SOLOMOŊ YƖƖL-SƖMƖŊ 7:4 - WƖA TENIŊ

⁴ Ŋ baŋŋaa nagɛ ba sɩ kɛŋ batu-nyɩlɩŋ saa dɩɩ-leŋiŋ nɛ. Ŋ sɩaa nagɛ fuonu-la sɩ hɛ Hɛsɩbɔŋ tabalɩŋ lɛ nɛ, a kpagɛ boi-baal-la ba sɩɩ yɩrɛ Baf Rabim. Ŋ mɩɩsɩŋ nagɛ Lɛbanɔŋ dɩɩ-leŋii-la sɩ chaasɛ Damasɩkʋs nɛ.

SOLOMOŊ YƖƖL-SƖMƖŊ 7:4 ပူးပေါင်းရင်းမြစ်များ

WƖAA DƖ-SUOMUŊ 15:2

Ŋɩɩ nɛ Abɩram pɩɛsɛ, “Mɩ Tɩɩna Wɩɩjarɩbakɔ, bɛɛ nɛ ŋ jaŋ joŋo pɩmɛ, bɛɛ wɩaa mɩ bɩ bii kala kɛnɛ sɩ jaŋ dii mɩ dɩa? Nɩɩ-la sɩɩ beŋ mɩ dɩa nɛ Elieza a lɩɩ taŋ-la ba sɩɩ yɩrɛ Damasɩkʋs.”

2 SAMƲƐL 8:6

Devit fa leŋe ʋ laalɩyuoroo dɔnsʋŋ gɔllɔ ŋmoo bugoo Damasɩkʋs tinteeŋ lɛ nɛ, a hɔŋ Siiria tɩmma-la sɩ hɛ lee-la. Ŋɩɩ nɛ Siiria tɩmma-la sɛɩ Devit bibemba, ba tiŋ lampoo pʋpʋ. Lee na-kala Devit sɩ mʋa, La TƖƖNA yie pɛ ʋ lɛ nɛ ʋ yuo dii.

1 KUOROO 10:18

Ŋɩɩ nɛ kuoro leŋ ba kɛŋ batu-nyɩlɩŋ ŋaa kuoru kpasɩ-bal, aŋ kɛŋ sɛlɩmɛ sɩ chaasa zɔŋ taara tɔ.

1 KUOROO 10:22

Kuoro fa kɛŋ lɩɩŋ daborusuŋ ma nɛ. Ba dɩ Hiram lɩɩŋ daborusuŋ yie duori lɩɩŋ a mʋmʋ bayalɩŋ. Jɩsɩŋ batori na-kala ba yie mɩɩra kɔ bala nɛ, a chʋŋ sɛlɩmɛ, hɔpʋla, batu-nyɩlaa, ŋmaŋŋaa arɩ fɔsʋŋ.

1 KUOROO 22:39

Wɩalɩŋ dɔnsʋŋ Ahab sɩ dii kuoruŋ a ŋaa, a pɛ ʋ sɩ kɛŋ batu-nyɩlaa kpɩɛrɛ ʋ kuoru dɩa arɩ tasɩ-la kala ʋ sɩ saa kɛrɩsɩŋ golli nɛ, ba ŋmʋnsa hɛ Iziral kuoroo wʋŋaalaa teniŋ tʋɔŋ.

1 KUOROO 7:2

Ʋ saa kuoru dɩa-la dɩɩsɩŋ dɔŋɔ ʋ yʋgɛ nɛ woruŋ ba kaa yɩyɩrɛ Lɛbanɔŋ duuŋ. Ʋ duomuŋ ŋaa naakieliŋ mahɩŋ balɩa arɩ fii, jalɩŋ ma ŋaa naakieliŋ mara arɩ banɔŋ, ka leŋiŋ ma ŋaa naakieliŋ fii arɩ banɔŋ. Ba fa pɛ kuolo daasɩŋ naaderee banɛsɛ nɛ. Naaderi kala kɛŋ daasɩŋ fii arɩ banɔŋ. Ba joŋ kuolo doloo a gɛrɛ kɩalɩŋ sɩ pɛ lɛ. Kuolu daasɩ-la tɩtɩa nɛ ba kaa pilimi dɩa-la nyuŋ.

1 KUOROO 9:19

a pɛ tasɩ-la kala lɛ ʋ sɩ saa ʋ chʋgʋsʋŋ dɩ-bilee arɩ tabala-la lɛ ʋ janɩŋ arɩ laalɩŋ janɩŋ torukoba sɩɩ chɩŋ. Ʋ saa dɩa na-kala ʋ sɩ cho nɛ Jerusalɛm lɛ arɩ Lɛbanɔŋ tinteeŋ lɛ arɩ lere-la kala ʋ sɩɩ beŋ lɛ.

2 IZIRAL TƖŊŊAA NAABARƖŊ 8:6

Ʋ bɩra saa taŋ-la ba sɩɩ yɩrɛ Baalaf, a pɛ tasɩ-la kala lɛ ʋ sɩ saa ʋ chʋgʋsʋŋ dɩ-bilee arɩ tabala-la lɛ ʋ janɩŋ arɩ laalɩŋ janɩŋ torukoba sɩɩ chɩŋ. Ʋ saa dɩa na-kala ʋ sɩ cho nɛ Jerusalɛm lɛ arɩ Lɛbanɔŋ tinteeŋ lɛ arɩ lere-la kala ʋ sɩɩ beŋ lɛ.

WƖA YƖƖLAA 144:12

Leŋ dɩ la hambolibiisiŋ waa woruŋ, a nagɛ tɩɩsɩŋ sɩ waa, dɩ la toloo ma nagɛ kuoru dɩa jebiee ba sɩ kpɩɛra.

WƖA YƖƖLAA 45:8

Ŋ kuoru gɛnnɩŋ kala nɩɩ sʋɔrɛ bʋsa bʋsa arɩ tʋlaalɩɩ, ka ba du cheŋ a yɩɩ yɩɩlaa a ŋaa ŋ tʋɔŋ tɔrɛ ŋ kuoru dɩa-la lɛ ba sɩ kpɩɛra arɩ batu-nyɩlaa.

SOLOMOŊ YƖƖL-SƖMƖŊ 1:10

Ŋ chaŋkpaŋŋaa arɩ dɩgɩlɩŋ-kpɛnsɩŋ zɔmɔ, ŋ baŋŋaa arɩ banzɔlɔba ma zɔŋ.

SOLOMOŊ YƖƖL-SƖMƖŊ 4:1

Mɩ hɩɩla, ŋ chaasa zɔŋ nɛ woruŋ. Wʋtɩtɩɩ, ŋ chaasa zɔŋ nɛ. Ŋ sɩaa zɔmɔ a nagɛ kokomo nɛ nyu-kpal duduoŋ ŋ sɩ tɔ tʋɔŋ. Ŋ nyu-pʋnaa nagɛ bʋ-laalɩŋ sɩ lɩɩ Gɩlɩad peeliŋ nyuŋ a kʋʋ tuu nɛ, mɛlɛlɛ.

SOLOMOŊ YƖƖL-SƖMƖŊ 4:4

Ŋ baŋŋaa duomo aŋ zɔŋ a nagɛ dɩɩ-leŋii-la Devit sɩ saa nɛ, ŋ joŋ baŋŋaa kɩaa jɩma kpɩɛrʋ woruŋ. Ʋ nagɛ ba sɩ joŋ hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ sagɛ.

SOLOMOŊ YƖƖL-SƖMƖŊ 4:5

Ŋ yɩlaa nagɛ tɛhɩɩ biiriŋ balɩa nɛ a nagɛ tɛhɩɩ-bii-daalɩarɩŋ a didii lee-la fuo-chalba sɩ hɛ.

SOLOMOŊ YƖƖL-SƖMƖŊ 6:5

Kɛŋ ŋ sɩaa viire chaasɛ lee dɔŋ a sɩ́ mɩ beŋ, ba leŋe mɩɩ hɩɛnɩŋ nɛ. Ŋ nyu-pʋnaa nagɛ bʋ-laalɩŋ sɩ lɩɩ Gɩlɩad peeliŋ nyuŋ a kʋʋ tuu nɛ, mɛlɛlɛ.

AZAAYA 54:4

Sɩ́ leŋe dɩ fawʋllʋŋ kɛnɩŋ, ŋ bɩ jaŋ dii hɩɩsɩŋ. Sɩ́ hɩɩsɩŋ fá, nʋʋkala bɩra bɩ jaŋ jolumuŋ. Hɩɩsɩ-la sɩ diiŋ ŋ hambiiriŋ lɛ, ŋ jaŋ yʋ ʋ wɩaa. Ŋ bɩra bɩ jaŋ liisi wɩalɩŋ ba sɩ joŋo to ŋ lɛ, ŋ fa sɩ ŋaa yo-haal.

Hiburu TƖŊŊAA 5:14

Nɩhɩasɩŋ nɛ wuo kʋduoruŋ didii. Nɩalɩŋ sɩ waa dɛrɛ Wɩa wɩaa lɛ nagɛ nɩhɩasɩŋ nɛ. Ŋɩɩ nɛ tɩɩ ba yie wuo jɩŋ wʋbɔŋŋɔɔ arɩ wʋzɔŋŋɔɔ pɛgɛ, bɛɛ wɩaa ba vɛnɛɛ ŋaa wʋzɔŋŋɔɔ nɛ.