Taatɩs 2:12 - WƖA TENIŊ

¹² Wɩa wʋzɔmɔ-la dagɛla dɩ la sɩ́ wʋbɔŋŋɔɔ ŋaa, a sɩ́ la tɩtɩa joŋo hɛ dʋnɩa wɩaa lɛ, a jɩma kɛŋ la tɩtɩa, a kɛŋ wʋtɩtɩɩ, a tuto Wɩa wombiiŋ dʋnɩa deeŋ lɛ.

Taatɩs 2:12 ပူးပေါင်းရင်းမြစ်များ

WƖA YƖƖLAA 105:45

dɩ ŋɩɩ leŋ dɩ ba to wɩalɩŋ ʋ sɩ daga, a kɛŋ wombie-la ʋ sɩ bile dɩ ba tuto tɩtɩŋ. Má dɛnnɛ La Tɩɩna.

WƖA YƖƖLAA 4:3

Ma jɩŋ arɩ La Tɩɩna tʋɔsɛ tʋɔpʋl tɩŋŋaa nɛ ba ŋaa ʋ nɩaa. Dɩ mɩ nɛ yɩrʋ, ʋ yie jegile nɩɩ mɩ teeŋ nɛ.

ƐZƖKƖƐL 36:27

Mɩ jaŋ joŋ mɩ Dɩma a hɛ ma lɛ, a leŋ dɩ ma to mɩ wʋdagaa a fɩɛlɛ ma sɩaa a to wombie-la mɩ sɩ bile dɩ ma tuto.

Matiu 12:32

Nɩɩ-la kala sɩ bʋl wʋbɔŋŋɔɔ a mʋ tɩgɛ mɩ-na Nuhuobiine Bie lɛ, Wɩa jaŋ joŋo chɛʋ, ama nɩɩ-la kala sɩ tʋʋsɛ Wɩa Dɩŋ-zɔmʋŋ joŋŋoo, Wɩa bɩ jaŋ joŋo chɛ ʋ tɩɩna lɛɛlɛ a kaa mʋ wuu.”

Matiu 16:24

Ŋɩɩ nɛ ʋ bʋla pɩ ʋ harɩ-tooroo, “Dɩ nʋʋkala nɩɩ chɛ dɩ ʋ tomi, see dɩ ʋ vɩa ʋ tɩtɩa wombiiŋ aŋ joŋ ʋ daagɛsɛ baasɛ a to mɩ harɩŋ.

Matiu 28:20

Má dagɛba a leŋ dɩ ba to wɩalɩŋ kala mɩ sɩ bʋla pɩma dɩ ma to. Mɩ jaŋ hɛ ma teeŋ bʋa na-kala lɛ a kaa mʋ dʋnɩa dɩdɛrɩŋ.”

Luuk 1:6

Zɛkarɩya arɩ ʋ haala kala fa ŋaa tʋɔpʋl tɩmma nɛ. Ba faa to Wɩa niiriŋ arɩ ʋ wʋdagaa nɛ woruŋ a bɩ wʋcheeli kala kɛnɛ.

Luuk 1:75

Ŋɩɩ lɛ nɛ la jaŋ to a ŋaa nɩa sɩ bɩ disiniŋ kɛnɛ, a kɛŋ tʋɔpʋla ʋ teeŋ la mɩɩsɩŋ kala lɛ.”

Jɔɔŋ 14:30

Mɩ bɩ jaŋ wuo bʋl wɩaa ma teeŋ a dieni, bɛɛ wɩaa dʋnɩa kuoro ka kɔ nɛ. Ama ʋ bɩ dol kala kɛnɛ mɩ lɛ.

Jɔɔŋ 6:25

Nɩalɩŋ sɩ na Yesu mʋga-la cholo dɔŋɔ, ba pɩɛsʋ, “La kʋhɩaŋ, bʋa bɛɛ lɛ nɛ ŋ kɔ daha?”

Tɩntɩŋŋaa 24:16

Mɩ yie wʋwalɩmɛ woruŋ dɩ mɩ tʋɔbɩɩnaa kala chesi Wɩa arɩ nuhuobiinee kala sɩpaaŋ.

Tɩntɩŋŋaa 24:25

Ama Pɔɔl sɩ mʋ bʋl wɩaa a tɩgɛ tʋɔpʋla lɛ arɩ ŋɩɩ ŋ sɩ jaŋ wuo kɛŋ ŋ tɩtɩa lɛ, a bɩra bʋl tapʋlɩɩ-la Wɩa sɩ jaŋ dii dʋnɩa nɩaa sarɩya wɩaa ma, fawʋllʋŋ kɛŋ Fɛlɩs. Ŋɩɩ nɛ ʋ bʋl dɩ ʋ mʋ, ka dɩ ʋ nɛ na chɩnɩŋ ʋ jaŋ bɩra yɩrʋ.

Rom Tɩŋŋaa 12:2

Má sɩ́ ma nyuŋ joŋo hɛ dʋnɩa wʋŋaalaa lɛ. Ama má leŋ dɩ Wɩa kɛŋ ma tʋɔbɩɩnaa bɩrɩmɛ dɩ ba zɔŋ. Ŋɩɩ lɛ nɛ ma jaŋ wuo jɩŋ wɩɩ-la Wɩa sɩɩ chɛ. Ma jaŋ wuo jɩŋ wɩɩ-la sɩ zɔmɔ aa tɔrɛ Wɩa tʋɔŋ aŋ pɛ zɔŋ ma woruŋ.

Rom Tɩŋŋaa 6:12

Ma saa sɩ́ leŋe dɩ wʋbɔŋŋɔɔ tɩɩ ma yaraa deemba sɩɩ sʋʋ, dɩ ma to ʋ lɛ a ŋɩŋaa ʋ wʋchɛɛlɛɛ.

Rom Tɩŋŋaa 6:19

Mɩ sɩ bʋl yosuŋ wɩaa ŋɩɩ, ʋ ŋaa wʋkaa-magɩsɩɩ nɛ mɩ magɩsɛ, dɩ ŋɩɩ dee ma bɩ ʋ bʋbʋɔŋ wuo jɩŋ. Ma fa sɩ joŋ ma tɩtɩa a hɛ disiniŋ arɩ wʋbɔŋŋɔɔ ŋaanɩŋ lɛ ŋɩɩ a ŋaa ba yosi, ŋɩɩ tɩtɩa nɛ ma maga dɩ ma lɛɛlɛ joŋ ma yaraa kala a hɛ tʋɔpʋl wʋŋaalaa lɛ, dɩ ma bɩra sɩ́ disiniŋ kɛŋ aŋ kɛŋ tʋɔpʋla.

Rom Tɩŋŋaa 8:13

Dɩ ma nɛ to ma yaraa wʋŋaalaa lɛ, ma jaŋ sʋʋ. Ama dɩ ma nɛ vɩa ma yaraa wʋŋaalaa, ma jaŋ kɛŋ mɩɩsɩŋ Wɩa Dɩŋ-zɔŋ-la doluŋ lɛ.

2 Kɔrɩntɩ Nɩaa 1:12

Lɛɛlɛ la jaŋ wuo bigisi la tɩtɩa lɛ, bɛɛ wɩaa la tʋɔbɩɩnaa daga arɩ la wʋŋaalaa kala zɔmɔ nʋʋkala teeŋ nɛ dʋnɩa deeŋ lɛ. Wɩɩkala la sɩ ŋaa ma teeŋ, la ŋaa wɩalɩŋ sɩɩ to Wɩa wombiiŋ nɛ aŋ pɛ ŋaa wʋtɩtɩɩ-la Wɩa sɩɩ chɛ. Nuhuobiine wʋjɩmɩŋ lɛ dee la to a ŋɩŋaa wɩalɩŋ, ama Wɩa doluŋ lɛ nɛ la ŋaaba.

2 Kɔrɩntɩ Nɩaa 7:1

Mɩ naambii-kpɩanaba, Wɩa sɩ folo bʋl dɩ ʋ jaŋ ŋaa wɩaa deemba kala pɩla, má leŋ dɩ la lɩɩsɛ la tɩtɩa disiŋ-na kala lɛ. Dɩ la nɛ bɩ disiŋ kala ŋaa, ŋɩɩ jaŋ dagɛ arɩ wʋtɩtɩɩ, la sɛnɛ ka fá Wɩa nɛ.

Galiisia Nɩaa 1:4

Yesu Kirisito joŋ ʋ tɩtɩa pa nɛ ba kpʋʋ a tɩŋ la wʋbɔŋŋɔɔ wɩaa, dɩ ʋ lɩɩsɛla wʋbɔmɔ-la sɩ hɛ dʋnɩa deeŋ lɛ lɛɛlɛ. Ʋ to la Nyɩmma Wɩa tʋɔtɔrʋŋ lɛ nɛ a ŋaa ŋɩɩ pɩla.

Galiisia Nɩaa 5:24

Ŋɩɩ wɩaa, nɩalɩŋ sɩ laa Kirisito wɩaa dii, ba kpʋ ba tɩtɩa tʋɔtɔrɛ wʋŋaalaa ta nɛ. Ba bɩra bɩ wɩalɩŋ ba sɩɩ hɩɛnʋ arɩ ba tʋɔtɔrɛ wʋŋaalaa lɛ ka to.

Ɛfɛsɩs Nɩaa 1:4

Ka dɩ ʋ-na suomo ŋaa dʋnɩa, ʋ to Kirisito lɛ nɛ a lɩɩsɛla, dɩ la kɛŋ tʋɔpʋla, a sɩ́ cheeri kala kɛŋ ʋ sɩpaaŋ. A tɩŋ Wɩa sɩ chola wɩaa,

Ɛfɛsɩs Nɩaa 2:2

Ma faa ŋaa wʋbɔŋŋɔɔ nɛ a ŋɩŋaa dʋnɩa deeŋ tʋɔtɔrɛ wɩaa, a tuto Sɩtaanɩ. Sɩtaanɩ nɛ ŋaa jɩŋ-bɔŋŋɔɔ kala kuoro, ʋ nɩɩ beŋ nɩalɩŋ sɩ bɩ Wɩa niiŋ wɩaa ka to.

Koloosi Nɩaa 1:22

Ama lɛɛlɛ Wɩa ŋaa ma dɩ ʋ sɩŋ nɛ a tɩŋ Kirisito sʋʋŋ wɩaa, dɩ ʋ kɛmma kaa kɔ Wɩa sɩpaaŋ arɩ tʋɔpʋla, dɩ ma sɩ́ disiniŋ kɛŋ a sɩ́ wʋcheeli ma kɛŋ.

1 Tɛsalonaaka Nɩaa 4:7

Wɩa bɩ la lɩɩsa dɩ la ŋɩŋaa wʋlɩɩlɩŋ, ama ʋ lɩɩsɛla dɩ la ŋaa nɩa sɩ bɩ disiniŋ kɛnɛ nɛ.

1 Tɛsalonaaka Nɩaa 4:9

Mɩ naambiiri, ʋ bɩ maga dɩ mɩ ŋmʋnsɛ teniŋ a bʋla pɩma ŋɩɩ ma sɩ jaŋ cho dɔŋɔ, bɛɛ wɩaa Wɩa tɩtɩa dagɛma ŋɩɩ ma sɩ jaŋ cho dɔŋɔ nɛ.

1 Timoti 4:12

Ŋ ŋaa hambie nɛ, ama sɩ́ leŋe dɩ nʋʋkala bee gʋʋnʋŋ. Leŋ dɩ nɩalɩŋ sɩ laa Yesu wɩaa dii na ŋ wʋbʋlaa, ŋ mɛlɛ, ŋɩɩ ŋ sɩ cho nɩaa, ŋɩɩ ŋ sɩ laa Wɩa dii arɩ ŋ tʋɔpʋla a to ŋ naabʋɔsʋŋ.

1 Timoti 6:17

Bʋla pɩ nɩalɩŋ sɩ kɛŋ kɩaa dʋnɩa deeŋ lɛ dɩ ba sɩ́ ba tɩtɩa dagʋ koo a joŋ ba yɩɛlaa hɛ ba dʋa lɛ, bɛɛ wɩaa nʋʋkala bɩ jɩŋ ʋ dʋa-la chie sɩ jaŋ chɩŋ ŋɩɩ. Ama ʋ maga dɩ ba joŋ ba yɩɛlaa hɛ Wɩa lɛ. Ʋ nɩɩ pɩla kʋŋkala la sɩɩ chɛ dɩ la kaa nɩnɩɩ sɩma.

1 Timoti 6:9

Ama nɩalɩŋ sɩ cho dɩ ba kɛŋ kɩaa dʋnɩa deeŋ lɛ, Sɩtaanɩ yie nyɩsɛba hɛ bɛrɛ lɛ nɛ, baa ŋaa nɩyaarɩ wɩaa arɩ ba tʋɔtɔrɛ wɩalɩŋ sɩɩ cheiba. Wɩaa deemba nɩɩ chei nɩaa woruŋ.

2 Timoti 3:12

Nʋʋkala sɩɩ chɛ dɩ ʋ to Wɩa wombiiŋ dɩ ʋ dɩ Kirisito Yesu ŋaa kʋbala, nɩaa jaŋ to naasɩŋ dɔgɩsʋ.

2 Timoti 4:10

bɛɛ wɩaa Dɩmas vɩamɛ nɛ. Ʋ cho dʋnɩa kɩaa nɛ. Ŋɩɩ nɛ tɩɩ ʋ vɩamɛ ta aŋ mʋ Tɛsalonaaka. Kɩrɛsɩsɛŋ ma mʋ Galiisia, Taatɩs ma mʋ Dalɩmatɩa.

Taatɩs 3:3

La ma tɩtɩa fa ŋaa nɩyaara nɛ, a fa bɩ Wɩa niiŋ to, wʋbɔŋŋɔɔ fa leŋ la yeŋŋi. La fa to la tʋɔtɔrɛ wʋŋaalaa harɩŋ nɛ a bɩrɩmɛ ba yosi. La fa cho dɩ nɩaa jʋʋ wʋbɔŋŋɔɔ a fa kɛŋ yarɩ-bieriŋ dɔŋɔ lɛ. Nɩaa fa bɛrɛla, la ma fa bɛrɛba.

Hiburu TƖŊŊAA 8:11

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa.

Jeems 1:27

La Nyɩmma Wɩa wombiiŋ tonuŋ ʋ sɩ daga arɩ ʋ ŋaa wombii-tɩtɩɩ nɛ ŋ-la: Má pɩpɛ biisinsiŋ arɩ yo-haala-la sɩɩ na hɛɛŋ lɛ, aŋ lɩɩsɛ ma tɩtɩa dʋnɩa nɩaa wʋŋaalaa sɩ jaŋ leŋ dɩ ma kɛŋ disiniŋ lɛ.

2 Pɩɩta 2:9

Wɩaa deemba kala dagɛla arɩ Wɩa jɩŋ wombii-la ʋ sɩ jaŋ to a laa tʋɔpʋl tɩŋŋaa ta nɛ, dɩ Sɩtaanɩ sɩ́ wuo magɩsɛba dɩ ba ŋaa wʋbɔŋ. Ba bɩra dagɛla ŋɩɩ Wɩa sɩ jaŋ ŋaa a dɔgɩsɛ nɩbɔŋŋɔɔ ma a kaa mʋ yi tapʋlɩɩ-la ʋ sɩ jaŋ dii dʋnɩa nɩaa sarɩya.

2 Pɩɩta 3:11

Ma sɩ jɩma arɩ dʋnɩa kala jaŋ lɛl ŋɩɩ, ɛɛ nɛ ma bɩɩna arɩ ʋ maga dɩ ma mɛlɛ nagɛ? Ʋ maga dɩ ma joŋ ma tɩtɩa kala a pɩ Wɩa nɛ, a sɩ́ disiŋ kala kɛŋ, a tuto ʋ wombii-la.

1 Jɔɔŋ 2:27

Ama Kirisito joŋ ʋ Dɩŋ-zɔŋ-la hɛ ma lɛ nɛ. Ʋ Dɩŋ-zɔŋ-la sɩ hɛ ma lɛ ŋɩɩ, ma bɩra bɩ nʋʋ ka chɛ dɩ ʋ dagɛma. Ʋ Dɩŋ-zɔŋ-la sɩ hɛ ma lɛ ka dagɛma wɩɩkala nɛ. Wɩalɩŋ kala ʋ sɩɩ dagɛma ŋaa wʋtɩtɩɩba nɛ, wʋnyɩɛrɩ dee. Má to wɩalɩŋ ʋ Dɩŋ-zɔmʋŋ sɩ dagɛma, a leŋ ma dɩ Kirisito ŋaa kʋbala.

1 Jɔɔŋ 2:6

Nɩɩ-la kala sɩ sɩ ʋ dɩ Wɩa ŋaa kʋbala, ʋ maga dɩ ʋ tɩɩna wʋŋaalaa nagɛ Yesu Kirisito wʋŋaalaa nɛ.

1 Jɔɔŋ 5:19

La jɩma la ŋaa Wɩa biiriŋ nɛ. Nɩkaana-la-na kala sɩ hɛ dʋnɩa lɛ hɛ Sɩtaanɩ nɩsɩŋ lɛ nɛ.

Juud 1:18

Ba bʋla pɩma arɩ dʋnɩa dɩdɛrɩŋ, nɩaa jaŋ kɔ a sisieri Wɩa lɛ. Ba jaŋ tuto ba tʋɔbɩɩŋ bɔŋŋɔɔ harɩŋ.

Jɔɔŋ Wʋnaalaa 14:12

Bʋa deeŋ lɛ Wɩa nɩalɩŋ sɩɩ to Wɩa niiŋ a laa Yesu Kirisito wɩaa dii, ʋ maga dɩ ba nyalɩmɛ nɛ.