Taatɩs 1:16 - WƖA TENIŊ

¹⁶ Baa bʋl arɩ ba jɩŋ Wɩa nɛ, ama ba wʋŋaalaa daga arɩ ba bɩ Wɩa jɩŋ. Ba wʋŋaalaa lɔrɔ, ba bɩ Wɩa niiŋ ka to, ba bɩ wʋzɔŋ kala wuo ŋaa.

Taatɩs 1:16 ပူးပေါင်းရင်းမြစ်များ

JOB 15:16

ɛɛ nɛ saa ʋ jaŋ nagɛ nuhuobiine sɩ kɛŋ nyɛsɩŋ a kala chei, a ŋɩŋaa wʋbɔŋŋɔɔ a nagɛ nɩa sɩɩ nyʋa lɩɩŋ?

NAMAGABA 30:12

Dɔnsʋŋ ma hɛ nɩmɛ a bɩɩnɛ dɩ ba tʋɔŋ pʋlla nɛ, aŋ ka ba bɩ ba disiniŋ fo ta.

AZAAYA 29:13

La TƖƖNA sɩ, “Nɩaa deemba yie kɔ mɩ teeŋ a kɛŋ niiŋ nɛ zizilmi, ka ba tʋɔbɩɩnaa bol arɩ mɩ. Ba yie to nuhuobiinee wombiee nɛ a chʋchʋɔlɛmɛ.

AZAAYA 48:1

Ma Iziral tɩmma-la sɩ ŋaa Juda doho nɩaa, má jegile nɩɩ: Ma nyɩɛ wɩaa arɩ maa chʋɔlɛ Iziral tɩŋŋaa Wɩa nɛ, ama ma bɩ wʋtɩtɩɩ arɩ tʋɔpʋla kɛnɛ.

AZAAYA 58:2

Tapʋlɩɩ-kala ba yie chʋɔlɛmɛ nɛ, a nagɛ ba ŋaa nɩaa sɩɩ chel dɩ ba jɩŋ mɩ wombiee nɛ, a bɩra nagɛ ba ŋaa tinteeŋ nɩaa sɩɩ ŋaa wɩaa ba bʋa lɛ nɛ, a bɩ wɩalɩŋ ba Wɩa sɩ daga ka vɩa. Ba yie pɩɛsɛmɛ dɩ mɩ dagɛba wombie-la sɩ zɔmɔ dɩ ba tuto, a nagɛ baa chel nɛ dɩ ba kpagɛ Wɩa.

AZAAYA 59:13

La TƖƖNA, la vɩa ŋ niiŋ wɩaa nɛ a joŋ harɩŋ yɩa la Wɩa. La dɔgɩsɛ nɩaa nɛ woruŋ aŋ joŋ harɩŋ yɩaŋ. La tʋɔbɩɩnaa kala ŋaa kʋbɔmɔ nɛ, la nyɩnyɩɛ wɩaa.

JƐRƖMAAYA 12:2

Ŋ chɔnsɛba a nagɛ tɩa ba sɩ chɔnsɔ nɛ, ba naapoloo tuu woruŋ, ba waa a nɛŋ nɛnɛɛ. Ŋ wɩaa hɛ ba niiree lɛ aŋ bol arɩ ba tʋɔŋ.

JƐRƖMAAYA 5:2

Ba yie bʋl, ‘La ŋmɩɛsɛ La TƖƖNA sɩ weye,’ aŋ ha nyɩɛ wɩaa a ŋmɩŋmɩɛsɛ.”

JƐRƖMAAYA 6:30

Ba kɛmba yɩyɩrɛ hɔpʋla ba sɩ vɩa ta nɛ, bɛɛ wɩaa mɩ-na ma Tɩɩna vɩaba ta nɛ.”

ƐZƖKƖƐL 33:31

Mɩ nɩaa jaŋ yʋgɛ a kɔ ŋ teeŋ dɩ ba jegile nɩɩ ŋ niiŋ wɩaa, ama ba bɩ jaŋ kɛmba tɩŋ. Ba niiree yie bʋbʋl wʋzɔŋŋɔɔ nɛ, ama ba tʋɔŋ bɔmɔ a gɩrɩma lɩlaa nɩaa kɩaa.

NAMBABA 24:16

Mɩ ŋaa nʋʋ sɩɩ nɩɩ wɩalɩŋ Wɩa sɩɩ bʋl nɛ, a kɛŋ wʋjɩmɩɩ-la ma sɩ lɩɩ Wɩa sɩ kɩɩ kʋŋkala teeŋ, a na wɩalɩŋ kala Wɩa doluŋ Tɩɩna sɩ joŋo dagɛmɛ arɩ duosoo tʋɔŋ. Ŋɩɩ nɛ mɩ tuu tele chu, La TƖƖNA suri mɩ sɩaa.

Rom Tɩŋŋaa 1:28

Nɩaa deemba bɩ chɛ dɩ ba jɩŋ Wɩa. Ŋɩɩ nɛ tɩɩ Wɩa lemba ta ba tuto ba tʋɔbɩɩŋ bɔmɔ-la harɩŋ a ŋɩŋaa wɩalɩŋ sɩ bɩ maga dɩ baa ŋaa.

Ɛfɛsɩs Nɩaa 5:6

Má sɩ́ leŋe dɩ nʋʋkala kɛŋ wʋnyɩɛrɩŋ a nyɩsɛma. Wɩaa deemba nɛ leŋe Wɩa baanɩŋ sisii nɩalɩŋ sɩ bɩ ʋ niiŋ ka to nyuŋ.

1 Timoti 1:9

Ʋ bɩra maga dɩ la jɩŋ arɩ wɩalɩŋ Mosis fa sɩ ŋmʋnsa bil dɩ nɩaa tuto, ʋ bɩ ŋmʋnsa pɩ tʋɔpʋl tɩŋŋaa. Ama ba ŋmʋnsa pɩ nɩalɩŋ sɩɩ chei Wɩa niiŋ wʋbʋlaa nɛ. Ʋ bɩra ŋmʋnsa pɩ nɩbɔŋŋɔɔ, arɩ nɩalɩŋ sɩ bɩ Wɩa ka fá, arɩ wʋbɔŋ ŋaaraa, arɩ nɩalɩŋ sɩ bɩ Wɩa ka to, arɩ nɩalɩŋ sɩɩ kpʋ ba nyɩmmaba arɩ ba naamba, arɩ nɩkpʋʋraa.

1 Timoti 5:8

Dɩ nʋʋkala nɛ bɩ ʋ naambiiriŋ nyuŋ ka beŋ a wasanyaŋ ʋ dɩa nɩaa tɩtɩa, ʋ vɩa wɩalɩŋ ʋ sɩ laa dii ta nɛ. Nɩɩ-la sɩ paala bɩ Yesu wɩaa laa dii nɛ kpɩaʋ.

2 Timoti 3:17

Ŋ-la nɛ jaŋ pɛ Wɩa tɩntɩnna lɛ, dɩ ʋ wɩaa kala chesi dɩ ʋ wuo tɩŋ tɩntɩŋ zɔŋ na-kala.

Taatɩs 3:1

Bʋla pɩ Wɩa nɩaa dɩ ba joŋ ba tɩtɩa pɩ nɩalɩŋ sɩ kɛŋ doluŋ ba lɛ arɩ nɩalɩŋ sɩɩ bemba a tutoba, a ŋaa siri dɩ ba ŋaa wɩɩ na-kala sɩ zɔmɔ.

Taatɩs 3:3

La ma tɩtɩa fa ŋaa nɩyaara nɛ, a fa bɩ Wɩa niiŋ to, wʋbɔŋŋɔɔ fa leŋ la yeŋŋi. La fa to la tʋɔtɔrɛ wʋŋaalaa harɩŋ nɛ a bɩrɩmɛ ba yosi. La fa cho dɩ nɩaa jʋʋ wʋbɔŋŋɔɔ a fa kɛŋ yarɩ-bieriŋ dɔŋɔ lɛ. Nɩaa fa bɛrɛla, la ma fa bɛrɛba.

1 Jɔɔŋ 2:4

Dɩ nʋʋ nɛ sɩ ʋ jɩmʋ, aŋ bɩ wɩalɩŋ ʋ sɩ daga ka to, tɩɩna ŋaa wʋnyɩɛrʋ nɛ, ʋ bɩ wʋtɩtɩɩ kɛnɛ.

Juud 1:4

Mɩ bʋl wɩɩŋ deeŋ pɩpɩma, bɛɛ wɩaa nɩaa dɔnsʋŋ sɩ bɩ Wɩa ka fá lʋara jʋʋ ma tʋɔŋ nɛ. Ba bɩ Wɩa wombiiŋ ka to, ŋɩɩ wɩaa Wɩa jaŋ dɔgɩsɛba a leŋ dɩ ba sʋʋ. Wɩa teniŋ tʋɔŋ ba bʋl faafaa kala nɛ dɩ Wɩa jaŋ ŋaa ŋɩɩ nɩbɔŋŋɔɔ lɛ. Wɩa sɩ fá la nenige a laala ta, ba to ŋɩɩ a kɛŋ Wɩa wʋzɔmɔ-la kaa bɩrɩmɛ a ŋɩŋaa wʋlɩɩlɩŋ. Ba yie bʋl arɩ ba bɩ Yesu Kirisito jɩŋ, Nɩɩ-la sɩ ŋaa la kala Tɩɩna.

Jɔɔŋ Wʋnaalaa 21:27

Ama kʋŋkala sɩ kɛŋ disiniŋ, koo nɩɩ-la kala sɩ ŋaa nɩbɔŋ, koo wʋnyɩɛrʋ kala bɩ jaŋ jʋʋ taŋ-la, see nɩalɩŋ Pie-bie-la sɩ ŋmʋnsɛ ba yɩraa hɛ mɩɩsɩŋ teŋ-la lɛ nɛ jaŋ jʋʋ nɩmɛ.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”

1 SAMƲƐL 15:22

Samʋɛl pɩɛsɛ, “Wʋbɛɛ nɛ La TƖƖNA chɩchɛ, kʋnyɩgaa Wɩɩsʋlʋŋ koo ba sɩ kpʋ pʋsʋŋ a sʋl Wɩɩsʋlʋŋ koo nʋʋ sɩ to ʋ niiŋ lɛ nɛ? Dɩ ŋ nɛ to ʋ niiŋ ʋ nɛ kpɩa ŋ sɩ kpʋ pie-belliŋ sɩ zɔmɔ a nyɩga ŋaa Wɩɩsʋlʋŋ pʋ.

1 SAMƲƐL 15:24

Ŋɩɩ nɛ Sɔɔl bʋla pɩ Samʋɛl, “Mɩ ŋaa wʋbɔŋ nɛ. Mɩ vɩa La TƖƖNA niiŋ nɛ, a bɩ wɩalɩŋ ŋ sɩ daga ma to. Mɩ nɩaa sɩɩŋ nɛ mɩ fá, a ŋaa wɩɩ-la ba sɩɩ chɛ.