SOLOMOŊ YƖƖL-SƖMƖŊ 1:4 - WƖA TENIŊ

⁴ Pɛ kɛmmɛ mʋ, leŋ la ŋaa lɩma. Leŋ dɩ kuoro kɛmmɛ jʋʋ ʋ dɩpɩnɩŋ. Laa jʋɔsɛ ŋ lɛ nɛ, la tʋɔŋ ma tɔrɛ ŋ nyuŋ. La jaŋ bɛsɛ ŋ chonuŋ lɛ a kɩɩ girep nɛnɛɛ sɩnɩŋ. Ba kɩaa sɩma nɛ a magɛ dɩ ba bɛsɛ ŋ lɛ.

SOLOMOŊ YƖƖL-SƖMƖŊ 1:4 ပူးပေါင်းရင်းမြစ်များ

WƖA YƖƖLAA 111:4

Ʋ ŋaa wʋkpuŋkperisiŋ a magɛ dɩ la liliisiba nɛ. La Tɩɩna kɛŋ zile a fɩfá nɩaa nenige.

WƖA YƖƖLAA 119:32

Mɩ jaŋ chaasa to wɩalɩŋ ŋ sɩ daga, bɛɛ wɩaa ŋ jaŋ leŋ dɩ mɩ jɩŋ wɩaa bʋbʋɔŋ kɩŋkɛŋ.

WƖA YƖƖLAA 119:60

Mɩ guu sɛɩ nɛ aa to wɩalɩŋ ŋ sɩ daga, mɩ bɩ kaa dieni.

WƖA YƖƖLAA 149:2

Iziral tɩmma, má jʋjʋɔsɛ Nɩɩ-la sɩ ŋaa ma lɛ. Zaayɔŋ nɩaa, má leŋ dɩ ma tʋɔŋ tɔrɛ ma Kuoro nyuŋ.

WƖA YƖƖLAA 42:4

Mɩ tʋɔŋ yie faasa chei nɛ dɩ mɩ nɛ liise yi faafaa-la mɩ sɩ yie laa Wɩa nɩaa sɩpaaŋ a mʋmʋ Wɩa dɩɩ-balɩŋ la ŋaa goŋ a yɩɩ yɩɩlaa arɩ tʋɔtɔrʋŋ a lʋlɔllɛ Wɩa.

WƖA YƖƖLAA 48:9

Wɩa, ŋ dɩɩ-bal-la tʋɔŋ, ŋ chono-la sɩ bɩ dɛrɛ wɩaa nɛ la bɩbɩɩnɛ.

WƖA YƖƖLAA 63:5

Ŋ jaŋ leŋ dɩ mɩ dɩma vɔgɛ a nagɛ nɩa sɩ dii kʋdii-zɔŋŋɔɔ vɔgɛ, dɩ mɩ tʋɔŋ tɔrɛ dɩ mɩ yɩɩ yɩɩlaa a dɛnnɩŋ.

SOLOMOŊ YƖƖL-SƖMƖŊ 3:4

Mɩ sɩ leŋ nɩalɩŋ, ʋ bɩ diene ka mɩ na nɩɩ-la mɩ sɩ cho. Mɩ kɛnʋ a bɩ leŋe ʋ mʋ aŋ kɛnʋ kaa kɔ mɩ naaŋ dɩa, a kɛnʋ jʋʋ nɩɩ-la sɩ lʋlmɛ dɩa.

SOLOMOŊ YƖƖL-SƖMƖŊ 4:10

Mɩ dɩhaala, mɩ ha-falɩŋ, ŋ sɩ chomi ŋɩɩ chaasa kɛŋ tʋɔtɔrʋŋ nɛ. Ŋ sɩ chomi ŋɩɩ paala kɛŋ tʋɔtɔrʋŋ a kɩɩ girep nɛnɛɛ sɩnɩŋ. Ŋ tʋlaalɩ sʋɔra paala sɩma kɩɩ tegisi na-kala.

AZAAYA 25:8

La TƖƖNA Wɩɩjarɩbakɔ jaŋ giri sʋʋŋ ta a kaa mʋ wuu, aŋ fɩɩsɛ nʋʋkala sɩlɩɩrɩŋ ta. Hɩɩsɩ-la kala ʋ nɩaa fa sɩ die dʋnɩa lɛ, ʋ jaŋ lɩɩsʋ ta. La TƖƖNA nɛ bʋla.

AZAAYA 45:25

La TƖƖNA jaŋ leŋ dɩ Jekɔb doho nɩaa kala ŋaa tʋɔpʋl tɩmma dɩ ba yɩrɩŋ yɩrɛ.

AZAAYA 61:3

Tʋɔ-chei-la nɩalɩŋ sɩ hɛ Zaayɔŋ lɛ sɩ kɛnɛ, ʋ jaŋ leŋ dɩ ba mɩɩra kɛŋ tʋɔtɔrʋŋ, dɩ tʋɔ-chei-la lɛl. Ba tʋɔŋ fa sɩ chei ŋɩɩ, ba jaŋ mɩɩra yɩɩ tʋɔtɔrɛ yɩɩlaa. Ba kala jaŋ nagɛ tɩɩsɩŋ La TƖƖNA tɩtɩa sɩ chɔnsɔ. Ba jaŋ ŋaa wɩalɩŋ sɩ zɔmɔ a leŋ dɩ La TƖƖNA yɩrɩŋ yɩrɛ.

AZAAYA 63:7

Mɩ jaŋ leŋ dɩ nɩaa jɩŋ ŋɩɩ La TƖƖNA sɩ faasa cho nɩaa. Mɩ jaŋ dɛnnʋ a tɩŋ wɩalɩŋ kala ʋ sɩ ŋaa pɩ la Iziral tɩŋŋaa wɩaa. Ʋ chaasa ŋaa wʋzɔŋŋɔɔ yʋgɛ nɛ pɩla. La TƖƖNA fá la nenige nɛ a dagɛla ʋ chono-la sɩ bɩ dɛrɛ.

JƐRƖMAAYA 31:3

La TƖƖNA fa kɛŋ ʋ tɩtɩa dagɛla nɛ a bʋl, “Mɩ choma nɛ, chono-la bɩ dɩdɛrɩŋ kɛnɛ. Mɩ kɛmma kʋ kpagɛ mɩ tɩtɩa nɛ, a kɛŋ zile arɩ kenyiri ma teeŋ.

HOSIA 11:4

Mɩ nɛ kɛnʋ vɛŋ arɩ nuhuobiine chaachiliŋ a kɛnʋ arɩ chonuŋ. Mɩ nɛ lɩɩsʋ hɛɛŋ lɛ, aŋ tɩtɩa chɔgɩlɛ a dɩɛsʋ.

ZEFANAAYA 3:14

Zaayɔŋ nɩaa, má yɩɩ yɩɩlaa, Iziral tɩmma, má kpɩa wɩaa. Jerusalɛm nɩaa, má leŋ dɩ ma tʋɔŋ faasa tɔrɛ, dɩ ma jʋjʋɔsɛ.”

ZƐKARƖYA 9:9

Zaayɔŋ nɩaa, má faasa jʋɔsɛ. Jerusalɛm nɩaa, má ŋaa goŋ. Ma kuoro ka kɔ ma teeŋ nɛ. Ʋ kɛŋ tʋɔpʋla nɛ a laa nɩaa tɩta, ʋ kɛŋ ʋ tɩtɩa muuri nɛ a jɩl kakumo, a sagɛ kaku-pɔrʋŋ nyuŋ.

Matiu 25:10

Ŋɩɩ nɛ ba mʋ dɩ ba yɔɔ. Ba sɩ mʋa dɩ ba yɔɔ nʋʋ-la, ha-falɩŋ bala-la kɔ. Haala-la banɔŋ fa sɩ ŋaa siri, ba to ʋ harɩŋ a jʋʋ hajaarɩ gbiele-la leriŋ, ka ba kɛŋ boiŋ tɔ.

Luuk 2:10

Ŋɩɩ nɛ Wɩa tɩndaarʋ-la bʋla pɩba, “Má sɩ́ leŋe dɩ fawʋllʋŋ kɛmma. Mɩ kɛŋ wʋzɔŋŋɔɔ nɛ kɔ dɩ mɩ bʋla pɩma. Nɩɩ-la kala sɩ nɩɩ wʋzɔmɔ-la, ʋ tʋɔŋ jaŋ tɔrɛ.

Luuk 22:19

Ŋɩɩ nɛ Yesu bɩra joŋ boroboro a lɔllɛ Wɩa aŋ kaa chɔgɛ chɔgɛ, a joŋo pɩba aŋ bʋl, “Mɩ yaraa nɛ ŋɩɩ, mɩ joŋo pɩ Wɩa a tɩŋ ma wɩaa, má laa dii. Maa ŋaa ŋɩɩ a liliisi mɩ wɩaa.”

Jɔɔŋ 12:32

Ama dɩ ba nɛ kpaasɛmɛ daagɛsɛ nyuŋ, mɩ jaŋ ŋaa dɩ nɩaa kala kɔ mɩ teeŋ.”

Jɔɔŋ 6:44

Nʋʋkala bɩ jaŋ wuo kɔ mɩ teeŋ, see dɩ mɩ Nyɩmma-la sɩ tɩmmɛ nɛ kɛŋ ʋ tɩɩna kaa kɔ mɩ teeŋ, dɩ mɩ chɩsʋ sʋʋŋ lɛ dʋnɩa dɩdɛrɩŋ.

Ɛfɛsɩs Nɩaa 2:6

La dɩ Kirisito Yesu sɩ ŋaa kʋbala ŋɩɩ, Wɩa chɩsɛla sʋʋ-la lɛ la wʋbɔŋŋɔɔ fa sɩ ŋaa la sʋʋ lɛ nɛ, arɩ ʋ sɩ chɩsɛ Kirisito sʋʋŋ lɛ ŋɩɩ, a leŋ la dɩ Kirisito Yesu kala hɔŋ Wɩa kuorii-la tʋɔŋ Wɩa jaŋ lɛ.

Ɛfɛsɩs Nɩaa 6:24

Nɩalɩŋ sɩ cho La Tɩɩna Yesu Kirisito a kaa mʋ deeŋ deeŋ, Wɩa jaŋ fá nɩaa deemba kala nenige.

Fɩlɩpa Nɩaa 3:3

La nɛ paala chaasa ŋaa nɩalɩŋ sɩ sɛnɛ keri ba penee, bɛɛ wɩaa la-na to Wɩa Dɩŋ-zɔmʋŋ niiŋ lɛ nɛ aa chʋɔlɛ Wɩa. Ŋɩɩ wɩaa, laa jʋɔsɛ Kirisito Yesu teeŋ nɛ. La-na bɩ la yɩɛlaa joŋo hɛ yaraa wʋŋaalaa lɛ.

Fɩlɩpa Nɩaa 4:4

Má jʋjʋɔsɛ Wɩa sɩpaaŋ bʋa na-kala. Mɩ jaŋ bɩra bʋla pɩma dɩ ma jʋjʋɔsɛ.

Hiburu TƖŊŊAA 12:1

La sɩ na dɩ nɩ-daŋ deeŋ gollila a ŋaa pɛ-naaraa a mʋ tɩgɛ ba sɩ laa Wɩa wɩaa laa dii lɛ, má leŋ dɩ la joŋ wɩalɩŋ kala sɩ nyagɛla bil ta, arɩ wʋbɔmɔ-la kala sɩ mɛrɛ la lɛ. Má leŋ dɩ la nyalɩmɛ a mʋmʋ sɩpaaŋ, a ŋaa wɩɩ-la Wɩa sɩ joŋo bil la sɩpaaŋ.

1 Pɩɩta 1:8

Arɩ ma ha sɩ bɩ Yesu Kirisito na ma kala, ma ha chou nɛ. Ma ha sɩ bɩ ʋ na lɛɛlɛ ma, ma laa ʋ wɩaa dii nɛ. Ma tʋɔŋ tɔrɛ nɛ woruŋ, ma paala bɩ jaŋ wuo dagɛ ŋɩɩ ma tʋɔŋ sɩ tɔrɛ magɛ.