SOLOMOŊ YƖƖL-SƖMƖŊ 7:9 - WƖA TENIŊ

⁹ ŋ niiŋ ma nagɛ girep nɛnɛɛ sɩnɩŋ sɩ chaasa zɔŋ. A leŋ dɩ sɩŋ-la pɛllɛ tegi tegi a tuu mɩ hɩɩla niiŋ, a to ʋ niipinee arɩ ʋ nyɩlaa pɛgɛ.

SOLOMOŊ YƖƖL-SƖMƖŊ 7:9 ပူးပေါင်းရင်းမြစ်များ

NAMAGABA 16:24

Wʋbʋl sɩŋŋaa nagɛ tʋʋŋ nɛ, ba sɩma a yie leŋ nɩa tʋɔŋ pɩŋ dɩ-bala, ʋ yaraa fɩɛlɛ.

NAMAGABA 23:31

Sɩ́ sɩnɩŋ sɩ fɩɛsɛ ŋɩɩ lɛ beŋ. Ʋ hɛ gbaŋa lɛ nɛ aŋ sisii fʋnfʋga, ʋ jaŋ tuu yikoro fɛlɛlɛ.

SOLOMOŊ YƖƖL-SƖMƖŊ 2:14

Mɩ kokomo sɩ hɛ bʋbʋa tʋɔŋ, a hɛ peelee lere-la kɩaa sɩɩ faa, leŋ dɩ mɩ na ŋ sɩaa, leŋ dɩ mɩ nɩɩ ŋ yikoro, bɛɛ wɩaa ŋ yikoro sɩma, ŋ sɩaa ma zɔŋ woruŋ.

SOLOMOŊ YƖƖL-SƖMƖŊ 5:16

Ʋ niiŋ mʋsʋŋ sɩma, ʋ wɩɩkala zɔmɔ nɛ. Jerusalɛm toloo, mɩ hɩɩla nɛ ŋɩɩ, mɩ tanlɔŋɔ ma nɛ ŋɩɩ.

SOLOMOŊ YƖƖL-SƖMƖŊ 5:2

Mɩ pɩŋ doŋ nɛ, ama mɩ tʋɔŋ-na bɩ pɩna. Mɩ dɩgɩlɩŋ nɩa arɩ mɩ hɩɩla ka du boro. Mɩ dɩhaala, mɩ hɩɩla, mɩ kokomo, mɩ nɩɩ-la sɩ bɩ nyɔɔ kala kɛnɛ: Suri boiŋ pɩmɛ. Mɩ nyuŋ kala nɛ fɩɛla arɩ nyalɩŋ, bʋrʋŋ ma tele daŋ mɩ nyuŋ lɛ.

Rom Tɩŋŋaa 13:11

Máa ŋaa wɩaa deemba. Ma paala jɩŋ bʋa deeŋ lɛ la sɩ hɛ sɩ nagɛ ŋɩɩ nɛ. Bʋa-la lɛ ma sɩ jaŋ sii doŋ lɛ yie nɛ. Bʋa-la lɛ Wɩa sɩ jaŋ laala ta dʋnɩa deeŋ lɛ faasa kpagɛ nɛ. Ʋ nɛ kpaga kɩɩ bʋa-la lɛ la sɩ laa sɩpaaŋ laa Yesu wɩaa dii.

Ɛfɛsɩs Nɩaa 4:29

Má sɩ́ leŋe dɩ wʋbɔŋ kala lɩɩ ma niiŋ lɛ. Má bʋl wʋzɔmɔ-la sɩɩ jʋʋ nɩaa dɩgɩlaa bʋa-la lɛ sɩ maga, a leŋ dɩ wɩalɩŋ ma sɩɩ bʋl pɛ nɩalɩŋ sɩɩ jegili ba lɛ.

Koloosi Nɩaa 4:6

Má leŋ dɩ ma wʋbʋlaa kala sɩŋ a kɛŋ bʋbʋɔŋ, dɩ ma wuo jɩŋ ŋɩɩ ma sɩ jaŋ to a chaarɛ nʋʋkala wɩaa sɩaa pʋ.

Hiburu TƖŊŊAA 13:15

Ŋɩɩ wɩaa, la nɩalɩŋ sɩ wuo suri la niiŋ a bʋl arɩ Wɩa nɛ ŋaa La Tɩɩna, má leŋ dɩ la to Yesu Kirisito lɛ a dɛnnʋ bʋa na-kala lɛ, a leŋ dɩ ʋ yɩrɩŋ yɩrɛ.

Jɔɔŋ Wʋnaalaa 14:13

Ka mɩ nɩɩ yikoro kʋbala dɩ ʋ lɩɩ Wɩa-jaŋ a bʋl, “Ŋmʋnsɛ wɩɩŋ deeŋ: Nɩalɩŋ sɩ laa La Tɩɩna Yesu wɩaa dii aŋ sʋʋ, Wɩa jaŋ pɛ ba lɛ a chɩŋ lɛɛlɛ kaa mʋ.” Ŋɩɩ nɛ Wɩa Dɩŋ-zɔmʋŋ ma bʋl, “Wɩa sɛnɛ jaŋ pɛ nɩaa deemba lɛ dɩ ba wuo na wiese woruŋ. Ba bɩra bɩ jaŋ tɩŋ, bɛɛ wɩaa tɩntɩmɩɩ-la ba sɩ tɩma ka to ba harɩŋ nɛ.”