta 1:1

Mɩ-na Saamɔŋ Pɩɩta nɛ ŋmʋnsɛ teniŋ deeŋ pɩpɩma. Mɩ ŋaa Yesu Kirisito tɩntɩnnʋ nɛ a ŋaa ʋ nanzɔɔ ma. Mɩ ŋmʋnsɛ teniŋ deeŋ pɩpɩ ma nɩalɩŋ ma sɩ laa Yesu Kirisito wɩaa dii arɩ la ma sɩ laa ʋ wɩaa dii ŋɩɩ. La dɩ ma kala ŋaa tʋɔpʋl tɩmma nɛ a tɩŋ Wɩa arɩ la Laataara Yesu Kirisito wɩaa.

2 Pɩɩta 3:18

Má leŋ dɩ ma wʋjɩmɩŋ pʋŋa pɛ La Tɩɩna Yesu Kirisito wɩaa, Nɩɩ-la sɩ ŋaa la Laataara. Dɩ ma nɛ ŋaa ŋɩɩ, ʋ jaŋ pɛ ma lɛ. Ʋ yɩrɩŋ nɛ nɩaa jaŋ yɩrɛ lɛɛlɛ a kaa mʋ wuu. Amɩɩ.

1 Jɔɔŋ 4:14

La tɩtɩa na nɛ a laa dii arɩ Wɩa ta ʋ Bie dɩ ʋ kʋ tuu ŋaa dʋnɩa nɩaa Laataara nɛ.

Juud 1:21

Wɩa sɩ choma ŋɩɩ, má chɩŋ ŋɩɩ lɛ kpaŋ kpaŋ, a gbɛrɛ La Tɩɩna Yesu Kirisito dɩ ʋ kɔ, Nɩɩ-la sɩ jaŋ fá ma nenige a pɩma mɩɩsɩ-la sɩ bɩ dɛrɛ.

Jɔɔŋ Wʋnaalaa 1:7

Má bee na, ʋ nɛ to duoŋ-bɩlɩmbaanaa tʋɔŋ a kʋkɔ. Nʋʋkala jaŋ naʋ. Nɩalɩŋ ma sɩ joŋ kɩaa tɔbʋ jaŋ naʋ. Dʋnɩa nɩaa kala jaŋ yel ʋ wɩaa. Ŋɩɩ sɛnɛ jaŋ ŋaa. Amɩɩ.