Taatɩs 2:10 - WƖA TENIŊ

¹⁰ Ba sɩ́ ba tɩɩnaba kɩaa gɩgaa. Wɩalɩŋ kala ba sɩɩ ŋaa, ʋ maga dɩ ba leŋ dɩ nɩalɩŋ sɩ tɩɩba laaba dii arɩ ba kɛŋ wʋtɩtɩɩ. Dɩ ba nɛ ŋaa ŋɩɩ, nʋʋkala jaŋ zil la Laataara Wɩa wʋzɔmɔ-la.

Taatɩs 2:10 ပူးပေါင်းရင်းမြစ်များ

WƖA YƖƖLAA 101:6

Mɩ jaŋ lɩɩsɛ nɩalɩŋ sɩ laa Wɩa dii dɩ ba hɛ mɩ teeŋ. Nɩalɩŋ sɩ chaasa kɛŋ wʋtɩtɩɩ nɛ jaŋ tɩma pɩpɩmɛ.

AZAAYA 12:2

Wʋtɩtɩɩ, Wɩa nɛ ŋaa mɩ Laataara, mɩ jaŋ laaʋ dii a bɩ fawʋllʋŋ ka fá. La TƖƖNA nɛ ŋaa mɩ doluŋ, mɩ jaŋ yɩɩ yɩɩlɩŋ dɛnnʋ, ʋ nɛ ŋaa mɩ Laataara.”

Matiu 24:45

Ŋɩɩ nɛ La Tɩɩna Yesu mɩɩra pɩɛsɛba, “Kʋbɛɛ nɛ saa ŋaa tɩntɩnnɩ-tɩtɩɩ-la sɩ jɩŋ wɩaa? Ʋ nɛ nɩɩ-la ʋ kʋhɩaŋ sɩ yie lɩɩsɛ dɩ ʋ bibeŋ ʋ dɩa, aŋ pɛ pɩpɩ ʋ tɩntɩnnɩ-dɔsʋŋ ma kʋdiilee bʋa-la lɛ sɩ maga.

Matiu 5:16

Ŋɩɩ tɩtɩa nɛ ma maga dɩ ma chaanɛ nɩaa teeŋ, dɩ ba wuo na wʋzɔmɔ-la ma sɩɩ ŋaa a dɛnnɛ ma Nyɩmma sɩ hɛ Wɩa-jaŋ lɛ.

Luuk 1:47

Wɩa nɛ ŋaa mɩ Laataara, ŋɩɩ nɛ tɩɩ mɩ jʋjʋɔsɛ.

Luuk 1:80

Ŋɩɩ nɛ bile sii waa a hɛ yaraa a kɛŋ doluŋ arɩ wʋjɩmɩŋ. Ʋ mʋ hɛ tintee-hɩlɩŋ tʋɔŋ a mʋ yi tapʋlɩɩ-la ʋ sɩ kɛŋ ʋ tɩtɩa kaa kʋ lɩɩ dagɛ Iziral tɩŋŋaa.

Luuk 16:10

Dɩ ŋ nɛ joŋ kɩaa mʋa a pɩ nʋʋ dɩ ʋ wuo beŋ ba nyuŋ woruŋ, tɩɩna jaŋ wuo beŋ kɩaa sɩ yʋga ma nyuŋ woruŋ. Dɩ nʋʋ ma nɛ bɩ wʋtɩtɩɩ kɛnɛ kɩaa mʋa lɛ, ʋ bɩ jaŋ kɛŋ wʋtɩtɩɩ kʋ-daŋ ma lɛ.

Jɔɔŋ 12:6

Ʋ sɩ bʋl ŋɩɩ, ʋ bɩ naga dɩ ʋ cho summo-la nɛ tɩɩ, ama ʋ fa ŋaa gaarʋ nɛ. Ʋ nɛ faa kori ba moribiee a yie lɩlɩɩsɛ moribie-la a kaa ŋaa ʋ tɩtɩa wɩaa.

1 Kɔrɩntɩ Nɩaa 4:2

Ʋ saa maga dɩ tɩntɩnnʋ kala kɛŋ wʋtɩtɩɩ a tɩtɩŋ ʋ tɩntɩŋŋaa.

Ɛfɛsɩs Nɩaa 4:1

Ba kɛŋ mɩ-na Pɔɔl tɔ dɩa a tɩŋ La Tɩɩna Yesu wɩaa nɛ. Ma nɩalɩŋ Wɩa sɩ yɩra, mɩɩ sʋlma dɩ ma leŋ dɩ ma wʋŋaalaa joŋ wombiiŋ arɩ Wɩa sɩɩ chɛ ŋɩɩ.

Fɩlɩpa Nɩaa 1:27

Wɩɩ-la sɩ ŋaa sɩɩfɩɛsɩŋ nɛ, má leŋ dɩ ma wʋŋaalaa tuto Kirisito wʋzɔmɔ-la mɩ sɩ bʋla pɩma. Dɩ ma nɩɩ ŋaa ŋɩɩ, dɩ mɩ nɛ hɛ ma teeŋ koo dɩ mɩ tuo, mɩ jaŋ wuo nɩɩ arɩ ma faasa chɩŋ nɛ kpaŋ kpaŋ a kɛŋ nii-bala, a leŋ ma tʋɔbɩɩnaa ŋaa kʋbala, a faasa hɛ doluŋ a pɩpɛ dɔŋɔ lɛ a mʋ tɩgɛ Wɩa wʋzɔmɔ-la ma sɩ laa dii lɛ.

Fɩlɩpa Nɩaa 4:8

Mɩ naambiiriŋ, wɩɩ-la dɩdɛrɩŋ nɛ ŋ-la: Má ŋɩŋaa wɩalɩŋ sɩ ŋaa wʋtɩtɩɩba, wɩalɩŋ sɩ kɛŋ yɩrɩŋ, wɩalɩŋ sɩɩ to wombiiŋ, wɩalɩŋ sɩ bɩ disiniŋ kɛnɛ, wɩalɩŋ sɩ daga arɩ ma cho nɩaa, wɩalɩŋ sɩ zɔmɔ nɩaa sɩpaaŋ arɩ wɩalɩŋ sɩ jaŋ leŋ dɩ nɩaa bɩbɛsɛ ma lɛ. Má joŋ ma nyuŋ hɛ wɩaa deemba lɛ.

1 Timoti 1:1

Mɩ-na Pɔɔl nɛ ŋmʋnsɛ teniŋ deeŋ. La Tɩɩna Wɩa sɩ ŋaa la Laataara doluŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ. Kirisito Yesu lɛ nɛ la yɩɛlaa hɛ.

1 Timoti 5:17

Wɩa nɩaa nɩhɩasɩ-la sɩɩ tɩŋ ba tɩntɩŋŋaa woruŋ, ʋ maga dɩ nɩalɩŋ sɩ laa Yesu wɩaa dii aa hilimi zizilba nɛ, a wasanyaŋ nɩalɩŋ sɩ faasa bʋl Wɩa wɩaa aŋ pɛ dɩdagɛ nɩaa,

1 Timoti 6:1

Nɩalɩŋ kala sɩ ŋaa yosuŋ, ʋ maga dɩ ba zizil nɩalɩŋ sɩ yɔɔba nɛ. Ʋ maga dɩ ba ŋaa ŋɩɩ dɩ nʋʋkala sɩ́ wombiiŋ na a wuo bʋl wʋbɔŋ kala a mʋ tɩgɛ Wɩa yɩrɩŋ lɛ, koo a mʋ tɩgɛ wɩalɩŋ la sɩɩ dagɛma lɛ.

1 Timoti 6:3

Nɩɩ-la kala sɩ bɩ wʋtɩtɩɩba-la La Tɩɩna Yesu Kirisito sɩ bʋla daga aŋ dagɛ wʋtanɩɩ, wɩalɩŋ sɩ bɩ la Wɩɩchʋɔlɛ wombiiŋ ka to,

Taatɩs 1:3

Bʋa-la lɛ Wɩa sɩ cho nɛ, ʋ joŋ wɩɩ-la a dagɛla ʋ Wʋzɔmɔ-la tʋɔŋ. Ŋɩɩ nɛ la Laataara Wɩa joŋ wɩɩŋ deeŋ a hɛ mɩ nɩsɩŋ lɛ dɩ mɩ laa bʋla pɩ nɩaa.

Taatɩs 3:4

Ama la Laataara Wɩa dagɛ ŋɩɩ ʋ sɩ kɛŋ zile arɩ ŋɩɩ ʋ sɩ cho nɩaa nɛ,

1 Pɩɩta 2:12

Ma sɩ guoli nɩalɩŋ sɩ bɩ Wɩa wɩaa laa dii tʋɔŋ, má kɛŋ ma tɩtɩa woruŋ, dɩ ba sɩ́ wombiiŋ na a bʋl arɩ ma ŋaa nɩbɔmɔ nɛ. Dɩ ba nɛ bʋla arɩ maa ŋaa wʋbɔŋŋɔɔ ma, má leŋ dɩ ba na wʋzɔmɔ-la ma sɩɩ ŋaa, a dɛnnɛ Wɩa dɩ ʋ yɩrɩŋ yɩrɛ tapʋlɩɩ-la ʋ sɩ jaŋ dii nɩaa sarɩya.

1 Pɩɩta 3:16

Bʋa na-kala lɛ, má leŋ dɩ ma tʋɔbɩɩnaa chesi, dɩ ma wʋŋaalaa dagɛ arɩ maa to Kirisito nɛ. Dɩ ma nɩɩ ŋaa ŋɩɩ, hɩɩsɩŋ jaŋ dii nɩalɩŋ sɩɩ chei ma yɩrɩŋ.

2 Jɔɔŋ 1:9

Nɩɩ-la kala sɩ bɩ wɩalɩŋ Kirisito sɩ daga dʋndʋŋa ka to, ʋ tɩɩna bɩ Wɩa teeŋ hɛ. Ama nɩɩ-la kala sɩɩ to wɩalɩŋ Kirisito sɩ daga dʋndʋŋa, ʋ tɩɩna kɛŋ Wɩa arɩ ʋ Bie kala nɛ.

1 SAMƲƐL 22:14

Ahɩmɛlɛk bɩra pɩɛsɛ kuoro Sɔɔl, “Ŋ tɩntɩnnaa kala tʋɔŋ, kʋbɛɛ nɩɩ to ŋ niiŋ a magɛ Devit? Ʋ paala ŋaa ŋ hɩɩlɛ-baala nɛ, a ŋaa laalɩyuoro-la sɩɩ pɔŋ nɩhɩaŋ, ŋ dɩa nɩaa ma kala zizilu woruŋ.

1 SAMƲƐL 26:23

Nʋʋkala tʋɔpʋla arɩ ʋ Wɩa laa diiniŋ sɩ magɛ ŋɩɩ nɛ La TƖƖNA jaŋ timu. Jɩnɩŋ ʋ joŋuŋ hɛ mɩ nɩsɩŋ lɛ nɛ, ama mɩ bɩ chɛ dɩ mɩ joŋ wʋbɔŋ kala a ŋaa nɩɩ-la La TƖƖNA sɩ lɩɩsa ʋ ŋaa kuoro lɛ.