SOLOMOŊ YƖƖL-SƖMƖŊ 2:3 - WƖA TENIŊ

³ A nagɛ tɩa nɛnɩŋ sɩ sɩma duuŋ tɩɩsɩŋ kala tʋɔŋ, ŋɩɩ nɛ mɩ hɩɩla nagɛ a hɛ bapʋɔsaa tʋɔŋ. Mɩ cho dɩ mɩ hɔŋ ʋ fɩɛlɩŋ lɛ nɛ. Ʋ nɛnɛɛ sɩma a pɩmɛ.

SOLOMOŊ YƖƖL-SƖMƖŊ 2:3 ပူးပေါင်းရင်းမြစ်များ

WƖA YƖƖLAA 45:2

Ŋ nɛ ŋaa baalaa tʋɔŋ nɩzɔmʋŋ. Wɩa lahɔrɩmɔ hɛ ŋ lɛ nɛ ŋ jɩŋ wɩaa bʋlʋŋ woruŋ, bɛɛ wɩaa ʋ pɛ ŋ lɛ nɛ a kaa mʋ wuu.

WƖA YƖƖLAA 45:3

Laalɩyuori babiibal, joŋ ŋ tokobiiŋ gɩrɩgɛ, ŋ ŋaa nɩbal nɛ a kɛŋ yɩrɩŋ.

WƖA YƖƖLAA 57:1

Fá mɩ nenige, Wɩa, fá mɩ nenige mɩ kʋ yuoruŋ nɛ. Mɩ jʋʋ ŋ kɩŋkɛŋɛ nɛ dɩ ŋ tɔ hɛ mɩ lɛ, dɩ wʋlɔrʋŋ deeŋ bal.

WƖA YƖƖLAA 89:6

Kʋŋkala tuo wɩa-nyuŋ sɩ jaŋ wuo kɛŋ ʋ tɩtɩa magɩsɛ La Tɩɩna. Ŋ tɩndaara-la kʋŋkala tuo a magɛ ŋ-na La Tɩɩna.

WƖA YƖƖLAA 91:1

Dɩ Wɩa sɩ kɩɩ kʋŋkala nɛ chu tɔ nʋʋ, tɩɩna jaŋ na wiese Wɩa doluŋ kala Tɩɩna teeŋ.

SOLOMOŊ YƖƖL-SƖMƖŊ 1:16

Mɩ hɩɩla, ŋ ma chaasa zɔŋ nɛ woruŋ. Wʋtɩtɩɩ, ŋ chaasa kɛŋ buno nɛ. Ya-laaŋ nɛ jaŋ ŋaa la bɔsɔ,

SOLOMOŊ YƖƖL-SƖMƖŊ 2:5

Pɩmɛ tɩɩnɛnɛɛ dɩ mɩ dii a kɛŋ doluŋ, a pɩmɛ tɩɩnɛnɛ-la sɩ sɩma dɩ mɩ dii dɩ mɩ sɩaa fɩɛlɛ, bɛɛ wɩaa ŋɩɩ mɩ sɩɩ chɛ dɩ ŋ chomi leŋe mɩ bugumi nɛ.

SOLOMOŊ YƖƖL-SƖMƖŊ 4:13

Ŋ nagɛ tɩɩnɛnɛɛ lɩga nɛ, a nagɛ kampoyee tɩɩsɩŋ baga, a kɛŋ nɛŋ-zɔŋŋɔɔ sɩ sɩma, a pɛ kɛŋ leele arɩ biriŋ tɩɩsɩŋ.

SOLOMOŊ YƖƖL-SƖMƖŊ 4:16

Wɩɩpɔsʋŋ nagʋa peliŋ, sii, wɩɩpɔsʋŋ nadiiŋ peliŋ, kɔ. Ma du hɛ mɩ lɩga lɛ, dɩ ʋ sʋɔra laa leriŋ kala. Leŋ dɩ mɩ hɩɩla kʋ jʋʋ ʋ lɩga a dii ʋ tɩɩ-nɛŋ zɔŋŋɔɔ sɩ sɩma.

SOLOMOŊ YƖƖL-SƖMƖŊ 5:16

Ʋ niiŋ mʋsʋŋ sɩma, ʋ wɩɩkala zɔmɔ nɛ. Jerusalɛm toloo, mɩ hɩɩla nɛ ŋɩɩ, mɩ tanlɔŋɔ ma nɛ ŋɩɩ.

SOLOMOŊ YƖƖL-SƖMƖŊ 7:13

Halʋllɩ tɩɩsɩŋ sʋɔra sɩ sɩma, sʋɔra laa leriŋ nɛ, tɩɩ-nɛŋ zɔmɔ-la kala hɛ la boiŋ niiŋ nɛ, kʋbɩnaa arɩ kʋfalaa kala, mɩ chɛ bil ŋ lɛ nɛ, mɩ hɩɩla.

SOLOMOŊ YƖƖL-SƖMƖŊ 8:11

Solomoŋ fa kɛŋ girep tɩɩsɩŋ baga nɛ lee-la ba sɩɩ yɩrɛ Baal Hamɔŋ lɛ, a joŋo chɩŋ paaraa. Paara-la kʋŋkala fa maga ʋ kɛŋ warɩpʋla bʋɩ nɛ a kʋ tiŋ tɩɩnɛnɛ-la chɩmɩŋ.

SOLOMOŊ YƖƖL-SƖMƖŊ 8:12

Ama mɩ nɛ tɩɩ mɩ tɩtɩa girep tɩɩsɩŋ baga, Solomoŋ, mɩ joŋ warɩpʋla bʋɩ nɛ aa pɩŋ, aŋ joŋ warɩpʋla zɔɔ-balɩa aa pɩ nɩalɩŋ ma sɩɩ tɔrɛ tɩɩnɛnɛ-la.

SOLOMOŊ YƖƖL-SƖMƖŊ 8:5

Kʋbɛɛ nɛ lɩɩ tintee-hɩlɩŋ kʋkɔ ŋ-la a yelli ʋ hɩɩla? Mɩ chɩsɩŋ tɩa-la ba sɩɩ yɩrɛ apʋl bʋbʋɔŋ nɛ. Nɩmɛ nɛ ŋ naaŋ kɛŋ ŋ luoruŋ. Nɩmɛ nɛ ʋ luoruŋ wɩɩ ʋ lʋlʋŋ.

AZAAYA 25:4

Summoo arɩ nɩalɩŋ kala sɩ bɩ lee kɛnɛ yie fá kʋ yuori ŋ nɛ, ŋ nɛ ba yie kʋ yuori, ba wʋwalɩmaa dɛrɛ. Dɩ pel-duo nɩɩ kɔ, ŋ nɛ yie chu tɔba, dɩ wɩa nɩɩ kpʋba, ŋ nɛ yie tɔ fɩɛlɩŋ hɛ ba lɛ. Nɩbɔmɔ-la wʋŋaalaa nagɛ pel-duoŋ sɩ luo aa yagɛ jeeŋ nɛ,

AZAAYA 32:2

Ba kʋŋkala jaŋ nagɛ kʋŋ sɩɩ kɛrɛ peliŋ a bɩra ŋaa lee, dɩ peliŋ nɩɩ lu ŋ sɩ jaŋ wuo fá mʋ a faa. Ba jaŋ nagɛ fuoŋ sɩ pɩŋ tintee-hɩlɩŋ lɛ, a bɩra nagɛ bʋŋ sɩ keese tɔ nɩaa lɛ tintee-la lɛ lɩɩnyʋasʋŋ sɩ faasa hɛ.

AZAAYA 4:2

Wɩaa deemba kala harɩŋ, La TƖƖNA jaŋ leŋ dɩ Iziral tinteeŋ zɔŋ a pɩ nɩalɩŋ sɩ bɩ sʋba. Ba tʋɔŋ jaŋ tɔrɛ dɩ ba bibigisi a tɩŋ kɩalɩŋ ba sɩ pɛrɛ sɩ jaŋ wasɛ tintee-la lɛ.

AZAAYA 4:6

Ʋ tʋla-la jaŋ nagɛ fɩɛlɩŋ sɩ tɔ hɛ ba lɛ wɩɩhɛyɛ, aa kɛrɛ wʋbɔŋ kala, aŋ pɛ kɛrɛ duoŋ-peliŋ ma sɩ jaŋ lu nɩmɛ.

ƐZƖKƖƐL 47:12

Tɩɩ-doho kala sɩɩ nɛŋ jaŋ nyʋ a kɩɛlɛ fuo-la sɛsɩŋ kala a nɛŋ. Tɩɩsɩ-la pɩpaarɩŋ bɩ jaŋ hɩl koo ba vɩa nɛnɩŋ. Ba jaŋ nɩnɛŋ chɛnɛ kala, bɛɛ wɩaa fuo-la lɩɩŋ sɩ pɛllɛɛ lɩɩ Wɩa dɩɩ-bal-la lɛ ka jʋʋba nɛ. Tɩɩsɩ-la nɛnɛɛ jaŋ ŋaa kʋdiilee, dɩ ba kɛŋ ba pɩpaarɩŋ ma vɩvaarɛ nɩaa.”

JOWƐL 1:12

Girep tɩɩsɩŋ kala hɩla nɛ, tutogusuŋ ma kala yuori, a pɛ kampoiŋ, abɛ tɩɩsɩŋ arɩ apʋl tɩɩsɩŋ lɛ. Baga tɩɩsɩŋ kala hɩla nɛ. Wʋtɩtɩɩ, nuhuobiinee tʋɔtɔrʋŋ kala lɛlɛ nɛ.

Hiburu TƖŊŊAA 12:2

Má leŋ la joŋ la sɩaa pɛ Yesu lɛ, bɛɛ wɩaa wɩalɩŋ la sɩ laa dii kala tɩgɛ ʋ lɛ nɛ a lɩɩ dɩ-suomuŋ a kaa mʋ dɩdɛrɩŋ. Ʋ fa jɩma arɩ ʋ jaŋ na hɛɛŋ, ama ʋ bɩ wɩɩ-la ʋ sɩ laa dii leŋe ta, bɛɛ wɩaa ʋ jɩma arɩ ʋ sɩ ŋaa ŋɩɩ, Wɩa jaŋ leŋ dɩ ʋ tʋɔŋ tɔrɛ. Ŋɩɩ nɛ tɩɩ ʋ sɛɩ ba kpaasʋ mɛrɛ daagɛsɛ nyuŋ. Ʋ sɩ dii hɩɩsɩŋ ŋɩɩ, ʋ sɩpaa tuo. Ʋ sɩ na hɛɛ-la a dɛrɛ, ʋ jɩl Wɩa-jaŋ a lɛɛlɛ hɔŋ Wɩa kuoru kpasa nadiiŋ, nɩduoŋ dɩhɔnʋŋ.

SƖPAALAARAA 9:15

Chɛɛ-la bʋla pɩ tɩɩsɩ-la, ‘Dɩ ma nɛ sɛnɛɛ chɛ dɩ ma leŋ dɩ mɩ ŋaa ma kuoro, má kʋ jʋʋ mɩ fɩɛlɩŋ dɩ mɩ tɔ hɛ ma lɛ, dɩ ŋɩɩ dee, nyiniŋ jaŋ lɩɩ mɩ lɛ a joŋ kuolu tɩɩsɩ-la kala sɩ hɛ Lɛbanɔŋ lɛ a dii.’