Taatɩs 1:9 - WƖA TENIŊ

⁹ Ba sɩ dagʋ Wɩa niiŋ wɩalɩŋ sɩ ŋaa wʋtɩtɩɩ ŋɩɩ, ʋ maga dɩ ʋ kɛmba woruŋ, dɩ ʋ wuo dagɛ ʋ dɔnsʋŋ tɩŋŋaa wʋtɩtɩɩ-la ʋ sɩ gʋnna. Dɩ ʋ nɛ ŋaa ŋɩɩ, ʋ jaŋ wuo dagɛ nɩalɩŋ sɩ bʋl wɩaa chichei Wɩa wʋtɩtɩɩ-la la sɩɩ to.

Taatɩs 1:9 ပူးပေါင်းရင်းမြစ်များ

JOB 2:3

Ŋɩɩ nɛ La TƖƖNA pɩɛsʋ, “Ŋ na mɩ tɩntɩnna Job nɛɛ? Nʋʋkala tuo dʋnɩa lɛ a nagʋ. Ʋ wɩaa tʋʋla nɛ woruŋ, ʋ bɩ wʋcheeli kala kɛnɛ. Ʋʋ fá mɩ-na Wɩa nɛ woruŋ a bɩ chɛ dɩ ʋ sɩɩŋ na wʋbɔŋ. Ŋ sɩ sʋlmɛ dɩ mɩ pɩŋ wombiiŋ dɩ ŋ cheyu arɩ ʋ sɩ bɩ wɩɩ cheye ma kala, ʋ ha chɩŋ ʋ wʋtɩtɩɩ naaŋ lɛ nɛ.”

JOB 27:6

Mɩ jaŋ kɛŋ mɩ tʋɔpʋla, mɩ bɩ jaŋ leŋ dɩ ʋ fori mɩ nɩsɩŋ lɛ. Mɩ tʋɔbɩɩnaa bɩ jaŋ joŋ cheeriŋ pɩmɛ mɩ mɩɩsɩŋ kala lɛ.

NAMAGABA 23:23

Chɛ wʋtɩtɩɩ, a sɩ́ joŋo yallɛ. Chɛ wʋjɩmɩŋ a sɛɩ dɩ ba kɛnɩŋ tʋrɛ, arɩ ŋɩɩ ŋ sɩ jaŋ to jɩŋ wɩaa sɩaa.

Tɩntɩŋŋaa 18:28

Ʋ dɩ Juu tɩŋŋaa faasa kɛŋ wɩaa lɩlɛrɛ nɩaa tʋɔŋ. Ʋ bʋla loba, aŋ dagɛ Wɩa teniŋ tʋɔŋ arɩ Yesu nɛ ŋaa Kirisito.

1 Kɔrɩntɩ Nɩaa 14:24

Ama dɩ ma kala nɛ bʋl Wɩa wɩaa ʋ Dɩŋ-zɔmʋŋ doluŋ lɛ, dɩ nɩɩ-la sɩ bɩ Wɩa wɩaa laa dii koo dɩ nɩwogo nɛ hɛ ma tʋɔŋ, ʋ jaŋ sɛnɛ jɩŋ arɩ ʋ ŋaa wʋbɔŋ ŋaarʋ nɛ. Wɩalɩŋ ma sɩ bʋla jaŋ jʋʋ-ʋ lɛ dɩ ʋ na arɩ ʋ cheye nɛ.

1 Tɛsalonaaka Nɩaa 5:21

Ama má magɩsɛ wɩɩkala na, a lɩɩsɛ kʋ-la sɩ zɔmɔ a kɛnʋ woruŋ.

2 Tɛsalonaaka Nɩaa 2:15

Ŋɩɩ wɩaa mɩ naambiiriŋ, má chɩŋ kpaŋ kpaŋ wʋtɩtɩɩ-la lɛ la sɩ dagɛma arɩ wɩalɩŋ la sɩ ŋmʋnsa pɩma.

1 Timoti 1:10

Ba bɩra ŋmʋnsɛ wɩaa deemba a pɩ balɩɩlɩŋ arɩ halɩɩlɩŋ nɛ, arɩ baala-la sɩ gɔllɔ tuu ba dɔŋɔba bʋbʋɔ-niiree, arɩ nɩalɩŋ sɩ gɔllɔ paa nɩaa biiriŋ a kaa faa lɛl. Ba bɩra ŋmʋnsɛ wɩaa deemba a pɩ wʋnyɩɛraa arɩ dansɩa wʋnyɩɛraa, arɩ nɩalɩŋ sɩ bɩ Wɩa wʋtɩtɩɩ-la ka to.

1 Timoti 1:15

Wɩɩŋ deeŋ mɩ sɩɩ chɛ dɩ mɩ bʋl chaasa ŋaa wʋtɩtɩɩ nɛ a maga dɩ nʋʋkala laa dii. Ʋ nɛ ŋ-la: Kirisito Yesu kʋ tuu dʋnɩa nɛ dɩ ʋ laa wʋbɔŋ ŋaaraa ta. Mɩ nɛ saa paala ŋaa ba tʋɔŋ nɩbɔmʋŋ.

1 Timoti 1:19

Chɩŋ wɩalɩŋ ŋ sɩ laa dii lɛ a leŋ dɩ ŋ tʋɔbɩɩnaa chesi. Nɩaa dɔnsʋŋ bɩra bɩ ba tʋɔbɩɩnaa lɛɛ to, ŋɩɩ nɛ tɩɩ ba joŋ wɩalɩŋ ba sɩ laa dii ta.

1 Timoti 4:9

Wɩɩ-la mɩ sɩ bʋla ŋaa wʋtɩtɩɩ nɛ, a maga dɩ nʋʋkala sɛɩba a laa dii.

1 Timoti 6:3

Nɩɩ-la kala sɩ bɩ wʋtɩtɩɩba-la La Tɩɩna Yesu Kirisito sɩ bʋla daga aŋ dagɛ wʋtanɩɩ, wɩalɩŋ sɩ bɩ la Wɩɩchʋɔlɛ wombiiŋ ka to,

2 Timoti 1:13

Wɩalɩŋ kala mɩ fa sɩ dagɩŋ, ba ŋaa wʋtɩtɩɩba nɛ. Chɩŋ wɩalɩŋ lɛ a tutoba. La dɩ Kirisito Yesu sɩ ŋaa kʋbala ŋɩɩ, hɛ doluŋ aŋ chɩŋ wɩalɩŋ ŋ sɩ laa dii lɛ, a cho nɩaa ma.

2 Timoti 2:2

Wɩalɩŋ ŋ sɩ nɩa dɩ mɩ bʋla pɩ nɩ-daŋ, ŋ ma bʋl ba tɩtɩa a pɩ nɩaa sɩ kɛŋ wʋtɩtɩɩ, di ba ma joŋo dagɛ ba dɔnsʋŋ tɩŋŋaa.

2 Timoti 2:25

Ʋ maga dɩ ʋ sɩaa fɩɛlɛ dɩ ʋ nɩɩ dagɛ nɩalɩŋ sɩ bɩ ʋ harɩŋ chɩna. Ŋ bɩ pɔ, Wɩa jaŋ leŋ dɩ ba na wombiiŋ a wuo bɩrɩma lɩɩ ba wʋbɔŋŋɔɔ lɛ a kʋ jɩŋ wʋtɩtɩɩ-la.

2 Timoti 3:14

Ama ŋ-na hɛ doluŋ aŋ chɩŋ wɩalɩŋ ŋ sɩ gʋnna naaŋ lɛ, wɩalɩŋ ŋ sɩ laa dii arɩ ba ŋaa wʋtɩtɩɩ. Ŋ jɩŋ nɩalɩŋ sɩ dagɩŋ wɩalɩŋ nɛ woruŋ.

2 Timoti 4:3

Ŋaa ŋɩɩ, bɛɛ wɩaa bʋa kʋbala jaŋ yi, nɩaa bɩ jaŋ jegili Wɩa wʋtɩtɩɩ-la ba sɩ jaŋ dagɛba. Ama ba jaŋ to ba tɩtɩa tʋɔtɔrʋŋ lɛ a chɛ kɛsɛ kerichiba yʋgɛ sɩ jaŋ dɩdagɛba wɩalɩŋ ba sɩ cho dɩ ba nɩa.

Taatɩs 1:11

Ʋ maga dɩ ma bʋla pɩba dɩ ba leŋ wɩalɩŋ ba sɩɩ dagʋ, bɛɛ wɩaa ba sɩɩ dagɛ wɩalɩŋ sɩ bɩ maga dɩ baa dagɛ ŋɩɩ, ba ŋaa nɩaa joŋ wɩalɩŋ ba sɩ laa dii a tɩta nɛ. Moribiee wɩaa nɛ tɩɩ baa dagɛ wɩalɩŋ.

Taatɩs 2:1

Ama ŋ-na Taatɩs, dɩdagɛ Wɩa wʋtɩtɩɩ-la.

Juud 1:3

Mɩ nandɔŋ-chooloo, mɩ fa cho dɩ mɩ ŋmʋnsɛ teniŋ pɩma nɛ, a bʋl wɩaa a tɩgɛ ŋɩɩ Wɩa sɩ laa la dɩ ma kala ta lɛ. Ama mɩ na dɩ ʋ maga dɩ mɩ ŋmʋnsɛ teniŋ deeŋ a sʋlma dɩ ma kala luloo woruŋ a tɩŋ wɩalɩŋ la sɩ laa dii wɩaa. Wɩa joŋ wɩalɩŋ hɛ ʋ nɩaa nɩsɩŋ lɛ bala nɛ.

Jɔɔŋ Wʋnaalaa 2:25

Ama wɩɩ-la mɩ sɩ jaŋ bʋla pɩma nɛ, má kɛŋ wʋtɩtɩɩ-la ma sɩ nɩa kpaŋ kpaŋ a mʋ yi tapʋlɩɩ-la mɩ sɩ jaŋ kɔ.

Jɔɔŋ Wʋnaalaa 3:11

Mɩɩ kɔ nɛ lɛɛlɛ. Má faasa kɛŋ kʋ-la ma sɩ kɛnɛ, dɩ nʋʋkala sɩ́ kuori-nyunchuul-la sɩ ŋaa ma time kaa laa ma teeŋ.

Jɔɔŋ Wʋnaalaa 3:3

Má liise yi wɩalɩŋ ba sɩ dagɛma arɩ wɩalɩŋ ma sɩ nɩa aŋ laa maa. Má toba, aŋ bɩrɩma lɩɩ ma wʋbɔŋŋɔɔ lɛ. Dɩ ma nɛ bɩ doŋ lɛ sie, mɩ jaŋ lʋara kɔ a nagɛ gaara. Ma bɩ jaŋ wuo jɩŋ bʋa-la mɩ sɩ jaŋ kɔ ma teeŋ.