SƖPAALAARAA 8:33 - WƖA TENIŊ

³³ Gɩdɩɔŋ sʋʋŋ harɩŋ lɛ, Iziral tɩŋŋaa bɩra mɩɩra tuto vesi-la ba sɩɩ yɩrɛ Baal nɛ, a joŋ Baal Bɛrɩf ʋ ŋaa ba vene ba kpʋkpaarɛ,

SƖPAALAARAA 8:33 ပူးပေါင်းရင်းမြစ်များ

2 KUOROO 12:2

Jʋas mɩɩsɩŋ kala lɛ, ʋ fa ŋaa wɩalɩŋ sɩɩ tɔrɛ La TƖƖNA tʋɔŋ nɛ, bɛɛ wɩaa, Wɩɩsʋllɩ sɩpaalaara Jehoyada nɛ faa dagʋ.

JƐRƖMAAYA 23:27

Ba bɩɩna ba sɩ bʋl duosoo wɩaa pɩpɩ dɔŋɔ ŋɩɩ jaŋ leŋ dɩ mɩ nɩaa yʋ mɩ wɩaa, arɩ ba naabalɩmaba sɩ kpaarɛ vene-la ba sɩɩ yɩrɛ Baal a yʋ mɩ wɩaa ŋɩɩ.

JƐRƖMAAYA 3:9

Iziral tɩŋŋaa fa sɩ bɩ wʋchɔrʋmɔɔ ŋaanɩŋ joŋo dɩ ʋ ŋaa wʋbɔŋ ŋɩɩ, ba kpʋkpaarɛ tabɩaa arɩ tɩɩsɩŋ a ŋaa disiniŋ a hɛ tintee-la lɛ.

JOSUA 24:31

Josua mɩɩsɩŋ kala lɛ, Iziral tɩŋŋaa fa to La TƖƖNA nɛ woruŋ. Ʋ sʋʋŋ harɩŋ ma, nɩhɩasɩ-la kala sɩ hɛ ba mɩɩsɩŋ lɛ a na wɩalɩŋ La TƖƖNA sɩ ŋaa pɩ Iziral tɩŋŋaa, ba mɩɩsɩŋ kala lɛ Iziral tɩŋŋaa fa ha to Wɩa nɛ.

SƖPAALAARAA 10:6

Iziral tɩŋŋaa bɩra ŋaa wʋbɔŋ La TƖƖNA teeŋ. Baa to vesi-la ba sɩɩ yɩrɛ Baal, Asɩtɔrɛf arɩ Aram tɩŋŋaa vesiŋ, Sɩdɔŋ tɩŋŋaa vesiŋ, Mʋab tɩŋŋaa vesiŋ, Amɔŋ tɩŋŋaa vesiŋ arɩ Fɩlɩsɩtɩa tɩŋŋaa vesiŋ. A tɩŋ Iziral tɩŋŋaa sɩ vɩa La TƖƖNA, a bɩra bɩ ʋ ka to wɩaa,

SƖPAALAARAA 2:12

Ba vɩa La TƖƖNA nɛ, ba naabalɩmaba Wɩa sɩ kɛmba kaa kʋ lɩɩ Ijipiti tinteeŋ lɛ, aŋ kpʋkpaarɛ nɩalɩŋ sɩ golliba vesiŋ. Ba ŋaa La TƖƖNA baanɩŋ sii nɛ,

SƖPAALAARAA 2:17

Ama Iziral tɩŋŋaa vɩa dɩ ba to sɩpaalaara-la niiŋ, aŋ ha joŋ ba tɩtɩa a hɛ vesiŋ lɛ a kpʋkpaarɛba. Doho deeŋ nɩaa-na fa bɩ ba nyɩmmaba naga, ba nyɩmmaba fa sɩɩ to La TƖƖNA niiŋ wɩaa ŋɩɩ. Ba-na guu vɩa ba kala nɛ.

SƖPAALAARAA 2:19

Ama dɩ sɩpaa-laarʋ-la nɛ sʋba, nɩalɩŋ yie bɩra vɩa La TƖƖNA nɛ aŋ mʋʋ to wombie-la sɩ bɔmɔ kɩɩ wombie-la ba nyɩmmaba fa sɩɩ to, a tuto vesiŋ a kpʋkpaarɛba. Ba vɩa dɩ ba joŋ ba wʋbɔmɔ-la arɩ ba nyu-duo-la a ta nɛ.

SƖPAALAARAA 3:7

Ŋɩɩ nɛ Iziral tɩŋŋaa ŋaa wʋbɔŋ La TƖƖNA teeŋ, ba yʋ La TƖƖNA wɩaa aŋ tuto vesi-la ba sɩɩ yɩrɛ Baal arɩ Asɩra.

SƖPAALAARAA 8:27

Gɩdɩɔŋ kɛŋ sɛlɩmɛ-la libi gɛrɩ-laala-daŋɩŋ, ʋ ŋaa vene, a bil ʋ jaŋ Ɔpɩra lɛ. Iziral tɩŋŋaa kala suomo kpʋkpaarʋ nɩmɛ. Ʋ ŋɩɩ ŋaa bɛrɛ a pɩ Gɩdɩɔŋ arɩ ʋ dɩa nɩaa kala.

SƖPAALAARAA 8:32

Jʋas nanʋala Gɩdɩɔŋ fa hɩɛsa nɛ woruŋ aŋ sʋʋ. Ba hugu ʋ nyɩmma Jʋas bʋa-la sɩ hɛ Ɔpɩra lɛ, Abieza tɩŋŋaa tinteeŋ.

SƖPAALAARAA 9:27

Tɩɩ-nɛnɛ-la ba sɩɩ yɩrɛ girep tɔrʋŋ sɩ yie, Sɛkɛm tɩŋŋaa kala lɩɩ mʋ ba tɩɩnɛnɛɛ bagɩsɩŋ, a tɔrɔ paa hɛ bʋɔsʋŋ lɛ a chagɛ ba lɩɩŋ a kaa ŋaa sɩnɩŋ. Ŋɩɩ nɛ ba jʋʋ ba vene dɩa a gbigbieli, a dii kɩaa aŋ nyʋnyʋa kɩaa, aŋ tʋtʋʋsɛ Abɩmɛlɛk.

SƖPAALAARAA 9:4

Ba sii mʋ ba vene Baal-Bɛrɩf dɩa, a lɩɩsɛ warɩpʋla mahɩŋ batori arɩ fii a kaa kʋ pɩ Abɩmɛlɛk. Ʋ kaa mʋ yɔɔ nɩtɔɔnʋŋ ba ŋaa ʋ harɩ-tooroo.

SƖPAALAARAA 9:46

Sɩpaalaara-la sɩ hɛ Sɛkɛm dɩɩ-leŋii-la lɛ sɩ nɩɩ wɩɩŋ deeŋ, ba sii fá jʋʋ ba vene Ɛl-Bɛrɩf dɩa sɩpaaŋ a faa.