Taatɩs 1:15 - WƖA TENIŊ

¹⁵ Tʋɔpʋl tɩɩna teeŋ kʋŋkala zɔmɔ nɛ. Disiŋ tɩmma-la sɩ bɩ Wɩa wɩaa laa dii teeŋ, kʋŋkala ŋaa disiŋ kʋŋ nɛ. Ba tʋɔŋ lɔrɔ, ba tʋɔbɩɩnaa kala bɩ zɔŋ.

Taatɩs 1:15 ပူးပေါင်းရင်းမြစ်များ

NAMAGABA 21:4

Nɩbɔmʋŋ wɩɩŋ kala nɛ ŋaa sɩɩ-duoŋ arɩ babii-ballɩŋ, ŋɩɩ saa ŋaa wʋbɔŋ nɛ.

NAMAGABA 30:12

Dɔnsʋŋ ma hɛ nɩmɛ a bɩɩnɛ dɩ ba tʋɔŋ pʋlla nɛ, aŋ ka ba bɩ ba disiniŋ fo ta.

HAGAƖ 2:13

Ŋɩɩ nɛ Hagaɩ bɩra pɩɛsɛ, “Dɩ nʋʋ nɛ digi sʋʋŋ a kɛŋ disiniŋ, aŋ digi kɩaa deemba kʋŋ, ŋɩɩ jaŋ leŋ dɩ ba kɛŋ disiniŋ?” Wɩɩsʋllɩ sɩpaalaaraa bʋl, “Oo, ba jaŋ kɛŋ disiniŋ.”

Matiu 15:18

Ama wɩalɩŋ sɩ yie to ŋ niiŋ lɩɩ, ba yie lɩɩ ŋ tʋɔŋ lɛ nɛ. Wɩaa deemba nɛ yie ŋaa nɩaa kɛŋ disiniŋ.

Tɩntɩŋŋaa 10:15

Yikoro-la bɩra mɩɩra bʋla pʋ, “Kʋ-la kala Wɩa sɩ sɩ ʋ zɔmɔ, bɩra sɩ́ bʋl arɩ ʋ kɛŋ disiniŋ nɛ.”

Rom Tɩŋŋaa 14:14

La Tɩɩna Yesu leŋe mɩ jɩŋ arɩ kʋdiil kala tuo sɩ kɛŋ disiniŋ. Ama nɩaa dɔnsʋŋ bɩɩna arɩ kʋdiilee dɔnsʋŋ kɛŋ disiniŋ nɛ. Dɩ ba nɛ bɩɩnɛ ŋɩɩ, kɩalɩŋ ŋaa kɩsɩŋ nɛ ba teeŋ.

Rom Tɩŋŋaa 14:20

Má sɩ́ kɩalɩŋ ma sɩɩ dii wɩaa tɩma chei Wɩa tɩntɩŋŋaa. Kʋdiil kala zɔmɔ nɛ, ʋ bɩ disiniŋ kɛnɛ dɩ maa kɩsɛ. Ama dɩ kʋdiile-la dɔnsʋŋ ma sɩɩ dii nɛ jaŋ leŋ dɩ nʋʋ ŋaa wʋbɔmʋŋ, ʋ bɩ maga dɩ ma diiba.

Rom Tɩŋŋaa 14:23

Ama dɩ nʋʋ nɩɩ dii kɩaa aŋ bɩɩnɛ arɩ ʋ bɩ maga dɩ ʋ dii, dɩ ʋ nɛ diiba, Wɩa jaŋ joŋ cheeriŋ pʋ, bɛɛ wɩaa ʋ bɩ wɩalɩŋ ʋ sɩ laa dii arɩ ba ŋaa wʋzɔmɔ ka to. Wɩɩ-na kala nɛ ŋ ŋɩŋaa aŋ bɩ laa dii arɩ ʋ maga dɩ ŋ ŋaa, ʋ ŋaa wʋbɔŋ nɛ.

1 Kɔrɩntɩ Nɩaa 10:23

Mɩ jaŋ wuo ŋaa wɩɩkala, ama ba kala bɩ jaŋ wuo pɛ mɩ lɛ. Ba kala bɩ jaŋ wuo ŋaa dɩ mɩ waa Wɩa wɩaa lɛ.

1 Kɔrɩntɩ Nɩaa 10:25

Ma jaŋ wuo dii nammɩa-na kala ba sɩɩ yallʋ yɔbɔ lɛ. Má sɩ́ leŋe dɩ ma tʋɔbɩɩnaa walɩmɛma a mʋ tɩgɛ nammɩa-la lɛ, arɩ ma jaŋ wuo dii koo ma bɩ jaŋ wuo dii.

1 Kɔrɩntɩ Nɩaa 10:31

Ŋɩɩ wɩaa kʋŋ na-kala ma sɩɩ dii arɩ kʋŋ na-kala ma sɩɩ nyʋa, wɩɩ-na kala ma sɩɩ ŋaa, má ŋaa ba kala dɩ Wɩa yɩrɩŋ yɩrɛ.

1 Kɔrɩntɩ Nɩaa 8:7

Ama nɩaa kala dee bɩ wɩɩŋ deeŋ jɩŋ. Nɩaa dɔnsʋŋ fa kpaarɛ vʋɩyaa a mal nɛ kɩŋkɛŋ, arɩ jɩnɩŋ kala dɩ ba nɩɩ dii vʋɩyaa kʋdiilee, ba yie bɩɩnɛ arɩ ba pɛ nɩalɩŋ sɩɩ kpaarɛ vʋɩyaa lɛ nɛ, ba tʋɔbɩɩnaa bɩ Wɩa wɩaa lɛ woruŋ chɩna. Ba yie bɩbɩɩnɛ kʋdiile-la ŋaa ba kɛŋ disiniŋ nɛ.

1 Timoti 6:5

Nɩaa deemba nyuŋ bɩra bɩ tɩŋ. Ŋɩɩ nɛ tɩɩ ba yie kɛŋ wɩaa lɩlɛrɛ ŋɩɩ. Ba bɩra bɩ wʋtɩtɩɩ ma jɩŋ. Ba bɩɩna Wɩɩchʋɔlɛ wombiiŋ ŋaa moribii chɛɛrɩ wombiiŋ nɛ.

Hiburu TƖŊŊAA 10:22

Ŋɩɩ wɩaa, má leŋ la kɛŋ nyuduoŋ a laa wɩaa deemba dii arɩ tʋɔ-bala, a mʋ Wɩa teeŋ. Wɩa chɛsɛ la tʋɔŋ nɛ, a chɛsɛ la tʋɔbɩɩŋ bɔmɔ-la kala ta. Ba bɩra bɩ jaŋ wʋwalɩmɛla. Ʋ kɛŋ lɩɩzɔmʋŋ nɛ fola.

Hiburu TƖŊŊAA 12:15

Wɩa sɩ fá la kala nenige ŋɩɩ, má pɔ dɩ nʋʋkala sɩ́ harɩŋ joŋo yɩaʋ. Má pɔ ma tɩtɩa lɛ dɩ nɩbɔŋ kala sɩ́ ma tʋɔŋ hɛ a ŋaa wɩaa chei nɩ-daŋ.

Hiburu TƖŊŊAA 9:14

Dɩ wɩaa deemba nɛ wuo pɩɩsɛ nɩaa disiniŋ ta, ŋɩɩ-na Kirisito chalɩŋ ma jaŋ wuo paala pɩɩsɛ nɩaa disiniŋ ta a kɩɩ bʋʋnaa koo nɛsɩŋ chalɩŋ. Kirisito fa bɩ disiŋ kala kɛnɛ. Wɩa Dɩŋ-zɔmʋŋ doluŋ lɛ, ʋ joŋ ʋ tɩtɩa pɩ Wɩa, a sʋʋ a tɩŋ la wɩaa. Ʋ jaŋ wuo leŋ dɩ ma tʋɔbɩɩnaa chesi dɩ má sɩ́ wʋbɔŋ bɩɩnʋ, ka dɩ ma wuo tɩma pɩpɩ Wɩa sɩ weye.