Taatɩs 1:12 - WƖA TENIŊ

¹² Kiriiti nɩaa tʋɔŋ vʋgʋrʋ bʋl wɩaa a mʋ tɩgɛ ʋ nɩaa lɛ. Ʋ bʋla arɩ Kiriiti nɩaa kala ŋaa wʋnyɩɛraa nɛ a ŋaa nɩbɔmɔ, luobii tɩmma, aŋ pɛ kɛŋ yarɩwɩɩŋ ma.

Taatɩs 1:12 ပူးပေါင်းရင်းမြစ်များ

Tɩntɩŋŋaa 17:28

Nʋʋ kʋbala nɛ bʋla arɩ ʋ doluŋ lɛ nɛ la kɛŋ mɩɩsɩŋ a vɩvɛŋ a hɛ nɩmɛ. Ʋ saa ŋaa wʋtɩtɩɩ. Ma gɔgʋ-dɩndɛnnɛɛ dɔnsʋŋ ma fa bʋla arɩ la ŋaa ʋ biiriŋ nɛ.

Tɩntɩŋŋaa 2:11

La dɔnsʋŋ ŋaa Juu tɩmma nɛ, la dɔnsʋŋ ŋaa nɩaa sɩ bɩ Juu tɩŋŋaa ŋaa aŋ tuto Juu tɩŋŋaa Wɩɩchʋɔlɛ wombiiŋ. La dɔnsʋŋ lɩɩ Kiriiti, dɔnsʋŋ lɩɩ Arebia. La kalaa bʋl yikori dabaŋ dabamba nɛ, ka la nɩɩ dɩ baa bʋl wɩaa la yikorusuŋ lɛ. Wɩa sɩ tɩŋ tɩntɩŋ-duori-la wɩaa nɛ ba bʋbʋl ŋɩɩ.”

Tɩntɩŋŋaa 27:12

Ba sɩ lee-la lɩɩŋ daborosuŋ sɩɩ chɩŋ bɩ zɔŋ arɩ ba sɩ jaŋ hɔŋ nɩmɛ waarɩŋ bʋa lɛ. Ba jesiŋ kala fa cho dɩ la jʋʋ lɩɩŋ daboro-la, a wʋwalɩmɛ dɩ la nɛ wuolo, dɩ la mʋ yi taŋ kʋbala baa yɩrɛ Fiinis a hɛ nɩmɛ waarɩŋ bʋa lɛ. Fiinis nɛ fa ŋaa lee-la lɩɩŋ daborusuŋ sɩ yie chɩŋ a hɛ Kiriiti tinteeŋ. Ʋ fa hɛ wɩɩpɔsʋŋ nadiiŋ arɩ wɩɩjʋʋlʋŋ pɛgɛ nɛ, a bɩra pɩŋ wɩɩpɔsʋŋ nagʋa arɩ wɩɩjʋʋlʋŋ pɛgɛ maa a kɛrɛ peliŋ.

Tɩntɩŋŋaa 27:13

Ŋɩɩ nɛ peliŋ fɩɛla lu a lɩɩ wɩɩpɔsʋŋ nadiiŋ dɩɩraa a kʋkɔ. Nɩalɩŋ bɩɩna arɩ ba jaŋ na wombiiŋ a vɛŋ arɩ ba fa sɩ bɩɩna ŋɩɩ ba tʋɔŋ lɛ. Ŋɩɩ nɛ ba kɛŋ hɔɔ-bal-la ba sɩ yie kaa chagɛ lɩɩŋ daboro-la a kaa lɩɩsɛ a hɛ lɩɩŋ daboro-la tʋɔŋ, aŋ duoro kpɛrɛ to Kiriiti tinteeŋ niiŋ.

Tɩntɩŋŋaa 27:7

La fɩɛla duori ŋɩɩ deeŋ deeŋ tapʋl daŋ a na hɛɛŋ kɩŋkɛŋ, aŋ lɛɛlɛ kʋ kpagɛ taŋ kʋbala baa yɩrɛ Sɩnaadas. Pel-la bɩ sɛyɛ dɩ la to nɩmɛ. Ŋɩɩ nɛ la bɩra duoro kpɛrɛ to tinteeŋ kʋbala lɩɩŋ sɩ gollo chu, baa yɩrɛ Kiriiti, a kʋ yi lee kʋbala baa yɩrɛ Salimoni. La kpɛrɛ to tintee-la sɛmɛ-la sɩ kɛrɛ peliŋ.

Rom Tɩŋŋaa 16:18

Nɩaa deemba bɩ La Tɩɩna Kirisito tɩntɩŋŋaa ka tɩŋ, ama ba tɩtɩa wʋchooloo nɛ baa ŋaa. Ba yie kɛŋ nii-sɩma a nyɩsɛ nɩalɩŋ sɩ bɩ wɩaa jɩŋ.

Fɩlɩpa Nɩaa 3:19

Ba dɩdɛrɩŋ, ba jaŋ jʋʋ Wɩa nyiniŋ. Ba tʋɔtɔrɛ wʋŋaalaa lɛ nɛ baa to. Ba sɩɩŋ yie fɩɛsɛ hɩɩsɩ wɩaa lɛ nɛ. Ba yie bɩbɩɩnɛ dʋnɩa kɩaa dʋndʋŋa wɩaa nɛ.

1 Timoti 4:2

Ba fugo dɩdagɛ Wɩa wɩaa nɛ, ama ba ŋaa wʋnyɩɛra nɛ. Ba ŋaa tʋɔ-togi tɩmma nɛ.

Taatɩs 1:5

Mɩ leŋiŋ Kiriiti lɛ dɩ ŋ wuo wasɛ wɩalɩŋ fa sɩ maga ba ŋaa nɛ. Mɩ bʋla pɩŋ dɩ ŋ lɩɩsɛ Wɩa nɩaa tʋɔŋ nɩhɩasɩŋ taŋ na-kala lɛ.

2 Pɩɩta 2:12

Wʋnyɩɛrɩ kerichi deemba yie ŋɩŋaa wɩaa arɩ pʋsʋŋ sɩ bɩ wʋjɩmɩŋ kɛnɛ sɩɩ ŋaa ŋɩɩ nɛ. Ba yie nagɛ pʋsʋŋ nɩaa sɩ yie dɩɛsɛ dɩ ba kɛsɛ kpʋ nɛ. Ba yie bʋbʋl wʋbɔŋŋɔɔ nɛ aa tɩgɛ wɩalɩŋ ba sɩ bɩ jɩŋ lɛ. Ba sɩ joŋ cheeriŋ pɩ nɩaa dɔnsʋŋ ŋɩɩ, ŋɩɩ tɩtɩa nɛ Wɩa jaŋ joŋ cheeriŋ pɩba dɩ ba sʋʋ.

2 Pɩɩta 2:15

Nɩaa deemba vɩa Wɩa wombiiŋ nɛ a yeŋŋi. Baa to bumbuŋ baal kʋbala harɩŋ nɛ baa yɩrɛ Balam. Ʋ nyɩmma yɩrɩŋ nɛ fa Bioo. A tɩŋ moribiee wɩaa Balam fa vɩa Wɩa wɩaa aŋ tuto wʋbɔŋŋɔɔ harɩŋ.