SƖPAALAARAA 9:56 - WƖA TENIŊ

⁵⁶ Wɩa sɩ to ŋɩɩ a tiŋ nɩbɔŋ wɩalɩŋ Abɩmɛlɛk sɩ ŋaa ʋ nyɩmma dɩa lɛ, a kpʋ ʋ naambiiriŋ mahɩŋ batori arɩ fii-la chɩmɩŋ nɛ ŋɩɩ.

SƖPAALAARAA 9:56 ပူးပေါင်းရင်းမြစ်များ

WƖAA DƖ-SUOMUŊ 9:5

Nʋʋkala bɩ maga dɩ ʋ kpʋ ʋ dɔŋɔ. Bagɩl ma bɩ maga dɩ ʋ kpʋ nuhuobiine. Dɩ nʋʋ koo bagɩl koo pʋna nɛ kpʋ nʋʋ, ʋ maga dɩ ba kpʋʋ ma. Nʋʋkala bɩ maga dɩ ʋ kpʋ ʋ naambii, dɩ nʋʋ nɛ ŋaa ŋɩɩ, ʋ jaŋ joŋ ʋ mɩɩsɩŋ tiŋ.

WƖAA DƖ-SUOMUŊ 9:6

Dɩ nʋʋkala nɛ kpʋ ʋ dɔŋɔ, ʋ maga ba kpʋʋ ma nɛ, bɛɛ wɩaa Wɩa ŋaa nuhuobiine ʋ nagɛ ʋ-na Wɩa nɛ.

JOB 31:3

Ʋ jaŋ chei nɩbɔŋŋɔɔ, aŋ joŋ wʋlɔrʋnʋŋ hɛ nɩalɩŋ sɩɩ ŋaa wʋbɔŋŋɔɔ lɛ.

WƖA YƖƖLAA 11:6

Ʋ jaŋ leŋ dɩ nyiŋ-hal muloo arɩ jiribiiŋ chol nyiniŋ a lɩɩ wɩa-nyuŋ a kʋ tuu nɩbɔŋŋɔɔ lɛ a nagɛ duonuŋ sɩɩ nɩɩ, aŋ ka dɩ pel-lɩmɩŋ kɛmba.

WƖA YƖƖLAA 9:12

Nɩalɩŋ sɩ ŋaa wɩaa chei, ŋ jaŋ dɔgɩsɛba. Ŋ bɩ jaŋ yʋ, koo a vɩa dɩ ŋ jegile nɩɩ nɩalɩŋ sɩɩ na hɛɛŋ yele.

WƖA YƖƖLAA 94:23

Ʋ jaŋ joŋ ba wʋbɔŋŋɔɔ a gʋra dɔgɩsɛba, a cheiba a tɩŋ ba wʋbɔmɔ-la wɩaa. La Tɩɩna Wɩa jaŋ cheiba.

NAMAGABA 5:22

Nɩbɔmʋŋ wʋŋaalaa gʋra kɛŋ ʋ tɩtɩa nɛ. Ʋ wʋbɔŋŋɔɔ vɔbʋ.

Matiu 7:2

Wɩa jaŋ dii ma sarɩya arɩ ŋɩɩ tɩtɩa ma sɩɩ ŋaa ma dɔnsʋŋ tɩŋŋaa lɛ. Ŋɩɩ ma sɩ joŋo to ma dɔnsʋŋ tɩŋŋaa lɛ, ŋɩɩ tɩtɩa nɛ Wɩa ma jaŋ joŋo to ma lɛ.

Tɩntɩŋŋaa 28:4

Nɩalɩŋ sɩ hɛ lee-la a na dɩ dɩŋ-la dɩma pɛ Pɔɔl nɩsɩŋ lɛ ŋɩɩ, ba bʋla pɩpɩ dɔŋɔ, “Ʋ naga baala deeŋ ŋaa nɩkpʋʋrʋ nɛ. Ʋ wuo lɩɩ lɩɩŋ tʋɔŋ a kɛŋ mɩɩsɩŋ, ama Wɩa bɩ sɛyɛ dɩ ʋ kɛŋ mɩɩsɩŋ.”

Galiisia Nɩaa 6:7

Má sɩ́ ma tɩtɩa nyɩsʋ. Nʋʋkala bɩ Wɩa wuo mɔŋ. Kʋ-la ŋ sɩ duo, ʋ tɩtɩa nɛ ŋ jaŋ kʋŋ.

SƖPAALAARAA 9:24

Wɩa ŋaa wɩɩŋ deeŋ a tɩŋ wʋbɔŋ-la ba sɩ joŋo ŋaa Gɩdɩɔŋ hambolibiisi-la mahɩŋ batori arɩ fii lɛ nɛ a kpʋba, dɩ ʋ to ŋɩɩ lɛ a joŋ ʋ baanɩŋ a fɩɩsɛ ba naambie Abɩmɛlɛk arɩ Sɛkɛm tɩmma-la sɩ pɛ ʋ lɛ ba kpʋ ʋ naambiiriŋ.

SƖPAALAARAA 9:55

Iziral tɩŋŋaa sɩ na dɩ Abɩmɛlɛk sʋba, ba mɩɩra mʋ dɩa.

SƖPAALAARAA 9:57

Wɩa ha bɩra joŋ nɩbɔŋ wɩalɩŋ Sɛkɛm tɩŋŋaa ma sɩ ŋaa chɩmɩŋ a tiŋ ba lɛ nɛ. Gɩdɩɔŋ nanʋala Jotam ŋmɩaŋ-la sɛnɛ diiba nɛ.