Taatɩs 1:8 - WƖA TENIŊ

⁸ Ʋ maga dɩ ʋ beŋ nʋhʋɔraa woruŋ ʋ dɩa lɛ a cho wʋzɔŋŋɔɔ. Ʋ maga dɩ ʋ jɩŋ ʋ tɩtɩa kɛnɩŋ nɛ a ŋaa nɩtɩtɩɩ. Ʋ maga dɩ ʋ ŋaa nɩpʋla a wuo kɛŋ ʋ tɩtɩa a hɛ dɔŋɔ lɛ woruŋ.

Taatɩs 1:8 ပူးပေါင်းရင်းမြစ်များ

1 KUOROO 5:1

Taaya tɩŋŋaa kuoro Hiram sɩ nɩa dɩ Solomoŋ nɛ ba lɩɩsɛ ʋ laa ʋ nyɩmma Devit nyuŋ a dii kuoruŋ, ʋ tɩŋ ʋ tɩntɩnnɩ-hɩasɩŋ dɩ ba mʋ lɔllɛ Solomoŋ, bɛɛ wɩaa ʋ dɩ Devit fa ŋaa nandɔsʋ nɛ.

1 KUOROO 5:7

Hiram sɩ nɩɩ Solomoŋ tɩndaarɩɩ-la, ʋ tʋɔŋ faasa tɔrɛ, ʋ bʋl, “Mɩɩ dɛnnɛ La TƖƖNA jɩnɩŋ ʋ sɩ joŋ hambolibie sɩ kɛŋ wʋjɩmɩŋ a pɩ Devit dɩ ʋ beŋ tintee-balɩŋ deeŋ.”

WƖA YƖƖLAA 16:3

Ŋ nɩaa wɩaa chaasa zɔŋ nɛ woruŋ, mɩ tʋɔŋ tɔrɛ ba nyuŋ nɛ.

AMƆS 5:15

Má bɛrɛ wʋbɔŋŋɔɔ, aŋ cho wʋzɔŋŋɔɔ, a leŋ dɩ wʋtɩtɩɩ chaasa chɩŋ ma sarɩya dɩ-diilee. Kapo La TƖƖNA doluŋ kala Tɩɩna jaŋ fá ma Josɛf doho nɩkaanaa nenige.

Luuk 2:25

Bʋa-la lɛ baal kʋbala nɛ fa hɛ Jerusalɛm lɛ, baa yɩrɛ Simioŋ. Ʋ fa ŋaa nɩzɔŋ nɛ a fɩfá Wɩa a fa gbɩgbɛrɛ dɩ Wɩa laa Iziral tɩŋŋaa ta. Wɩa Dɩŋ-zɔmʋŋ ma hɛ ʋ lɛ woruŋ.

Tɩntɩŋŋaa 24:25

Ama Pɔɔl sɩ mʋ bʋl wɩaa a tɩgɛ tʋɔpʋla lɛ arɩ ŋɩɩ ŋ sɩ jaŋ wuo kɛŋ ŋ tɩtɩa lɛ, a bɩra bʋl tapʋlɩɩ-la Wɩa sɩ jaŋ dii dʋnɩa nɩaa sarɩya wɩaa ma, fawʋllʋŋ kɛŋ Fɛlɩs. Ŋɩɩ nɛ ʋ bʋl dɩ ʋ mʋ, ka dɩ ʋ nɛ na chɩnɩŋ ʋ jaŋ bɩra yɩrʋ.

1 Tɛsalonaaka Nɩaa 2:10

Ma dɩ Wɩa kala ŋaa la sɩada tɩŋŋaa nɛ arɩ la fa sɩ hɛ ma nɩalɩŋ sɩ laa Yesu wɩaa dii teeŋ, la wʋŋaalaa kala fa to Wɩa wombiiŋ nɛ a ŋaa wʋtɩtɩɩba. La bɩ wɩɩkala ŋaa chei.

1 Timoti 3:2

Ŋɩɩ wɩaa dɩ nʋʋ nɛ ŋaa Wɩa nɩaa nɩhɩaŋ, ʋ tɩɩna maga dɩ ʋ wʋŋaalaa kala zɔŋ nɛ. Ʋ maga dɩ ʋ kɛŋ ha-bala dʋndʋŋ nɛ. Ʋ maga dɩ ʋ sɩaa fɩɛlɛ, a wuo kɛŋ ʋ tɩtɩa woruŋ dɩ nɩaa zizilu. Ʋ maga dɩ ʋ wuo laa nʋhʋɔraa ma bibil ʋ dɩa lɛ a wuo dɩdagɛ Wɩa nɩaa woruŋ.

1 Timoti 4:12

Ŋ ŋaa hambie nɛ, ama sɩ́ leŋe dɩ nʋʋkala bee gʋʋnʋŋ. Leŋ dɩ nɩalɩŋ sɩ laa Yesu wɩaa dii na ŋ wʋbʋlaa, ŋ mɛlɛ, ŋɩɩ ŋ sɩ cho nɩaa, ŋɩɩ ŋ sɩ laa Wɩa dii arɩ ŋ tʋɔpʋla a to ŋ naabʋɔsʋŋ.

1 Timoti 6:11

Ama ŋ-na sɩ ŋaa Wɩa tɩntɩnnʋ, sɩ́ wɩaa deemba kala ŋaa. Leŋ dɩ ŋ sɩɩŋ fɩɛsɛ dɩ ŋ ŋɩŋaa tʋɔpʋl wɩaa, a tuto Wɩa wombiiŋ, a chɩŋ wɩalɩŋ ŋ sɩ laa dii lɛ, a cho nɩaa, a kɛŋ kenyiri, a kɛŋ ŋ tɩtɩa muuri nɩaa sɩpaaŋ.

2 Timoti 2:22

Lɩɩsɛ ŋ tɩtɩa wʋbɔmɔ-la bapʋɔsaa arɩ hatoloo sɩ yie cho dɩ baa ŋaa lɛ. Ama ŋ dɩ nɩalɩŋ sɩɩ chʋɔlɛ Wɩa arɩ tʋɔbala maga dɩ ma kɛŋ tʋɔpʋla nɛ a chɩŋ wɩalɩŋ ma sɩ laa dii lɛ woruŋ a cho dɔŋɔ a kɛŋ nii-bala.

2 Timoti 3:3

Ba bɩ jaŋ cho nɩaa. Ba bɩ jaŋ joŋ wɩaa chɩchɛ nɩaa. Ba jaŋ chichei nɩaa yɩrɩŋ ma. Ba bɩ jaŋ jɩŋ ba tɩtɩa kɛnɩŋ. Ba jaŋ tɛrɛ. Ba jaŋ bɛrɛ wʋzɔŋ kala.

Taatɩs 2:7

Ŋ-na tɩtɩa Taatɩs, wɩɩ na-kala ŋ sɩɩ ŋaa lɛ, leŋ dɩ nɩaa na ŋ wʋŋaalaa sɩ zɔmɔ dɩ ba tuto. Wɩalɩŋ kala ŋ sɩɩ dagʋ, leŋ dɩ ba na arɩ ŋ kɛŋ wʋtɩtɩɩ arɩ sɩɩfɩɛsɩŋ.

1 Jɔɔŋ 3:14

La-na cho la dɔnsʋŋ tɩŋŋaa nɛ. Ŋɩɩ nɛ tɩɩ la jɩŋ arɩ la lɩɩ sʋʋŋ bʋa lɛ nɛ a kɛŋ mɩɩsɩ-la sɩ bɩ dɛrɛ. Nɩɩ-la kala sɩ bɩ nɩaa cho ha hɛ sʋʋŋ bʋa lɛ nɛ.

1 Jɔɔŋ 5:1

Nɩɩ-la kala sɩ laa dii arɩ Yesu nɛ ŋaa Kirisito, Nɩɩ-la Wɩa sɩ lɩɩsa, ʋ ŋaa Wɩa bii nɛ. Nɩɩ-la kala sɩ cho nʋʋ, ʋ cho nɩɩ-la bie ma nɛ.

1 SAMƲƐL 18:1

Bʋa-la lɛ Devit arɩ Sɔɔl sɩ bʋl wɩaa a dɛrɛ, ŋɩɩ nɛ Jonataŋ dɩma chaasa kɛŋ Devit, ʋ faasa chou arɩ ʋ sɩ cho ʋ tɩtɩa ŋɩɩ.