SOLOMOŊ YƖƖL-SƖMƖŊ 4:9 - WƖA TENIŊ

⁹ Mɩ dɩhaala, mɩ ha-falɩŋ, bene-la ŋ sɩ bemmi arɩ ŋ baŋŋaa kpɩɛra-la lɩɩsɛ mɩ tʋɔŋ nɛ.

SOLOMOŊ YƖƖL-SƖMƖŊ 4:9 ပူးပေါင်းရင်းမြစ်များ

WƖAA DƖ-SUOMUŊ 20:12

Dɩ ŋ nɛ bene, ʋ sɛnɛ ŋaa mɩ dɩhaala nɛ, bɛɛ wɩaa ʋ ŋaa mɩ nyɩmma tolo nɛ ama la bɩ naaŋ pɛ. Ŋɩɩ nɛ tɩɩ ʋ ŋaa mɩ haala.

WƖAA DƖ-SUOMUŊ 41:42

Ŋɩɩ nɛ Ijipiti tinteeŋ kuoro lɩɩsɛ ʋ kuori-nenii-pɩrɩŋ a hɛ Josɛf neniiŋ lɛ a leŋ ba laalʋ gɛrɩ-balaa a joŋ sɛlɩmɛ banzɔlɔ a hɛ ʋ baŋŋaa.

WƖA YƖƖLAA 45:9

Kuoroo toloo guoli ŋ haala-la nɩaa sɩɩ zil tʋɔŋ nɛ, ka ŋ haala chɩŋ ŋ nadiiŋ a laalɛ ha-fal gɛrɩŋ ba sɩ kɛŋ sɛlɩmɛ kpɩɛrɛ.

NAMAGABA 1:9

Wɩalɩŋ ba sɩ jaŋ dagɩŋ jaŋ leŋ dɩ ŋ mɛlɛ zɔŋ a nagɛ ŋ sɩ jaŋ joŋ nyu-bɛlɛ a bɛ ŋ tɩtɩa koo ŋ sɩ jaŋ joŋ banzɔlɔ hɛ dɩ ʋ leŋ dɩ ŋ zɔŋ ŋɩɩ.

NAMAGABA 6:25

Sɩ́ ʋ zɔmʋŋ beŋ a hɩɛnʋ, sɩ́ leŋe dɩ ʋ kɛŋ ʋ sɩaa nyɩsa kɛnɩŋ.

SOLOMOŊ YƖƖL-SƖMƖŊ 1:10

Ŋ chaŋkpaŋŋaa arɩ dɩgɩlɩŋ-kpɛnsɩŋ zɔmɔ, ŋ baŋŋaa arɩ banzɔlɔba ma zɔŋ.

SOLOMOŊ YƖƖL-SƖMƖŊ 1:15

Mɩ hɩɩla, ŋ chaasa zɔŋ nɛ woruŋ. Wʋtɩtɩɩ, ŋ chaasa zɔŋ nɛ woruŋ. Ŋ sɩaa nagɛ kokomo nɛ.

SOLOMOŊ YƖƖL-SƖMƖŊ 3:11

Zaayɔŋ toloo, má kʋ lɩɩ a bagɩsɛ kuoro Solomoŋ sɩ chu kuoru nyunchuulo, kuoru nyunchuul-la ʋ naaŋ sɩ joŋo chuu tapʋlɩɩ-la ʋ sɩ jaa haala, tapʋlɩɩ-la ʋ tʋɔŋ sɩ tɔrɔ.

SOLOMOŊ YƖƖL-SƖMƖŊ 4:10

Mɩ dɩhaala, mɩ ha-falɩŋ, ŋ sɩ chomi ŋɩɩ chaasa kɛŋ tʋɔtɔrʋŋ nɛ. Ŋ sɩ chomi ŋɩɩ paala kɛŋ tʋɔtɔrʋŋ a kɩɩ girep nɛnɛɛ sɩnɩŋ. Ŋ tʋlaalɩ sʋɔra paala sɩma kɩɩ tegisi na-kala.

SOLOMOŊ YƖƖL-SƖMƖŊ 4:12

Mɩ hɩɩla, mɩ ha-falɩŋ, ŋ nagɛ lɩga ba sɩ lɩga nɛ mɩ teeŋ. Ŋ nagɛ lɩɩ-bulo ba sɩ gɩba nɛ.

SOLOMOŊ YƖƖL-SƖMƖŊ 6:12

Mɩɩ jɩŋ dɩ mɩ wʋchɛɛlɛɛ lɛrɛmɛ mʋ hɛ mɩ nɩaa kuoro laalɩŋ janɩŋ torukoba tʋɔŋ.

SOLOMOŊ YƖƖL-SƖMƖŊ 6:5

Kɛŋ ŋ sɩaa viire chaasɛ lee dɔŋ a sɩ́ mɩ beŋ, ba leŋe mɩɩ hɩɛnɩŋ nɛ. Ŋ nyu-pʋnaa nagɛ bʋ-laalɩŋ sɩ lɩɩ Gɩlɩad peeliŋ nyuŋ a kʋʋ tuu nɛ, mɛlɛlɛ.

SOLOMOŊ YƖƖL-SƖMƖŊ 7:10

Mɩ ŋaa mɩ hɩɩla kʋŋ nɛ, ʋ hɩhɩɛnɛ mɩ.

AZAAYA 54:5

Nɩɩ-la sɩ ŋaaŋ nɛ jaŋ nagɛ ŋ bala lɛɛlɛ. Ʋ yɩrɩŋ nɛ ŋ TƖƖNA doluŋ kala Tɩɩna Iziral tɩŋŋaa Wɩa sɩ bɩ disiniŋ kɛnɛ. Ʋ nɛ ŋaa ŋ Laataara. Ʋ nɛ dʋnɩa kala Wɩa.

AZAAYA 62:5

A nagɛ bapʋɔsʋŋ sɩ yie jaa hatolo ŋɩɩ, ŋɩɩ tɩtɩa nɛ ŋ biiriŋ jaŋ kʋ laa ŋ tinteeŋ a tɩɩ. Wɩa tʋɔŋ jaŋ tɔrɛ ŋ nyuŋ a nagɛ baala tʋɔŋ sɩ yie tɔrɛ ʋ ha-falɩŋ nyuŋ ŋɩɩ.

ƐZƖKƖƐL 16:11

Mɩ joŋ kpɩɛra-la a kpɛrɩŋ ŋɩɩ a joŋ nɩsɩŋ hɔɔnʋŋ hɛ ŋ nɩsaa a bɩra joŋ banzɔlɔ hɛ ŋ baŋŋaa,

ƐZƖKƖƐL 16:8

Harɩŋ mɩ bɩra kʋʋ bal, a naŋ dɩ ŋ waa a magɛ baalaa chɛnɩŋ. Mɩ joŋ mɩ gɛrɩŋ a tɔ ŋ yarɩ-bire-la, aŋ chaasa bʋla pɩŋ arɩ mɩ jaŋ jaaŋ, ŋɩɩ nɛ mɩ dɩŋ bil niiŋ pɩ dɔŋɔ ŋ ŋaa mɩ kʋŋ. Mɩ-na ma TƖƖNA Wɩɩjarɩbakɔ nɛ bʋla.

DANƖƐL 5:7

Kuoro ŋaa ba yɩrɛ Babɩlɔŋ nɩalɩŋ sɩ yie beŋ chɛnwʋlaa aŋ dɩdagɛ wɩaa, wʋjɩnnaa arɩ vʋgʋraa ba kɔ. Ʋ bʋla pɩba, “Nɩɩ-la kala sɩ wuo karɩmɛ kɩalɩŋ ba sɩ ŋmʋnsa a dagɛ ba bʋbʋɔŋ pɩmɛ, mɩ jaŋ joŋ gɛrɩ-vachalɩŋ a laalʋ, a joŋ sɛlɩmɛ banzɔlɔ a hɛ ʋ baŋŋaa, aŋ leŋ dɩ ʋ ŋaa nɩ-tori-la sɩ jaŋ kɛŋ doluŋ a bibeŋ mɩ tinteeŋ.”

ZEFANAAYA 3:17

Ma TƖƖNA Wɩa hɛ ma teeŋ nɛ, ʋ kɛŋ doluŋ nɛ dɩ ʋ laama ta. Ʋ tʋɔŋ jaŋ faasa tɔrɛ ma nyuŋ, ʋ chonuŋ jaŋ leŋ dɩ ma hɔŋ sɔm, dɩ ʋ yɩɩ tʋɔtɔrɛ yɩɩlaa a jʋɔsɛ ma wɩaa.”

Matiu 12:50

Nɩɩ-la kala sɩ ŋaa wɩɩ-la mɩ Nyɩmma Wɩa sɩ hɛ Wɩa-jaŋ lɛ sɩ cho, ʋ nɛ ŋaa mɩ ŋaana arɩ mɩ dɩhaala arɩ mɩ naaŋ.”

Jɔɔŋ 3:29

Ha-falɩŋ tɩɩna nɛ tɩɩ haala, ama dɩ ha-falɩŋ tɩɩna nandɔŋɔ nɛ chɩŋ nɩmɛ a jijegili wɩalɩŋ ba sɩɩ bʋl, ʋ tʋɔŋ yie tɔrɛ nɛ dɩ ʋ nɛ nɩɩ ha-falɩŋ tɩɩna-la yikoro. Ŋɩɩ tɩtɩa nɛ mɩ tʋɔŋ ma tɔrɛ woruŋ Yesu nyuŋ.

1 Kɔrɩntɩ Nɩaa 9:5

Ʋ bɩ wombiiŋ kɛnɛ dɩ la ma jaa haalaa sɩ laa Yesu wɩaa dii, dɩ ba to la harɩŋ a mʋmʋ lere-la la sɩɩ bʋl Wɩa wɩaa, koo? Wɩa nanzɔɔba dɔnsʋŋ arɩ La Tɩɩna Yesu ŋaanaa arɩ Pɩɩta ba sɩɩ yɩrɛ Kɩɩfas yie ŋaa ŋɩɩ nɛ.

2 Kɔrɩntɩ Nɩaa 11:2

Wɩa tʋɔŋ sɩɩ wɩɩ ma lɛ ŋɩɩ, ŋɩɩ tɩtɩa nɛ mɩ ma tʋɔŋ wʋwɩɩ ma lɛ. Ma nagɛ hatolo mɩ sɩɩ chɛ dɩ mɩ joŋo pɩ bala nɛ, ma bala nɛ ŋaa Kirisito. Mɩ saa chɛ dɩ ma nagɛ hatolo-la sɩ bɩ baal jɩŋ, a bɩ disiniŋ kɛnɛ nɛ dɩ mɩ jomma a pʋʋ.

Jɔɔŋ Wʋnaalaa 21:2

Ŋɩɩ nɛ mɩ na Wɩa taŋ-la sɩ bɩ disiniŋ kɛnɛ, Jerusalɛm falɩɩ-la, dɩ ʋ lɩɩ Wɩa-jaŋ a kʋ tuu. Wɩa kpɩɛrʋ ʋ zɔŋ a nagɛ ba sɩ yie kpɩɛrɛ haala ŋɩɩ nɛ a kaa mʋ pɩ ʋ bala.