SOLOMOŊ YƖƖL-SƖMƖŊ 7:8 - WƖA TENIŊ

⁸ Mɩ sɩ, “Mɩ jaŋ jɩl abɛ tɩa-la, a kɛŋ ʋ nɛnɛɛ lɛ.” Ŋ yɩlaa nagɛ girep nɛnɛɛ jaga nɛ mɩ teeŋ, ŋ wiese ma sʋɔra sɩŋ a nagɛ tɩa-la ba sɩɩ yɩrɛ apʋl-fɩlaa,

SOLOMOŊ YƖƖL-SƖMƖŊ 7:8 ပူးပေါင်းရင်းမြစ်များ

SOLOMOŊ YƖƖL-SƖMƖŊ 1:3

Ŋ tʋlaalɩ sʋɔra sɩma nɛ woruŋ. Ŋ yɩrɩŋ sɩma a nagɛ ba sɩ bɩsɛ tʋlaalɩ ta ʋ sʋsʋɔrɛ nɛ, daŋkʋnɛ, hatoloo kala choŋ ŋɩɩ.

SOLOMOŊ YƖƖL-SƖMƖŊ 2:3

A nagɛ tɩa nɛnɩŋ sɩ sɩma duuŋ tɩɩsɩŋ kala tʋɔŋ, ŋɩɩ nɛ mɩ hɩɩla nagɛ a hɛ bapʋɔsaa tʋɔŋ. Mɩ cho dɩ mɩ hɔŋ ʋ fɩɛlɩŋ lɛ nɛ. Ʋ nɛnɛɛ sɩma a pɩmɛ.

SOLOMOŊ YƖƖL-SƖMƖŊ 2:5

Pɩmɛ tɩɩnɛnɛɛ dɩ mɩ dii a kɛŋ doluŋ, a pɩmɛ tɩɩnɛnɛ-la sɩ sɩma dɩ mɩ dii dɩ mɩ sɩaa fɩɛlɛ, bɛɛ wɩaa ŋɩɩ mɩ sɩɩ chɛ dɩ ŋ chomi leŋe mɩ bugumi nɛ.

SOLOMOŊ YƖƖL-SƖMƖŊ 4:16

Wɩɩpɔsʋŋ nagʋa peliŋ, sii, wɩɩpɔsʋŋ nadiiŋ peliŋ, kɔ. Ma du hɛ mɩ lɩga lɛ, dɩ ʋ sʋɔra laa leriŋ kala. Leŋ dɩ mɩ hɩɩla kʋ jʋʋ ʋ lɩga a dii ʋ tɩɩ-nɛŋ zɔŋŋɔɔ sɩ sɩma.

SOLOMOŊ YƖƖL-SƖMƖŊ 7:7

Ŋ chɩnɩŋ nagɛ abɛ tɩa nɛ, ŋ yɩlaa nagɛ tɩɩnɛnɛɛ jaga.

JƐRƖMAAYA 32:41

Mɩ jaŋ jʋjʋɔsɛ dɩ mɩ nɛ ŋaa wʋzɔŋŋɔɔ pɩba, aŋ sɛnɛ kɛŋ mɩ tʋɔŋ arɩ mɩ wɩɩkala a leŋ dɩ ba hɔŋ tinteeŋ deeŋ lɛ.”

JOWƐL 1:12

Girep tɩɩsɩŋ kala hɩla nɛ, tutogusuŋ ma kala yuori, a pɛ kampoiŋ, abɛ tɩɩsɩŋ arɩ apʋl tɩɩsɩŋ lɛ. Baga tɩɩsɩŋ kala hɩla nɛ. Wʋtɩtɩɩ, nuhuobiinee tʋɔtɔrʋŋ kala lɛlɛ nɛ.

2 Kɔrɩntɩ Nɩaa 2:14

Ama, mɩ haa lɔllɛ Wɩa nɛ. Bʋa na-kala, ʋ yie to Kirisito lɛ nɛ a pɛ la lɛ la wuo yuo dii Sɩtaanɩ. Ʋ yie pɛ la lɛ la wuo bʋl Kirisito wɩaa lee-na kala. Kirisito wʋzɔmɔ-la nagɛ tʋlaalɩɩ sɩɩ sʋɔrʋ nɛ, a sʋɔra laa leriŋ kala.