SƖPAALAARAA 9:24 - WƖA TENIŊ

²⁴ Wɩa ŋaa wɩɩŋ deeŋ a tɩŋ wʋbɔŋ-la ba sɩ joŋo ŋaa Gɩdɩɔŋ hambolibiisi-la mahɩŋ batori arɩ fii lɛ nɛ a kpʋba, dɩ ʋ to ŋɩɩ lɛ a joŋ ʋ baanɩŋ a fɩɩsɛ ba naambie Abɩmɛlɛk arɩ Sɛkɛm tɩmma-la sɩ pɛ ʋ lɛ ba kpʋ ʋ naambiiriŋ.

SƖPAALAARAA 9:24 ပူးပေါင်းရင်းမြစ်များ

1 KUOROO 2:32

La TƖƖNA jaŋ joŋ nɩalɩŋ balɩa Jʋab sɩ kpʋa, ka mɩ nyɩmma Devit jɩma tuo chɩmɩŋ a tiŋ ʋ lɛ. Nɩalɩŋ kala balɩa fa kpɩaʋ: Nɛɛ nanʋala Abɩna fa sɩ ŋaa Iziral tɩŋŋaa laalɩyuoroo nɩhɩaŋ arɩ Jɛta nanʋala Amasa ma fa sɩ ŋaa Juda nɩaa laalɩyuoroo nɩhɩaŋ.

1 KUOROO 2:33

A leŋ dɩ nɩalɩŋ Jʋab sɩ kpʋa cheeriŋ nyʋa ʋ dɩ ʋ doho nɩaa nyuŋ lɛ a kaa mʋ wuu, aŋ ka dɩ La TƖƖNA leŋ dɩ Devit arɩ ʋ doho nɩaa, arɩ ba kuoruŋ wɩaa vɩvɛŋ woruŋ a kaa mʋ wuu.”

ƐSƖTA 9:25

Ama Ɛsɩta sɩ sii mʋ kuoro Zɛzɛs teeŋ a sʋlʋ dɩ ʋ laa ʋ dɩ ʋ nɩaa ta, kuoro ŋmʋnsɛ teniŋ a pa wombiiŋ dɩ ba leŋ dɩ wʋbɔŋ-la Hamaŋ fa sɩ bɩɩna dɩ ʋ ŋaa Juu tɩŋŋaa lɛ, mɩɩra nyʋa Hemaŋ tɩtɩa nyuŋ lɛ, dɩ ba kɛsɛ ʋ dɩ ʋ biiriŋ fii a lieŋi ba jebii-la ʋ sɩ saa lɛ.

WƖA YƖƖLAA 7:16

Wɩalɩŋ ba sɩ hɛ yie gʋra nyʋa ba nyuŋ lɛ. Ba tɩtɩa wʋbɔŋŋɔɔ nɛ gʋra yɛrɛ ba nyuŋ.

WƖA YƖƖLAA 7:17

Mɩ jaŋ lɔllɛ La Tɩɩna a tɩŋ ʋ tʋɔpʋla wɩaa, a yɩɩ yɩɩlaa a dɛnnʋ, ʋ nɛ kɩɩ kʋŋkala.

NAMBABA 35:33

Má sɩ́ nɩaa kpʋ a ŋaa disiniŋ hɛ tintee-la ma sɩ hɔnɔ lɛ. Dɩ ma nɛ ŋaa ŋɩɩ, ma bɩ jaŋ wuo pɩɩsɛ tintee-la disiniŋ ta, see dɩ ma kpʋ nɩkpʋʋrʋ-la.

MOSIS BƖRA WULLI WƖA WOMBIIŊ 27:25

‘La TƖƖNA ŋmɩaŋ jaŋ dii nɩɩ-la kala sɩ laa kpalaa aŋ kpʋ nʋʋ sɩ bɩ wɩɩ cheye.’ Nɩalɩŋ kala jaŋ laa bʋl, ‘Amɩɩ.’

SƖPAALAARAA 1:7

Bɛzɛk kuoro bʋl, “Mɩ keri kuoroo mahɩŋ batori arɩ fii nenii-baalaa arɩ naanii-baalaa nɛ, ka ba gbiene paa kʋdii-munoo mɩ teebʋl bʋbʋɔŋ. Lɛɛlɛ Wɩa joŋ wɩɩ-la mɩ sɩ ŋaa ba lɛ chɩmɩŋ nɛ a tiŋ mɩ lɛ.” Ŋɩɩ nɛ ba kɛnʋ kaa mʋ Jerusalɛm, ʋ sʋʋ nɩmɛ.

SƖPAALAARAA 9:25

Sɛkɛm tɩŋŋaa hɛ nɩaa nɛ ba mʋ faa dundolluŋ nyuŋ dɩ ba kɛŋ Abɩmɛlɛk, dɩ nʋʋkala ma nɛ kʋ to lee-la a mʋmʋ, ba yie kɛŋ tɩɩna nɛ a laa ʋ kɩaa. Ŋɩɩ nɛ nʋʋ bʋl wɩɩ-la pɩ Abɩmɛlɛk.

1 SAMƲƐL 15:33

Ama Samʋɛl bʋl, “Ŋ sɩ kpʋ nɩaa biiriŋ, ka ba naamba hɔŋ arɩ na-hɩllɩŋ ŋɩɩ, ŋ naaŋ ma jaŋ hɔŋ arɩ na-hɩllɩŋ.” Ŋɩɩ nɛ aŋ kpʋ Agag La TƖƖNA sɩpaaŋ Gɩlɩgal lɛ.