Taatɩs 1:1 - WƖA TENIŊ

¹ Mɩ-na Pɔɔl nɛ ŋmʋnsɛ teniŋ deeŋ aa pɩ ŋ-na Taatɩs. Mɩ ŋaa Wɩa tɩntɩnnʋ nɛ a ŋaa Yesu Kirisito nanzɔɔ ma. Wɩa nɛ lɩɩsɛmɛ dɩ mɩ pɛ nɩalɩŋ ʋ sɩ lɩɩsa lɛ dɩ ba wasa chɩŋ wɩalɩŋ ba sɩ laa dii lɛ, a wuo jɩŋ wʋtɩtɩɩ-la sɩɩ to Wɩa wombiiŋ.

Taatɩs 1:1 ပူးပေါင်းရင်းမြစ်များ

1 IZIRAL TƖŊŊAA NAABARƖŊ 6:49

Ama Arɔŋ arɩ ʋ doho nɩaa nɛ fa yie kɛŋ Wɩɩsʋlʋŋ kɩaa kaa mʋ kʋnyɩgaa Wɩɩsʋllɩ koruŋ arɩ kʋsʋɔrʋsʋŋ koruŋ teeŋ. Ba nɛ faa tɩŋ Wɩa dɩ-zɔŋ-la lee-la zɔmʋŋ sɩ bɩ magɩa kɛnɛ tɩntɩŋŋaa, a ŋɩŋaa Wɩɩsʋlɩɩ-la sɩ jaŋ leŋ dɩ Wɩa joŋ Iziral tɩŋŋaa wʋbɔŋŋɔɔ chɛba, arɩ Wɩa tɩntɩnna Mosis sɩ dagɛ ŋɩɩ.

Luuk 18:7

Ma saa bɩɩna Wɩa bɩ jaŋ pɛ nɩalɩŋ ʋ sɩ lɩɩsa lɛ dɩ ba laa kʋsɩŋŋaa, dɩ ba nɩɩ yel ʋ teeŋ wɩɩhɛyɛ arɩ tɩtaŋɩŋ kala? Ma bɩɩna ʋ jaŋ kɛmba kaa didieni aŋ vɩa dɩ ʋ pɛ ba lɛɛ.

Tɩntɩŋŋaa 13:48

Nɩalɩŋ sɩ bɩ Juu tɩŋŋaa ŋaa sɩ nɩɩ wɩɩŋ deeŋ, ba tʋɔŋ kala tɔrɛ, ba bʋl dɩ La tɩɩna niiŋ wɩaa sɩma kɩŋkɛŋ. Nɩalɩŋ Wɩa sɩ lɩɩsa dɩ ba kɛŋ mɩɩsɩ-la sɩ bɩ dɛrɛ, ba laa wɩalɩŋ dii.

Rom Tɩŋŋaa 1:1

Mɩ-na Pɔɔl sɩ ŋaa Yesu Kirisito tɩntɩnna, mɩ nɛ ŋmʋnsɛ teniŋ deeŋ a pɩpɩ ma Rom tɩŋŋaa. Wɩa nɛ yɩrɛmɛ mɩ ŋaa ʋ nanzɔɔ. Ʋ lɩɩsɛmɛ dɩ mɩ bʋl ʋ wʋzɔmɔ-la a pɩ nɩaa nɛ.

2 Kɔrɩntɩ Nɩaa 1:1

Mɩ-na Pɔɔl arɩ la naambie Timoti nɛ ŋmʋnsɛ teniŋ deeŋ a pɩpɩma. Wɩa tʋɔtɔrʋŋ lɛ nɛ ʋ lɩɩsɛmɛ dɩ mɩ ŋaa Kirisito Yesu nanzɔɔ. La ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi a hɛ Kɔrɩntɩ taŋ-la lɛ nɛ, arɩ Wɩa nɩaa sɩ hɛ Akaaya tinteeŋ lɛ.

Ɛfɛsɩs Nɩaa 2:8

Wɩa lahɔrɩmɔ nɛ tɩɩ ʋ laama ta, a tɩŋ ma sɩ laa ʋ wɩaa dii. Ʋ bɩ naga ma tɩtɩa doluŋ lɛ nɛ tɩɩ Wɩa laama ta, ʋ ŋaa ŋɩɩ pɩma chɔgɩta nɛ.

Fɩlɩpa Nɩaa 1:1

Mɩ-na Pɔɔl arɩ Timoti sɩ ŋaa Yesu Kirisito tɩntɩnnaa nɛ ŋmʋnsɛ teniŋ deeŋ aa pɩ Wɩa nɩaa kala sɩ hɛ Fɩlɩpa lɛ a laa Yesu Kirisito wɩaa dii. La ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi nɩhɩasɩŋ arɩ nɩalɩŋ sɩ pɛ nɩhɩasɩ-la lɛ nɛ.

Koloosi Nɩaa 2:2

Mɩɩ chɛ dɩ ba kɛŋ bɔɩ-duoŋ a kɛŋ nii-bala a cho dɔŋɔ, a wuo jɩŋ wɩaa sɩaa woruŋ a mʋ dɛrɛ, a jɩŋ wɩɩ-la Wɩa sɩ joŋo faa bʋbʋɔŋ, wɩɩ-la nɛ ŋaa Kirisito.

1 Timoti 2:4

Ʋ cho dɩ ʋ laa nʋʋkala ta nɛ dɩ ba wuo jɩŋ wʋtɩtɩɩ-la sɩ lɩɩ ʋ teeŋ.

1 Timoti 3:16

Wʋtɩtɩɩ, Wɩɩchʋɔlɛ wombii-la la sɩɩ to ŋaa wʋbal nɛ nʋʋkala bɩ jaŋ wuo kaa lɛrɛ. Wɩɩ-la fa faa nɛ ka Wɩa joŋo dagɛla lɛɛlɛ. Ʋ nɛ ŋ-la: Wɩa bɩrɩmɛ nuhuobiine nɛ a kʋ tuu dʋnɩa. Wɩa Dɩŋ-zɔmʋŋ ma dagɛ arɩ ʋ ŋaa tʋɔpʋl Tɩɩna nɛ. Wɩa tɩndaaraa ma naʋ. Nɩaa bʋl ʋ wɩaa dʋnɩa sɛmɛ-na kala lɛ. Dʋnɩa nɩaa laa ʋ wɩaa dii nɛ, aŋ ka Wɩa joŋu kaa jɩl Wɩa-jaŋ, ʋ laa yɩrɩŋ.

1 Timoti 6:3

Nɩɩ-la kala sɩ bɩ wʋtɩtɩɩba-la La Tɩɩna Yesu Kirisito sɩ bʋla daga aŋ dagɛ wʋtanɩɩ, wɩalɩŋ sɩ bɩ la Wɩɩchʋɔlɛ wombiiŋ ka to,

2 Timoti 2:10

Mɩ nyalɩma nɛ wɩɩkala lɛ a tɩŋ nɩalɩŋ Wɩa sɩ lɩɩsa wɩaa, dɩ Yesu Kirisito wuo laaba ta dɩ ba na ʋ tʋla a kaa mʋ deeŋ deeŋ.

2 Timoti 2:23

Ama lɩɩsɛ ŋ tɩtɩa nɩalɩŋ sɩ kɛŋ nɩyaarɛ wɩaa lɩlɛrɛ lɛ. Ŋ jɩma arɩ wɩaa deemba yie leŋ nɩaa yuyuo dɔŋɔ nɛ.

2 Timoti 2:25

Ʋ maga dɩ ʋ sɩaa fɩɛlɛ dɩ ʋ nɩɩ dagɛ nɩalɩŋ sɩ bɩ ʋ harɩŋ chɩna. Ŋ bɩ pɔ, Wɩa jaŋ leŋ dɩ ba na wombiiŋ a wuo bɩrɩma lɩɩ ba wʋbɔŋŋɔɔ lɛ a kʋ jɩŋ wʋtɩtɩɩ-la.

Jeems 1:1

Mɩ-na Jeems sɩ ŋaa Wɩa arɩ La Tɩɩna Yesu Kirisito tɩntɩnna, mɩɩ chʋɔlɛ ma Juu tɩŋŋaa kala sɩ laa Yesu wɩaa dii a pɩsa hɛ nɩalɩŋ sɩ bɩ Juu tɩŋŋaa ŋaa tʋɔŋ.

2 Pɩɩta 1:3

Wɩa doluŋ lɛ, ʋ pɩla kʋŋkala la sɩɩ chɛ la mɩɩsɩŋ lɛ, dɩ la wuo kaa ŋaa wɩalɩŋ kala sɩɩ to ʋ wombiiŋ, dɩ la wuo jɩŋ ʋ-na Wɩa, Nɩɩ-la sɩ yɩrɛla dɩ la wuo na ʋ tʋla arɩ ʋ zɔmʋŋ kala.

2 Pɩɩta 3:11

Ma sɩ jɩma arɩ dʋnɩa kala jaŋ lɛl ŋɩɩ, ɛɛ nɛ ma bɩɩna arɩ ʋ maga dɩ ma mɛlɛ nagɛ? Ʋ maga dɩ ma joŋ ma tɩtɩa kala a pɩ Wɩa nɛ, a sɩ́ disiŋ kala kɛŋ, a tuto ʋ wombii-la.

1 Jɔɔŋ 2:23

Nɩɩ-la kala sɩ vɩa Wɩa Bie, ʋ bɩ ʋ Nyɩmma ma jɩŋ. Nɩɩ-la ma kala sɩ sɛɩ Wɩa Bie, ʋ sɛɩ ʋ Nyɩmma ma nɛ.

Jɔɔŋ Wʋnaalaa 1:1

Wɩaa deemba nɛ Wɩa joŋo pɩ Yesu Kirisito dɩ ʋ joŋo dagɛ ʋ tɩntɩnnaa, dɩ ba jɩŋ wɩalɩŋ sɩ jaŋ ŋaa lɛɛlɛ. Wɩa tɩŋ ʋ tɩndaara ʋ kɔ ʋ tɩntɩnna Jɔɔŋ teeŋ a bʋl wɩalɩŋ pʋ.