Taatɩs 1:6 - WƖA TENIŊ

⁶ Wɩa nɩaa nɩhɩaŋ maga dɩ ʋ sɩ́ wʋcheeli kala kɛŋ nɩaa teeŋ. Ʋ maga dɩ ʋ kɛŋ ha-bala nɛ, ka ʋ biiriŋ ma kala laa Wɩa wɩaa dii, dɩ nɩaa sɩ́ bʋl arɩ ba tɛrɛ, a bɩ kʋhɩasɩŋ ma niiŋ ka to.

Taatɩs 1:6 ပူးပေါင်းရင်းမြစ်များ

WƖAA DƖ-SUOMUŊ 18:19

Mɩ nɛ lɩɩsʋ dɩ ʋ dagɛ ʋ biiriŋ arɩ ʋ doho nɩaa sɩ jaŋ to harɩŋ kɔ mɩ wombiiŋ dɩ ba kɛŋ wʋtɩtɩɩ, a ŋɩŋaa wɩaa ba bʋa lɛ, dɩ ŋɩɩ leŋ dɩ mɩ ŋaa wɩɩ-la mɩ sɩ bʋla pɩ Abɩraham arɩ mɩ jaŋ ŋaa pʋ.”

NAMAGABA 28:7

Bile sɩɩ to Wɩa wombiiŋ jɩŋ wɩaa sɩaa nɛ. Ama nɩɩ-la sɩɩ to luobii-tɩŋŋaa harɩŋ hɩɩsɛ ʋ nyɩmma nɛ.

ƐZƖKƖƐL 44:22

Ba bɩ maga dɩ ba jaa yo-haal koo haal sɩ vɩa ʋ bala. Ba jaŋ wuo jaa Iziral tɩŋŋaa tolo sɩ bɩ baal jɩŋ koo ba Wɩɩsʋllɩ sɩpaalaaraa dɔŋɔ yo-haala.

LEVI DOHO NƖAA 21:14

Ʋ bɩ maga dɩ ʋ jaa yo-haal koo haal arɩ ʋ bala sɩ vɩa dɔŋɔ koo haal-la sɩ ŋaa hachɔrʋŋ wɩaa a hɩɩsɛ ʋ tɩtɩa. Ʋ maga dɩ ʋ jaa hapuŋ nɛ ʋ doho nɩaa tʋɔŋ,

LEVI DOHO NƖAA 21:7

Ba bɩ maga dɩ ba jaa haala-la sɩ ŋaa hachɔrʋŋ wɩaa aa hɩɩsɛ ba tɩtɩa, koo haala-la sɩ vɩa ba balaba, bɛɛ wɩaa Wɩɩsʋllɩ sɩpaalaaraa bɩ maga ba kɛŋ disiniŋ mɩ-na ba Wɩa teeŋ.

MALAKAƖ 2:15

La TƖƖNA ŋaa haala arɩ ʋ bala ba kala ŋaa kʋbala nɛ ba wɩɩwɩɩ kala lɛ. Bɛɛ nɛ tɩɩ ʋ ŋaa wɩɩŋ deeŋ? Ʋ ŋaa ŋɩɩ dɩ ma wuo lʋl hambiisiŋ sɩ jaŋ tuto Wɩa nɛ. Má kɛŋ ma tɩtɩa woruŋ a pʋpɔ ma sɩ́ nii-la ma kʋŋkala sɩ hɛ pɩ ŋ bapʋɔsɛ haala chei.

Luuk 1:5

Bʋa-la lɛ Hɛrɔd fa sɩ ŋaa Judiya tinteeŋ kuoro, dɩ baal kʋbala baa yɩrɛ Zɛkarɩya fa hɛ nɩmɛ a ŋaa Wɩɩsʋllɩ sɩpaalaaraa dɔŋɔ. Ba fa kɛŋ Wɩɩsʋllɩ sɩpaalaaraa kaa kpaa kpaa nɛ, Zɛkarɩya fa pɛ baal kʋbala ba sɩɩ yɩrɛ Abija nɩaa tʋɔŋ. Zɛkarɩya haala yɩrɩŋ nɛ Ɛlɩzabɛt. Ʋ ma fa ŋaa Arɔŋ doho nʋʋ nɛ.

Ɛfɛsɩs Nɩaa 5:18

Má sɩ́ sɩnɩŋ nyʋa bubugi, dɩ ma nɛ nyʋa sɩnɩŋ bubugi, ŋɩɩ jaŋ cheima. Ama má leŋ dɩ Wɩa Dɩŋ-zɔmʋŋ hɛ ma lɛ a tɩtɩŋ.

1 Tɛsalonaaka Nɩaa 5:14

La naambiiri, laa sʋlma dɩ ma kpʋrɩsɛ yarɩwɩɩ tɩŋŋaa dɩgɩlaa, a pɛ fawʋlʋbaa lɛ dɩ ba kɛŋ bɔɩ-duoŋ, a pɛ nɩalɩŋ sɩ bɩ faasa chɩŋ Wɩa wɩaa lɛ. Má kɛŋ kenyiri arɩ nʋʋkala.

1 Timoti 1:9

Ʋ bɩra maga dɩ la jɩŋ arɩ wɩalɩŋ Mosis fa sɩ ŋmʋnsa bil dɩ nɩaa tuto, ʋ bɩ ŋmʋnsa pɩ tʋɔpʋl tɩŋŋaa. Ama ba ŋmʋnsa pɩ nɩalɩŋ sɩɩ chei Wɩa niiŋ wʋbʋlaa nɛ. Ʋ bɩra ŋmʋnsa pɩ nɩbɔŋŋɔɔ, arɩ nɩalɩŋ sɩ bɩ Wɩa ka fá, arɩ wʋbɔŋ ŋaaraa, arɩ nɩalɩŋ sɩ bɩ Wɩa ka to, arɩ nɩalɩŋ sɩɩ kpʋ ba nyɩmmaba arɩ ba naamba, arɩ nɩkpʋʋraa.

1 Timoti 3:12

Baalaa sɩɩ pɛ Wɩa nɩaa kʋhɩasɩŋ lɛ, ʋ maga dɩ ba jaa ha-bala-bala nɛ. Ʋ maga dɩ ba wuo bibeŋ ba hambiisiŋ arɩ ba dɩa nɩaa kala nyuŋ nɛ woruŋ.

Taatɩs 1:10

Nɩalɩŋ sɩ laa Wɩa wɩaa dii yʋga a bɩ chɛ dɩ ba tuto nɩhɩasɩŋ niiŋ wʋbʋlaa, a saa wasa nyaŋ Juu tɩmma-la sɩ laa Yesu wɩaa dii. Ba ŋaa wʋbʋl deeŋ deeŋ tɩmma nɛ, aa nyɩsɛ nɩaa.

1 SAMƲƐL 2:11

Ŋɩɩ nɛ Ɛlɩkaana mɩɩra mʋ ʋ jaŋ Rama, ka Samʋɛl pɛ Wɩɩsʋllɩ sɩpaalaara Eli lɛ a tɩma pɩpɩ La TƖƖNA.

1 SAMƲƐL 2:22

Eli fa hɩɛsa nɛ woruŋ, ŋɩɩ nɛ ʋ nɩɩ wɩalɩŋ kala ʋ hambolibiisiŋ sɩ joŋo ŋaa Iziral tɩŋŋaa lɛ, arɩ ŋɩɩ ba sɩ kɛŋ haala-la sɩɩ tɩŋ lɛbɩ-la lɛ La TƖƖNA sɩ yie kɔ Iziral tɩŋŋaa teeŋ boiŋ niiŋ pɩpɩŋ.