Taatɩs 1:7 - WƖA TENIŊ

⁷ Nɩɩ-la sɩɩ beŋ Wɩa nɩaa ŋaa Wɩa tɩntɩnnɩ-hɩaŋ nɛ. Ʋ bɩ maga dɩ ʋ kɛŋ wʋcheelee nɩaa teeŋ. Ʋ bɩra bɩ maga dɩ ʋ dɩdagɛ ʋ tɩtɩa, a sɩ́ baaŋ tɩɩna koo sɩ-nyʋarʋ koo nii-jɩgɩ tɩɩna koo nɩɩ-la sɩ cho moribiee kɩŋkɛŋ ŋaa.

Taatɩs 1:7 ပူးပေါင်းရင်းမြစ်များ

WƖAA DƖ-SUOMUŊ 49:6

Mɩ bɩ jaŋ joŋ mɩ nɩsɩŋ hɛ ba wʋlʋara vʋʋraa lɛ, bɛɛ wɩaa ba yie na baanɩŋ a kpʋkpʋ nɩaa aŋ pɛ bubolimi nɩaa pʋsʋŋ ba tʋɔtɔrʋŋ lɛ.

NAMAGABA 14:17

Nɩalɩŋ baanɩŋ sɩɩ sii lɩma lɩma yie ŋɩŋaa nɩyaarɩ wɩaa nɛ. Ama nɩaa bɛrɛ wʋjɩŋ kɩŋkɛŋ tɩɩna nɛ.

NAMAGABA 15:18

Nɩɩ-la baanɩŋ sɩɩ sii lɩma lɩma nɩɩ hɛ yuosuŋ, ama nɩɩ-la sɩ kɛŋ kenyiri nɩɩ kɛrɛ yuosuŋ.

NAMAGABA 16:32

Kenyiri tɩɩna nɛ kpɩa laalɩyuori wajɩa. Nɩɩ-la sɩ jɩŋ ʋ baanɩŋ kɛnɩŋ nɛ kpɩa nʋʋ sɩ yuo dii ta-pilimiŋ.

TƖƖCHA 7:9

Sɩ́ guu nɩna baanɩŋ, bɛɛ wɩaa nɩyaarɩŋ nɛ yie guu na baanɩŋ.

AZAAYA 28:7

Wɩɩsʋllɩ sɩpaalaaraa arɩ Wɩa wʋlaabʋlla-la ma yie nyʋa tɩɩnɛnɛɛ sɩnɩŋ a bugi nɛ a gɩgɛrɛ a bɩ ba tɩtɩa jɩŋ. Dɩ Wɩa wʋlaabʋlla-la nɛ na wɩaa arɩ duosoo tʋɔŋ ma, ba bɩ ba bʋbʋɔŋ ka jɩŋ. Wɩɩsʋllɩ sɩpaalaaraa ma bɩ wɩaa ka bʋl ba bʋɔsʋŋ lɛ.

ƐZƖKƖƐL 44:21

Wɩɩsʋllɩ sɩpaalaaraa kʋŋkala bɩ maga dɩ ʋ nyʋa girep nɛnɛɛ sɩnɩŋ dɩ ʋ nɛ kʋ jʋʋ tʋɔŋ kaala-la.

LEVI DOHO NƖAA 10:9

“Ŋ dɩ ŋ hambolibiisiŋ kʋŋkala pʋpɔ má sɩ́ sɩ-yele koo sɩ-duo kala nyʋa dɩ ma nɩɩ jʋʋ lɛbɩ-la lɛ mɩ sɩ yie kɔ Iziral tɩŋŋaa teeŋ. Dɩ ma nɛ vɩa, ma jaŋ sʋʋ. Wɩɩŋ deeŋ ŋaa nii nɛ a pɩ ma doho kala dɩ ma tuto.

Matiu 24:45

Ŋɩɩ nɛ La Tɩɩna Yesu mɩɩra pɩɛsɛba, “Kʋbɛɛ nɛ saa ŋaa tɩntɩnnɩ-tɩtɩɩ-la sɩ jɩŋ wɩaa? Ʋ nɛ nɩɩ-la ʋ kʋhɩaŋ sɩ yie lɩɩsɛ dɩ ʋ bibeŋ ʋ dɩa, aŋ pɛ pɩpɩ ʋ tɩntɩnnɩ-dɔsʋŋ ma kʋdiilee bʋa-la lɛ sɩ maga.

Luuk 12:42

Ŋɩɩ nɛ La Tɩɩna mɩɩra pɩɛsɛba, “Kʋbɛɛ nɛ saa ŋaa tɩntɩnnɩ-tɩtɩɩ-la sɩ jɩŋ wɩaa? Ʋ nɛ nɩɩ-la ʋ kʋhɩaŋ sɩ yie lɩɩsɛ dɩ ʋ bibeŋ ʋ dɩa, aŋ pɛ pɩpɩ ʋ tɩntɩnnɩ-dɔsʋŋ ma kʋdiilee bʋa-la sɩ magɛ lɛ.

Ɛfɛsɩs Nɩaa 5:18

Má sɩ́ sɩnɩŋ nyʋa bubugi, dɩ ma nɛ nyʋa sɩnɩŋ bubugi, ŋɩɩ jaŋ cheima. Ama má leŋ dɩ Wɩa Dɩŋ-zɔmʋŋ hɛ ma lɛ a tɩtɩŋ.

Fɩlɩpa Nɩaa 1:1

Mɩ-na Pɔɔl arɩ Timoti sɩ ŋaa Yesu Kirisito tɩntɩnnaa nɛ ŋmʋnsɛ teniŋ deeŋ aa pɩ Wɩa nɩaa kala sɩ hɛ Fɩlɩpa lɛ a laa Yesu Kirisito wɩaa dii. La ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi nɩhɩasɩŋ arɩ nɩalɩŋ sɩ pɛ nɩhɩasɩ-la lɛ nɛ.

Taatɩs 1:5

Mɩ leŋiŋ Kiriiti lɛ dɩ ŋ wuo wasɛ wɩalɩŋ fa sɩ maga ba ŋaa nɛ. Mɩ bʋla pɩŋ dɩ ŋ lɩɩsɛ Wɩa nɩaa tʋɔŋ nɩhɩasɩŋ taŋ na-kala lɛ.

Taatɩs 2:3

Bʋla pɩ hanɩhɩasɩ-la ma dɩ ba ŋaa wɩalɩŋ sɩ daga arɩ baa to Wɩa wombiiŋ nɛ. Ʋ bɩ maga dɩ ba gɩgaa nɩaa harɩŋ koo dɩ ba ŋaa sɩ-nyʋaraa. Bʋla pɩba dɩ ba dɩdagɛ wɩalɩŋ sɩ zɔmɔ,

1 Pɩɩta 4:10

Wɩa joŋ doluŋ pɩ nɩaa dɩ ba kaa tɩŋ tɩntɩŋ-dosunuŋ nɛ. Ŋɩɩ wɩaa nʋʋkala kɛŋ wɩɩ-la Wɩa sɩ joŋo pʋ a kaa pɩpɛ ʋ dɔnsʋŋ tɩŋŋaa lɛ.

1 Pɩɩta 5:2

dɩ ma beŋ Wɩa nɩalɩŋ ʋ sɩ joŋo hɛ ma nɩsɩŋ lɛ, arɩ pie-daaraa sɩɩ beŋ ba piesee nyuŋ ŋɩɩ. Má sɩ́ leŋe dɩ ʋ nagɛ arɩ baa fʋgɛma nɛ dɩ ma bemba, ama má bemba ma tɩtɩa tʋɔtɔrʋŋ lɛ arɩ Wɩa sɩɩ chɛ ŋɩɩ. Má cho tɩntɩmɩɩ-la, aŋ sɩ́ naga arɩ moribiee nɛ maa chɛ.

2 Pɩɩta 2:10

Ba tʋɔŋ, Wɩa jaŋ faasa dɔgɩsɛ nɩalɩŋ sɩɩ ŋaa wʋlɩɩlɩŋ arɩ nɩalɩŋ sɩ bɩ chɛ dɩ ba joŋ ba tɩtɩa a hɛ Wɩa nɩsɩŋ lɛ. Wʋnyɩɛrɩ kerichi deemba bɩ nʋʋkala ka fá, aŋ pɛ kɛŋ nyuduoŋ ma a ŋɩŋaa ba tʋɔtɔrɛ wɩaa. Ŋɩɩ nɛ tɩɩ ba yie tʋʋsɛ Wɩa tɩndaara-la sɩ kɛŋ yɩrɩŋ a hɛ Wɩa-jaŋ lɛ.