Taatɩs 2:11 - WƖA TENIŊ

¹¹ Wɩa dagɛ ʋ zile pɩla nɛ, a kɔ dɩ ʋ laa nʋʋkala ta.

Taatɩs 2:11 ပူးပေါင်းရင်းမြစ်များ

WƖA YƖƖLAA 67:2

Ŋɩɩ nɛ jaŋ leŋ dɩ dʋnɩa nɩaa kala jɩŋ ŋ wombiee a toŋ, dɩ tinteyee nɩaa na ŋɩɩ ŋ sɩ laa nɩaa tɩta.

WƖA YƖƖLAA 84:11

La Tɩɩna Wɩa nagɛ wɩɩpɔsʋŋ nɛ la teeŋ a chu tɔla. La Tɩɩna kɛŋ chonuŋ arɩ zile, ʋ bɩ kʋzɔŋ kala joŋo faa nɩalɩŋ sɩɩ ŋaa wɩaa ba bʋa lɛ.

WƖA YƖƖLAA 96:10

Má bʋla pɩ tinteyee nɩaa kala, “La Tɩɩna nɛ kuoro. Ʋ nɛ leŋe tinteeŋ chɩŋ nɛ kpaŋkpaŋ, kʋŋkala bɩ jaŋ wuo kɛnʋ jigisi. Ʋ jaŋ dii dʋnɩa nɩaa sarɩya arɩ wʋtɩtɩɩ.”

AZAAYA 45:22

Má mɩɩra kɔ mɩ teeŋ dɩ mɩ laama ta, ma nɩalɩŋ kala sɩ hɛ dʋnɩa lɛ, bɛɛ wɩaa, mɩ dʋndʋŋa nɛ Wɩa, Wɩa dɔŋ bɩra tuo.

AZAAYA 49:6

La TƖƖNA bɩra sɩ, “Ŋ bɩ jaŋ ŋaa mɩ tɩntɩnnʋ, a kɛŋ Iziral doho doho-la dʋndʋŋ mɩɩra kɔ mɩ teeŋ Jekɔb doho nɩkaana-la sɩ bɩ sʋba, ama mɩ ha jaŋ leŋ dɩ ŋ nɛ ŋaa nɩalɩŋ sɩ bɩ Juu tɩŋŋaa ŋaa ma pʋlʋmʋŋ, dɩ mɩ laatanɩŋ wuo yi dʋnɩa sɛmɛ na-kala.”

AZAAYA 52:10

La TƖƖNA jaŋ dagɛ ʋ doluŋ dɩ tinteyee kala na. Dʋnɩa sɛmɛ na-kala nɩaa jaŋ na ŋɩɩ, la Wɩa sɩ laa ʋ nɩaa ta.

ZƐKARƖYA 12:10

Mɩ jaŋ joŋ mɩ Dɩma hɛ Devit doho nɩaa arɩ Jerusalɛm nɩaa lɛ, dɩ ba fɩfá nɩaa nenige aŋ chʋchʋɔlɛmɛ. Ba jaŋ bibeŋ mɩ-na nɩɩ-la ba sɩ tɔbɔ, a yel mɩ lɛ a nagɛ nɩa sɩɩ yel ʋ bii-bala lɛ. Ba tʋɔŋ jaŋ faasa chei a nagɛ nɩa tʋɔŋ sɩ cheye ʋ bii-bumbuŋ sʋʋŋ lɛ.

ZƐKARƖYA 4:7

Peel-duo, ŋ nɛ kʋbɛɛ? Ŋ jaŋ bɩrɩmɛ tintee-taala Zerubabɛl sɩpaaŋ. Ŋɩɩ nɛ ʋ jaŋ joŋ tiebii-katɩɩ a daŋ, ka dɩ nɩaa ŋaa goŋ a bʋl, ‘Wɩa jaŋ pɛ! Wɩa jaŋ pɛ!’ ”

Matiu 28:19

Má saa mʋ dʋnɩa sɛmɛ-na kala a bʋl mɩ wɩaa pɩ nɩaa a leŋ dɩ ba ŋaa mɩ harɩ-tooroo a foba Wɩɩchʋɔlɛ lɩɩŋ mɩ Nyɩmma arɩ mɩ-na ʋ Bie arɩ ʋ Dɩŋ-zɔmʋŋ yɩrɩŋ lɛ.

Maak 16:15

Ʋ bʋla pɩba, “Má mʋ dʋnɩa sɛmɛ-na kala a bʋl Wɩa wʋzɔmɔ-la a pɩ nʋʋ na-kala.

Luuk 24:47

Ba jaŋ bʋl Wɩa wɩaa ʋ yɩrɩŋ lɛ, tintee kala lɛ, dɩ nɩaa bɩrɩma lɩɩ ba wʋbɔŋŋɔɔ lɛ dɩ Wɩa joŋ ba wʋbɔŋŋɔɔ chɛba. Ba jaŋ suomo ŋaa ŋɩɩ Jerusalɛm lɛ.

Luuk 3:6

Dɩ ma ŋaa ŋɩɩ, dʋnɩa nɩaa kala jaŋ na ŋɩɩ Wɩa sɩ laa nɩaa tɩta.’ ”

Jɔɔŋ 1:14

Ŋɩɩ nɛ wɩɩ-la bɩrɩmɛ nuhuobiine a kʋ hɛ la tʋɔŋ. Ʋ fa hɛ la teeŋ a fɩfá la nenige woruŋ, a kɛŋ wʋtɩtɩɩ. La na ʋ tʋla. Tʋla deeŋ ʋ Nyɩmma Wɩa nɛ joŋo pʋ, arɩ ʋ nɛ ŋaa ʋ Bie kala.

Jɔɔŋ 1:9

Ŋɩɩ nɛ pʋlʋŋ-la tɩtɩa kʋ tuu dʋnɩa dɩ ʋ chaana hɛ nʋʋkala lɛ.

Tɩntɩŋŋaa 11:23

Ʋ sɩ mʋa, ʋ na ŋɩɩ Wɩa sɩ pɛ nɩalɩŋ lɛ. Ʋ tʋɔŋ tɔrɛ. Ʋ bʋl wɩaa nyaasɛ ba nyuŋ woruŋ dɩ ba kɛŋ wʋtɩtɩɩ a to La Tɩɩna Yesu arɩ ba tʋɔŋ kala.

Tɩntɩŋŋaa 13:43

Ŋɩɩ nɛ nɩalɩŋ kala lɩɩ Wɩɩchʋɔlɛ dɩa lɛ. Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa aŋ tuto Juu tɩŋŋaa Wɩɩchʋɔlɛ wombiiŋ, ba yʋga a to Pɔɔl arɩ Banabas harɩŋ. Pɔɔl arɩ Banabas bʋl wɩaa pɩba a sʋsʋlba dɩ ba chɩŋ Wɩa wʋzɔmɔ-la lɛ a sɩ́ joŋo ta.

Tɩntɩŋŋaa 13:47

Wɩa nɛ bʋla pɩla dɩ la ŋaa ŋɩɩ. Ʋ bʋl wɩɩŋ deeŋ Wɩa teniŋ sɛmɛ dɔŋɔ. Ʋ sɩ, ‘Mɩ nɛ lɩɩsɩŋ dɩ ŋ ŋaa nɩalɩŋ sɩ bɩ Juu tɩŋŋaa ŋaa pʋlʋmʋŋ. Ŋ jaŋ bʋl Wɩa niiŋ wɩaa dʋnɩa sɛmɛ-na kala, dɩ Wɩa laa nɩalɩŋ ta.’ ”

Tɩntɩŋŋaa 17:30

Bʋa-la lɛ nuhuobiinee sɩ bɩ ʋ jɩŋ, ʋ fa tɔrɩkɔ nɛ ba nyuŋ. Ama lɛɛlɛ ʋ bʋla pɩpɩ nʋʋkala lee-na kala dɩ ba bɩrɩma lɩɩ ba wʋbɔŋŋɔɔ lɛ,

Tɩntɩŋŋaa 20:24

Ama mɩ sɩ yie beŋ mɩ mɩɩsɩŋ, ʋ bɩ kʋŋkala ŋaa mɩ teeŋ. Mɩ taa chɛ dɩ mɩ tɩŋ tɩntɩmɩɩ-la mɩ Tɩɩna Yesu sɩ sɩ mɩ tɩŋ nɛ a dɛrɛ. Tɩntɩmɩɩ-la nɛ dɩ mɩ bʋl Wɩa wʋzɔmɔ-la a pɩ nɩaa, a dagɛ ŋɩɩ Wɩa sɩ kɛŋ zile.

Rom Tɩŋŋaa 10:18

Ama mɩ jaŋ pɩɛsɛ wɩɩŋ deeŋ: Ba bɩ Wɩa wʋzɔmɔ-la nɩaa? Ba nɩa nɛ. Ba ŋmʋnsɛ Wɩa teniŋ tʋɔŋ a tɩgɛ Wɩa wʋzɔmɔ-la lɛ a bʋl, “Ba bʋl wɩaa deemba dʋnɩa lee-kala nɛ. Dʋnɩa nʋʋkala nɛ nɩɩ wɩaa deemba.”

Rom Tɩŋŋaa 5:15

Ama Wɩa zile kʋ-la kɩɩ Adam wʋbɔŋ-la. Nɩaa yʋga nɛ a sʋʋ a tɩŋ nɩbala wʋbɔmʋŋ wɩaa. Ama Wɩa fá la nenige a joŋ ʋ zile kʋ-la pɩla, ʋ nɛ paala yʋga kɩɩ wʋbɔŋ-la. Yesu Kirisito nɛ ŋaa zile kʋ-la. Ʋ lahɔrɩmɔ lɛ ʋ pɛ nɩaa lɛ yʋgɛ kɩŋkɛŋ kɩŋkɛŋ.

Rom Tɩŋŋaa 5:2

La sɩ laa Yesu Kirisito wɩaa dii ŋɩɩ, ʋ leŋe la jʋʋ Wɩa lahɔrɩmɔ nɛ. Nɩmɛ nɛ la hɛ lɛɛlɛ aa jʋɔsɛ, a kɛŋ yɩɛlaa arɩ la jaŋ kpaa Wɩa yɩrɩ-la chɛɛ dɔŋ.

2 Kɔrɩntɩ Nɩaa 6:1

Tɩntɩmɩɩ-la la sɩɩ tɩŋ, la dɩ Wɩa kala nɩɩ tɩŋ. Ŋɩɩ wɩaa laa sʋlma, má sɩ́ leŋe dɩ Wɩa lahɔrɩmɔ-la ʋ sɩ kɛnɛ ma teeŋ ŋaa wʋpɛɩba.

Galiisia Nɩaa 2:21

Mɩ bɩ lahɔrɩmɔ-la Wɩa sɩ kɛnɛ la teeŋ vɩa. Ama dɩ nʋʋ nɛ jaŋ wuo to wɩalɩŋ Mosis fa sɩ bile lɛ a kɛŋ tʋɔpʋla ʋ teeŋ, sʋʋ-la Kirisito sɩ sʋba ŋaa pɛɩ nɛ.

Ɛfɛsɩs Nɩaa 2:5

a leŋ la dɩ Kirisito kala kɛŋ mɩɩsɩŋ. La wʋbɔŋŋɔɔ fa leŋe la sʋʋ nɛ. Wɩa lahɔrɩmɔ lɛ nɛ ʋ laama ta.

Ɛfɛsɩs Nɩaa 2:8

Wɩa lahɔrɩmɔ nɛ tɩɩ ʋ laama ta, a tɩŋ ma sɩ laa ʋ wɩaa dii. Ʋ bɩ naga ma tɩtɩa doluŋ lɛ nɛ tɩɩ Wɩa laama ta, ʋ ŋaa ŋɩɩ pɩma chɔgɩta nɛ.

Koloosi Nɩaa 1:23

Kirisito jaŋ ŋaa wɩalɩŋ pɩma, dɩ ma nɛ chɩŋ wɩalɩŋ ma sɩ laa dii lɛ kpaŋ kpaŋ, aa yɩɛlɛ wɩalɩŋ ba sɩ bʋla Wɩa wʋzɔmɔ-la tʋɔŋ. Ma nɩɩ Wɩa wʋzɔŋŋɔɔ deemba ba sɩ bʋla pɩ nɩaa dʋnɩa lee-kala nɛ. Mɩ-na Pɔɔl ma kʋ ŋaa Wɩa tɩntɩnnaa dɔŋɔ aa bʋl Wɩa wʋzɔŋŋɔɔ deemba.

Koloosi Nɩaa 1:6

Wɩa wʋzɔŋŋɔɔ deemba tɩŋ tɩntɩŋ-zɔŋŋɔɔ nɛ leree yʋgɛ dʋnɩa lɛ. Nɩaa yʋga a laaba dii, ba pʋŋ lere-la arɩ ba sɩ pʋŋ ŋɩɩ ma lɛ. Ba pʋŋ ŋɩɩ ma lɛ a suomi bʋa-la lɛ ma sɩ jegile nɩɩ wʋzɔmɔ-la a sɛnɛ jɩŋ ŋɩɩ Wɩa sɩ pɛ ma lɛ ʋ lahɔrɩmɔ lɛ.

2 Tɛsalonaaka Nɩaa 2:16

La Tɩɩna Yesu Kirisito arɩ la Nyɩmma Wɩa sɩ chola lahɔrɩmɔ lɛ, ʋ ŋaa la tʋɔŋ pɩŋ dɩ-bala nɛ a kaa mʋ wuu, dɩ la wuo yɩyɩɛlɛ wʋzɔŋŋɔɔ.

1 Timoti 1:14

Aŋ ka La Tɩɩna Wɩa ha pɛ mɩ lɛ kɩŋkɛŋ kɩŋkɛŋ a leŋ mɩ laa Kirisito Yesu dii, aŋ cho nɩaa ma.

1 Timoti 2:4

Ʋ cho dɩ ʋ laa nʋʋkala ta nɛ dɩ ba wuo jɩŋ wʋtɩtɩɩ-la sɩ lɩɩ ʋ teeŋ.

2 Timoti 1:10

Lɛɛlɛ la Laataara Kirisito Yesu sɛnɛ kɔ dʋnɩa nɛ. Ʋ sɩ kɔ ŋɩɩ, la wuo na Wɩa zile wɩaa sɩ nagɛ ŋɩɩ nɛ. Kirisito sɩ kɔ, ʋ kpʋ sʋʋŋ doluŋ kala nɛ. Ʋ bʋl wʋzɔmɔ-la pɩla a to ŋɩɩ lɛ a dagɛla arɩ ʋ nɛ pɩla mɩɩsɩŋ, a bɩra dagɛla dɩ la nɛ sʋba ma, la jaŋ bɩra sii a kɛŋ mɩɩsɩ-la sɩ bɩ dɛrɛ.

2 Timoti 4:17

Ama Wɩa chɩŋ mɩ harɩŋ nɛ a pɩmɛ doluŋ mɩ wuo bʋl Wɩa niiŋ wɩalɩŋ kala. Mɩ bʋl wɩalɩŋ a pɩ nɩalɩŋ sɩ bɩ Juu tɩŋŋaa ŋaa nɛ. Wɩa lɩɩsɛmɛ nɛ nɩbɔŋŋɔɔ nɩsɩŋ lɛ.

Hiburu TƖŊŊAA 12:15

Wɩa sɩ fá la kala nenige ŋɩɩ, má pɔ dɩ nʋʋkala sɩ́ harɩŋ joŋo yɩaʋ. Má pɔ ma tɩtɩa lɛ dɩ nɩbɔŋ kala sɩ́ ma tʋɔŋ hɛ a ŋaa wɩaa chei nɩ-daŋ.

Hiburu TƖŊŊAA 2:9

La na arɩ Wɩa fa leŋe Wɩa tɩndaaraa nɛ kɩɩ Yesu mʋa. Ama lɛɛlɛ Wɩa zilu nɛ a leŋ ʋ kɛŋ doluŋ arɩ yɩrɩŋ, bɛɛ wɩaa ʋ na hɛɛŋ nɛ a sʋʋ. Wɩa lahɔrɩmɔ lɛ nɛ ʋ fa ŋaa ŋɩɩ, dɩ ʋ wuo laa nuhuobiinee kala nyuŋ a sʋʋ.