Taatɩs 1:5 - WƖA TENIŊ

⁵ Mɩ leŋiŋ Kiriiti lɛ dɩ ŋ wuo wasɛ wɩalɩŋ fa sɩ maga ba ŋaa nɛ. Mɩ bʋla pɩŋ dɩ ŋ lɩɩsɛ Wɩa nɩaa tʋɔŋ nɩhɩasɩŋ taŋ na-kala lɛ.

Taatɩs 1:5 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 6:32

Ba fa yie du kɩaa a yɩyɩɩ yɩɩlaa Wɩa dɩ-zɔŋ-la sɩpaaŋ, lɛbɩ-la lɛ La Tɩɩna sɩ yie kɔ Iziral tɩŋŋaa teeŋ ka Solomoŋ-na saa La TƖƖNA dɩɩ-bal-la Jerusalɛm lɛ. Ba fa yie ŋaa ba wɩaa ŋɩɩ ba sɩ dagɛba dɩ baa ŋaa nɛ.

TƖƖCHA 12:9

Nɩɩ-la sɩɩ dagɛ nɩaa fa kɛŋ wʋjɩmɩŋ nɛ woruŋ, a joŋ wɩalɩŋ ʋ sɩ jɩma a dagɛ nɩaa. Ʋ chaasa hɔnɔ bɩɩnɛ wɩaa nɛ aŋ magɛ namagaba ba lɩɩ aŋ ka pɩ dɔŋɔ.

AZAAYA 44:7

Nʋʋ hɛ nɩmɛ a magɛ mɩɩ? Leŋ dɩ tɩɩna kʋ lɩɩ dagɛ wɩalɩŋ sɩ ŋaa a chɩŋ bʋa-la lɛ mɩ sɩ ŋaa nuhuobiinee a kaa kʋ yi jɩnɩŋ, arɩ wɩalɩŋ ha sɩ jaŋ ŋaa.

LEVI DOHO NƖAA 14:42

Lere-la tabɩaa sɩ nyʋa ba chaara ta, ba jaŋ tʋɔsɛ tabɩɩ-falaa a kaa mʋ hɛ lere-la a wasa taarɛ dɩa-la kala.

Tɩntɩŋŋaa 11:30

Ba kɩɛsɛ moribie-la, a joŋo tɩŋ Banabas arɩ Sɔɔl, ba kaa mʋ pɩ nɩalɩŋ sɩ laa Yesu wɩaa dii kʋhɩasɩŋ Judiya lɛ.

Tɩntɩŋŋaa 14:23

Lee-na kala nɩalɩŋ sɩ laa Yesu wɩalɩŋ dii aa hilimi, Pɔɔl arɩ Banabas yie lɩɩsɛ nɩaa ba tʋɔŋ dɩ ba ŋaa ba kʋhɩasɩŋ. Ba nɛ ŋaa ŋɩɩ, ba yie chʋɔlɛ Wɩa pɩba a vɔɔ niiŋ, aŋ jomba hɛ La Tɩɩna Yesu nɩsɩŋ lɛ, nɩɩ-la wɩaa ba sɩ laa dii.

Tɩntɩŋŋaa 2:11

La dɔnsʋŋ ŋaa Juu tɩmma nɛ, la dɔnsʋŋ ŋaa nɩaa sɩ bɩ Juu tɩŋŋaa ŋaa aŋ tuto Juu tɩŋŋaa Wɩɩchʋɔlɛ wombiiŋ. La dɔnsʋŋ lɩɩ Kiriiti, dɔnsʋŋ lɩɩ Arebia. La kalaa bʋl yikori dabaŋ dabamba nɛ, ka la nɩɩ dɩ baa bʋl wɩaa la yikorusuŋ lɛ. Wɩa sɩ tɩŋ tɩntɩŋ-duori-la wɩaa nɛ ba bʋbʋl ŋɩɩ.”

Tɩntɩŋŋaa 27:12

Ba sɩ lee-la lɩɩŋ daborosuŋ sɩɩ chɩŋ bɩ zɔŋ arɩ ba sɩ jaŋ hɔŋ nɩmɛ waarɩŋ bʋa lɛ. Ba jesiŋ kala fa cho dɩ la jʋʋ lɩɩŋ daboro-la, a wʋwalɩmɛ dɩ la nɛ wuolo, dɩ la mʋ yi taŋ kʋbala baa yɩrɛ Fiinis a hɛ nɩmɛ waarɩŋ bʋa lɛ. Fiinis nɛ fa ŋaa lee-la lɩɩŋ daborusuŋ sɩ yie chɩŋ a hɛ Kiriiti tinteeŋ. Ʋ fa hɛ wɩɩpɔsʋŋ nadiiŋ arɩ wɩɩjʋʋlʋŋ pɛgɛ nɛ, a bɩra pɩŋ wɩɩpɔsʋŋ nagʋa arɩ wɩɩjʋʋlʋŋ pɛgɛ maa a kɛrɛ peliŋ.

Tɩntɩŋŋaa 27:13

Ŋɩɩ nɛ peliŋ fɩɛla lu a lɩɩ wɩɩpɔsʋŋ nadiiŋ dɩɩraa a kʋkɔ. Nɩalɩŋ bɩɩna arɩ ba jaŋ na wombiiŋ a vɛŋ arɩ ba fa sɩ bɩɩna ŋɩɩ ba tʋɔŋ lɛ. Ŋɩɩ nɛ ba kɛŋ hɔɔ-bal-la ba sɩ yie kaa chagɛ lɩɩŋ daboro-la a kaa lɩɩsɛ a hɛ lɩɩŋ daboro-la tʋɔŋ, aŋ duoro kpɛrɛ to Kiriiti tinteeŋ niiŋ.

Tɩntɩŋŋaa 27:21

Nɩalɩŋ diene ba bɩ kɩaa die. Ŋɩɩ nɛ Pɔɔl sii chɩŋ ba sɩpaaŋ a bʋla pɩba, “Nandɔmba, ʋ fa maga dɩ ma jegile nɩɩ mɩ teeŋ nɛ dɩ la sɩ́ Kiriiti lɛ lɩɩ. Ma nɛ fa ŋaa ŋɩɩ, la kɩaa deemba kala sɩ cheye, ba fa bɩ chei. Kɩalɩŋ ma kala sɩ lɛlɛ fa bɩ jaŋ lɛl.

Tɩntɩŋŋaa 27:7

La fɩɛla duori ŋɩɩ deeŋ deeŋ tapʋl daŋ a na hɛɛŋ kɩŋkɛŋ, aŋ lɛɛlɛ kʋ kpagɛ taŋ kʋbala baa yɩrɛ Sɩnaadas. Pel-la bɩ sɛyɛ dɩ la to nɩmɛ. Ŋɩɩ nɛ la bɩra duoro kpɛrɛ to tinteeŋ kʋbala lɩɩŋ sɩ gollo chu, baa yɩrɛ Kiriiti, a kʋ yi lee kʋbala baa yɩrɛ Salimoni. La kpɛrɛ to tintee-la sɛmɛ-la sɩ kɛrɛ peliŋ.

1 Kɔrɩntɩ Nɩaa 11:34

Dɩ losuŋ nɛ kɛŋ ma dɔŋɔ, ʋ maga dɩ ʋ dii kɩaa ʋ dɩa lɛ nɛ aŋ-na kɔ. Dɩ ma nɛ ŋaa ŋɩɩ aŋ hilimi, Wɩa bɩ jaŋ joŋ cheeriŋ pɩma. Wʋkaanala-na, dɩ mɩ nɛ kɔ, mɩ jaŋ dagɛma ba wombiiŋ.

1 Kɔrɩntɩ Nɩaa 14:40

Ʋ maga dɩ ma ŋaa wɩɩkala ʋ bʋa lɛ, dɩ ʋ ŋaa dee dee.

1 Kɔrɩntɩ Nɩaa 4:17

Ŋɩɩ nɛ tɩɩ mɩ tɩŋ Timoti dɩ ʋ kɔ ma teeŋ ŋɩɩ. Ʋ nagɛ mɩ bii-choolii nɛ, a kɛŋ wʋtɩtɩɩ ma La Tɩɩna Kirisito wɩaa lɛ. Ʋ jaŋ liliisima ŋɩɩ mɩ sɩɩ to Kirisito wɩaa, arɩ ŋɩɩ mɩ sɩ yie dagɛba lee-na kala nɩaa sɩ laa Yesu wɩaa dii aa hilimi tʋɔŋ.

Koloosi Nɩaa 2:5

Mɩ tuo ma teeŋ, ama mɩɩ bɩɩnɛ ma wɩaa nɛ, a nagɛ mɩ hɛ ma teeŋ. Mɩ tʋɔŋ tɔrɔ nɛ ma sɩ laa Yesu dii a fɩɛlɛ ma yaraa a chɩŋ kpaŋ kpaŋ.

1 Timoti 1:3

Bʋa-la lɛ la fa sɩ hɛ Ɛfɛsɩs lɛ, mɩ bʋla pɩŋ dɩ ŋ hɔŋ nɩmɛ, aŋ ka dɩ mɩ mʋ Masidoonia tinteeŋ. Nɩaa dɔnsʋŋ hɛ nɩmɛ aa dagɛba wʋnyɩɛrɩŋ. Bʋla pɩba dɩ ba leŋ wɩalɩŋ.

2 Timoti 2:2

Wɩalɩŋ ŋ sɩ nɩa dɩ mɩ bʋla pɩ nɩ-daŋ, ŋ ma bʋl ba tɩtɩa a pɩ nɩaa sɩ kɛŋ wʋtɩtɩɩ, di ba ma joŋo dagɛ ba dɔnsʋŋ tɩŋŋaa.

Taatɩs 1:12

Kiriiti nɩaa tʋɔŋ vʋgʋrʋ bʋl wɩaa a mʋ tɩgɛ ʋ nɩaa lɛ. Ʋ bʋla arɩ Kiriiti nɩaa kala ŋaa wʋnyɩɛraa nɛ a ŋaa nɩbɔmɔ, luobii tɩmma, aŋ pɛ kɛŋ yarɩwɩɩŋ ma.